Yangiliklar

Toshkentdagi mehmonxonalardan birida vafot etgan rossiyalik jurnalist Inessa Papernayaning o‘limi tafsilotlari ma’lum bo‘ldi. Bosh prokuraturaning Kursiv Uzbekistan’ga ma’lum qilishicha, 20-oktabr kuni Papernaya va Maksim Radchenko Mirobod tumanida joylashgan mehmonxonalardan birida o‘lik holda topilgan.

Xuddi shu mehmonxonadagi qo‘shni xonada O‘zbekiston fuqarosi Xushnud Udekovning ham jasadi topilgan.

«Dastlabki sud tibbiy tashxisga ko‘ra, marhumlarning oʻlimi noma’lum etiologiyali zaharlanishdan kelib chiqqanligi koʻrsatilgan», – deya izoh berdi Bosh prokuratura.

Baza Telegram kanalining ma’lumotlariga ko‘ra, hodisa poytaxtdagi «Karaman Palas» mehmonxonasida sodir bo‘lgan. Dastlabki ma’lumotlarga ko‘ra, voqea sodir bo‘lishidan oldin mehmonxonadagi basseyn tozalangan va tozalash davomida chiqqan badbo‘y gaz xonaga ventilyatsion...

22-oktabr kuni O‘zbekiston Respublika valyuta birjasida dollarning rasmiy narxi 12,76 so‘mga ko‘tarildi va 12 817,85 so‘mni tashkil qildi.

Moliya institutlari AQSh valyutasini 12 745 – 12 780 so‘mdan xarid qilishmoqda va 12 815 – 12 865 so‘mdan sotishmoqda.

Eslatib o‘tamiz, 21-oktabr kuni dollarning narxi 10 so‘mga pasaygan edi.

Oliy Majlis Qonunchilik palatasiga saylovoldi tashviqot kampaniyasi saylov qonunchiligi normalariga mos kelgani ta’kidlandi, deb yoziladi MDH kuzatuvchilari missiyasining oraliq hisobotida.

Kuzatuvchilarning fikricha, barcha siyosiy partiyalar va nomzodlarga raqobat uchun bir xil sharoit va imkoniyatlar yaratib berilgan.

O‘zbekistonda parlament saylovlari 27-oktabr, yakshanba kuni bo‘lib o‘tadi. Respublikada 208 ta tuman va shahar saylov komissiyalari, 11 mingdan ortiq uchastka saylov komissiyalari tuzildi. Xorijda 57 ta saylov uchastkasi tashkil etildi.

Mamlakatda MDHdan o‘n nafar kuzatuvchi uzoq muddatli asosda faoliyat yuritmoqda. Hamdo‘stlik mamlakatlari vakillari Toshkent shahri va respublikaning to‘qqizta mintaqasidagi saylov uchastkalari faoliyati bilan yaqindan tanishdi.

Avvalroq Kursiv Uzbekistan oktabr oyi boshida O‘zbekiston siyosiy...

Raqobat qo‘mitasiga joriy yilning 9 oyida aviakompaniyalar xizmatlari bo‘yicha 200 dan ortiq shikoyatlar kelib tushdi. Bu haqda qo‘mita matbuot xizmati xabar berdi.

Ma’lum qilinishicha, murojaatlar foydalanilmagan chiptalar uchun pullar qaytarilmasligi, reyslarning kechikishi, shikastlangan bagaj uchun to‘liq bo‘lmagan kompensatsiya, shuningdek, xizmat ko‘rsatish darajasining pastligi bilan bog‘liq.

Tekshiruvlardan so‘ng qo‘mita tomonidan 195 mln so‘mdan ortiq mablag‘ni iste’molchilar foydasiga qayta hisob-kitob qilish ta’minladi. Shikoyatlar Uzbekistan Airways va Air Samarkand kompaniyalariga bildirilgan.

Avvalroq Kursiv Uzbekistan 200 dan ortiq iste’molchilar lizing kompaniyalari ustidan shikoyat qilgani haqida yozgan edi.

21-oktabr kuni bolalarga nisbatan oiladagi zo‘ravonlik uchun javobgarlikni belgilovchi qonunga qo‘shimchalar kiritildi. Bu haqda Adliya vazirligi xabar berdi.

Prezident Jinoyat kodeksi va Ma’muriy javobgarlik to‘g‘risidagi kodeksga o‘zgartishlar kiritish haqidagi qonunni imzoladi.

O‘zgarishlarga ko‘ra, endi bolalarga nisbatan oilaviy zo‘ravonlik uchun jinoiy javobgarlik nazarda tutilgan. Shuningdek, bu turdagi ishlar bo‘yicha yarashuv arizasi faqat sud muhokamasi bosqichida berilishi belgilanmoqda.

Qonun rasmiy e’lon qilingan kundan e’tiboran kuchga kiradi.

Avvalroq Kursiv Uzbekistan oilaviy zo‘ravonlikdan himoya choralari kuchaytirilgani haqida yozgan edi.

Joriy yilda Oʻzbekistonda misni qayta ishlash hajmini 2018-yilga nisbatan besh baravarga koʻpaytirish rejalashtirilmoqda. Bu haqda respublika Togʻ-kon sanoati va geologiya vaziri oʻrinbosari Ural Yusupov Toshkentda boʻlib oʻtayotgan Xalqaro kon-metallurgiya forumi doirasida ma’lum qildi.

Uning soʻzlariga koʻra, 2018-yilda bu hajm 22 ming tonnani tashkil etgan boʻlsa, 2023-yilda bu koʻrsatkich 86 ming tonnaga yetdi. 2024-yilda esa 110 ming tonna misni qayta ishlash rejalashtirilmoqda, bu esa 2018-yilga nisbatan qariyb besh baravar koʻp.

«Yuqorida sanab oʻtilgan maqsadlarga erishish uchun zamonaviy konchilik texnikasi, texnologiyalarni joriy qilish va metallurgiya bozorini sezilarli darajada kengaytirish koʻzda tutilgan. Shuningdek, ishlab chiqarish va boshqaruvda ESG (Atrof-muhit...

AQSh politsiyasi besh qarindoshini otib o‘ldirgan 15 yoshli o‘smirni qo‘lga oldi, deb xabar bermoqda Reuters.

Halok bo‘lganlarning uch nafari bolalardir. Shuningdek, fojia oqibatida bir nafar qiz ham tan jarohati olib, shifoxonaga yotqizilgan.

Otishma 21-oktabr kuni Vashington shtatidagi turarjoy binosida yuz berdi. Qo‘shnilarning qo‘ng‘irog‘idan so‘ng jinoyat joyiga politsiya yetib kelgan. Amerika huquq-tartibot idoralari otishmani sodir etgan shaxsni oshkor qilmadi, uning jinoyat sabablari noma’lum.

Avvalroq Kursiv Uzbekistan Isroilning Myunxendagi bosh konsulligida yuz bergan otishma haqida yozgan edi.

2024-yilning yanvar – sentabr oylari davomida 1495,2 ming tonna meva va sabzavotlar eksporti amalga oshirildi. Bu haqda Statistika agentligi ma’lum qildi.

Unga ko‘ra, bu ko‘rsatgich 2023-yilning mos davriga nisbatan 11,8 foiz, ya’ni 157,2 ming tonnaga ko‘payganini ko‘rsatadi.

Mazkur yilning birinchi yarmida oziq-ovqat mahsulotlarining asosiy qismi bo‘lgan $1,04 mlrd qiymatidagi meva-sabzavot eksport qilindi. Ushbu qiymat o‘tgan yilning shu davriga qaraganda 25,8 foizga ko‘paygan va jami eksportdagi ulushi 5,3 foizni tashkil etgan.

Meva-sabzavotlarning asosiy eksportlari Rossiya (44,7 %), Qozog‘iston (14,1 %), Pokiston (14,1 %) hamda Afg‘oniston (7,3 %) davlatlariga amalga oshirilgan. Eksport qilinga meva-sabzavot mahsulotlarining 51 foizini uzum egalladi.

Eslatib o‘tamiz...

2024-yilning yanvar – sentabr oylari davomida 460 ta geologik obyekt auksionga qo‘yilib, ulardan 184 tasi 226 milliard so‘mga sotildi. Bu haqda Toshkentda bo‘lib o‘tayotgan Xalqaro kon-metallurgiya forumi doirasida O‘zbekiston Tog‘-kon sanoati va geologiya vaziri o‘rinbosari Ural Yusupov xabar berdi.

Yusupovning so‘zlariga ko‘ra, O‘zbekistonning tog‘li hududlarining atigi 35-40 foizi to‘liq o‘rganilgan. Bu esa, hali to‘liq tadqiq qilinmagan mineral zaxiralari mavjudligini va ulkan salohiyatni ko‘rsatadi.

«Biz foydali qazilmalarni qidirish va qazib olish bo‘yicha barcha biznes vakillari bilan hamkorlik va kooperatsiyaga tayyormiz», – deya ta’kidladi Ural Yusupov.

Yusupov sohani yanada rivojlantirish uchun muhim qadamlarni sanab o‘tdi. Unga...

Afg‘oniston 25 ta neft qudug‘ini qazish va Amudaryo havzasidagi konda kunlik neft qazib olishni uch ming tonnagacha oshirishni rejalashtirmoqda. Bu haqda Afg‘onistonning TOLOnews agentligi xabar bermoqda.

Hozirgi kunda konda 24 ta quduq bor. Kundalik ishlab chiqarish o‘rtacha 1,3 ming tonnani tashkil etadi. Kondagi barcha neft Afg‘oniston hududida qayta ishlanadi va undan olingan neft mahsulotlari ichki bozorga yetkazib beriladi.

Hozircha Afg‘oniston neftga bo‘lgan talabning faqat 10 foizini ichki manbalar hisobidan qondirmoqda. Ekspertlarning ta’kidlashicha, yangi quduqlarni burg‘ilash uchun afg‘on tomoni investorlarni jalb qilish va uskunalarni xorijiy yetkazib beruvchilardan sotib olishni rejalashtirmoqda.

Avvalroq Kursiv Uzbekistan Afg‘oniston hukumati o‘zbekistonlik yuk tashuvchilar uchun yig‘im...

O‘zbekistonning eng yirik tashqi iqtisodiy hamkorlari Xitoy, Rossiya va Qozog‘iston bo‘lib turibdi. Bu haqda Statistika agentligi ma’lum qildi.

Unga ko‘ra, umumiy chegaraning mavjudligi, MDHning erkin savdo hududida savdo qilishi hamda so‘nggi paytlarda o‘zaro iqtisodiy aloqalarning erkinlashtirilgani sabab sifatida ko‘rsatilmoqda.

Oʻzbekiston jahonning 190 mamlakati bilan savdo aloqalar qilib kelmoqda. Ularning eng yirigi Xitoy bo‘lib, 18,7 foiz savdo aloqalari amalga oshirilmoqda. Keyingi yirik hamkor davlat 18,0 foiz bilan Rossiya bo‘lib turibdi. Qozogʻiston kuchli uchlikni yakunlab bergan. Jami savdo aloqalarining 6,2 foizi qismi qo‘shni mamlakat hissasiga to‘g‘ri keladi.

Eslatib o‘tamiz, avvalroq O‘zbekistonning tashqi savdo aylanmasi 7,7 foizga oshgani haqida yozgan...

O‘zbekiston respublika tovar-xomashyo birjasining (O‘zRTXB) joriy yil yanvar – sentabr oylaridagi sof foydasi 227,2 mlrd so‘mdan oshdi, bu 2023-yilning shu davriga nisbatan 42,3 foizga ko‘pdir.

Savdo maydonchasining ushbu davrda daromadi 278,6 mlrd so‘mdan 311,1 mlrd so‘mga oshdi.

Joriy yilning oktabr oyining boshiga tuzilgan bitimlar hajmi 118,3 trln so‘mga yetdi. Yillik hisobda bu ko‘rsatkich 15,1 foizga o‘sdi.

Shu davrda birja savdolaridagi bitimlar hajmi 87,1 trln so‘mdan ortiqni tashkil etib, yil davomida 21,1 foizga oshdi.

Avvalroq Kursiv Uzbekistan xalq IPO’si bo‘yicha O‘zRTXBning 2,4 foiz davlat ulushi sotuvga qo‘yilishi haqida yozgan edi. Anderrayter sifatida Kap Depo va Satori konsorsiumi ishtirok...

Afg‘oniston futbol federatsiyasi o‘zbekistonlik Usmon Toshevni mamlakat terma jamoasi bosh murabbiyi etib tayinladi. Bu haqda TOLONews xabar berdi.

U britaniyalik Eshli Vestvud o‘rniga bosh murabbiy bo‘ldi. Nashrning yozishicha, O‘zbekiston vakili bilan shartnoma bir yilga tuzilgan.

59 yoshli Toshev 2018 – 2021-yillar davomida Tojikiston milliy jamoasi bosh murabbiyi sifatida faoliyat yuritgan. Hozirgi kunda esa OʻFA terma jamoalar boʻlimi boshligʻi sifatida ishlayotgan edi.

Avvalroq Kursiv Uzbekistan o‘zbekistonlik futbolchi Abduqodir Husanovning transfer narxi ikki baravarga qimmatlashgani haqida yozgan edi.

Oʻzbekistonda soʻnggi uch oy ichida foydalanilgan avtomobillar narxi oʻzgarib turdi. Makroiqtisodiy va hududiy tadqiqotlar institutining (MHTI) ma’lum qilishicha, avgust oyida narxlar iyul oyiga nisbatan oshgan, sentabrda esa pasaygan.

Foydalanilgan mahalliy avtomobillar Lacetti, Cobalt, Nexia, Spark, Damas va Labo ishlatilgan muddatiga qarab turlicha baholanmoqda. Joriy yilning sentabr oyida oʻrtacha va koʻp foydalanilgan ommabop avtomobillar narxi sezilarli darajada pasaygan boʻlsa, kam foydalanilgan avtomobillar narxida sezilarli oʻzgarish kuzatilmadi.

Koʻp va oʻrta foydalanilgan Lacetti narxi sentabr oyida mos ravishda 2,8 va 2,1 foizga pasaygan, kam foydalanilgan avtomobillar esa atigi 0,8 foizga arzonlashgan.

Sentabr oyida Lacetti narxi avtomobilning yili va yurgan masofasiga qarab...

21-oktabr kuni Savdo-sanoat palatasi raisi Davron Vaxabov va Ozon kompaniyasi vakillari hamkorlik masalalarini muhokama qildi. Bu haqda Palata matbuot xizmati ma’lum qildi.

Unga ko‘ra, uchrashuvda Savdo-sanoat palatasi huzurida elektron tijoratni rivojlantirishga koʻmaklashish hamda mahalliy va xorijiy marketpleyslar bilan hamkorlik qilish maqsadida tashkil qilingan «Chamber-Trade Link» kompaniyasi taqdimoti o‘tkazildi.

Palata va kompaniya vakillari oʻzbekistonlik tadbirkorlar uchun marketpleyslar bilan ishlash bo‘yicha oʻquv dasturini ishlab chiqish imkoniyatlarini ko‘rib chiqdi. Seminarlar logistikani optimallashtirish, strategik mahsulotlarni ilgari surish va xalqaro hamkorlik kabi mavzularni qamrab oladi.

Shuningdek, Palata tadbirkorlarni eksportdan oldin moliyalashtirishda har tomonlama qoʻllab-quvvatlashga tayyorligini bildirdi. Transport xarajatlarining bir qismi subsidiyalashtiriladi va tovarlarni eksport...

O‘zbekistondagi cho‘llar holati kosmosdan kuzatila boshlanadi. Loyihani mamlakat O‘rmon xo‘jaligi agentligi va «O‘zbekkosmos» amalga oshiradi, deb xabar berdi prezident matbuot xizmati.

21-oktabr kuni davlat rahbari «Yashil makon» loyihasi bilan tanishdi. Tadbirda cho‘llanishga qarshi kurashish choralari muhokama qilindi. Ekologik holatini monitoring qilish uchun idoralar tomonidan maxsus platforma tashkil etiladi.

Bundan tashqari, O‘rmon xo‘jaligi agentligi endi cho‘llanishga qarshi kurashadi. Agentlikka Fanlar akademiyasi bilan birgalikda degradatsiyaga uchragan yaylovlarni qayta tiklaydigan o‘simliklar yetishtiriladigan tajriba maydonchasini yaratish topshirildi. Bu loyiha uchun 20 gektar yer ajratiladi.

Avvalroq Kursiv Uzbekistan O‘zbekistonda kosmik monitoring dasturi tasdiqlangani haqida yozgan edi.

O‘zbekiston Veterinariya va chorvachilikni rivojlantirish qo‘mitasi cho‘llarni degradatsiya holatidan chiqarish dasturini tayyorlaydi. Bu haqda prezident matbuot xizmati xabar berdi.

Qo‘mitaga cho‘llarni degradatsiyadan chiqarish bo‘yicha uch yillik dastur tayyorlash topshirildi. 2025-yilda dasturni amalga oshirish uchun grant jalb etilishi kutilmoqda. Uning miqdori $50 millionni tashkil etadi. Shuningdek, 16 mlrd gektar yaylovlar qo‘mita tasarrufiga o‘tkazildi.

Avvalroq Kursiv Uzbekistan O‘zbekistonda sug‘orish bo‘yicha ikkita tajriba o‘tkazilishi haqida yozgan edi.

O‘zbekiston sug‘orish bo‘yicha ikkita tajriba o‘tkazishni rejalashtirmoqda. Bu haqda prezident matbuot xizmati xabar berdi.

21-oktabr kuni davlat rahbari «Yashil makon» loyihasi bilan tanishdi. Tajribalar doirasida O‘zbekistonning 27 ta tumanida quduqlar qaziladi. Bundan tashqari, bahorda adir va tog‘ qiyaliklarida daraxt ekish rejalashtirilgan. Ko‘kalamzorlar 500 gektar maydonni egallaydi.

Yig‘ilishda so‘nggi paytlarda O‘zbekistonda chang bo‘ronlari tez-tez ko‘payib borayotgani ta’kidlandi. Bu nafaqat global iqlim o‘zgarishi, balki suv havzalarining qurib ketishi, daraxtlarning noqonuniy kesilishi va chorva mollarining nazoratsiz boqilishi bilan bog‘liq.

Avvalroq Kursiv Uzbekistan 2025-yilda «Yashil makon»ga 100 mlrd so‘m yo‘naltirilishi haqida yozgan edi.

Bugun, 22-oktabr kuni O‘zbekistonning aksariyat hududlarida kun davomida yomg‘ir yog‘ishi ehtimoli bor. Faqat Qoraqalpog‘iston Respublikasi va Farg‘ona vodiysida yog‘ingarchilik kuzatilmaydi. O‘rtacha havo harorati 16-21 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘lib, kechga kelib yomg‘ir yog‘adi. Kunduzi harorat 19 darajagacha ko‘tariladi, kechasi esa 11-13 daraja iliq bo‘ladi.

Tog‘li hududlarda ham yomg‘ir yog‘ishi mumkin. Kunduz kuni havo 12-17 daraja iliq, kechasi esa 7-12 daraja salqin bo‘ladi.

Birlashgan Millatlar Tashkilotining Aholishunoslik jamg‘armasi (UNFPA) O‘zbekistonga saratonga qarshi kurashishda ekspert yordamini ko‘rsatishga tayyor, dedi respublika prezidenti yordamchisi Saida Mirziyoyeva.

Bir kun avval u UNFPAning O‘zbekistondagi bo‘limi rahbari Nigina Abaszade bilan uchrashdi. Tomonlar koʻkrak bezi va bachadon bo‘yni saratoniga qarshi kurash dasturini muhokama qildi. Bundan tashqari, bolalar va onalar o‘limi masalalariga ham to‘xtalib o‘tildi.

«UNFPA tomoni ushbu sohalarda mamlakatimizga ekspertlik ko‘magi va texnik yordam ko‘rsatishga tayyorligini bildirdi», – deb yozdi Mirziyoyeva o‘zining Telegram kanalida.

Avvalroq Kursiv Uzbekistan prezident yordamchisi O‘zbekistonda sog‘liqni saqlashni raqamlashtirish loyihasi taqdimoti bilan tanishganini yozgan edi.

2025-yilda «Yashil Makon» loyihasiga 100 mlrd so‘m ajratiladi. Bu haqda Shavkat Mirziyoyev boshchiligidagi ushbu tashabbusga bag‘ishlangan yig‘ilishda ma’lum qilindi.

Unga ko‘ra, bu mablag‘ daraxtlarni parvarish qilish xarajatlarini ham o‘z ichiga oladi. Shuningdek, respublikada irrigatsiya tizimlari sohasida ikkita tajriba ishga tushiriladi. Shu tariqa Jizzax viloyatining Gʻallaorol tumani togʻlarida erigan qor va yomgʻir suvlarini toʻplash uchun 10 ta geo-membrana tashkil etiladi va keyinchalik ular sugʻorishda foydalaniladi.

Bundan tashqari, bahorda mamlakatimizning 14 ta hududida terrasa usulida 500 gektar maydonda daraxt ekish ishlari boshlanadi.

Yig‘ilishda davlat rahbari viloyat hokimliklariga bog‘lar barpo etish uchun kamida bir gektar, istirohat bog‘lari ochish uchun esa 0,5 gektardan...

Toshkent shahar hokimligi yil oxirigacha drenaj tizimi va sun’iy suv havzalarini qurish dasturini o‘z ichiga olgan bosh rejani ishlab chiqish bo‘yicha topshiriq oldi. Bu haqda Shavkat Mirziyoyev boshchiligidagi «Yashil Makon» loyihasiga bag‘ishlangan yig‘ilishda ma’lum qilindi.

Davlat rahbari poytaxt drenaj tizimi faoliyatidan noroziligini bildirib, yaqinda yog‘gan kuchli yomg‘ir ishning haqiqiy ahvolini ko‘rsatganini ta’kidladi.

Mirziyoyevning soʻzlariga koʻra, oʻsimliklarni sugʻorish uchun suv omborlariga suv toʻplash tizimini yaratish ham yetarli emas.

Poytaxt tumanlari rahbarlari joylarga shaxsan borib, suv chiqarish va ko‘kalamzorlashtirish masalalarini hal qilishi kerak, deya qo‘shimcha qildi Mirziyoyev.

2015-yildan beri poytaxtning drenaj tizimini ta’mirlash muammosini muhokama qilib kelinmoqda. 2019-yilda Toshkent hokimligi uni...

2025-yil 1-yanvardan boshlab milliy sertifikatga ega o‘zbek tili o‘qituvchilarining oylik maoshiga 50 foiz ustama qo‘shib beriladi. Bu haqda Shavkat Mirziyoyevning O‘zbek tiliga davlat tili maqomi berilgan kun munosabati bilan yo‘llagan tabrigida ma’lum qilindi.

Davlat rahbari Muhammad Rizo Ogahiy nomidagi badiiy tarjima sohasidagi yangi mukofot o‘zbek tili va adabiyotini boyitish, uni xorijda ommalashtirishga xizmat qilishini alohida ta’kidladi.

Shuningdek, tabrikda maktablarda ta’lim-tarbiya jarayoni 7 ta tilda yo‘lga qo‘yilgani, 160 ga yaqin milliy madaniy markaz hamda qoraqalpoq, rus, qozoq, qirg‘iz, tojik, turkman tillaridagi OAV faoliyat olib borayotgani ham eslatib o‘tildi

«Teleradiokanallar va internet saytlarida davlat tilini o‘rganishga yordam...

Uzbekistan Airways endi Toshkentdan Xitoyning yirik shaharlaridan bir Xanchjouga muntazam reyslarni amalga oshiradi. Bu haqda milliy aviakompaniya matbuot xizmati ma’lum qildi.

Unga ko‘ra, parvozlar 17-noyabrdan boshlab amalga oshiriladi.

Toshkentdan jo‘nab ketish vaqti – 12:40; Xanchjouga yetib borish vaqti – 22:00;
Xanchjoudan jo‘nab ketish vaqti – 23:30; Toshkentga yetib borish vaqti (keyingi kun) 04:10.

Ma’lumot uchun, bir tomonlama aviachipta narxi 4 mln so‘mdan, Toshkent – Xanchjou – Toshkent yo‘nalishi bo‘yicha esa 7 mln so‘mdan boshlanadi.

Aviachiptalarni www.uzairways.com saytidan, mobil ilovasidan, Uzbekistan Airways Sales filiali yoki aviakompaniya agentlaridan xarid qilish mumkin.

Eslatib o‘tamiz, avvalroq...