Yangiliklar

Xorijning bir nechta yirik nashrlari Tom Kruz va Ana de Armasning to‘yi noodatiy bo‘lishi mumkinligini yozmoqda. Aktyor va modelning kosmosda bo‘ladi degan taxminlar ham shular jumlasidan.

Manbaga ko‘ra, Tom va Ana o‘z to‘ylarini hayratomuz va jasoratli sarguzasht tarzida o‘tkazishni xohlashmoqda. Ularning fikricha, bu ularni birlashtirgan narsa ham aynan shunday jasoratli g‘oyalar bo‘lgan. Tom Kruz hatto osmondan sakrab nikoh marosimini o‘tkazish yoki kosmosda turmush qurish variantlarini ham o‘ylab ko‘rgan.

Ayni paytda ular hali rasmiy unashtirilmagan, biroq to‘y bo‘yicha faol rejalashtirish jarayonida.

Tom Kruz (63 yosh) va Ana de Armas (37 yosh) o‘rtasidagi munosabat iyul oyida Vermontdagi sayohat chog‘ida ularning qo‘l...

Istiqbolli loyihalar milliy agentligi (ILMA) 4 ta sug‘urta tashkilotiga nisbatan jarima sanksiyalarini qo‘lladi. Bu haqda regulyator saytida ma’lum qilindi.

Ta’kidlanishicha, ILMA tomonidan sug‘urta tashkilotlarining moliyaviy ko‘rsatkichlarini o‘rganish natijalariga ko‘ra, qonunchilik hujjatlarida belgilangan me’yorlarga rioya qilmaslik faktlari aniqlanib, buning natijasida 156,5 million so‘m miqdorida jarima solindi.

Qonunchilik talablarini buzganlik uchun «Global Insurance Group» AJ ST kompaniyasiga 35 mln so‘m, «Semurg Insurance» AJ kompaniyasiga 31,5 mln so‘m, «Inson» AJ ST kompaniyasiga 40 mln so‘m hamda «Alskom sug‘urta kompaniyasi» AJ kompaniyasiga 50 mln so‘m miqdorida jarima belgilangan.

Eslatib o‘tamiz, Kursiv Uzbekistan nashri mayning uchun elektr energiyasiga imtiyozli tarif joriy etilishi haqida...

O‘zbekistonda yil boshidan beri oltin quymalari narxi 40 foizga oshdi. Bu haqda Markaziy bank xabar berdi.

8-oktabr holatiga ko‘ra, 5 grammli oltin quyma 7,921 mln so‘m, 10 grammli quyma 15,842 mln so‘m, 20 grammli quyma 31,684 mln so‘m, 50 grammli quyma esa 79,210 mln so‘mni tashkil qilmoqda. 100 grammli quyma narxi esa 158,420 mln so‘m etib belgilandi.

Ma’lumot uchun, 2025-yil boshidan buyon O‘zbekiston ichki bozorida oltin quymalar narxi o‘rtacha 40 foizga oshgan. Taqqoslash uchun, 2025-yil 3-yanvar kuni 5 grammli quyma 5,661 mln so‘mni tashkil etgan edi.

Shuningdek, jahon bozorida ham oltin narxi tarixda ilk bor bir troya unsiya uchun...

Telegram asoschisi Pavel Durov o‘z kanalidan Qozog‘istondagi «Kolsay ko‘llari» milliy bog‘ida cho‘milgan videosini o‘chirib tashladi.

Video ijtimoiy tarmoqlarda tarqalganidan so‘ng milliy bog‘ ma’muriyati xizmat tekshiruvini boshladi. TASS xabariga ko‘ra, bog‘ rahbariyati nazoratni ta’minlay olmagan xodimlarga nisbatan chora ko‘rilishini ma’lum qildi.

Shu bilan birga, bog‘ ma’muriyati inspektorlari Durovning qoidabuzarligini bevosita qayd etmaganini ma’lum qildi. Shu sababli unga nisbatan jarima qo‘llanilmaydi.

Qozog‘iston qonunchiligiga ko‘ra, taqiqlangan joyda cho‘milganlik uchun taxminan 39 ming tenge yoki $73 miqdorida jarima belgilanadi.

Eslatib o‘tamiz, Pavel Durov o‘tgan hafta Ostona shahrida bo‘lib o‘tgan Digital Bridge forumida ishtirok etish uchun Qozog‘istonga tashrif buyurgan edi. Tadbirda u Telegram kompaniyasi Ostona...

2025-yilning yanvar – avgust oylarida O‘zbekistonda jami 188,5 trillion so‘mlik qurilish ishlari bajarildi. Milliy statistika qo‘mitasi ma’lumotlariga ko‘ra, bu o‘tgan yilning shu davriga nisbatan 11,5 foiz ko‘p.

Eng katta qurilish hajmi Toshkent shahrida qayd etildi — 56,2 trillion so‘m. Undan keyingi o‘rinlarda Toshkent viloyati (21,4 trln so‘m), Buxoro viloyati (12 trln so‘m), Samarqand va Farg‘ona viloyatlari (har biri 11,5 trln so‘m) joylashgan.

Respublika bo‘yicha eng kam qurilish ishlari Jizzax (5,1 trln so‘m) va Sirdaryoda (3,6 trln so‘m) qayd etildi.

Avvalroq O‘zbekistondagi qurilish obyektlarida QR-kodli pasport o‘rnatish tartibi belgilangani haqida xabar berilgandi. Unga ko‘ra, pasport qurilish obyektining hududiy inspeksiyada...

2025-yilgi tibbiyot bo‘yicha Nobel mukofoti sovrindorlaridan biri, amerikalik olim Fred Ramsdell hali mukofot olganini bilmasligi mumkin. Sababi u Aydaxo shtatining tog‘li hududlarida telefon va internetdan butunlay uzilgan holda sayohat qilmoqda, deya xabar berdi The Guardian.

Ramsdell Sonoma Biotherapeutics laboratoriyasida ilmiy maslahatchi sifatida faoliyat yuritadi. U Meri Brunkou va Yaponiyaning Osaka universiteti professori Shimon Sakaguchi bilan birgalikda immun tizimdagi regulyator T-hujayralarni kashf etgani uchun Nobel mukofotiga loyiq deb topilgan.

Ushbu kashfiyot immun tizimning o‘z tanasiga hujum qilishini oldini oluvchi mexanizmlarni ochib bergan va yangi davolash usullari ishlab chiqilishiga asos yaratgan.

«Men ham u bilan bog‘lanishga harakat...

2025-yilda jahon savdo tizimi global notinchlikka qaramay, barqarorlikni saqlab qolmoqda. Bu haqda Jahon savdo tashkiloti (JST) hisobotiga tayanib Reuters agentligi xabar berdi.

Hisobotda ta’kidlanishicha, 2025-yilda global savdo hajmi 2,4 foizga oshishi kutilmoqda. O‘sishning asosiy sababi sifatida AQShda boj tariflarining oshishidan oldingi import faolligi va sun’iy intellekt bilan bog‘liq tovarlar savdosining ko‘payishi ko‘rsatilgan.

Biroq JST 2026-yilda jahon tovar savdosi hajmi 0,5 foizgacha sekinlashishini, global YIM esa 2,6 foizgacha pasayishini prognoz qilmoqda. JST rahbari Ngozi Okonjo-Iveala bu holatni tarif siyosatining savdoga bosim o‘tkazayotgani bilan izohladi.

2025-yilning birinchi yarmida jahon tovar savdosi hajmi 4,9 foizga, savdo qiymati esa 6 foizga oshgan. Asosiy...

Raqamli texnologiyalar vaziri Sherzod Shermatov «O‘zbekiston24» telekanaliga bergan intervyusida prezident sun’iy intellekt (SI) sohasidagi ta’limni yanada rivojlantirish, jumladan, vazirliklar, hokimliklar va oliy o‘quv yurtlari rahbarlarini o‘qitish, shuningdek, yangi o‘quv dasturlarini yaratish bo‘yicha topshiriqlar berganini qayd etdi.

«Bir million dasturchi loyihasida AIstudy.uz sayti ochilgan bo‘lib, bu platforma orqali butun aholi SI bo‘yicha bepul ta’lim olishi mumkin», – deya qayd etgan Shermatov.

Vazirning ta’kidlashicha, President Tech Award tanlovi orqali yoshlar startaplariga $1 mln yo‘naltiriladi. Xuddi shunday tanlovlarni SI sohasida o‘tkazish kutilmoqda.

«Prezident sun’iy intellektni rivojlantirish faqat Raqamli texnologiyalar vazirligining vazifasi emasligini ta’kidladi...

Yaqin yillarda Qoraqalpog‘istonda $2 milliardga yaqin 27 ta loyiha amalga oshiriladi. Bu haqda Saida Mirziyoyeva o‘z Telegram kanalida xabar berdi.

Prezident administratsiyasi rahbari Saida Mirziyoyeva 7-oktabr kuni Nukusda bo‘lib, yangi investitsiya va infratuzilma loyihalari bilan tanishdi. Unga ko‘ra, so‘nggi ikki yilda Qoraqalpog‘istonda 64 ta loyiha ishga tushib, besh mingdan ortiq odamlar ish bilan ta’minlandi. Yaqin yillarda esa qiymati $2 milliardga yaqin yana 27 ta loyiha amalga oshirilishi kutilmoqda. Bu orqali salkam 10 ming kishi ish topadi.

Shuningdek, Mirziyoyevaga hududdagi gaz ta’minoti, yo‘l qurilishi va biznesni rivojlantirishdagi muammolar haqida ham axborot berildi.

HealthTech AI Hackathon tanlovining keyingi...

Dunyo bo‘yicha quyosh va shamol stansiyalari kabi qayta tiklanuvchi energiya manbalari tarixda ilk bor ko‘mirga qaraganda ko‘proq elektr energiyasi ishlab chiqardi. Bu haqda Reuters agentligi ma’lum qildi.

Ember hisobotiga ko‘ra, 2025-yil yanvar – iyun oylarida qayta tiklanuvchi manbalar orqali 5 072 teravatt-soat (TVt⋅soat), ko‘mir orqali esa 4 896 TVt⋅soat elektr energiyasi ishlab chiqarilgan.

Tahlilchi Malgojata Vyatros-Motika bu holatni dunyo energetika tizimidagi burilish nuqtasi deb atadi. Uning so‘zlariga ko‘ra, quyosh va shamol energiyasi hozirda global elektrga bo‘lgan talabni qondira oladigan darajada tez o‘smoqda.

Ma’lumot uchun, Xitoyda quyosh energiyasi 43 foiz, shamol energiyasi 16 foizga oshgan, Hindistonda esa bu ko‘rsatkichlar mos...

Oppo kompaniyasining 2025-yilgi eng ilg‘or flagmani bo‘lishi kutilayotgan Oppo Find X9 Ultra haqida yangi ma’lumotlar paydo bo‘ldi. Bu haqda Gizmochina xabar bermoqda.

Ma’lum qilinishicha, yangi model kamera imkoniyatlari bilan bozorda eng kuchli smartfonlardan biri bo‘lishi kutilmoqda. Find X9 Ultra Snapdragon 8 Elite Gen 5 protsessoriga ega yagona model bo‘ladi. Shu bilan birga, u ikki periskopli telefoto kamera tizimi bilan jihozlanadi. Bu imkoniyatlar hozircha boshqa hech bir flagmanda mavjud emas.

Find X8 Ultra ham shunga o‘xshash tizimga ega edi. Biroq 2025-yilda chiqariladigan yangi Ultra versiyasi bundan ham farqli va mukammalroq bo‘ladi.

Manbaga ko‘ra, Find X9 Ultra’ning asosiy kamerasi 200 megapikselli...

Airbus kompaniyasi o‘zining A320 samolyotlar oilasi bilan tarixiy natijaga erishdi. Bu haqda Reuters agentligi ma’lum qildi.

Kompaniya Boeing 737’ni ortda qoldirib, tarixdagi eng ko‘p yetkazib berilgan yo‘lovchi samolyotiga aylandi. Britaniyaning Cirium firmasi ma’lumotlariga ko‘ra, 1988-yildan buyon A320 seriyasining 12 260 dona samolyoti mijozlarga topshirilgan.

So‘nggi yillarda Airbus va Boeing tor fuzelyajli yo‘lovchi samolyotlar bozorida keskin raqobat olib borib kelmoqda. Osiyo mintaqasidagi o‘sish, arzon reyslarga bo‘lgan talabning ortishi va yangi aviakompaniyalar paydo bo‘lishi A320 modelini yanada ommalashtirdi.

A320 dasturi 1984-yilda boshlangan bo‘lib, 1987-yilda ilk marta parvoz qilgan. Ushbu samolyotda o‘sha davr uchun yangilik bo‘lgan fly-by-wire elektron boshqaruv tizimi joriy etilgan...

Banklar 8-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.  

Tesla kompaniyasi tomonidan Tesla Model 3 Standard avtomobili taqdim etildi. Bu haqda kompaniya saytida ma’lum qilindi. Ushbu modelning narxi $37 mingni tashkil etadi.

Model 3 Standard orqa g‘ildirakdan tortuvchi, bitta elektromotorga ega avtomobil bo‘lib, 517 km masofani bosib o‘ta oladi. 0 dan 100 km/soatgacha tezlashishi 5,8 soniyani tashkil etadi.

Yangi model avvalgi Premium Rear-Wheel Drive versiyasidan $5,5 ming arzon. Unda 18 dyuymli disklar, mat va sun’iy teri bilan qoplangan salon, ammo ventilyatsiyali o‘rindiqlar va orqa ekran mavjud emas. Rul qo‘lda sozlanadi, mashina faqat uchta rangda — kulrang, oq va qora ranglarda taklif etiladi.

Premium va sport uslubidagi Model...

Shavkat Mirziyoyev Vladimir Putinni tug‘ilgan kuni bilan tabrikladi. Bu haqda prezident matbuot xizmati xabar berdi.

7-oktabr kuni O‘zbekiston davlat rahbari Rossiya prezidenti bilan telefon orqali muloqot qildi. Unda Mirziyoyev Rossiya yetakchisini tug‘ilgan kuni bilan tabriklab, unga sog‘liq, baxt va ishlarida muvaffaqiyat tiladi.

Suhbat davomida O‘zbekiston va Rossiya o‘rtasidagi strategik hamkorlikni yanada mustahkamlash masalalari muhokama qilindi. Tomonlar tovar ayirboshlash hajmini oshirish, sanoat, energetika va qishloq xo‘jaligida yangi loyihalarni ilgari surish, hududlar o‘rtasidagi ishbilarmonlik aloqalarini kengaytirish zarurligini ta’kidladi.

Shuningdek, ikki mamlakat o‘rtasida madaniy va gumanitar sohadagi almashinuvlar faol davom etayotgani ta’kidlandi. Suhbat yakunida rahbarlar xalqaro va mintaqaviy masalalar yuzasidan fikr almashib...

Poytaxtning Mirzo Ulug‘bek va Yashnobod tumanlari hududidan o‘tuvchi bir nechta ko‘chalarda yo‘l ta’mirlash ishlari olib boriladi. Bu haqda Toshkent shahri hokimligi axborot xizmati ma’lum qildi.

Xususan, Yangi O‘zbekiston ko‘chasi (Ohangaron shossesidan D012 avtomobil yo‘ligacha bo‘lgan qism), Jasorat ko‘chasi hamda Do‘stlik ko‘chalarida avtomobil yo‘lining yuqori qatlamiga PSHMA-20 turdagi asfalt-beton qoplamasi yotqiziladi.

Shu munosabat bilan 2025-yil 8-oktabrdan 20-oktabrga qadar ushbu yo‘nalishlarda transport harakati qisman cheklanadi.

Hokimlik haydovchilardan vaqtincha noqulayliklar uchun uzr so‘rab, harakatlanishda muqobil yo‘llardan foydalanishni tavsiya etadi.

Eslatib o‘tamiz, avvalroq Toshkent shahridagi Maxtumquli ko‘chasining bir qismi noyabrgacha yopilgan edi.

Prezident farmoniga muvofiq, davlat boshqaruv tizimini optimallashtirish doirasida ijro hokimiyati tizimida 2 141 ta shtat birligi qisqartiriladi.

Eng ko‘p qisqartirishlar quyidagi idoralarda amalga oshiriladi:

Bundan tashqari, turli qo‘mita, agentlik va inspeksiyalarda 16 nafar o‘rinbosar lavozimi ham tugatiladi.

Farmonning asosiy maqsadi — davlat boshqaruvini ixcham, samarali va mas’uliyatli tizimga aylantirish, budjet xarajatlarini kamaytirish hamda zamonaviy boshqaruv uslublarini joriy etishdan iborat.

Eslatib o‘tamiz, avvalroq davlat xizmatiga...

Qishloq xo‘jaligi vaziri Ibrohim Abdurahmonov Fransiyaning O‘zbekistondagi Favqulodda va muxtor elchisi Ualid Fuk bilan hamkorlik uchrashuvi o‘tkazdi. Bu haqda hukumat portalida ma’lum qilindi.

Tomonlar ikki mamlakat o‘rtasidagi qishloq xo‘jaligi sohasidagi hamkorlikni yanada rivojlantirish, mavjud loyihalarni baholash va istiqboldagi yo‘nalishlarni belgilash masalalarini muhokama qildi.

Muloqot davomida oziq-ovqat xavfsizligini ta’minlash, innovatsion texnologiyalarni joriy etish, shuningdek, import va eksport salohiyatini oshirish bo‘yicha yangi tashabbuslar ilgari surildi.

Uchrashuvda sut ishlab chiqarish sohasidagi qo‘shma loyiha alohida e’tiborga olinib, uning samaradorligini oshirish yo‘nalishida amaliy takliflar muhokama qilindi. Shuningdek, chorvachilikda genetika yo‘nalishini rivojlantirish, ilmiy tadqiqotlar va innovatsion ishlanmalarni qo‘llab-quvvatlash hamda logistika infratuzilmasini takomillashtirish masalalari ham kun...

Milliy statistika qo‘mitasi ma’lumotlariga ko‘ra, 2024-yilda O‘zbekistonda jami 526,7 ming tonna o‘rik yetishtirilgan.

Hisobotda qayd etilishicha, o‘rik hosilining asosiy qismini dehqon va tomorqa xo‘jaliklari yetishtirgan – 279,5 ming tonna. Fermer xo‘jaliklarida esa 229,3 ming tonna, qishloq xo‘jaligi tashkilotlarida esa 17,9 ming tonna o‘rik yetishtirilgan.

Ma’lumot uchun, O‘zbekiston o‘rigi nafaqat ichki bozor uchun, balki eksport salohiyati jihatidan ham muhim mahsulot hisoblanadi.

Eslatib o‘tamiz, avvalroq sport bilan shug‘ullanuvchilar ulushi 68,3% gacha oshgani haqida yozgan edik.

Metroda chaqaloq tug‘ildi, OʻFA jarimaga tortildi, chet elliklar uchun maxsus soliq rejimi joriy etiladi, 2026-yilgacha 1,2 mingta yangi avtobus olib kelinadi — Kursiv Uzbekistan tomonidan 7-oktabrning eng muhim voqea va hodisalari bitta materialga jamlandi.

Toshkent metrosida chaqaloq dunyoga keldi

Joriy yilning 6-oktabr kuni G‘afur G‘ulom metro bekatida chaqaloq dunyoga keldi. Bu haqda Toshkent metropoliteni xabar berdi. Hozirda ona va chaqaloq sog‘lom, ular shifoxonaga yetkazilgan.

OʻFA BYD avtomobillari sabab 340 ming dollar jarimaga tortildi

Osiyo futbol konfederatsiyasi (OFK) Tartib-intizom qoʻmitasi Oʻzbekiston futbol assotsiatsiyasiga (OʻFA) $340 ming miqdorida jarima qoʻlladi. Qarorga 10-iyun kuni Toshkentdagi «Bunyodkor» stadionida boʻlib oʻtgan Oʻzbekiston – Qatar uchrashuvidan...

2025-yil yanvar – avgust oylarida O‘zbekiston bo‘yicha sartaroshxona va go‘zallik salonlari xizmatlari hajmi 8,1 trillion so‘mni tashkil etgan. Milliy statistika qo‘mitasi ma’lumotiga ko‘ra, bu o‘tgan yildagiga nisbatan 11,1 foizga ko‘p.

Eng ko‘p mablag‘ Toshkent shahrida sarflangan – 1,4 trillion so‘m. Undan keyingi o‘rinlarda Farg‘ona (1,1 trillion so‘m) va Samarqand viloyati (1 trillion so‘m) qayd etilgan.

Shuningdek, Namangan, Toshkent va Andijon viloyatlarida ham go‘zallik xizmatlariga talab yuqori bo‘lgan. Eng kam xarajat esa Sirdaryo viloyatida 110,1 milliard so‘mni tashkil qilgan.

Bundan oldin Kursiv Uzbekistan 2025-yilning ommabop soqol uslublari haqida xabar bergandi. Unga ko‘ra so‘nggi paytlarda erkaklar orasida ko‘proq gradatsiyali, kalta...

Osiyo kubogi – 2026 final bosqichiga yoʻllanma olgan Oʻzbekiston futzal milliy terma jamoasi navbatdagi oʻrtoqlik uchrashuvini Toshkentda Qozogʻiston terma jamoasiga qarshi oʻtkazadi. Bu haqda O‘FF xabar berdi.

Uchrashuv 16-oktabr kuni poytaxtdagi «Yunusobod» sport majmuasida bo‘lib, soat 17:00 da boshlanadi va u har ikki jamoa uchun muhim sinov vazifasini oʻtaydi. Mazkur oʻyin jamoalarga Osiyo kubogi final bosqichi oldidan tarkibni sinab koʻrish va oʻyin amaliyotini oshirish imkonini beradi.

Oʻzbekiston terma jamoasi yaqinda oʻtkazilgan saralash bosqichida muvaffaqiyatli ishtirok etib, 2026-yilgi Osiyo chempionatiga yoʻllanmani qoʻlga kiritgan edi. Qozogʻiston esa Yevropa futzal maktabining eng kuchli vakillaridan biri boʻlib, xalqaro miqyosda yuqori natijalari bilan tanilgan.

Vivo kompaniyasi uzoq kutilgan V60e smartfonini Hindistonda rasman taqdim etdi. U V60 modelining arzonroq varianti sifatida taqdim qilinmoqda.

Smartfon MediaTek Dimensity 7360 Turbo protsessori bilan jihozlangan.

Vivo V60e 6,77 dyuymli AMOLED displeyga ega bo‘lib, 120 Hz yangilanish tezligi, 1600 nit yorqinlik, 10-bit rang chuqurligi va ko‘zni asrovchi Low Blue Light sertifikatiga ega. Ekran Diamond Shield Glass himoyasi bilan mustahkamlangan.

Old kamerasi 50 MP bo‘lib, AI Aura Light Portrait funksiyasiga ega. U ikki fizik yoritkich va sun’iy intellekt yordamida portretlarda yorug‘lik balansini avtomatik moslaydi.

Orqa tomonda asosiy 200 MP kamera Samsung HP9 sensoriga ega, diafragma f/1.88, optik barqarorlashtirish (OIS) mavjud...

Saudiya Arabistonida ishlayotgan 19 nafar o‘zbekistonlik ishchi oylik maoshlarini ololmagani sababli O‘zbekiston Bosh konsulxonasiga murojaat qilgan. Bu haqda «Dunyo» axborot agentligi xabar berdi.

Bosh konsulxona xodimlari voqeani o‘rganish uchun Rabig‘ sanoat shahriga borib, fuqarolar bilan uchrashgan va ularning muammosini eshitgan. Shundan so‘ng ish beruvchi turk kompaniyasi rahbarlari bilan muzokaralar o‘tkazilgan.

Muzokaralar natijasida kompaniya ishchilarning barcha moliyaviy muammolarini hal etish hamda ularni o‘z hisobidan O‘zbekistonga qaytarish bo‘yicha kelishuvga rozi bo‘lgan. Holat O‘zbekiston Bosh konsulxonasi tomonidan to‘liq nazoratga olingani qo‘shimcha qilindi.

Bundan oldin Tyumenda ishlagan uch nafar o‘zbekistonlikning ham ish haqi undirib berilgandi. Unga ko‘ra, Rossiyaning Tyumen viloyatida vaqtincha ishlayotgan...