Yangiliklar

Mashhur MMA jangchisi Mahmud Murodov Chexiyada uzoq yillar yashash imkoniyatidan mahrum bo‘ldi. Bu haqda Chexiyaning Aktuálně.cz nashri ma’lum qildi.

Ichki ishlar vazirligi ma’lumotlariga ko‘ra, u jinoiy muhit bilan aloqalari tufayli davlat uchun xavfli shaxs deb topilgan.

Mahmud Murodov 2011-yilda Chexiyaga kelgan edi. U oʻqish uchun kelgan, ammo ikkinchi yiliyoq MMA janglari orasida mashhurlikka erishib, janglarda ishtirok etishni boshlagan. So‘nggi paytlarda u Chexiyadagi eng nufuzli o‘yinni tashkil etuvchi Oktagon tashkiloti bilan hamkorlik qilayotgan edi.

Ichki ishlar vazirligi Uyushgan jinoyatchilikka qarshi kurash milliy shtabining maxfiy hisoboti asosida qaror qabul qildi. Unga koʻra, Murodov Bolqon uyushgan jinoyatchilik guruhi aʼzolari bilan uzoq muddatli...

Joriy yilning 5-sentabr kuni o‘tkazilgan matbuot anjumanida «O‘ztemiryo‘lyo‘lovchi» AJ rahbariyat tomonidan 2024-yil oxirigacha hamda kelgusi yilda amalga oshirilishi rejalashtirilayotgan ishlar haqida ma’lumotlar berildi.

Qayd etilishicha, joriy yil oxiriga kelib yana 28 ta yo‘lovchi vagonlarini xarid qilish hamda 2025–2026-yil oxirida esa, 40 ta yo‘lovchi vagonlarini xarid qilish rejalashtirilmoqda.

Bundan tashqari 2025-yilga kelib, ta’mirlash uchun mo‘ljallangan 168 ta vagonlarini 20 tasi ta’mirlanib yo‘lovchi vagonlari soni 338 taga yetkazilishi rejalashtirilgan. Shuningdek, 42 dona vagonlar ro‘yxatdan chiqariladi. Joriy yilning oktabr oyida «dizel poyezdi» qatnovga qo‘yilishi ham rejaga kiritilgan.

Ma’lumot uchun, bir yil davomida 28 ta yo‘lovchi vagonlari xarid qilingan hamda 92 ta yo‘lovchi vagonlarini...

Joriy yilning 5-sentabr kuni o‘tkazilgan matbuot anjumanida «O‘ztemiryo‘lyo‘lovchi» AJ bosh direktori Sharafiddin Kadirov aksiyadorlik jamiyatining daromadi oshgani haqida ma’lumotlar taqdim etdi.

Ma’lum qilinishicha, dastlabki 6 oy davomida «O‘ztemiryo‘lyo‘lovchi» AJning daromadi 533,1 mlrd so‘mni tashkil qiladi. Bu 2023-yilning mos davriga nisbatan 163,3 mlrd so‘mga oshgan.

2024-yilning dastlabki yarim yilligida «O‘ztemiryo‘lyo‘lovchi» AJning kunlik o‘rtacha tushum 3,3 mlrd so‘mni tashkil etadi. Ushbu ko‘rsatkich o‘tgan yilning ushbu davriga nisbatan 900 mln so‘mga ortiq.

Ma’lumot uchun, joriy yilning iyun oyiga kelib aksiyadorlik jamiyati tomonidan bir kunda o‘rtacha 28 ming nafar yo‘lovchi tashishga erishilgan.   

Avvalroq Kursiv Uzbekistan 24-sentabrdan Toshkent va Moskva oʻrtasida temir yoʻl qatnovi...

Samarqand shahrida fuqaro koʻp qavatli uyning 10-qavatiga noqonuniy ravishda basseyn qurgani aniqlandi. Bu haqda Qurilish va uy-joy kommunal xizmat koʻrsatish vazirligi matbuot xizmati xabar berdi.

Unga koʻra, shaharning Soʻgʻdiyona mahallasidagi 67-A sonli uyda yashovchi fuqaro oʻzboshimchalik bilan binoning pentxaus qismida basseyn qurilgan.

Hozirda mulkdorga nisbatan Oʻzbekiston MJtKning 159-moddasiga asosan maʼmuriy jarimalar qoʻllanildi va noqonuniy qurilmani bartaraf etish yuzasidan koʻrsatmalar berildi.

Avvalroq Kursiv Uzbekistan Samarqandda noqonuniy qurilgan besh qavatli bino buzib tashlangani haqida xabar bergan edi.

5-sentabr kuni O‘zbekiston Respublika valyuta birjasida dollar 57,69 so‘mga qimmatlashdi va 12 707,95 so‘mni tashkil qildi.

Moliya institutlarida AQSh valyutasi 12 580 – 12 650 so‘mdan xarid qilinmoqda va 12 680 – 12 750 so‘mdan sotilmoqda.

Eslatib o‘tamiz, 4-sentabr kuni respublikada dollarning rasmiy qiymati 10,22 so‘mga qimmatlashgan edi.

Germaniyaning Myunxen shahridagi Isroil bosh konsulligi yaqinida otishma sodir bo‘ldi, deb xabar bermoqda BILD.

Unga ko‘ra, otishma sodir etgan shaxsning maqsadi va jinoyat sabablari hozircha aniqlanmagan. Guvohlarning xabar berishicha, voqea joyida huquq-tartibot idoralari xodimlari tomonidan shubhali shaxs yaralangan.

Eslatib o‘tamiz, 1972-yil 5-sentabrda Myunxenda u yerda bo‘lib o‘tgan Yozgi Olimpiada o‘yinlari chog‘ida Falastinning «Qora sentyabr» tashkiloti a’zolari terakt sodir etgan edi. O’shanda 11 nafar isroillik sportchi halok bo’lgan.

Avvalroq Kursiv Uzbekistan nashri xonanda Teylor Svift terror tahdidi tufayli Venada bo‘ladigan konsertini bekor qilgani haqida yozgan edi.

Raqobat qo‘mitasi Qashqadaryo viloyatidagi «Chiroqchi-klaster» MCHJ va «Kitob ip yigiruv» AJlar tomonidan noqonuniy xatti-harakatlar sodir etilganini aniqladi. Bu haqda qo‘mita matbuot xizmati ma’lum qildi.

Unga ko‘ra, klasterlar umumiy 8 ming 310 tonna mahsulotni birja savdolariga chiqarmasdan, toʻgʻridan-toʻgʻri shartnomalar asosida sotib yuborgan. Shuningdek, mahsulotlar jadvallarini o‘z muddatida birjaning rasmiy veb-saytiga joylashtirmagan yoki nomuvofiq hajmda qoʻygan. Birja savdolarini oʻtkazish chogʻida raqobatni cheklaydigan harakatlar sodir etilgan.

Ikkala klaster korxonalar umumiy qiymati 3,2 mlrd soʻmlik daromadni asossiz ravishda o‘zlashtirgan. Shularni hisobga olib, Raqobat qo‘mitasi ushbu klasterlarga nisbatan ish qoʻzgʻatdi.

Eslatib o‘tamiz, avvalroq Farg‘onaliklarning 4 mlrd so‘m asossiz yozilgan qarzlari qaytarib berilgan edi.

2023-yil oxirida kelib, Oʻzbekiston uzum eksporti bo‘yicha dunyodagi eng yirik eksportchilari qatoridan chiqib ketdi. Bu haqda EastFruit portali maʼlum qildi.

Unga koʻra, 2022-yilda Oʻzbekiston uzum eksporti boʻyicha dunyoda 9-oʻrinni egallagan boʻlsa, 2023-yilda 20-oʻrindan zoʻrgʻa joy oldi. Shu bilan birga, eksport hajmi bir yilda 8 baravar kamaydi. Bunga mamlakatdagi gʻayritabiiy sovuqlar tufayli katta maydonlarda uzumzorlarning nobud boʻlishi sabab boʻldi.

«Uzumzorlarning yoʻqolishi meva-sabzavot sanoati uchun ogʻir zarba boʻldi, chunki xoʻraki uzumlar mamlakatning asosiy eksporti va Oʻzbekistondagi koʻplab mayda fermerlar uchun eng muhim daromad manbai edi», — deyiladi xabarda.

Shuningdek, yoʻqotishlar nafaqat hoʻl meva eksport sanoatiga, balki quritilgan mevalarga...

Shavkat Mirziyoyev elektrotexnika sohasiga bag‘ishlangan videoselektor yigʻilishida dunyo davlatlari ichki bozor himoyasiga kirishgani haqida alohida ta’kidladi. Bu haqda prezident matbuot kotibi Sherzod Asadov ma’lum qildi.

Unga ko‘ra, soʻnggi yetti yilda sohaga 1 mlrd dollar investitsiya kiritilgan. Bu orqali 762 ta yangi korxona ish boshlagan va ularda 45 turdagi yangi mahsulot ishlab chiqarilishiga erishilgan. Bu mahsulotlar eksport qilinadigan davlatlar 62 taga yetib, $1 mlrdni tashkil etgan.

Qayd etilishicha, ishlab chiqarish hajmi 1,8 barobar oʻsgan. Yillik daromadi 100 mlrd soʻmdan ziyod korxonalar soni 6 tadan 25 taga ortgan. Mazkur tarmoq korxonalari hisobidan davlat byudjetiga keladigan tushum 8 barobar oshgan.

Prezident mamlakatimiz...

Bugun, 5-sentabr kuni futbol bo‘yicha O‘zbekiston milliy terma jamoasi Shimoliy Koreyaga qarshi to‘p suradi. Bu haqda O‘zbekiston Futbol Assotsiatsiyasi (O‘FA) xabar beradi.

Jahon chempionatining uchinchi bosqichi «Bunyodkor» stadionida soat 19:00 da start oladi.

«Ushbu terma jamoani tahlil qilish qiyin. Suriya va Yaponiya bilan oʻyinlarda har xil tarkib bilan harakat qilgan. Jamoa tartibli, oʻz uslubiga ega. Lekin biz oʻz oʻyinimizga eʼtibor qaratganmiz va ertangi oʻyinga ham nimalarga qodirligimizni maydonda isbotlashimiz kerak»— Shimoliy Koreya jamoasi haqida o‘z fikrini bildirdi milliy jamoa bosh murabbiyi Srechko Katanes.

A-guruhdan joy olgan O‘zbekiston va Shimoliy Koreyadan tashqari Qirg‘iziston, Eron, Qatar va BAA bor.

Avvalroq Kursiv...

Energetika sohasida umumiy qiymati $36 mlrd 27 gigavatt elektr energiyasi ishlab chiqarish loyihalari amalga oshirilmoqda. Bu haqda Shavkat Mirziyoyev boschiligida o‘tayotgan videoselektorda ma’lum bo‘ldi.

Kelgusi uch yilda 4150 ta suv hisoblagichni o‘rnatish va 243 ta gaz taqsimlash punktini yangilash rejalashtirilgan. Ko‘p xonadonli va noturar uylarni qurish uchun kabellar, transformatorlar, isitish va sovitish tizimlari, nasoslar va liftlar ham talab etiladi.

Avtomobil sanoatida yiliga $200 mlndan ziyod elektrotexnika mahsulotlari import qilinmoqda.

«Mahalliy mahsulotlar bizni talabga javob bermaydi, import qilishga majburman» — degan bahona endi oʻtmasligini qayd etdi davlat rahbari. Chunki bu tarmoqlarning barchasi davlat tomonidan imtiyoz va arzon mablag‘lar bilan...

Xalqaro kinologiya federatsiyasi Bosh qo¯mitasi (FCI) qozoq tozi itini (Kazakh Tazy) itlarning rasmiy zoti sifatida tan olishga qaror qildi, deb xabar qildi Qozog‘iston prezidenti ma’muriyati.

Tashkilot Qozog‘istonning ushbu zot uchun standart egasi sifatida maqomini ta’minlaydi. Ma’muriyatning ta’kidlashicha, davlat FCIning itlarni xalqaro darajada tan olish bo‘yicha barcha talablarini bajargan.

«Mamlakatning turli hududlarida keng ko‘lamli naslchilik tekshiruvlari o‘tkazildi. Jumladan, eng muhim genetik tadqiqotlar o‘tkazildi, bu esa, o‘z navbatida, zotimizning o‘ziga xosligini inkor etib bo‘lmas dalilidir», — deydi boshqarma.

Mamlakat prezidenti Qosim-Jomart Toqayev topshirig‘iga binoan 2022-yildan buyon mahalliy it zotlarini saqlab qolish bo‘yicha ishlar olib borilmoqda.

Avvalroq Kursiv Uzbekistan...

O‘zbekistonda Toncoin kriptovalyutasi savdosi yo‘lga qo‘yildi. Listing UzNex kriptobirjasida boʻlib oʻtdi. Ushbu birja O‘zbekistonda 2019 yildan beri litsenziyaga ega.

UzNex savdo uchun yangi 2.0 platformasini ishga tushirdi va shu bilan birga Toncoin listingini amalga oshirdi. Ushbu kriptovalyuta bilan bir qatorda, endi birjada 15 tanga sotiladi.

Eslatib o’tamiz, avgust oyining uchinchi o’n kunligi Toncoin uchun juda qiyin bo’lgan. Bunga Telegram asoschisi Pavel Durovning Fransiyada hibsga olinishi sabab bo‘lgan. Misol uchun, Kursiv 25 avgust kuni Toncoin $5,63 dan sotilganini yozgan. 5-sentabr kuni soat 12:12 da UzNex’da bir tanga 57 959 so‘m ($4,6)ni tashkil qildi. Bir kun davomida tanga deyarli...

Tinch okeanining janubiy qismiga 2024 RW1 asteroidi tushdi. Bu haqda New Scientist xabar berdi.

Filippin ustida yorqin chaqnash kuzatildi. Bu hodisa mahalliy vaqt bilan 5-sentabr kuni soat 00:45 da (Toshkent vaqti bilan esa, 4-sentabr kuni 21:45) sodir bo‘ldi. Asteroid atmosferada yonib ketdi.

4-sentabr kuni ertalab 08:43 da AQShning Arizona shtatidagi observatoriya mutaxassislari tomonidan bir metr hajmdagi asteroid kuzatildi. Dastlab asteroidga CAQTDL2 nomi berildi, keyinchalik ushbu asteroid 2024 RW1 nomiga o‘zgartirildi. Asteroidning tushish tezligi taxminan soniyasiga 17,6 kilometrni tashkil qiladi.

Ijtimoiy tarmoqlarda kosmik obyektning tushishi aks etgan video lavhalar tarqaldi. Ushbu videolar Filippinning shimoliy hududlarida suratga olingan.

Avvalroq Kursiv Uzbekistan...

AQShning Jorjiya shtatidagi maktabda sodir bo‘lgan ommaviy otishmada to‘rt kishi halok bo‘ldi, to‘qqiz kishi yaralandi, deb xabar berdi Reuters agentligi.

O‘q uzgan 14 yoshli Kolt Grey bo‘lib, u ilgari huquq-tartibot idoralari tomonidan o‘quv yurti rahbariyatiga onlayn tahdid qilgani uchun so‘roq qilingan. Yigit omon qoldi, uni qamoqqa olishdi. Jinoyat sabablari hozircha ochiqlanmagan.

Barcha halok bo‘lganlar aniqlandi. Ular 14 yoshli ikki o‘smir – yigit va qiz, shuningdek, ikki o‘qituvchi – erkak va ayol edi. To‘qqiz nafar jabrlanuvchining hayoti xavf ostida emas.

Agentlikning ta’kidlashicha, o‘q otish hodisasi qurollar tarqatilishini nazorat qilish bo‘yicha jamoatchilik muhokamalarini yana qo‘zg‘atgan. Fojia sodir bo‘lgan Uinder shahri aholisi...

Buxoro 2025 yil sentyabr oyida xalqaro biyennalesiga mezbonlik qiladi, deyiladi O‘zbekiston Madaniyat va san’atni rivojlantirish jamg‘armasi press-relizida. Matn «Kursiv Uzbekistan»da mavjud.

Biennale 5-sentabr kuni o‘n hafta davom etadigan «Singan yuraklar uchun retseptlar» fanlararo ko‘rgazmasi bilan ochilishi kutilmoqda. Tadbir «jamoaning ishtiroki orqali san’at va madaniyatning shifobaxsh kuchini o‘rganadi.»

Biennale badiiy direktori Diana Kempbell va arxitektura bo‘yicha kreativ direktori Vael Al Avar tomonidan boshqariladi. Tadbir Mir Arab madrasasi, Fayzulla Xo‘jayev uy-muzeyi, Kalon minorasi, Mag‘oki Attoriy masjidi va Olimjon karvonsaroyi kabi maydonlarda bo‘lib o‘tadi.

Avvalroq Kursiv Uzbekistan O‘zbekiston madaniyati kunlarini Saudiya Arabistonida o‘tkazishni rejalashtirayotgani haqida yozgan edi.

Ijtimoiy tarmoqlarda avtohalokatga uchragan avtotreyler videosi tarqaldi. UzAuto Motors ushbu holatga rasmiy munosabat berdi.

Maʼlum qilinishicha, hodisa 4-sentabr kuni Fargʻona viloyatida soat taxminan 18:00 da yuz bergan. Logistika avtotreyleri haydovchisi boshqaruvni yoʻqotib, yoʻldan chiqib ketgan.

YTH natijasida sakkizta Chevrolet Cobalt avtomobili zarar koʻrgani aytilmoqda. Sodir boʻlgan YTHda avtotreyler haydovchisi jarohatlanmagan. Hozirda voqea joyida kompaniya masʼul xodimlari ish olib bormoqda.

Avvalroq Kursiv Uzbekistan kompaniya Chevrolet avtomobillarini Gruziyaga joʻnatgani haqida xabar bergan edi.

Toshkentda davlat tibbiy sug‘urtasi tizimi kuzda ishga tushiriladi, deya xabar berdi O‘zbekiston prezidenti Shavkat Mirziyoyev matbuot xizmati.

Kuni kecha davlat rahbari shu masalaga bag‘ishlangan yig‘ilish o‘tkazdi.

Bu 1-oktabr kuni sodir bo‘lishi kutilmoqda. Xuddi shu sanada tizim O‘zbekistonning Sirdaryo viloyatida ham ishga tushishi kerak.

Mamlakatning yana bir mintaqasida – Qoraqalpog‘istonda – tizim 2025-yil 1-yanvardan ishga tushadi.

O‘zbekistonning qolgan viloyatlarida tibbiy sug‘urtani 2026-yil oxirigacha joriy etish rejalashtirilgan.

Avvalroq Kursiv Uzbekistan Toshkentda davlat tibbiy sug‘urtasi tizimini 1-iyuldan ishga tushirish rejalashtirilgani haqida yozgan edi.

O‘zbekistondagi maktablarning bo‘sh hududlarini bog‘chalarga berish rejalashtirilmoqda. Bu tashabbus kuni kecha prezident Shavkat Mirziyoyev huzurida bo‘lib o‘tgan yig‘ilishda bildirildi.

Hukumat bunday maydonlarda davlat-xususiy sheriklik (DXSH) doirasida maktabgacha ta’lim muassasalarini qurishga ruxsat bermoqchi.

Bundan tashqari, tadbirda O‘zR Maktabgacha va maktab ta’limi vazirligi saytida bolalar bog‘chalari uchun bepul o‘quv-uslubiy materiallarni joylashtirishga qaror qilindi.

O‘zbekiston bog‘chalari axborot tizimida bolalarning jismoniy, ijtimoiy va psixologik holatini kuzatish uchun «Bolaning rivojlanish xaritasi» kabi vosita paydo bo‘ladi.

Kursiv Uzbekistan 2029-yilga qadar respublikada maktabgacha ta’lim qamrovini 80 foizga yetkazmoqchi ekanini ma’lum qilgan edi.

O‘zbekistonda bolalarning qariyb 75 foizi maktabgacha ta’lim bilan qamrab olingan. Mamlakat prezidenti Shavkat Mirziyoyev matbuot xizmati xabariga ko‘ra, bu ko‘rsatkichni yanada oshirish ko‘zda tutilmoqda.

Kuni kecha davlat rahbari respublika bog‘chalari tizimini yaxshilash bo‘yicha takliflar ko‘rib chiqilgan yig‘ilishni o‘tkazdi.

Tadbirda yetti yil avval mamlakatda maktabgacha ta’lim qamrovi 27 foizni tashkil etgani ma’lum qilindi. Hozirgi vaqtga kelib, u 74,6 foizgacha o‘sdi.

Keyingi besh yillikda bu ko‘rsatkich 80 foizga yetishi kutilmoqda.

Avvalroq Kursiv Uzbekistan O‘zbekistonda besh yil ichida (2023-yilgacha) davlat-xususiy sheriklik tizimi doirasida umumiy qiymati 3,7 trln so‘mlik bog‘chalar qurish bo‘yicha shartnomalar tuzilgani haqida yozgan edi.

Bugun, 5-avgust kuni respublika bo‘ylab quruq va issiq havo kuzatiladi. Qashqadaryo va Surxondaryo viloyatlarida havo harorati 37-darajagacha isiydi. O‘rtacha havo harorati 28-33 daraja issiq bo‘ladi. Bu haqda Gidrometeorologiya xizmati agentligi xabar beradi.

Poytaxtda havo bulutli va o‘zgaruvchan bo‘ladi. Kunduzi havo 33-darajagacha ko‘tarilishi mumkin, kechqurun esa 13-18 daraja salqin havo kuzatiladi.

Tog‘li hududlarda havo o‘zgaruvchan va bulutli bo‘lishi ehtimoli bor. Kunduzi havo 27-darajagacha issiq, kechasi esa 11-15 daraja salqin bo‘ladi.

Chevrolet avtomobillari uchun amal qilgan chegirma va bo‘lib to‘lash aksiyasi 15-sentabrda tugaydi. Bu haqda UzAuto Motors xabar berdi. Bu Onix rusumli avtomobillarga ham tegishli.

Ma’lumot uchun, 2024-yilgi modellar uchun chegirmalar iyul oyidan boshlab amal qilmoqda.

Chevrolet Tracker Turbo 1.2 LS AT (1-chi pozitsiya) uchun eng past chegirma narxi 206 422 880 so‘m bo‘lsa, eng baland chegirma narxi Chevrolet Tracker Redline uchun 262 mln 274 ming qilib belgilangan.

Ma’lumot uchun, 29-avgust kuni Chevrolet Tracker uchun bo‘lib to‘lash shartlari sifatida 50 foiz oldindan to‘lov hamda uch yil davomida hech qanday ortiqcha to‘lovlarsiz qilib belgilandi.

Tracker avtomobilini oldinda 60/70 foiz to‘lov qilgan holda 18/24 oylik...

Oʻzbekistonliklar Yaponiyaga oziq-ovqat mahsulotlarini qayta ishlash sohasida ishga taklif qilinmoqda. Bu haqda Tashqi mehnat migratsiyasi axborot xizmati xabar berdi.

Unga koʻra, oylik ish haqi $1350–1600 tashkil qiladi. Ish vaqti esa haftasiga 40–48 soat (qoʻshimcha ish soatlari uchun ustama haq toʻlanadi) etib belgilangan.

Nomzodlarga yapon tilini kamida N5 darajada bilish, 18–30 yoshdagi erkaklar, maktab, litsey yoki kasb-hunar kollejini tamomlagan. Shuningdek, sudlanmagan va sogʻlom, kamida 3 yil ishlashga tayyor boʻlish talab qoʻyilgan.

Aviachipta, aeroportdan kutib olib, yashash joyigacha transfer ish beruvchi hisobidan qoplab beriladi.

Tanlov ish beruvchi vakillari bilan suhbat asosida oʻtkaziladi. Roʻyxatdan oʻtish uchun havola.

Avvalroq Kursiv Uzbekistan oʻzbekistonliklar...

Kattaqo‘rg‘on tumani hududidan o‘tuvchi 4R-48 avtomobil yo‘lida joriy yilning 3-sentabr kuni YTH sodir bo‘ldi. Bu haqda viloyat IIB JXX YHXB matbuot xizmati xabar berdi.  

Ma’lum qilinishicha, tumanning Mundiyon MFY hududidan o‘tuvchi avtomobil yo‘lining 98-kilometrida haydovchi Lasetti rusumli avtomashinasida yo‘lning qiya burilish joyida katta tezlik bilan oziq-ovqat do‘koniga kelib urilgan.

Yo‘l-transport hodisasi oqibatida do‘kon ichida bo‘lgan bir kishi jarohat olgan hamda tuman tibbiyot birlashmasiga murojaat qilgan.

Mazkur holat yuzasidan Kattaqoʻrgʻon tumani IIB JXX YHXB dastlabki surishtiruv ishlarini olib bormoqda.  

Avvalroq Kursiv Uzbekistan Toshkent viloyatida Damas avtomashinasi yonib ketgani haqida xabar bergan edi.