Yangiliklar

5-noyabr kuni Toshkentda Osiyo taraqqiyot bankining (OTB) Oʻzbekiston bilan hamkorlik strategiyasi taqdimoti bo‘lib o‘tdi. OTBning mintaqaviy hamkorlik bo‘yicha mutaxassisi Begzod Djalilov strategiya bo‘yicha rejalar haqida Kursiv Uzbekistan muxbiri bilan suhbatlashdi.

Inson resurslari va iqtisodiy barqarorlikni rivojlantirish

«Osiyo taraqqiyot banki Oʻzbekistonda loyihalarni rejalashtirish va amalga oshirishda strategik yoʻnalishlarga asoslanib ish olib boradi. Har besh yilda besh yillik strategiya qabul qilinadi, bu hamkorlik strategiyasi deb ataladi. Oʻzbekiston bilan navbatdagi strategiyamiz 2024 – 2028-yillarni oʻz ichiga oladi», – deydi OTBning vakili.

Begzod Djalilov so‘zlariga ko‘ra, bu strategiya uchta asosiy yoʻnalishga qaratilgan. Birinchisi, yashil iqtisodiyotga oʻtish jarayoniga koʻmaklashish...

AQSh prezidentligiga nomzod Donald Tramp Jorjiya va Shimoliy Karolina shtatlarida Kamala Xarrisni ortda qoldirdi. Bu haqda Reuters xabar berdi.

The New York Times respublikachilarning katta ehtimol bilan gʻalaba qozonishini taxmin qilmoqda. Nashr prognoziga koʻra, Tramp gʻalaba qozonish uchun 302 saylovchining qoʻllab-quvvatlashini olishi mumkin. Gʻalaba qozonish uchun 270 yetarli boʻladi

Pensilvaniya, Michigan va Viskonsindagi ovoz berish natijalari respublikachi foydasiga hal bo‘ldi.

Saylov byulletenlarining yarmiga yaqini sanalgan Arizonada ovozlar deyarli teng taqsimlandi, Donald Tramp biroz oldinda. Kamala Xarris Kolorado va Nyu-Meksikoda yetakchilikka ega.

Ovozlarni sanash davom etmoqda.

Avvalroq Kursiv Uzbekistan AQShdagi prezidentlik saylovi fonida Oʻzbekistonda bitkoin narxi $75 mingdan oshgani...

Joriy yilning 5-noyabr kuni «Aholiga psixologik yordam ko‘rsatish to‘g‘risida» (O‘RQ-989-son) qonun qabul qilindi.

Qayd etilishicha, mazkur qonun aholiga psixologik yordam ko‘rsatish sohasidagi munosabatlarni tartibga solishga qaratilgan. Psixologik yordam davlat organlari, xususiy tashkilotlar yoki yakka tartibdagi tadbirkorlar tomonidan pullik yoki bepul asosda ko‘rsatiladi.

Shuningdek, ushbu yordam ta’lim muassasalarida o‘quvchilarning ruhiy salomatligini saqlash va sog‘lom psixologik muhitni ta’minlash uchun joriy qilinadi. Sohaviy tadqiqotlarga jalb etish faqat ixtiyoriy yozma rozilik bilan amalga oshirilishi belgilangan.

Mazkur hujjatga ko‘ra, faqatgina psixologiya bo‘yicha oliy ma’lumotga ega shaxslar psixologik yordam ko‘rsatish huquqiga ega bo‘lishadi. Qonunga ko‘ra, psixologik yordam natijalari va jarayonida olingan ma’lumotlar...

AQShda prezidentlik saylovlari fonida O‘zbekistonda bitkoin kriptovalyutasining narxi $75 mingdan oshdi. Bu token uchun tarixiy rekord hisoblanadi.

Toshkent vaqti soat 11:40 holatiga ko‘ra, Uznex birjasida 24 soat ichida bitkoin narxi 7,42 foizga oshganini ko‘rish mumkin. O‘z navbatida, xorijiy kriptobirjalarda ham narxi o‘sishga erishdi. Binance platformasida 24 soat ichida bitkoin 8,8 foizga oshib, $74,6 ming tashkil qilmoqda.

Shuningdek, boshqa kriptovalyutalarning narxi ham sezilarli o‘sishga erishdi. Misol uchun, Uznex’da ethereum 7 foizga o‘sib, $2,6 mingga yetdi, toncoin 2,6 foizga oshib, $4,8 ni tashkil qildi.

Kriptovalyutalarning o‘sishiga Donald Tramp o‘zining saylovoldi dasturida kriptobiznesni qo‘llab-quvvatlashni saylovoldi chiqishlaridan birida va’da qilgani sezilarli ta’sir ko‘rsatdi.

O‘zbekistonning Jizzax viloyatini so‘nggi yetti yil davomida boshqarib kelgan Ergash Saliyev ushbu lavozimga qayta tasdiqlandi, deb xabar qildi viloyat hokimligi.

Saliyev 1956-yilda tug‘ilgan. Samarqand davlat universitetida oliy ma’lumot olgan, Belarus davlat universitetining aspiranturasini tamomlagan.

2000-yillarda Saliev Jizzax viloyati Paxtakor tumaniga rahbarlik qilgan. 2012 – 2016-yillarda Jizzax politexnika instituti rektori lavozimida ishlagan.

Saliyev 2016-yilda Arnasoy tumaniga, 2017-yilda esa Jizzax viloyatiga hokim etib tayinlangan edi.

Avvalroq Kursiv Uzbekistan nashri O‘zbekistonning Samarqand viloyatiga kim rahbar etib tayinlangani haqida yozgan edi.

AQSHda bo‘lib o‘tayotgan prezidentlik saylovi poygasida Donald Tramp yetakchilik qilmoqda. Bu haqda Euronews ma’lum qildi.

Unga ko‘ra, saylov natijasini Arizona, Jorjiya, Viskonsin, Pensilvaniya, Nevada, Nebraska va Michigan shtatlari hal qiladi.

Eslatib o‘tamiz, qaysi nomzod birinchi bo‘lib 270 ta ovoz olsa, o‘sha g‘olib bo‘ladi. Bu ko‘rsatkichga Donald Tramp juda yaqin turibdi – 230 ta. Kamala Harrisda esa hozircha 209 ta ovoz.

Ma’lumot uchun, saylovchilar AQShning keyingi prezidenti, Vakillar palatasining barcha 435 o‘rinlari va Senatning uchdan bir qismini aniqlab beradi.

Avvalroq AQShda prezidentlik saylovi boshlangani haqida yozgan edik.

Kecha, 5-noyabr kuni Toshkentda aralash jang san’ati turlari (MMA) boʻyicha yoshlar va kattalar oʻrtasidagi jahon chempionati boshlandi. Bu haqda Milliy olimpiya qoʻmitasi (MOQ) axborot xizmati xabar berdi.

Musobaqaga 70 ta mamlakatdan sportchilar tashrif buyurgan bo‘lib, musobaqaning birinchi kunida barcha vazn toifalarida saralash bahslari oʻtkazildi.

Turnirning rasmiy ochilishi Humo Arena muz saroyida, 9-noyabr kuni soat 16:00 da o‘tkazilishi rejalashtirilgan.

Eslatib o‘tamiz, avvalroq Kursiv Uzbekistan avgust oyida Toshkentda 2025-yilgi Osiyo oʻsmirlar oʻyinlari uchun Olimpiya shaharchasini jihozlash ishlari boshlangani haqida xabar bergan edi.

Joriy yilning 6-noyabr kuni Qamchiq dovonida ko‘chki yuzaga keldi. Bu haqda Favqulodda vaziyatlar vazirligi matbuot xizmati xabar berdi.

Holat tongi soat 4:55 larda A-373 avtomobil yo‘lining Qamchiq dovonidan o‘tuvchi 238,5 kilometrida kuzatilgan.

Qayd etilishicha, yog‘ingarchilik natijasida namlanish hisobiga nomustahkam tosh-tuproq aralashmasi ko‘chkisi kuzatilgan.

«Ko‘chki yo‘lning xandaq qismiga tushgan bo‘lib, harakat xavfsizligiga ta’sir yetmagan, shuningdek, hodisa natijasida tan jarohati olganlar yo‘q», – deyiladi xabarda.  

Eslatib o‘tamiz, avvalroq Kursiv Uzbekistan 2024-yil 18-sentabr kuni burg‘ilash va portlatish ishlari amalga oshirilishi munosabati bilan «Qamchiq» dovonida transport harakati cheklanishi haqida xabar...

Uzbekistan Airways’ning 5-noyabr, seshanba kuni Toshkentdan Nyu-Yorkka uchayotgan samolyoti Kanadada majburiy qoʻnishni amalga oshirdi. Bu haqda aviakompaniya matbuot xizmati xabar berdi.

HY101 reysi yo‘nalishni o‘zgartirdi, bunga yo‘lovchi ayolning muddatidan oldin tug‘uruq jarayoni sabab bo‘ldi. Samolyot komandiri eng yaqin aeroportga qo‘nishni to‘g‘ri deb topdi va Kanada hududidagi Goose Bay aeroportiga qo‘ndi.

Ayolga mahalliy shifokorlar yordam berdi. Uni kasalxonaga yotqizishdi.

Uzbekistan Airwaysʼning samolyoti qoʻnishdan taxminan bir yarim soat oʻtib Kanadadan uchib ketdi.

Bir kun ichida Uzbekistan Airwaysʼning Nyu-Yorkka uchayotgan reysi ikkita kutilmagan vaziyatga duch keldi.

Avvalroq Kursiv Uzbekistan seshanba kuni ertalab samolyot qaytadan joʻnab ketgan aeroportga qaytishga majbur boʻlganini...

Bugun, 6-noyabr kuni Qoraqalpog‘iston Respublikasi va Xorazm viloyatidan tashqari har bir viloyatda yog‘ingarchilik kuzatiladi. O‘rtacha havo harorati 10-15 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi va kun davomida yomg‘ir yog‘adi. Harorat kunduzi va kechasi 13-15 daraja iliq bo‘ladi.

Tog‘li hududlarda ham yomg‘ir va qor yog‘ishi ehtimoli bor. Tuman tushadi va ba’zi hududlarda sel-suv toshqin hodisalari yuzaga kelishi mumkin.

Shavkat Mirziyoyev ijtimoiy himoyaga muhtoj bolalarni tarbiyalash va nogironligi bo‘lgan shaxslarni sportga jalb etish masalalariga bag‘ishlangan takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, agar kam ta’minlangan oilalarning ota-onalari ish bilan ta’minlansa, bog‘cha xarajatlari qoplanadi. Bu «Qashshoqlikdan farovonlik sari» dasturida ko’zda tutilgan bo‘lib, unda ota-ona qaramog‘isiz qolgan bolalar uchun oilaviy muhitni saqlash ustuvor vazifa bo‘ladi.

Bolalar homiylik yoki farzandlikka olish yo‘li bilan homiylikka beriladi, ixtisoslashtirilgan muassasalarga joylashtirish esa oxirgi chora bo‘ladi.

Shuningdek, mehribonlik uylarida farzandlaridan voz kechishni rejalashtirayotgan ayollar uchun maxsus bo‘limlar tashkil etiladi. Ularga ijtimoiy, huquqiy, psixologik va tibbiy yordam ko‘rsatiladi. Onalik...

Qirgʻiziston Markaziy va Janubiy Osiyoni bogʻlovchi eng yirik transmintaqaviy elektr uzatish liniyasini yaratishga qaratilgan energetika infratuzilmasi ob’yektlarini qurishni yakunladi. Bu haqda mamlakat milliy elektr tarmog‘i ma’lum qildi.

Unga ko‘ra, loyihada Qirg‘iziston, Tojikiston, Afg‘oniston va Pokistonto‘rt davlat ishtirok etmoqda. 2021-yildan buyon pudratchilar «Datka» nimstansiyasini kengaytirib, 456 km masofaga 1,2 mingdan ortiq ustunlar va osilgan simlarni o‘rnatdi.

Loyihaga asosiy infratuzilmani qurish bilan bir qatorda ijtimoiy investitsiyalar ham kiritilgan. Pudratchi tomonidan elektr tarmoqlari yangilandi, yangi ustunlar o‘rnatildi, elektr tarmog‘i bo‘yida joylashgan aholi punktlarida ijtimoiy ob’yektlar qurildi.

Eslatib o‘tamiz, avvalroq Samarqand, Jizzax va Sirdaryodagi elektr tarmoqlar boshqaruviga xususiy operatorlar jalb etilishi haqida...

Shavkat Mirziyoyev amaliy tashrif bilan Qirg‘izistonga keldi. Bu haqda davlat rahbari matbuot xizmati ma’lum qildi.

Unga ko‘ra, «Manas» xalqaro aeroportida prezidentni Qirg‘iz Respublikasi Vazirlar mahkamasi raisi Aqilbek Japarov va boshqa rasmiylar kutib oldi. Tashrif doirasida ertaga davlat rahbari Turkiy davlatlar tashkilotining navbatdagi sammitida ishtirok etadi.

Eslatib o‘tamiz, avvalroq Shavkat Mirziyoyev Narendra Modi bilan uchrashgan edi.

2024-yilning birinchi yarmida kompaniya Moliyaviy hisobotning xalqaro standartlari (MHXS) boʻyicha 2,1 trillion soʻm miqdorida sof foyda oldi. Oraliq konsolidatsiyalashgan hisobot kompaniyaning rasmiy veb-saytida e’lon qilindi. Bu yilgi natija oʻtgan yilning shu davridagi 422 milliard soʻmlik koʻrsatkichdan sezilarli darajada yuqori boʻlib, sof foyda besh barobarga oshdi.

Umumiy tushum va boshqa daromadlar 15,7 trillion soʻmni tashkil etib, oʻtgan yilgi 14 trillion soʻmlik koʻrsatkichdan oshdi. Umumiy xarajatlar esa 11,7 trillion soʻm boʻlib, oʻtgan yilgi 10,9 trillion soʻmlik koʻrsatkichdan yuqori boʻldi, biroq tushumning oʻsishiga nisbatan kamroq oshdi. Moliyaviy daromadlar 1,26 trillion soʻmga yetdi (2023-yilda 466 milliard soʻm edi). Shu bilan birga, ushbu turdagi xarajatlar ham...

Rajab Toyyib Erdo‘g‘an Bishkekda Qirg‘iziston prezidenti Sadir Japarovga Turkiyada ishlab chiqarilgan Togg elektr avtomobilini sovg‘a qildi. Bu haqda Daily Sabah nashri ma’lum qildi.

Unga ko‘ra, Japarov Turkiya rahbariga ot sovg‘a qildi. Bu Qirg‘izistondan Erdo‘g‘anga ikkinchi marta ot sovg‘a qilishi bo‘ldi.

Erdo‘g‘an Qirg‘izistonga ikki turkiy davlat o‘rtasidagi ikki tomonlama aloqalarni rivojlantirish bo‘yicha yirik hamkorlik bitimlarini imzolash va chorshanba kuni bo‘lib o‘tadigan Turkiy Davlatlar Tashkiloti sammitida ishtirok etish uchun tashrif buyurdi.

Eslatib o‘tamiz, avvalroq Mirziyoyev Qozon shahrida Erdog‘an bilan uchrashgan edi.

Iqtisodiyot va moliya vazirligi tomonidan yillik moliyaviy hisobotlarni topshirishning aniq muddatlari toʻgʻrisida nizom qabul qilindi.

Maʼlum qilinishicha, BHMSga asosan tuzilgan yillik moliyaviy hisobot keyingi yilning 1-martidan kechiktirmay, MHXSga asosan tuzilgan yillik moliyaviy hisoboti esa hisobot yilidan keyingi yilning 1-mayidan kechiktirmay taqdim etiladi.

Shuningdek, amaldagi qonunchilikka koʻra, BHMSga asosan tuzilgan yillik moliyaviy hisobot hisobot yilidan keyingi yilning 15-fevralidan kechiktirmay taqdim etilish belgilangan boʻlib, endilikda tadbirkorlik subyektlariga yengillik yaratish maqsadida ushbu muddat 1-mart qilib belgilandi.

Avvalroq «Kursiv» Oʻzbekistonda moliyaviy xizmatlarni raqamlashtirish oʻsib borishi haqida xabar bergan edi.

Davlat xavfsizlik xizmati (DXX) tomonidan Toshkent viloyatida korrupsiyaga qarshi kurash doirasida majbuiry ijro byurosi (MIB), soliq va bojxona xodimlari pora bilan qo‘lga olindi. Bu haqda DXX matbuot xizmati xabar berdi.

Qayd etilishicha, Qibray tumani MIB xodimi hibsga olingan mol-mulklarni davlat auksioniga qo‘ymaslik evaziga fuqarodan $5 ming talab qilgan. U oldindan $2 ming olgan va $3 ming olayotgan vaqtida qo‘lga olingan.

Shuningdek, Zangiota tumani soliq inpeksiyasi bo‘lim boshlig‘i vazifasini bajarayotgan mansabdor ham korxonaga «rahnamolik» qilish hamda ushbu korxonada bir yil davomida tekshiruv o‘tkazmaslik evaziga $1,2 ming olayotgan vaqtida qo‘lga olingan.

Yana bir holat Toshkent viloyati bojxona boshqarmasining «Yallama» chegara bojxona...

5-noyabr kuni O‘zbekiston Respublikasi valyuta birjasida dollarning rasmiy kursi 15,14 so‘mga pasayib, 12 774,98 so‘mni tashkil etdi.

Moliya institutlari dollarni 12 730 – 12 770 so‘mdan xarid qilishmoqda va 12 800 – 12 850 so‘mdan sotishmoqda.

Avvalroq Kursiv Uzbekistan mamlakatda AQSh valyutasining narxi 4-noyabr kuni qanday o‘zgargani haqida yozgan edi.

Joriy yilning 1-noyabr holatiga ko‘ra, pensiya olayotgan 100 yoshga toʻlgan va undan oshgan fuqarolar soni 490 nafarni tashkil qiladi. Bu haqda Pensiya jamgʻarmasi axborot xabar berdi.

Taʼkidlanishicha, shundan 121 nafari erkak boʻlsa, 369 nafar ayol kishilar hissasiga toʻgʻri keladi.

Hududlar kesimida 100 yoshdan oshgan pensiya oluvchilar Qashqadaryo (78 nafar), Surxondaryo (68 nafar) va Fargʻonada (51 nafar) viloyatlarida koʻpchilikni tashkil qiladi. Oʻz navbatida 100 yoshdan oshgan eng kam pensiya oluvchilar Navoiy (10 nafar), Sirdaryo (11 nafar) va Jizzax viloyatlarida qayd etilgan.

Poytaxt Toshkent shahrida esa 100 yoshdan oshgan pensiya oluvchilar soni 28 nafarni tashkil qiladi.

Eslatib oʻtamiz, 1-sentabrdan pensiya...

Joriy yilning 1-noyabr kuni Hukumatning 731-son qarori bilan Zulfiya nomidagi Davlat mukofotiga nomzodlarni tanlash va hujjatlarini topshirish tartibi haqidagi nizom tasdiqlandi.

Mazkur hujjatga ko‘ra, Zulfiya nomidagi Davlat mukofotiga nomzodlarni saralash, hujjatlarni rasmiylashtirish va nomzodlarning yutuqlarini, ilmiy-ijodiy va amaliy ishlarini baholash mezonlari aniqlandi.

Nomzodlar quyidagi 8 yo‘nalishda – fan, ta’lim, adabiyot, madaniyat, san’at, sport, axborot texnologiyalari va jamoatchilik faoliyati bo‘yicha tanlov orqali saralanadi.

Mukofot ijtimoiy faolligi va iste’dodi bilan tengdoshlariga o‘rnak bo‘layotgan, 14-yoshdan 30-yoshgacha bo‘lgan qobiliyatli ayollarga o‘qish va mehnat faoliyatidagi yutuqlari uchun beriladi.

Saralash bosqichlari tuman (shahar) bosqichi – 2-sentabrdan 20-oktabrgacha, Qoraqalpog‘iston Respublikasi, viloyatlar va Toshkent shahar bosqichi...

Ulug‘bek Tavakkalov Madad Invest bank boshqaruv raisi lavozimidan yetti oydan so‘ng ozod etildi. Bu haqda O‘zbekiston Yagona korporativ axborot portalida xabar berildi.

Mehnat shartnomasi tomonlarning kelishuviga binoan bekor qilindi. Endi boshqaruv raisi vazifasini vaqtincha boshqaruv raisining birinchi o‘rinbosari Safarali Rahmatullayev bajaradi.

Tavakkalov Madad Invest bankda yetti oy rahbarlik qildi. Shu davrda bank rebrending jarayonini boshlagan. 2024-yil 1-oktabr holatiga ko‘ra, bank aktivlari 509 mlrd so‘mni tashkil etib, O‘zbekiston banklari orasida 31-o‘rindan joy oldi.

Kursiv Uzbekistan reytingiga ko‘ra, bank 27-o‘rinda joylashgan.

Avvalroq «Kursiv» O‘zbekistonda Mybank tashkil etilishi haqida xabar bergan edi.

Joriy yil 4-noyabr holatiga ko‘ra, propan narxi tonnasiga birdaniga 800 ming so‘mga qimmatlab, 9,6 mln so‘mdan oshdi.

Ba’zi shoxobchalarda propan yuqori 7,5 ming so‘m yoki 8 ming so‘m narxlarda sotilmoqda. Shuningdek, 80 markali benzin bilan ham shu kabi holat narxlar 8,2 – 8,8 ming so‘mni tashkil etmoqda.

Biroq faqat poytaxtda UNG Petro shoxobchalariga chiqarilayotgan 6,9 ming so‘mlik 80 markali benzin bir soat ichida tugamoqda, deb yozmoqda iqtisodchi Otabek Bakirov.

«Ertadan boshlab havoning keskin sovushi fonida yoqilg‘i ta’minotidagi taqchillik va qimmatchilik yanada kuchayishi mumkin», — dedi iqtisodchi.

Bundan tashqari, birja 92 markali benzin bo‘yicha...

1-noyabr kuni Vazirlar Mahkamasi tomonidan Oʻzbekistonda elektromobillarni quvvatlash stansiyalari sonini koʻpaytirish toʻgʻrisida qaror qabul qilindi.

Qarorga koʻra, 2025-yil 1-fevraldan boshlab davlat organlari, savdo va biznes markazlari, dam olish maskanlari, xalqaro va davlat ahamiyatidagi avtomobil yoʻllari boʻyidagi toʻxtash joylarining kamida 5 foizi elektr transport vositalarini quvvatlantirish stansiyalari bilan jihozlash belgilandi.

Shuningdek, koʻp qavatli uylar yaqinida, jumladan, ularga eng yaqin avtoturargohlarda maksimal quvvati 22 kVt boʻlgan stansiyalarni oʻrnatish rejalashtirilgan.

Umumiy hisobda 2025-yil oxirigacha Oʻzbekiston boʻylab 32,4 mingta shunday stansiyalarini oʻrnatish rejalashtirilgan. Davlat mulkida boʻlgan boʻsh yer maydonlarida stansiyalarni oʻrnatish uchun joylar «K-Savdo» tizimi orqali auksionga qoʻyiladi.

Avvalroq «Kursiv» Oʻzbekistonga sakkiz oy...

«Invest finans bank» AJning kredit xizmati reklama axborotida iste’molchilarni chalg‘ituvchi ma’lumot berilganligi sabab jamiyatga nisbatan jarima qo‘llanildi. Bu haqda Raqobat qo‘mitasi axborot xizmati xabar berdi.

Qayd etilishicha, jamiyat Toshkent shahrida joylashgan LED monitorli reklama obyektlarida e’lon qilingan «50 000 000 tanishlarsiz, 50 kun foizlarsiz, 5 yilga, ta’til uchun, ta’mirlash uchun, texnika uchun» mazmunidagi reklama ma’lumotlari berilgan.

Mazkur reklama yuzasidan qo‘mita tomonidan o‘rganish ishlari natijasida aniqlanishicha, Infin black kredit kartasi uchun 50 million so‘mgacha, 60 oyga, yillik 23,99 foizdan kredit ajratilishi belgilangan.

Shuningdek, ushbu kredit kartadan naqd pul yechish ikki foiz, kartadan kartaga pul o‘tkazish esa bir foiz, alohida belgilanadigan...