Yangiliklar

Xitoyning Vivo kompaniyasi tomonidan Vivo X300 Pro smartfoni kamerasi yordamida olingan suratlarni e’lon qildi. Weibo’dagi rasmiy sahifada joylashtirilgan suratda oy manzarasi aks etgan bo‘lib, u yangi Zeiss 200 megapikselli APO teleobyektivi imkoniyatlarini namoyish etadi.

«Vivo X300 Pro. Yangi Zeiss 200 MP APO superteleobyektiv bu mukammal onni muhrladi. Har bir uchrashuv kunduzdek tiniq bo‘lsin», deb yozilgan kompaniya postida.

Suratning texnik tafsilotlariga ko‘ra, u 10 barobar optik zum yordamida olingan.

Vivo, shuningdek, kechki payt olingan boshqa suratlarni ham ulashdi. Ularning aksariyati asosiy 24 mm kamera orqali olingan bo‘lishi mumkin, ammo kompaniya bu seriyaning ayrim kadrlarini boshqa...

Ginnesning rekordlar kitobi dunyodagi eng keksa erkak sifatida braziliyalik Juan Marino Netuni tan oldi. U yaqinda o‘zining 113 yoshini qarshi oldi.

Tashkilot ma’lum qilishicha, Juan Marino Netu o‘zining tug‘ilgan kunini katta bayram bilan nishonlagan.

«Dunyodagi eng keksa inson Juan Marino Netuning 113 yilligi bilan tabriklaymiz. Bugun u ushbu muhim voqeani yaqinlari bilan nishonlamoqda», deyiladi tashkilot matbuot xizmati xabarida.

Netu «Dunyoning eng keksa erkagi» unvonini 2024-yilning noyabr oyida Buyuk britaniyalik Jon Tinnisvud vafotidan keyin olgan.

Juan Marino Netu 1912-yilda tug‘ilgan va ikki turmushidan yettita farzand ko‘rgan. Uning 22 nabirasi, 15 chevarasi va 3 evarasi bor.

AnTuTu benchmark tomonidan 140 dollargacha bo‘lgan eng yaxshi smartfonlar reytingi aniqlandi. Ushbu toifada birinchi o‘rinni Redmi Note 14 5G smartfoni (6/128 GB) egalladi.

Qurilma Dimensity 7025-Ultra protsessorida ishlaydi va yuqori samaradorlikni arzon narxda taqdim etgani bilan ajralib turadi.

Ikkinchi o‘rinda Redmi Note 15 (6/128 GB) joylashgan. U Snapdragon 6 Gen 3 chipsetiga ega. Kuchli uchlikni esa Redmi 14C (4/64 GB) yakunlagan bo‘lib, u MediaTek Helio G81-Ultra protsessorida ishlaydi.

Reyting:

Eslatib o‘tamiz, Kursiv Uzbekistan Xiaomi 17 AnTuTu reytingida eng foydali flagman deb topilgani haqida yozgan edi.

Toshkent shahrining Yakkasaroy tumanida o‘zini prezident administratsiyasi va Davlat xavfsizlik xizmati (DXX) xodimi deb tanishtirgan shaxs qo‘lga olindi. Bu haqda Toshkent shahar Ichki ishlar bosh boshqarmasi xabar berdi.

Xabarga ko‘ra, Yo‘l harakati xavfsizligi xodimlari Shota Rustaveli ko‘chasida oq rangli Lacetti avtomobilini to‘xtatgan. Haydovchi Javohir Orifjonov o‘zini DXX xodimi sifatida tanishtirib, qalbaki xizmat guvohnomasini ko‘rsatgan. U inspektorlardan uni qo‘yib yuborishni so‘rab, go‘yoki yuqori lavozimdagi tanishiga qo‘ng‘iroq qilgan. Biroq huquqni muhofaza qiluvchi organlar tekshiruv o‘tkazib, uning guvohnomasi soxta ekanini aniqlagan.

Surishtiruvlar davomida aniqlanishicha, Orifjonov ilgari ham sudlangan bo‘lib, o‘zini prezident administratsiyasi, huquqni muhofaza qiluvchi organlardan birining va boshqa yuqori idoralarning xodimi...

Toyota kompaniyasi Toyota Land Cruiser FJ avtomobili (yoki Land Cruiser Mini) ustida faol ishlayotgani rasman tasdiqlandi. Bu haqda Bestcarweb xabar bermoqda.

Yaponiyaning Chubu Keizai Shimbun nashriga ko‘ra, yangi model 2026-yilning fevral oyida Yaponiyada savdoga chiqadi. Uning ilk taqdimoti esa shu yilning oktabr oyi oxirida o‘tkaziladigan Japan Mobility Show ko‘rgazmasida bo‘lib o‘tadi.

Dizayn va platforma

Yangi Land Cruiser FJ Toyota’ning MV-0 platformasiga asoslanadi — bu baza hozirda Hilux Champ pikapida ham qo‘llanilmoqda. Modelning o‘lchamlari ixcham, ammo to‘liq yo‘ltanlamas avtomobilga xos: uzunligi 4550 mm, kengligi 1830 mm, balandligi 1860 mm, g‘ildirak bazasi esa 2750 mm.

Land Cruiser FJ’ning dizayni 2021-yilda...

Harbiy mahsulotlar va texnikalar bo‘yicha davlat buyurtmasi vazifalari belgilandi. Bu haqda Adliya vazirligi xabar berdi.

Unga ko‘ra, O‘zbekistonda «Davlat mudofaa buyurtmasi to‘g‘risida»gi qonun qabul qilindi. Mazkur qonun davlat mudofaa buyurtmasi sohasidagi munosabatlarni tartibga soladi.

Yangi qonunga ko‘ra, davlat mudofaa buyurtmasining asosiy vazifalari quyidagilardan iborat:

Davlat mudofaa buyurtmasining loyihasi Davlat komissiyasi tomonidan ko‘rib chiqilib, uning qarori bilan tasdiqlanadi. Shuningdek, bu...

Argentinalik taniqli bloger va model Sasha Ferro «Independiente» klubi futbolchisi, 22 yoshli Diego Tarzia bilan uchrashayotganini tasdiqladi. Bu haqda Marca xabar bermoqda.

26 yoshli bloger ilgari «Manchester Yunayted» futbolchisi Alejandro Garnacho va «Chelsi» yarim himoyachisi Enso Fernandes bilan bog‘liq mish-mishlar bilan tilga olingan edi. Endi esa u ijtimoiy tarmoqlarda Tarzia bilan tushgan fotosuratlari va videolarini joylab, munosabatini rasman tasdiqladi.

U TikTok’da Tarzia bilan birga tushgan videoda «Men seni sevaman, Diego Tarzia» deb yozib, ularning aloqasini yashirmagan.

Sasha Ferro Instagram’da 1,7 million obunachiga ega bo‘lib, futbolchilar bilan bog‘liq hayoti tufayli tez-tez OAV e’tiborida bo‘lib keladi. Avvalroq u haqida Vinius Junior...

O‘zbekiston poytaxtida 2025-yil sentabr oyida dollar kursining pasayishi va yangi o‘quv yilining boshlanishi natijasida uy-joy ijarasi bozorida sezilarli o‘zgarishlar kuzatildi. Makroiqtisodiy va hududiy tadqiqotlar instituti mutaxassislari bu jarayonni tahlil qilib, dollardagi ijaralar qanday o‘zgarganini aniqladi.

Valyuta dinamikasi va talabning oshishi

So‘mning mustahkamlanishi natijasida dollardagi ijara narxlari ko‘tarildi. Chunki uy-joy egalari kurs farqini hisobga olib, taklif narxlarini oshirdi. Shu bilan birga, yangi o‘quv yilining boshlanishi ham talabni keskin oshirdi. Ayniqsa, talab yuqori bo‘lgan tumanlarda talabalarga mo‘ljallangan 1-2 xonali xonadonlar ijarasi ko‘tarildi.

O‘rtacha ta’mirlangan xonadonlar

Sentabr oyida o‘rtacha ta’mirlangan xonadonlar ijarasi o‘rtacha $16 – 25 oralig‘ida oshgan. Quyidagi...

Osiyo futbol konfederatsiyasi (OFK) Tartib-intizom qoʻmitasi Oʻzbekiston futbol assotsiatsiyasiga (OʻFA) $340 ming miqdorida jarima qoʻlladi. Qarorga 10-iyun kuni Toshkentdagi «Bunyodkor» stadionida boʻlib oʻtgan Oʻzbekiston – Qatar uchrashuvidan keyingi holat sabab boʻlgan.

Ma’lum qilinishicha, oʻyin yakunlangach stadion maydoniga futbolchilarni mukofotlash marosimi uchun BYD rusumli avtomobillar olib kirilgan. Bu esa OFK tomonidan qatʼiy taqiqlangan, chunki tashkilot oʻz homiylari bilan tuzilgan shartnomalarga koʻra, turnirlar davomida maydon va uning atrofida boshqa tijoriy brendlar reklamasiga yoʻl qoʻymaydi.

OFK reglamentiga muvofiq, Jahon chempionati saralash bosqichida ishtirok etayotgan har bir mezbon jamoa xalqaro tashkilot tomonidan moliyaviy mukofot oladi. Shu sababli mezbon mamlakatlardan reklama va homiylik siyosatiga...

Oʻzbekistonlik superogʻir vazn toifasidagi professional bokschi Bahodir Jalolov oʻzining magʻlubiyatsiz seriyasini davom ettirdi. U 6-oktabr kuni Rossiyaning Sankt-Peterburg shahrida boʻlib oʻtgan IBA Pro 10 turnirida mahalliy sportchi Vitaliy Kuduxovga qarshi ringga chiqdi.

8 raundga moʻljallangan jang toʻliq davom etdi. Bahs yakunida barcha hakamlar bir ovozdan oʻzbekistonlik charm qoʻlqop ustasining gʻalabasini e’tirof etdi — 77:73, 77:74, 78:72. Jalolov jang davomida raqib ustidan toʻliq nazoratni ushlab turdi va aniq zarbalari bilan ustunlikni qoʻlga kiritdi.

Eslatib oʻtamiz, Bahodir Jalolov avvalroq Qozogʻistonning Ostona shahrida ukrainalik Igor Shevadzutskiyga qarshi jang oʻtkazib, hakamlar qaroriga koʻra gʻalaba qozongan edi. Shuningdek, u yoz oyida AQShning Nyu-York shahrida oʻtkazilishi...

Tijorat banklari 7-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

Xitoyning Jetour kompaniyasi tomonidan yangi Jetour Zongheng G700 avtomobili 19-oktabr kuni bozorga chiqarishini e’lon qilindi. Bu haqda Autohome xabar bermoqda.

Avvaldan buyurtma qabul qilish allaqachon boshlangan. Mashina to‘rt xil komplektatsiyada taklif etiladi, narxi 350 ming yuandan ($49 ming) boshlanadi.

Dizayn va o‘lchamlar Model Jetour brendi uchun mutlaqo yangi dizaynga ega, biroq tashqi ko‘rinishda u BYD Leopard liniyasidagi offroaderlarni eslatadi. Gabaritlari — 5198×2050×1956 mm, g‘ildirak bazasi esa 2870 mm.

Salonda yuqori sifatli charm qoplamalar va xrom elementlar ishlatilgan. Old panelda ikkita katta ekran joylashgan: 15,6 dyuymli markaziy displey va 35,4 dyuymli keng asboblar paneli. Mashina besh yoki olti o‘rinli variantlarda...

Joriy yilning 6-oktabr kuni G‘afur G‘ulom metro bekatida chaqaloq dunyoga keldi. Bu haqda Toshkent metropoliteni xabar berdi.

Unga ko‘ra, dastlab metro bekatidagi navbatchi xodima Naima Maxamadjonovaga ichki ishlar xodimi tomonidan bir ayolning sog‘lig‘i yomonlashgani haqida xabar berilgan.

Xodima vaziyatni tezda baholab, o‘ziga o‘rgatilgan tibbiy ko‘nikmalardan foydalanib ayolga birinchi yordam ko‘rsatgan. U ayolning farzandini sog‘-omon dunyoga keltirishiga yordam bergan va chaqaloqning nafas olishini ta’minlab, zarur dastlabki parvarish choralarini ko‘rgan.

Ushbu vaqt ichida tez yordam xizmati va ayolning yaqinlari chaqirilgan, tibbiyot xodimlari kelguniga qadar ona va bola holati metro xodimlari nazoratida bo‘lgan. Hozirda ona va chaqaloq sog‘lom, ular shifoxonaga yetkazilgan.

AnTuTu benchmarking platformasi 2025-yilgi eng samarali flagman smartfonlar reytingini e’lon qildi. $560 dan yuqori narxli toifada birinchi o‘rinni Xiaomi 17 smartfoni (12/256 GB) egalladi.

Xiaomi 17 Pro (12/256 GB) to‘rtinchi o‘rinni, Xiaomi 17 Pro Max (12/512 GB) esa o‘ninchi o‘rinni egalladi. Shu tariqa Xiaomi 17 liniyasi uch modeli bilan AnTuTu ro‘yxatidan joy oldi.

Ikkinchi va uchinchi o‘rinlarda Red Magic 10 Pro (12/256 GB) hamda Red Magic 10S Pro (16/512 GB) joylashgan. Ikkalasi ham Qualcomm Snapdragon 8 Elite protsessori bilan jihozlangan.

Reyting

Eslatib o‘tamiz, Kursiv Uzbekistan yangi Xiaomi 17 Xitoyda sotuvga chiqqani haqida yozgan edi. Qurilma 16 GB...

O‘zbekiston elchixonasi ko‘magida Shvetsiya Taraqqiyot bo‘yicha hamkorlik agentligi (SIDA) delegatsiyasining mamlakatimizga ishchi safari tashkil etildi. Bu haqda «Dunyo» AA ma’lum qildi.

Tashrif davomida delegatsiya a’zolari bir qator hukumat idoralari, fuqarolik jamiyati va ilmiy doira vakillari bilan uchrashuvlar o‘tkazdi.

Muzokaralarda barqaror rivojlanish, ijtimoiy loyihalarni amalga oshirish imkoniyatlari hamda o‘zaro hamkorlik istiqbollari muhokama qilindi.

Ma’lumot uchun, Shvetsiya taraqqiyot bo‘yicha xalqaro hamkorlikda yetakchi davlatlardan biri bo‘lib, yalpi ichki mahsulotining 0,7 foizini rivojlanayotgan mamlakatlarga yordam dasturlariga yo‘naltirib kelmoqda.

Eslatib o‘tamiz, avvalroq O‘zbekiston va Avstraliya sug‘orish tizimlarini raqamlashtirishda hamkorlik qilishi haqida xabar bergan edik.

Qo‘rg‘ontepa tumanida qalbaki pul muomalasini amalga oshirgan shaxslar qo‘lga olindi. Bu haqda Bosh prokuratura departamenti ma’lum qildi.

Bosh prokuratura huzuridagi Departamentning tuman bo‘limi, DXX va IIB xodimlari hamkorligida o‘tkazilgan tezkor tadbirda fuqaro va uning sheriklari ashyoviy dalillar bilan ushlangan.

Ma’lumotlarga ko‘ra, ular boshqa bir fuqaroga 19,8 mln so‘m miqdoridagi qalbaki pulni 10 mln so‘mga sotishga uringan paytda fosh etilgan.

Hozirda mazkur holat yuzasidan O‘zbekiston Respublikasi Jinoyat kodeksining 176-moddasi («Qalbaki pul, aksiz markasi yoki qimmatli qog‘ozlar yasash va ularni o‘tkazish») bo‘yicha jinoyat ishi qo‘zg‘atilgan. Tergov harakatlari davom etmoqda.

Eslatib o‘tamiz, avvalroq departament Buxoroda tadbirkorning qariyb 1 mlrd so‘mi talon-toroj qilinganini...

Shu yilning 7-oktabridan boshlab Toshkentdagi Shota Rustaveli ko‘chasida markaziy avtobus yo‘lagi faoliyat boshladi. Dastlabki bosqichda ushbu yo‘lak orqali 38, 57 va 58-sonli avtobuslar harakatlanadi. Bu haqda Transport vazirligi xabar berdi.

Mazkur loyiha jamoat transporti uchun ustuvorlikni ta’minlash, tirbandliklarni kamaytirish va yo‘lovchilar uchun qulay hamda xavfsiz harakatlanish sharoiti yaratishga qaratilgan.

Yo‘lovchilar uchun muhim eslatmalar

Avtobuslar endi yo‘lning o‘rta qismidagi maxsus ajratilgan yo‘lakda harakatlanadi. Chiqish va tushish faqat yo‘l o‘rtasida joylashgan platformalardagi bekatlarda amalga oshiriladi. Platformaga faqat belgilangan piyodalar o‘tish joylari orqali chiqish mumkin.

Shuningdek, avtobus to‘liq to‘xtagachgina eshikka yaqinlashing, sariq xavfsizlik chizig‘i ortida turing. Avval keksalar, nogironligi bo‘lgan shaxslar...

7-oktabr kuni O‘zbekiston hududida harorat kechasi 5–13°, kunduzi 20–28° oralig‘ida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Amerika texnologiya kompaniyasi AMD sun’iy intellekt chiplarini yetkazib berish bo‘yicha OpenAI bilan ko‘p yillik shartnoma tuzdi. Bu haqda Reuters agentligi ma’lum qildi.

Ushbu bitim natijasida AMD yiliga o‘nlab mlrd dollar daromad olishi kutilmoqda. Shuningdek, OpenAI kompaniyaga 10 foizgacha aksiyalarni sotib olish imkoniyatiga ega bo‘ladi.

E’lon ortidan AMD aksiyalari 34 foizga oshib, bir yillik rekord daraja – $226,71ga yetdi. Bu kompaniya kapitallashuvini qariyb $80 mlrdga oshirgan.

Kelishuvga muvofiq, AMD 2026-yildan boshlab OpenAI’ga yuz minglab sun’iy intellekt chiplarini yetkazib beradi. Shuningdek, kompaniya yangi MI450 chiplar asosida 1 gigavattlik ma’lumotlar markazi qurishni rejalashtirmoqda.

AMD rahbariyatining ma’lum qilishicha, loyiha to‘rt yil ichida...

Isroil hukumati iqlim faoli Greta Tunberg va yana 170 nafar xalqaro faollarni mamlakat hududidan chiqarib yubordi. Bu haqda Reuters agentligi ma’lum qildi.

Ular o‘tgan haftada G‘azo sektoriga insonparvarlik yordamini yetkazmoqchi bo‘lgan flotiliya tarkibida qo‘lga olingan edi.

Isroil Tashqi ishlar vazirligi bayonotida barcha faollarning huquqlari ta’minlangani ta’kidlandi. Rasmiylarning so‘zlariga ko‘ra, Tunberg va boshqa ishtirokchilar Ramon xalqaro aeroportidan samolyotda jo‘natilgan.

Shveysariya va Ispaniya fuqarolari bo‘lgan ayrim faollar hibsda insoniy sharoitlar buzilganini, ularni uyqusiz, och, suvsiz va kaltaklanganini da’vo qildi. Shvetsiyalik ishtirokchilar esa Tunbergni majburan Isroil bayrog‘ini kiyishga undashganini aytishdi.

Isroil hukumati bu ayblovlarni butunlay rad etib, barcha hibsdagilarga ovqat, suv va...

O‘zbekiston prezidenti Shavkat Mirziyoyev Ozarbayjon Respublikasi prezidenti Ilhom Aliyevning taklifiga binoan ushbu mamlakatga amaliy tashrif bilan keldi. Bu haqda davlat rahbarining matbuot xizmati xabar berdi.

Gabala xalqaro aeroportida O‘zbekiston yetakchisini Ozarbayjon madaniyat vaziri Ozil Karimli, Gabala tumani ijro hokimiyati rahbari Sabuhiy Abdullayev va boshqa rasmiy shaxslar kutib oldi.

Tashrif dasturiga ko‘ra, davlat rahbari ertaga, 7-oktabr kuni, Turkiy davlatlar tashkiloti sammitining rasmiy tadbirlarida ishtirok etadi.

Avvalroq Kursiv Uzbekistan Shavkat Mirziyoyev Ozarbayjonga jo‘nab ketgani haqida yozgandi.

Rossiyaning «Rosselxoznadzor» agentligi Krasnodar aeroportida O‘zbekistondan olib kelingan 20,7 tonna uzum partiyasini qabul qilishdan bosh tortdi. Bu haqda Kub News ma’lum qildi.

Bunga uzum orasida Rossiyada taqiqlangan parazit o‘simlik, ya’ni povilika topilgani sabab bo‘lgan.

Agentlikning 6-oktabr kuni bergan rasmiy ma’lumotiga ko‘ra, Kuban poytaxtiga kirib kelgan uzum namunalarida parazit o‘simlikning tirik holatda mavjudligi laboratoriya tekshiruvi orqali tasdiqlangan. Natijada butun uzum partiyasi O‘zbekistonga qaytarib yuborilgan.

Ma’lumot uchun, dunyoda povilikaning 270 dan ortiq turi mavjud bo‘lib, ular ko‘plab mamlakatlarda uchraydi. Ushbu o‘simliklar ip shaklidagi ingichka novdalar bilan boshqa o‘simlikka o‘ralib, uning ozuqasidan foydalanadi va hosil sifatini keskin pasaytiradi.

Rosselxoznadzor vakillari bunday holatlarning...

Polsha hukumati vakillari va faxriylar delegatsiyasi Markaziy Osiyoga — Qozog‘iston va O‘zbekistonga — Ikkinchi jahon urushi davrida sodir bo‘lgan sovet deportatsiyalari qurbonlarini yod etish maqsadida tashrif buyurdi.

Bu yil Polsha xalqining tarixidagi og‘ir sahifalardan biri — Stalin davridagi majburiy deportatsiyalar boshlanganiga 85 yil to‘ldi. Aynan shu munosabat bilan o‘tkazilayotgan xotira tadbirlari yuz minglab polyaklarning SSSRning ichki hududlariga zo‘rlik bilan olib ketilgan fojiali taqdirini esga olishga qaratilgan.

Delegatsiya tarkibiga Polsha Faxriylar va repressiyaga uchragan shaxslar ishlari boshqarmasi vakillari, Sibirliklar bosh ittifoqi a’zolari hamda deportatsiyani o‘z boshidan kechirgan 40 nafar kishi kirgan. Ular orasida surgunda tug‘ilgan Adam Mitelshteyd ham bor. U...

Afg‘oniston rahbariyati o‘zbek kompaniyalariga uglevodorod konlarini geologik qidiruv va ishlab chiqish uchun litsenziya berganini O‘zbekiston energetika vaziri Jurabek Mirzamahmudov «O‘zbekiston 24» telekanaliga bergan intervyusida ma’lum qildi.

Vazirning so‘zlariga ko‘ra, 14-sentabr kuni Afg‘onistonda Tuti-Maydon gaz konida ishlar boshlangan.

Kelishuv shartlariga ko‘ra, loyiha 25 yil davomida amalga oshiriladi va uning ijrochisi sifatida o‘zbek kompaniyasi Eriell KAM belgilangan.

Vazir ta’kidlaganidek, Afg‘onistonda infratuzilmaning rivojlanishi va barqarorlikning mustahkamlanishi O‘zbekistonga dengiz portlariga chiqish uchun eng qisqa yo‘lni ochib beradi hamda tranzit va logistika sohalarida yangi imkoniyatlar yaratadi.

Shuningdek, u Afg‘onistonning tinch va barqaror rivojlanishi nafaqat O‘zbekiston, balki butun mintaqa uchun ham muhimligini qayd etdi. Mirzamahmudovning so‘zlariga...