Yangiliklar

Jahon sog‘liqni saqlash tashkiloti (JSST) mamlakatlarga tamaki, alkogol va shakarli ichimliklar narxini kamida 50 foizga oshirishni tavsiya qildi.

Bu sog‘liqni saqlash tizimini mustahkamlash va surunkali kasalliklar oqibatidagi o‘lim holatlarini kamaytirishga qaratilgan «3 ga 35» tashabbusining asosiy maqsadi bo‘lib, 2025-yilgacha amalga oshirilishi mo‘ljallangan.

JSST ma’lumotlariga ko‘ra, yurak-qon tomir, saraton, diabet kabi yuqumli bo‘lmagan kasalliklar global o‘lim holatlarining 75 foizidan ortig‘iga sabab bo‘lmoqda. Bu kasalliklarning tarqalishida zararli oziq-ovqat mahsulotlari, tamaki va alkogol mahsulotlari asosiy omil sifatida qayd etilmoqda.

Hisob-kitoblarga ko‘ra, bunday mahsulotlarning narxini 50 foizga oshirish 50 yil ichida 50 million kishining bevaqt o‘limining oldini oladi. Shu bilan birga, ushbu...

Slovakiya o‘zbekistonlik yuk mashinasi haydovchilarini ishga taklif qilmoqda. Bu haqda Migratsiya agentligi xabar bermoqda.

Ma’lum qilinishicha, nomzodga ishga qabul qilingandan so‘ng kuniga 75 yevro ($88,4) maosh belgilanadi. Jami 30 ta ish o‘rni mavjud. Nomzodlar 20-50 yosh oralig‘ida bo‘lishi, rus va ingliz tilini yaxshi bilishi, kamida bir yillik ish tajribasiga ega, sog‘lom va mas’uliyatli bo‘lishi kerak.

Bundan tashqari, O‘zbekiston hududidan chiqishga taqiq bo‘lmasligi zarur. Ishga kiruvchi haydovchilarga viza xarajatlari, bonuslar, tibbiy sug‘urta, bepul turar joy va yangi haydovchilarni o‘qitish imkoniyati beriladi.

Shuningdek, aviachipta xarajatlari nomzod hisobidan amalga oshiriladi, lekin ish shartnomasi tuzilgach qoplab beriladi, ovqatlanish ham nomzod hisobidan bo‘ladi...

O‘zbekiston valyuta birjasi (UZCE) ma’lumotlariga ko‘ra, 3-iyul kuni dollar kursi 34,15 so‘mga pasayib, 12 557,56 so‘m qilib belgilandi.

Iyun oyining ikkinchi yarmiga qaraydigan bo‘lsak, 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 12,57 so‘mga pasayib, 14 809,13 so‘mni...

O‘zbekiston hukumatining qarori bilan nogironligi bo‘lgan shaxslarning bandligini ta’minlashga ko‘maklashuvchi tadbirkorlar va bandlik agentliklariga subsidiya ajratish tartibi belgilandi. Bu haqda yangi «Nogironligi bo‘lgan shaxslar bandligini ta’minlash va mehnat qilishini qo‘llab-quvvatlashni rag‘batlantirish tartibi» to‘g‘risidagi nizomda bayon etilgan.

Unga ko‘ra, ikki turdagi subsidiya joriy etiladi: bandlikka ko‘maklashish subsidiyasi hamda ish o‘rinlariga moslashtirish subsidiyasi. Bu imtiyozlar I va II guruh nogironlarni rasmiy band qilgan va kamida 3 oy davomida ularga har oy eng kam ish haqining 2 baravaridan kam bo‘lmagan miqdorda maosh to‘lagan tadbirkorlarga ajratiladi.

Bundan tashqari, ish joyida nogironlarga surdotarjimon, psixolog yoki hamroh xizmatini tashkil qilgan tadbirkorlar 50 million so‘mgacha subsidiyaga...

«Anorbank» bank aksioneri Qaxramonjon Olimovning Parijda o‘g‘irlab ketilishi bilan bog‘liq voqea yuzasidan rasmiy bayonot berdi.

Bank mazkur hodisa shaxsiy, korporativ bo‘lmagan xususiyatga ega ekanligini va bu bankning operatsion faoliyatiga aloqador emasligini ma’lum qilgan.

«Ushbu hodisa shaxsiy, korporativ bo‘lmagan xususiyatga ega bo‘lib, bankning operatsion faoliyatiga aloqador emas. «Anorbank» o‘z ishini odatdagi tartibda davom ettirmoqda – barcha bo‘limlar, xizmatlar va raqamli kanallar barqaror ishlayapti, joriy va strategik loyihalar tasdiqlangan rejalarga muvofiq amalga oshirilmoqda», – deyiladi bayonotda.

Bank tarqalgan ma’lumotlarga tushunib yondashgan va qo‘llab-quvvatlagan barcha mijozlar, hamkorlar va hamkasblarga minnatdorchilik bildiradi.

Avvalroq Kursiv Uzbekistan «Anorbank» aksioneri Qaxramonjon...

AQSh hukumati tomonidan xalqaro yordam dasturlarini amalga oshirib kelgan USAID agentligi rasmiy ravishda o‘z faoliyatini to‘xtatdi. Bu haqda BBC nashri xabar berdi.

Prezident Donald Tramp bu agentlikni «keraksiz xarajatlar»ga sabab bo‘lgan deb hisoblab, uning bosqichma-bosqich tugatilishini boshlagandi. 2025-yil mart oyiga kelib, USAID dasturlarining 80 foizdan ortig‘i bekor qilingan bo‘lsa, 25-iyun kuni qolgan qismi ham AQSh Tashqi ishlar vazirligiga o‘tkazildi.

USAID’ning yopilishi sobiq prezidentlar Barak Obama va Jorj Bush tomonidan keskin tanqid qilindi. Ular bu qarorni insonparvarlik missiyasiga zarba sifatida baholab, global miqyosdagi og‘ir oqibatlarga olib kelishini ta’kidladi.

Lancet tibbiyot jurnalida chop etilgan bir tadqiqotga ko‘ra, yordam dasturlarining to‘xtatilishi tufayli...

O‘zbekistonda ko‘chmas mulk savdolarini raqamlashtirish va ushbu sohadagi yashirin faoliyatni kamaytirish maqsadida yangi elektron hisob-kitob tizimi joriy qilinadi. Bu haqdagi qonun loyihasi Oliy Majlis Qonunchilik palatasi tomonidan ma’qullandi.

2010-yilda qabul qilingan amaldagi qonun o‘rnini bosuvchi yangi hujjatning asosiy maqsadlari sifatida ko‘chmas mulk bozorining shaffofligini ta’minlash, xaridorlar huquqlarini himoya qilish va sohadagi norasmiy faoliyatni kamaytirish belgilangan.

Qonun loyihasida eng muhim o‘zgarishlardan biri sifatida, ayni paytda norasmiy ravishda faoliyat yuritayotgan maklerlarga rasmiy maqom — «ko‘chmas mulk agenti» sifatida ishlashga ruxsat berilishi ko‘zda tutilmoqda. Bu esa ularning faoliyatini ochiqlashtirish va firibgarlik holatlarining oldini olishga xizmat qilishi kutilmoqda.

Shuningdek, bitimlar yuzasidan naqd pulsiz...

Shavkat Mirziyoyev Ozarbayjonga davlat tashrifining ikkinchi kunida Haydar Aliyev qo‘nim topgan Faxr xiyoboniga tashrif buyurdi. Bu haqda prezident matbuot xizmati xabar berdi.

O‘zbekiston rahbari Haydar Aliyev qabri poyiga gul qo‘yib, Ozarbayjonning buyuk davlat va siyosat arbobi xotirasiga hurmat bajo keltirdi.

Haydar Aliyev haqli ravishda mustaqil Ozarbayjonning asoschisi sifatida e’tirof etiladi. Davlat qurilishi va milliy suverenitetni mustahkamlashga qo‘shgan hissasi Ozarbayjon tarixida alohida o‘rin tutadi.

Bundan tashqari, Shavkat Mirziyoyev Boku shahridagi G‘alaba bog‘iga ham tashrif buyurdi. Davlat rahbari G‘alaba kuniga bag‘ishlangan yodgorlik poyiga gul qo‘yib, Ozarbayjon vatanparvarlari xotirasiga hurmat bajo keltirdi.

Ozarbayjon poytaxti markazida joylashgan ushbu zamonaviy yodgorlik majmuasi mamlakat ozodligi...

«Anorbank» aksioneri Qaxramonjon Olimov Parij markazida noma’lum shaxslar tomonidan o‘g‘irlab ketilgan va tovon puli to‘langach ozod qilingan. Bu haqda Le Monde nashri xabar berdi.

Xabarga ko‘ra, 48 yoshli moliyachi Parijga biznes hamkorlari bilan uchrashuv o‘tkazish maqsadida borgan. Ammo u yerda kutilmaganda garovga olingan va ikki kundan ortiq noma’lum joyda ushlab turilgan.

Tergov ma’lumotlariga ko‘ra, Olimov garovda bo‘lgan davrida jismoniy zo‘ravonlik va tahdidlarga duch kelgan. 25-iyun kuni u Parijdagi Hotel-Dieu shifoxonasida ko‘rikdan o‘tkazilgan. Shifokorlar uning tanasida ko‘plab ko‘karish va jarohatlar borligini qayd etgan, Olimov uyqusizlikdan ham shikoyat qilgan.

Manbalarga ko‘ra, jabrlanuvchini garovdan ozod qilish uchun ma’lum miqdorda pul to‘langan. Hozircha...

Kia kompaniyasi Xitoy bozorida 2026-yilgi yangilangan Kia Seltos krossoverini sotuvga chiqardi. Bu haqda ITHome nashri xabar berdi.

Yangi avtomobil 1-iyuldan 31-iyulgacha «yozgi maxsus narx» — taxminan $10,7 mingga sotuvga qo‘yiladi. Kia kompaniyasining yangi modellari mahalliy bozorga kirib kelganida bojxona va qo‘shimcha to‘lovlar evaziga qimmatroq bo‘lishi mumkin.

Yangi model an’anaviy eshik tutqichlariga va 17 dyuymli alyuminiy g‘ildiraklarga ega. Avtomobilning interyeri esa zamonaviy markaziy panelga ega bo‘lib, unda Kia Connect va Baidu Intelligent Connectivity 3.0 tizimlari bilan mos ikkita ekran joylashgan.

Avtomobil bir nechta ilg‘or xavfsizlik tizimlari bilan jihozlangan. Ular orasida piyoda, velosipedchi va chorrahadagi transport vositalarini aniqlay oladigan old...

Kia kompaniyasi 2026-yilgi yangilangan Kia Sportage PHEV krossoverini AQSh bozorida namoyish qildi. Bu haqda 32cars xabar bermoqda.

U ikki xil komplektatsiyada taqdim etilgan: X-Line (narxi $40,5 ming) va X-Line Prestige (narxi $47,1 ming). Bu narxlar yetkazib berish uchun alohida $1395 ni o‘z ichiga olmaydi. Har ikki versiya to‘liq yurituv tizimi (4WD) bilan jihozlangan.

X-Line Prestige komplektatsiyasida 12,3 dyuymli raqamli panel, LED tuman chiroqlari, old o‘rindiqlar uchun ventilyatsiya, orqa o‘rindiqlar uchun isitish tizimi, Harman Kardon audio tizimi va smartfon orqali ochiluvchi Digital Key 2.0 funksiyasi mavjud.

Avtomobil 1,6 litrli turbomotor va 72 kVt quvvatga ega elektromotordan iborat gibrid tizim bilan...

«Liverpul» futbolchisi, portugaliyalik hujumchi Diogu Jota Ispaniyaning g‘arbiy hududida ro‘y bergan yo‘l-transport hodisasi oqibatida vafot etdi. Bu haqda ispan nashri «Marca» xabar berdi.

Voqea tafsilotlari hozircha rasmiy tasdiqlanmagan, ammo nashrning yozishicha, Jota avtohalokat qurboni bo‘lgan. Futbolchi 28 yoshda edi.

Avvalroq Kursiv Uzbekistan Damashqdagi cherkovda terakt sodir etilgani haqida xabar bergan edi.

Xitoyda SAIC ishlab chiqargan Audi A5L Sportback avtomobilini sotuvga chiqishidan oldin xarid qilish imkoniyati taqdim etildi. Bu haqda CarNewsChina xabar bermoqda.

Modelning besh xil komplektatsiyasi mavjud bo‘lib, narxlari 260 ming yuandan 320 ming yuangacha ($36 ming – $44,7 ming) oraliqda.

A5L — Audi A5’ning Xitoy bozoriga mo‘ljallangan, uzunroq versiyasidir. Bu avtomobil Huawei Qiankun ADS tizimi bilan jihozlangan dunyodagi birinchi benzinli modeldir.

Avtomobilda 2 ta lidar, 11 ta HD kamera, 6 ta millimetr to‘lqinli radar va 12 ta ultratovushli sensor mavjud. Tizim avtomatik to‘xtash, shahar va magistral yo‘llarda avtopilotda harakatlanishni taqdim etadi. Shuningdek, to‘siqlardan qochish, adaptiv kruiz, chap burilish va yo‘l almashtirishni qo‘llab-quvvatlaydi.

Forbes nashrida e’lon qilingan reytingga ko‘ra, 2024-yilda rossiyalik milliarder Alisher Usmonovning dividendlardan tushgan daromadi 96,2 milliard rublni ($1,2 mlrd) tashkil etdi. Bu ko‘rsatkich bir yil ichida 20,4 foizga oshgan.

O‘tgan yilgi dividend daromadlari bo‘yicha rossiyalik milliarderlar reytingida Usmonov beshinchi pog‘onaga ko‘tarildi. 2023-yilda u to‘rtinchi o‘rinda bo‘lgan edi. Reytingni tuzishda Forbes soliqlar va komissiyalarni hisobga olmagan holda, to‘langan dividendlarning yalpi bahosiga asoslangan.

«Reytingdagi 50 nafar ishtirokchi va ular bilan bog‘liq shaxslarga foyda sifatida to‘langan umumiy dividendlar hajmi 2024-yilda qariyb 1,8 trillion rublni tashkil etdi», — deyiladi xabarda.

Dividendlardan eng katta daromad olganlar ro‘yxatida «Severstal» aksiyadori...

O‘zbekiston Adliya vazirligi tomonidan muallif Rahmatilla Xudoyberdiyevga tegishli musiqiy asarlardan «Sevimli» telekanali tomonidan ruxsatsiz foydalanilgani aniqladi.

Mazkur musiqalar bir nechta telenovellalarda muallif bilan hech qanday shartnoma tuzilmasdan ishlatilgan va Splay hamda YouTube platformalari orqali keng ommaga taqdim etilgan.

Holat yuzasidan Maʼmuriy javobgarlik to‘g‘risidagi kodeksning 177-1-moddasi asosida huquqbuzarlik bayonnomasi tuzilib, sudga yuborildi. Toshkent shahar jinoyat ishlari bo‘yicha Mirobod tuman sudi qaroriga muvofiq, «Sevimli» telekanaliga nisbatan jarima jazosi qo‘llanildi.

Ma’lumot uchun, O‘zbekiston qonunchiligiga ko‘ra, muallif huquqlari buzilgan taqdirda zarar o‘rnini qoplash o‘rniga, 20 baravardan 1000 baravargacha BHM miqdorida tovon undirish mumkin.

Avvalroq Kursiv Uzbekistan Disney Midjourney’ni sudga bergani haqida...

AQSh va Xitoy o‘rtasidagi savdo urushi hamda Turkiyada bodom hosilining nobud bo‘lishi O‘zbekiston bozorida bodom narxining keskin oshishiga sabab bo‘ldi. Bu haqda EastFruit mutaxassislari xabar berdi.

AQShning Xitoy mahsulotlariga bo‘lgan bojlarni oshirganidan so‘ng, Xitoy javoban AQShdan import qilinadigan qishloq xo‘jaligi mahsulotlariga 15 foizlik boj joriy etdi. Bu Kaliforniya uchun sezilarli zarba bo‘ldi, chunki u global bozorga bodom yetkazib beruvchi asosiy hududlardan biri bo‘lib, Xitoy bu bozorning eksport yo‘nalishlarida to‘rtinchi o‘rinda turadi.

Shu sababli, Xitoy bodom importchilari ushbu mahsulot uchun alternativ yetkazib beruvchilarga e’tibor qaratmoqda. Biroq joriy mavsumda global bozor vaziyatini yanada murakkablashtirayotgan omil — dunyodagi eng yirik bodom yetishtiruvchi...

O‘zbekiston prezidenti Shavkat Mirziyoyev jurnalistlar uchun o‘tkazilgan brifingda O‘zbekiston va Ozarbayjon birgalikda mini-futbol bo‘yicha jahon chempionatini o‘tkazishni rejalashtirayotganini ma’lum qildi. Bu haqda Azertag xabar berdi.

«Ozarbayjon va O‘zbekiston ushbu toifadagi futbol bo‘yicha jahon chempionatini birgalikda tashkil etishi uchun FIFAga birgalikda chiqishga qaror qildi», – dedi O‘zbekiston prezidenti.

Ozarbayjon mini-futbol terma jamoasi joriy yilning may oyi oxirida Bokuda o‘tkazilgan jahon chempionatida ilk bor g‘olib bo‘ldi. Final uchrashuvida ozarbayjonliklar vengriyaliklarni 4:2 hisobida mag‘lub etdi. Musobaqaning bronza medali serbiyalik futbolchilarga nasib etdi.

Umuman olganda, Ozarbayjon poytaxtida bo‘lib o‘tgan ushbu sport tadbirida 32 ta davlatning terma jamoalari...

1-iyul kuni Ozarbayjon poytaxti Boku shahridagi «Turk savdo markazi»da Made in Uzbekistan brendi ostida doimiy ishlaydigan shou-rum ochildi. Bu haqda Investitsiyalar, sanoat va savdo vazirligi xabar bermoqda.

Ochilish marosimida O‘zbekiston investitsiyalar, sanoat va savdo vaziri o‘rinbosari Xurram Teshabayev hamda Ozarbayjon iqtisodiyot vaziri o‘rinbosari Samed Bashirli ishtirok etdi.

1500 kvadrat metr maydonga ega shou-rumda elektrotexnika, to‘qimachilik, charm, qurilish materiallari va mebel mahsulotlari namoyish etilmoqda.

Tadbir yakunida «O‘zsanoatqurilishmateriallari» assotsiatsiyasi va Okuglu Holding kompaniyasi o‘rtasida kelishuv imzolandi. Unga ko‘ra, joriy yil oxirigacha O‘zbekistondan Ozarbayjonga 1 mln kvadrat metr kafel va keramogranit mahsuloti yetkazib beriladi.

Eslatib o‘tamiz, Kursiv Uzbekistan nashri Bokuda O‘zbekiston elchixonasining...

19 yoshli AQShlik bloger va uchuvchi Ethan Guo yetti qit’ani yakka holda aylanib uchish maqsadida parvoz qilayotgan edi. Biroq u Antarktidaga ruxsatsiz qo‘ngani uchun Chili hukumati tomonidan hibsga olindi, deya yozmoqda CNN.

Chili prokuraturasiga ko‘ra, Guo parvoz rejasini oldindan xabarsiz o‘zgartirib, Chili da’vo qiladigan hududda qo‘nish orqali bir nechta xalqaro va milliy qoidalarni buzgan. U Punta Arenas shahridan uchib chiqib, Rodolfo Marsh bazasiga ruxsatsiz yetib borgan.

Guo hozircha Antarktidadagi Chili sektorida qolmoqda. Sud tergov yakunigacha uni mamlakat hududida ushlab turishga qaror chiqardi. Guo bu parvozni «sinov parvozi» deb atagan.

Eslatib o‘tamiz, avvalroq Amerikalik YouTube-bloger Cleetus McFarland Chevrolet Spark avtomobilini...

Bir nechta banklar, yonilg‘i quyish shoxobchalari, mehmonxona va turagentliklarga reklama qonunchiligini buzgani uchun moliyaviy jarima qo‘llanildi. Bu haqda Raqobat qo‘mitasi xabar berdi.

Qo‘mita tomonidan o‘tkazilgan o‘rganishlar natijasida respublika bo‘yicha yigirmaga yaqin tadbirkorlik subyektlarining reklama faoliyatida qonun buzilishi holatlari aniqlangan. Bunda, asosan, internetdagi va tashqi reklama vositalaridagi kontentlar qonunchilikka zid bo‘lgan.

Hududlar kesimida qonun buzilishi aniqlangan ayrim subyektlar quyidagilardir:

Xiaomi kompaniyasi yangi Mijia 550L Side-by-Side muzlatkichini taqdim etdi. 550 litr hajmga ega bo‘lgan model JD.com’da $265 sotilmoqda. Bu haqda Gizmochina nashri ma’lum qildi.

Muzlatkich ikki kameraga bo‘lingan: 332 litrlik sovitish va 218 litrlik muzlatish bo‘limi. U invertorli sovitish texnologiyasi, antibakterial kumush ion moduli, havo sovitish tizimi va past energiya sarfi (yiliga 8,3% tejash) bilan ajralib turadi.

Eslatib o‘tamiz, avvalroq Xiaomi Mijia 271L uch eshikli muzlatkichini taqdim etgan edi.

Ozarbayjon Fan va ta’lim vazirligi tomonidan mamlakatdagi maktablarda rus tilida o‘qitishni to‘xtatish bo‘yicha rasmiy ma’lumot taqdim etilmagan. Bu haqda APA agentligi xabar berdi.

Vazirlik rasmiy bayonotida aytilishicha, davlatning ta’lim siyosati haqida xabar berishda faqat rasmiy manbalarga tayanish zarur. Mazkur masala yuzasidan hozircha hech qanday rasmiy ma’lumot taqdim etilmagan.

Avvalroq Kursiv Uzbekistan Ozarbayjonda rus tilida ta’lim beruvchi maktablar yopilayotgani haqida xabarlar tarqalgani haqida yozgandi.

Ijtimoiy tarmoqlarda ota-onalar maktablar bilan bog‘liq WhatsApp guruhlarida bu borada rasmiy bildirishnomalar olganini ma’lum qilmoqda, deya yozgandi Oxu nashri.

Iyun oyi mobaynida 136 milliard so‘mlik energiya resurslaridan noqonuniy foydalanilgan. Bu haqda «Oʻzenergoinspeksiya» xabar berdi.

Xabarga ko‘ra, iyun oyida iste’molchilar tomonidan energiya resurslaridan noqonuniy foydalanilgan 234 ta holat aniqlandi.

Mazkur holatlar natijasida 50,6 million kVt⋅soat elektr energiyasi (103 mlrd so‘m) va 12,4 million metr kub tabiiy gaz (32,6 mlrd so‘m) talon-toroj qilinishi oqibatida tizimga jami 135,7 mlrd so‘m zarar yetkazilgani qayd etildi.

Shuningdek, iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarliklar bo‘yicha 471 ta ma’muriy ish rasmiylashtirilgan. Bundan tashqari, tegishli hujjatlar huquqni muhofaza qiluvchi organlarga taqdim etilgan.

Avvalroq Kursiv Uzbekistan Qoraqalpog‘iston Respublikasi va Qashqadaryo viloyatida elektr energiya...

iPhone Fold nihoyat sinov bosqichiga kirdi. GSMArena nashrining xabariga ko‘ra, Apple iyun oyida bukiluvchi iPhone prototipini ishlab chiqib, uni tekshirishga kirishgan.

Prototip sinovlari 2025-yil oxirigacha yakunlanishi kutilmoqda. Shundan so‘ng, qurilma muhandislik sinov bosqichiga (EVT) o‘tadi. Agar hammasi rejadagidek kechsa, bukiluvchi iPhone 2026-yil sentabrda iPhone 18 seriyasi bilan birgalikda taqdim etiladi.

Hozircha Apple bukiluvchi iPad ustidagi ishlanmalarni to‘xtatgan. Sababi ishlab chiqarishdagi murakkabliklar va xaridorlar talabining pastligi.

So‘nggi ma’lumotlarga ko‘ra, bukiluvchi iPhone 7,8 dyuymli Samsung ishlab chiqargan OLED ekran bilan jihozlanadi. Kamera displey ostida joylashadi, Face ID bo‘lmaydi, lekin yon tomonda Touch ID bo‘ladi. Ekran bukilgan joyi deyarli ko‘rinmas bo‘lishi aytilmoqda...