Yangiliklar

Shavkat Mirziyoyev elektrotexnika sanoatidagi rivojlanish va eksport salohiyatini oshirish bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, joriy yilning 9 oyida ishlab chiqarish hajmi 16,3% o‘sib, 34 trln so‘mga, eksport esa $970 mlnga yetdi.

Sohada yuqori qo‘shilgan qiymatli mahsulotlar ulushini oshirish, misni chuqur qayta ishlash va eksportni diversifikatsiya qilish dolzarb vazifa. Shu maqsadda mis xaridida chegirmalar, kredit foizlarining bir qismini qoplash, soliq va bojxona yengilliklari taqdim etilishi rejalashtirilgan.

Kelgusi yillarda mis ishlab chiqarish hajmi 250 ming tonnaga, 2030-yilga borib 500 ming tonnaga yetishi kutilmoqda. Yangi loyihalar asosida serverlar, sanoat elektronikalari, konditsionerlar, quyosh panellari...

SpaceX Falcon 9 raketasi 28 ta Starlink sun’iy yo‘ldoshini past Yer orbitasiga uchirdi. Uchirish Kaliforniyadagi Vandenberg bazasining SLC-4E maydonidan, soat 23:54 (Sharqiy vaqt) da amalga oshirildi, deya yozmoqda Space.

Uchirishda B1071 tezlatkichidan foydalanildi. Bu tezlatkich allaqachon 29-marta uchirilgan bo‘lib, kompaniya rekordiga yaqinlashdi (rekord — Booster 1067, 30 marta). Uchishdan 8,5 daqiqa o‘tib, birinchi bosqich ajralgach tezlatkich Tinch okeanidagi Of Course I Still Love You platformasiga muvaffaqiyatli qo‘ndirildi. Yuqori bosqich parvozni davom ettirdi va 28 ta Starlink sun’iy yo‘ldoshini belgilangan orbitaga chiqardi.

Ma’lumot uchun, Starlink — butun dunyo bo‘ylab yuqori tezlikda internet ta’minlash uchun mo‘ljallangan tizim bo‘lib, hozirda 8,5 mingdan...

Jinoyat ishlari boʻyicha Uchtepa tumani sudi hukmi bilan Mubashshir Ahmad taxallusi bilan tanilgan Alisher Tursunov bir qator jinoyatlarni sodir etganlikda aybli deb topilib, unga 2-yil 6 oy muddatga ozodlikdan mahrum qilish jazosi tayinlandi. Bu haqda Oliy sud matbuot xizmati ma’lum qildi.

Unga ko‘ra, tayinlangan jazoni umumiy tartibli koloniyalarda oʻtash belgilandi.

Shu bilan birga, Internet tarmogʻidagi Facebook, Instagram ijtimoiy tarmoqlari, Telegram messenjeri hamda YouTube videoxostingidagi Mubaşşir Ahmad va Azon Global – Muqobil axborot-tahliliy kanali nomli sahifalar (kanallar) faoliyati toʻxtatilib, bloklanishi belgilandi.

Eslatib o‘tamiz, avvalroq Farg‘onada noqonuniy diniy ta’lim berish holatlari aniqlangani haqida xabar bergan edik.

Dongfeng Nissan kompaniyasi tomonidan Xitoyda yangi Nissan NR15 avtomobili ichki yonuv dvigateli bilan ishlab chiqariladi. Bu haqda CarNewsChina xabar bermoqda.

Texnik imkoniyatlar va akkumulyator tizimi

Xitoy Sanoat va axborot texnologiyalari vazirligining (MIIT) ma’lumotlariga ko‘ra, Nissan N6 modeli NR15 dvigateli (75 kVt yoki 101 ot kuchi) va 155 kVt (208 ot kuchi) quvvatga ega elektromotordan iborat gibrid tizimga ega bo‘ladi. Avtomobil Rept Battero Energy kompaniyasi ishlab chiqargan 21,1 kVt/soat sig‘imli LFP (litiy-temir-fosfat) akkumulyatori bilan jihozlanadi. U WLTC sikliga ko‘ra, 125–130 km sof elektr yurish masofasini ta’minlaydi.

O‘lchamlar va arxitektura

Yangi model Dongfeng Nissan’ning Tianyan platformasida qurilgan. Uning uzunligi...

Buxoro va Navoiyda o‘tkazilgan tekshiruvlarda noqonuniy oltin qazigan 37 kishi qo‘lga olindi. Bu haqda «O‘zA» xabar berdi.

Unga ko‘ra, Buxoro viloyatining Shofirkon tumanidagi Quljuqtov va Navoiy viloyatining Konimex tumanidagi Tovshan tog‘ hududlaridagi «Oltin Kon» MChJga tegishli joylarda begona shaxslar noqonuniy oltin qazib olayotgani aniqlangan.

Davlat xavfsizlik xizmati va viloyat IIB hamkorligida o‘tkazilgan tezkor tadbirda 37 nafar shaxs qo‘lga olindi. Ular faoliyat yuritayotgan joydan uchta Ford mashinasi, sakkizta perforator, oltita kompressor va tarkibida oltin moddalari bo‘lgan 400 ga yaqin qop ruda ashyoviy dalil sifatida olindi.

Noqonuniy faoliyat oqibatida davlat va jamiyat manfaatlariga 20 milliard so‘mdan ortiq zarar yetkazilgani aniqlandi.

Bundan...

Markaziy bank ma’lumotlariga ko‘ra, 2025-yil sentabr oyida O‘zbekistonning oltin-valyuta zaxiralari $4,9 milliardga oshib, rekord darajadagi $55 milliardga yetdi.

Shundan $44 milliarddan ortig‘i oltin zaxirasiga to‘g‘ri keladi — bu ko‘rsatkich ketma-ket uchinchi oy davomida eng yuqori darajani yangiladi. Valyuta zaxiralari ham oshib, $10,2 milliardga oshdi.

Oltin zaxirasi qiymatining oshishiga asosan jahon bozorida oltin narxining ko‘tarilishi sabab bo‘lgan. Shu bilan birga, chet eldagi banklardagi mablag‘lar va Markaziy bank sotib olgan qimmatli qog‘ozlar hajmi ham biroz oshgan. Mamlakat oltin-valyuta zaxiralarida aksiya va obligatsiyalarning ulushi atigi 1,85 foizni tashkil etadi.

Bundan oldin O‘zbekistonda yil boshidan beri oltin quymalari narxi 40 foizga oshgani haqida...

Toshkent viloyatida Prokuratura xodimlari $25 ming olayotgan vaqtida qo‘lga olindi. Bu haqda DXX xabar bermoqda.

Bekobod shahrida o‘tkazilgan tezkor tadbirda Bosh prokuratura huzuridagi Iqtisodiy jinoyatlarga qarshi kurashish departamentining Guliston tuman bo‘limi boshlig‘i va Bekobod shahri bo‘limining katta tezkor vakili fuqarodan $25 ming olayotgan vaqtida qo‘lga olingan.

Aniqlanishicha, ular Zangiota tumanida faoliyat yurituvchi 4 ta MChJning norasmiy rahbariga nisbatan qo‘zg‘atilgan jinoyat ishini ularning foydasiga hal qilib berish, shuningdek, Sirdaryo viloyati soliq boshqarmasi tomonidan 2 ta MChJda o‘tkazilgan tekshiruvlarni noqonuniy deb topish evaziga pora so‘ragan.

Shuningdek, tergovga qadar aniqlanishicha, ushbu xodimlar avvalroq shu MChJ rahbaridan soliq tekshiruvida aniqlangan zarar miqdorini kamaytirish...

«Atom elektr stansiyasi blokining ehtimoliy xavfsizlik tahliliga qo‘yiladigan» asosiy talablar davlat ro‘yxatidan o‘tkazildi. Bu haqda Adliya vazirligi xabar berdi.

Ushbu talablar loyihalanayotgan, qurilayotgan va foydalanilayotgan AES bloklari uchun ehtimoliy xavfsizlik tahlilini qanday o‘tkazish, uning maqsadlari va natijalaridan foydalanish tartibini belgilaydi.

Ehtimoliy xavfsizlik tahlili AES blokining xavfsizlik ko‘rsatkichlarini hisoblash, og‘ir va katta avariyalar ehtimolini normalar bilan solishtirish, xavfsizlik chora-tadbirlarini belgilash hamda tizimlarni modernizatsiya qilishning taʼsirini baholash uchun o‘tkaziladi.

Tahlil natijalari tizimlar ishonchliligini baholash, nazorat va tekshiruvlarni rejalashtirish, loyiha va loyiha tashqari avariya holatlari ro‘yxatini asoslash kabi maqsadlarda qo‘llanadi. Ehtimoliy xavfsizlik tahlilini o‘tkazish uchun mas’ul tashkilot — AESni ekspluatatsiya qiluvchi...

Farg‘ona viloyatida aksiz markasiz tamaki mahsulotlarini noqonuniy savdoga chiqarish holati fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.

Ma’lum qilinishicha, Departamentning Quva tuman bo‘limi xodimlari bojxona organlari bilan hamkorlikda o‘tkazgan tezkor tadbirda fuqaro Chery Tiggo 8 Pro rusumli avtomobilda tamaki mahsulotlarini noqonuniy ravishda tashiyotgani aniqlangan.

Tekshiruv davomida avtomobil saloni va yukxonasidan xorijda ishlab chiqarilgan, kelib chiqishi hamda sifatini tasdiqlovchi hujjatlari bo‘lmagan 7,5 ming quti aksiz markasiz tamaki mahsuloti topilgan. Ularning umumiy qiymati 97 mln so‘mni tashkil etadi.

Mazkur holat yuzasidan Jinoyat kodeksining 25 va 186-1-moddalari (etil spirti, alkogol va tamaki mahsulotlarini qonunga xilof...

Qozog‘iston Sog‘liqni saqlash vazirligi bolalarga nisbatan jinsiy zo‘ravonlik sodir etganlar uchun kimyoviy kastratsiya o‘tkazishning yangi qoidalarini e’lon qildi. Bu haqda Kursiv Media xabar berdi.

Unga ko‘ra, 17-oktabrdan boshlab, kastratsiya jinoyatchi ozodlikka chiqishidan olti oy oldin qo‘llaniladi. Operatsiyani tayinlash to‘g‘risidagi qarorni sud qabul qiladi.

Jarayon jazoni ijro etish muassasasida yoki probatsiya ostida bo‘lganlar uchun psixiatrik yordam ko‘rsatiladigan ambulator klinikada amalga oshiriladi.

Jazoni o‘tash muddati tugashidan bir yil oldin koloniyadagi ma’muriyat zarur hujjatlarni to‘playdi va ularni sudga yuboradi. Sud maxsus ekspertiza tayinlab, jinoyatchining ruhiy holatini va qayta jinoyat sodir etish ehtimolini baholaydi.

Mazkur chora ruhiy kasallarga nisbatan qo‘llanilmaydi, biroq sud ular...

2025-yilgi Kimyo bo‘yicha Nobel mukofotini Yaponiyadan Susumu Kitagava, Avstraliyadan Richard Robson va AQShdan Omar Yagi qo‘lga kiritdi. Ular metall-organik karkas (MOK) tuzilmalar deb ataluvchi yangi turdagi molekulyar arxitektura yaratgani uchun taqdirlandi.

Nobel qo‘mitasining ta’kidlashicha, bu tuzilmalar katta bo‘shliqlarga ega bo‘lib, molekulalarning kirib-chiqishiga imkon beradi. Ular yordamida cho‘l havosidan suv yig‘ish, suvdagi zararli moddalarni tozalash, karbonat angidridni tutib qolish va vodorodni saqlash kabi muammolarni hal etish mumkin.

Keyinchalik kimyogarlar bu g‘oyaga asoslanib o‘n minglab turli MOK tuzilmalarini yaratishgan. Ularning ayrimlari suvdagi kimyoviy iflosliklarni ajratib olish yoki atmosferadagi karbonad angidrid gazini kamaytirish kabi muhim ekologik masalalarni hal etishga yordam bermoqda.

Avvalroq...

Jahon bankining «Yevropa va Markaziy Osiyo iqtisodiyoti: bandlik va farovonlik» nomli yangi hisobotida O‘zbekiston 2025-yilda iqtisodiy o‘sish sur’atlari bo‘yicha mintaqadagi eng tez rivojlanayotgan beshta davlatdan biri sifatida qayd etildi.

Hisobotda ta’kidlanishicha, Yevropa va Markaziy Osiyo mintaqasida 2025-yilda yalpi ichki mahsulot (YIM) o‘sishi 2,4 foiz atrofida bo‘lishi kutilmoqda. Bu ko‘rsatkich 2024-yildagi 3,7 foizdan past bo‘lib, asosan, Rossiyadagi iqtisodiy sekinlashuv bilan izohlanmoqda.

Shunga qaramay Markaziy Osiyo mamlakatlari o‘sish sur’atlari bo‘yicha mintaqada yetakchilikni saqlab qolmoqda. 2025-yilda submintaqa bo‘yicha o‘rtacha o‘sish 5,9 foiz, 2026-yilda esa 5 foiz bo‘lishi prognoz qilinmoqda.

O‘sishga Qozog‘istonda neft qazib olish hajmining oshishi, shuningdek Qirg‘iziston, Tojikiston va O‘zbekistonda pul...

9-oktabr uchun valyuta kurslari e’lon qilindi. Shu kun uchun AQSh valyutasi 12 072 03 so‘m (+33,35 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 2-oktabrda 12 084,10 so‘m (+16,34 so‘m) etib belgilandi. 3-oktabrda dollar 15,62 so‘m oshib, 12099,72 so‘mga teng bo‘ldi. 6-oktabr kuni 12 060,48 so‘m (-39,24 so‘m) etib belgilandi. 7-oktabr kuni dollar 12 022,90 so‘mga (-37,58 so‘m) tenglashdi. 8-oktabr kuni AQSh valyutasi 15,78 so‘m oshib, 12 038,68 so‘m etib belgilandi.

Markaziy bank ma’lumotlariga ko‘ra, yevro 27,49 so‘mga tushib, 14 016,83 so‘mni, rubl esa 1,39 so‘mga oshib...

Ichki ishlar vazirining maslahatchisi Zokirjon Almatov Farg‘ona viloyatining Furqat tumanida ichki ishlar xodimlari tomonidan tahqirlangan maktab direktori bilan bo‘lgan voqeaga munosabat bildirdi.

Almatovning so‘zlariga ko‘ra, ichki ishlar xodimi har qanday sharoitda ham o‘zini tuta bilishi, jahlini jilovlay olishi kerak.

«Jahlni jilovlash nimaligini bilish kerak. Bunday o‘ta ketgan vahshiylikka borish, bu rahbarning qaysidir yo‘llar bilan amalga o‘tirib qolgan deb o‘ylayman. Nega desa, qanday sharoitda ham Ichki ishlar idorasining xodimi o‘zini ushlashni bilishi kerak. Biz bunaqa o‘zidan ketib qolgan rahbarlarni aslo kechirmaymiz. Har bir bo‘lgan yig‘ilishda vazir, vazirlik rahbariyati, viloyat Ichki ishlar boshqarmasining boshliqlari shu narsani talab...

Aviasales.uz’ning Kursiv’ga bergan ma’lumotiga ko‘ra, 2025-yilning dastlabki to‘qqiz oyida O‘zbekistondan Yevropaga aviachipta band qilishlar soni o‘tgan yilga nisbatan 38 foizga oshgan. Safarlarning o‘rtacha davomiyligi 19 kunni tashkil etgan, bolalar bilan sayohatlar esa yetti foizga ko‘paygan.

Shuningdek, o‘rtacha chipta narxi 6,6 foizga kamayib, $680 dan $635 gacha tushgan. Safarlarda eng ommabop yo‘nalishlar Riga, Frankfurt, Vilnyus, Berlin va Varshava bo‘lib, ular umumiy bandlovlarning yarmiga yaqinini tashkil etgan.

Bunda Riga va Vilnyusga qiziqish mos ravishda 63 va 39 foizga oshgan. Markaziy bank ma’lumotiga ko‘ra, Boltiqbo‘yi mamlakatlaridan (Latviya, Litva va Estoniya) O‘zbekistonga pul o‘tkazmalari ham 65,6 foizga ko‘paygan.

«Riga va...

Saudiya Arabistonining «An-Nassr» klubi hujumchisi Krishtianu Ronaldu umumiy boyligi 1$ milliarddan oshgan tarixdagi ilk futbolchi sifatida qayd etildi. Bu haqda Bloomberg nashri oʻzining Billionaires Index reytingiga tayanib xabar berdi.

Manbaga koʻra, portugaliyalik futbolchining hozirgi sof boyligi $1,4 milliardga teng. Ronaldu 20 yildan ortiq davom etayotgan faoliyati mobaynida nafaqat maydondagi yutuqlari, balki biznes va reklama loyihalari orqali ham ulkan moliyaviy muvaffaqiyatga erishgan.

Uning boyligining katta qismi Saudiya Arabistonining «An-Nassr» klubi bilan imzolagan shartnomasi, reklama bitimlari va homiylik loyihalaridan shakllangan. 2024-yil may oyida Forbes jurnali Ronaldu dunyodagi eng koʻp daromad topgan sportchi sifatida e’tirof etgan edi. Bir yilda uning daromadi...

Kap Depo investitsion kompaniyasi 2025-yilning uchinchi choragi (iyul – sentabr) yakunlari bo‘yicha fond bozori natijalarini e’lon qildi. Hisobot davrida ayrim kompaniyalarning oddiy hamda imtiyozli aksiyalari sezilarli o‘sishni namoyish etdi.

Reytingda yetakchilikni «Hamkorbank»ning imtiyozli aksiyalari egalladi. Ular chorak davomida 51 foizga o‘sdi. Shuningdek, bank o‘z tarixida ilk bor oddiy aksiyalar bo‘yicha 1,25 so‘mlik dividend to‘langanligi sababli, ularning narxi ham sezilarli ko‘tarildi (22,2%).

Keyingi o‘rinlardan UzAuto Motors (14,6%) va «O‘zsanoatqurilishbank» (imtiyozli 10%, oddiy 21,5%) aksiyalari joy oldi. Bundan tashqari, «O‘zbekinvest» (9,4%), «O‘zRTXB» (7,4%), «O‘zbektelekom» (7,4%), «Aloqabank» (7,3%) va «Trastbank»(5,2%) ham yaxshi o‘sish qayd etdi.

Ahamiyatli jihati shundaki, ba’zi emitentlarning ham oddiy...

Rossiyaning premium gadjetlar ishlab chiqaruvchi Caviar kompaniyasi tomonidan yangi iPhone 17 Pro kolleksiyasi namoyish etildi. Yangilangan «Rossiya» seriyasi prezident Vladimir Putin tug‘ilgan kuniga bag‘ishlandi.

Kompaniya ma’lum qilishicha, yangi kolleksiyaga iPhone 17 Pro va 17 Pro Max’ning ikkita eksklyuziv versiyasi kiritilgan. Har biri prezidentning mashhur sitatalaridan birini ifodalaydi.

Caviar asosiy yangilik sifatida alyuminiy o‘rniga aviatsiya darajasidagi titan ishlatilganini ta’kidladi. Ularning fikricha, yangi iPhone’larning orqa qismi juda mo‘rt va tez tirnaladi. Shu sababli Caviar bu muammoni titan bilan himoya qilish orqali hal etgan.

Birinchi model «Butun hayotim — Rossiya» deb nomlanadi. Ushbu so‘zlar 2014-yil 24-oktabrda Putin tomonidan «Valday» klubi majlisida aytilgan...

Raqobat qo‘mitasi kredit kartalaridan kommunal xizmatlar, ta’lim, tibbiyot, sug‘urta va soliqlar uchun undirilayotgan foiz va komissiyalar bo‘yicha Markaziy bankka so‘rov yubordi.

Unga ko‘ra, so‘nggi vaqtlarda ayrim davlat va nodavlat tijorat banklari kredit kartalaridan foydalanishda ayrim to‘lovlarni naqd pul yechish bilan tenglashtirib, ulardan foiz va komissiya undirayotgani fuqarolarda e’tiroz uyg‘otmoqda.

Shu sababli Raqobat qo‘mitasi «Iste’molchilarning huquqlarini himoya qilish to‘g‘risida»gi Qonun asosida Markaziy bankka so‘rov yubordi.

So‘rovda quyidagi masalalar ko‘tarilgan:

Bundan avval Markaziy bank...

O‘zbekistonda 2026-yil 1-martdan boshlab yaroqlilik muddati o‘tgan mahsulotlarning savdosi avtomatik tarzda cheklanadi. Bu haqda «Iste’molchilar huquqlarini samarali himoya qilishni tashkil etish chora-tadbirlari to‘g‘risida»gi (PQ–296-son, 6-oktabr 2025-yil) prezident qarorida qayd etildi.

Shuningdek, muddatidan o‘tgan raqamli markirovka mahsulotlariga nazorat-kassa apparatlari orqali xarid cheki chiqarilmaydi.

Bundan tashqari, 2025-yil 15-oktabrdan 2027-yil 1-yanvargacha nоdavlat notijorat tashkilotlari ishtirokida iste’molchilar murojaatlarini ko‘rib chiqish, shuningdek «sirli mijoz» va nazorat xaridi tadbirlari o‘tkaziladi.

Qarorga muvofiq, 2025-yil 1-dekabrdan boshlab «iste’molchi – tadbirkor – nodavlat notijorat tashkilotlar – davlat organlari» o‘rtasida o‘zaro hamkorlikni yo‘lga qo‘yuvchi yangi raqamli tizim joriy etiladi.

Eslatib o‘tamiz, Kursiv Uzbekistan nashri majburiy raqamli markirovka qoidalariga moslikni...

TechDroider portali o‘tkazgan batareya sinovida Xiaomi 17 Pro Max batareyasi kutilgan natijani bermadi. 7500 mA/soat quvvatga ega Xiaomi 17 Pro Max atigi 5 daqiqa farq bilan iPhone 17 Pro Max’dan ko‘proq ishlagan.

Sinovda, shuningdek, Galaxy S25 Ultra, Pixel 10 Pro XL, Xiaomi 15 Pro va OnePlus 13 modellari ham taqqoslangan.

Xiaomi 17 Pro Max’ning yirik kremniy-karbonli batareyasi nazariy jihatdan raqiblaridan ancha uzoq ishlashi kerak edi. Ammo amalda u 13 soat 36 daqiqa ishlagan. iPhone 17 Pro Max smartfonining batareyasi esa 13 soat 31 daqiqaga yetgan.

Tadqiqotda smartfonlarning batareya quvvati turli faoliyat turlari orqali sinovdan o‘tkazilgan. Modellar 3 soat davomida...

«O‘zmetkombinat» AJ Quyuv-prokatlash majmuasining qurilishini yakuniga yetkazish maqsadida 7-yil muddatga 132,5 mln yevro miqdorida kredit shartnomasini imzoladi. Bu haqda kompaniya «Kursiv» nashriga ma’lum qildi.

Moliyalashtirish Buyuk Britaniyaning Standard Chartered Bank hamda Germaniyaning KfW IPEX-Bank GmbH tomonidan, Islom investitsiyalar va eksport kreditlarini sug‘urtalash korporatsiyasi (ICIEC) kafolati ostida tashkil etildi.

Ajratilgan mablag‘lar Quyuv-prokatlash majmuasining qurilishi, foydalanishga topshirilishi va ishga tushirilishi bilan bog‘liq xarajatlarni qoplash hamda qayta moliyalashtirish maqsadida yo‘naltiriladi.

Eslatib o‘tamiz, avgust oyida tadbirkor Bahodir Abdullayev tashkilot bosh direktor vazifasini bajaruvchi etib tayinlangan edi.

Avvalroq Kursiv Uzbekistan 19-sentabrdan 26-sentabrgacha bo‘lgan davrda «O‘zmetkombinat» aksiyalari +0,50 foizga o‘sgani haqida yozgan edi.

Oʻzbekiston ichki ishlar vaziri Aziz Toshpoʻlatov mamlakat Aralash jang san’ati (MMA) assotsiatsiyasi raisi lavozimini egalladi. Bu haqda Milliy olimpiya qoʻmitasi (MOQ) oʻz Instagram sahifasida e’lon qildi.

Toshpoʻlatov Bahodir Kurbanov oʻrnini egalladi. Shu bilan birga, u Oʻzbekiston voleybol federatsiyasiga ham rahbarlik qilmoqda.

Ma’lumot uchun, MMA assotsiatsiyasi 2018-yil mart oyida tashkil etilgan. Dastlab uni professional kikboksing boʻyicha jahon chempioni Sunnat Ilyasov boshqargan. 2019-yil noyabrida esa Otabek Umarov assotsiatsiya prezidenti etib saylangan va keyinchalik Markaziy Osiyo MMA konfederatsiyasiga rahbarlik qilgan.

2020-yilda Otabek Umarov iste’foga chiqqach MMA assotsiatsiyasi raisi lavozimiga Bahodir Kurbanov tayinlangandi. Endilikda tashkilotga Aziz Toshpoʻlatov rahbarlik qiladi.

Eslatib oʻtamiz, Toshpoʻlatov 2025-yil...

Joriy yilning sentabr oyida Oʻzbekistonga 11,5 ming dona elektromobil import qilindi. Bojxona qoʻmitasining ma’lum qilishicha, bu oʻtgan yilning mos davriga nisbatan 3,5 baravar koʻp.

Import qilingan avtomobillarning umumiy qiymati $114,4 millionni tashkil etdi. Bu koʻrsatkich oʻtgan yilning shu davridagiga nisbatan qiymat jihatdan 7,4 baravarga ko‘p.

Qoʻmita ma’lumotlariga koʻra, yil boshida elektromobil importi past boʻlgan — yanvarda 613 dona, fevralda 942 dona, martda 1,1 mingta keltirilgan, ammo keyinchalik o‘sish kuzatilgan.

Shuningdek, sentabrda $43,6 millionlik 2,4 mingta benzinli yengil avtomobil import qilingan. Biroq gibrid avtomobillar importi kamaygan — sentabrda 240 dona ($9 millionlik) gibrid mashina olib kelingan, bu oʻtgan yilga...