Yangiliklar

Poytaxtda ekologiyaga katta zarar yetkazayotgan 50 dan ortiq charm va poyabzal ishlab chiqaruvchi korxonalar Toshkent viloyatiga ko‘chiriladi. Bu haqda viloyat hokimi Zoir Mirzayev ma’lum qildi.

Unga ko‘ra, ushbu korxonalar uchun Ohangaron tumanidan avval ajratilgan 15 gektar yerga yana 20 gektar qo‘shilib, jami 35 gektar maydonda yangi charm klaster barpo etiladi.

«Toshkent shahrida joylashgan 50 dan ziyod charm bilan ishlaydigan, terini qayta ishlovchi poyabzal ishlab chiqaruvchilar ekologiyaga katta zarar yetkazadi. Bularni Toshkent viloyatiga olib kelish masalasida Ohangaron tumanida bir necha yillar davomida yechimini topmagan joy bor edi. Ya’ni charm klasterga yer ajratilgan 15 gektar yerga yana...

HMD kompaniyasi Xitoydan tashqarida ham ikki yangi tugmali HMD 101 4G va HMD 102 4G telefonlarini sotuvga chiqardi. Bu haqda Gizmochina xabar bermoqda.

Qurilmalar oldin Nokia nomi ostida ishlab chiqargan. Modellar 2 dyuymli QQVGA displey (240×320 piksel) va Unisoc 8910 FF-S protsessori bilan jihozlangan. Ichki xotira hajmi 16 MB bo‘lib, uni microSD karta yordamida 32 GB gacha kengaytirish mumkin. Telefonlar S30+ operatsion tizimida ishlaydi va FM-radio (simsiz va simli), MP3 pleer, bulutli ilovalar hamda mintaqaviy tillarni qo‘llab-quvvatlaydi.

HMD 102 4G modeli esa qo‘shimcha ravishda QVGA kamera, chiroqcha va rangli klaviaturaga ega. Har ikkala model IP52 standarti bo‘yicha chang...

11-sentabr kuni Shavkat Mirziyoyev ishtirokida o‘tkazilgan yig‘ilishda poytaxt va Toshkent viloyati o‘rtasidagi hamkorlik masalalari muhokama qilindi. Bu haqda Toshkent shahar hokimi Shavkat Umurzoqov «O‘zbekiston 24» telekanaliga bergan intervyusida ma’lum qildi.

«Hozirda Toshkent shahrida yer bilan bog‘liq muammolar bor, ya’ni sanoatni rivojlantirish uchun hudud qolmagan. Shu bilan birga, poytaxt Toshkent viloyatining xizmatlar va turizm sohasidagi imkoniyatlaridan to‘liq foydalanmayapti. Sanoat korxonalarini viloyatga ko‘chirish orqali poytaxtda xizmat ko‘rsatish obyektlari yoki boshqa loyihalarni amalga oshirish mumkin bo‘ladi. Sanoat viloyatga chiqadi, bo‘shab qolgan yerlarda esa xizmat, turizm va boshqa yo‘nalishlarda loyihalar paydo bo‘ladi», — dedi poytaxt hokimi.

Umurzoqovning so‘zlariga ko‘ra...

Bugun, 12-sentabr kuni tongda Irkutsk xalqaro aeroportida favqulodda aviatsiya hodisasi yuz berdi. Soat 07:40 da Ural Airlines aviakompaniyasining A-319 samolyoti uchish jarayonida qushning dvigatelga urilishi oqibatida aeroportga qaytishga majbur bo‘ldi.

Mazkur havo kemasi 2719 reys bo‘yicha Irkutsk – Toshkent yo‘nalishida parvoz qilishi rejalashtirilgan edi. Vaziyatni inobatga olib, samolyot komandiri xavfsizlik choralarini ko‘rgan holda bortni uchish yo‘lagidan qaytardi.

Samolyot bortida 6 nafar ekipaj a’zosi va 91 nafar yo‘lovchi bo‘lgan. Hodisa oqibatida hech kim jabrlanmadi, samolyotning o‘zi ham shikastlanmagan.

Baykal-Angarsk transport prokuraturasi hodisa yuzasidan tekshiruv ishlarini boshladi. Prokuratura ma’lumotiga ko‘ra, tekshiruv parvozlar xavfsizligi to‘g‘risidagi qonunchilikka rioya etilishini o‘rganishga qaratilgan.

Avvalroq Kursiv...

14-sentabr kuni Yaponiyaning Nagoya shahrida professional boks oqshomi tashkil etiladi. Kechaning asosiy janggida yaponiyalik mutlaq jahon chempioni Naoya Inoue o‘z kamarlarini (Ring Magazine, WBA, WBC, WBO va IBF) o‘zbekistonlik charm qo‘lqop ustasi Murodjon Ahmadaliyevdan himoya qiladi.

Mazkur jangning umumiy mukofot jamg‘armasi $20 millionni tashkil etadi va bu 75/25 foiz nisbatda Inoue foydasiga taqsimlanadi.

Chempion maqomida ringga ko‘tariladigan yaponiyalik yulduz bu jang uchun $15 million kafolatlangan gonorarni qo‘lga kiritadi. Bundan tashqari, u taxminan $4 million PPV (pullik translyatsiya) ulushi olishi kutilmoqda. Bu Inouening faoliyatidagi eng katta to‘lov bo‘ladi.  Avvalgi rekordi — koreyalik Yu Jun Kimga qarshi jangdan tushgan $7 million...

Xitoy sanoat va savdo vazirligi bazasida Zeekr X va Zeekr 7X elektromobillari haqida yangi ma’lumotlar paydo bo‘ldi. Bu haqda CarNewsChina xabar bermoqda.

Yangilangan Zeekr X endi kuchliroq orqa elektr motoriga ega. Uning maksimal quvvati 250 kVtni (335 ot kuchi) tashkil etadi. Oldingi versiyada bu ko‘rsatkich 200 kVtni (268 ot kuchi) edi. Tashqi dizayni esa o‘zgarishsiz qoldi.

Avgust oyida 465 dona Zeekr X sotilgan, yil boshidan buyon umumiy sotuvlar soni 4 611 donaga yetgan. Bu natija modelni Xitoy SUV bozori reytingida oy davomida 79-o‘rin, yil yakuniy ko‘rsatkichida esa 76-o‘ringa olib chiqdi.

Hozirda bozor uchun 4 ta komplektatsiya taqdim etilgan bo‘lib...

Hamma avtomobillar ham birdek ishonchli emas. Ba’zilari tez-tez nosozlik chiqargani va yuqori texnik xizmat xarajatlari bilan mashhur. AQShdagi German Car Depot servisining egasi, mexanik Alan Gelfand 2025-yilda xarid qilmaslik kerak bo‘lgan 4 ta avtomobil haqida ma’lum qildi.

Nissan Altima

Nissan Altima (2013 – 2020) tashqi ko‘rinishi zamonaviy bo‘lsa-da, uning asosiy muammosi variator hisoblanadi. Mexanikning so‘zlariga ko‘ra, CVT tez-tez ishdan chiqadi va 100 ming km atrofida butunlay almashtirishga to‘g‘ri keladi. O‘zbekiston bozorida bu sedanlar 145 – 240 mln so‘m oralig‘ida sotilmoqda.

Chevrolet Spark

Chevrolet Spark arzonligi bilan jozibador ko‘rinsa-da, past yig‘ilish sifati, baland shovqin va sust dinamika uni yomon tanlovga...

Samsung Galaxy S23 seriyasi Android 16 asosidagi One UI 8 interfeysining ikkinchi beta yangilanishini qabul qila boshladi. Bu haqda GSMArena nashri xabar bermoqda.

Dastlabki beta o‘tgan hafta tarqatilgan bo‘lsa, yangi versiya hozircha Hindiston va Janubiy Koreya foydalanuvchilari uchun taqdim etildi. Yaqin kunlarda boshqa mamlakatlarda ham yangilanish paydo bo‘lishi kutilmoqda.

Yangilanish hajmi qariyb 500 MB bo‘lib, u 2025-yil sentabr xavfsizlik patchi hamda bir qator xatoliklarni tuzatishlarni o‘z ichiga oladi. Beta dasturida qatnashayotgan foydalanuvchilar telefonlaridan «Sozlamalar > Dasturiy ta’minotni yangilash» bo‘limi orqali uni qo‘lda tekshirib yuklab olishlari mumkin.

Eslatib o‘tamiz, Kursiv Uzbekistan Samsung Galaxy S26 Ultra smartfoni 45 vatt quvvatlash...

AQShning Missuri shtatida joylashgan Sent-Luis shahrida Andijon to‘qimachilik mahsulotlarini namoyish va sotishga ixtisoslashtirilgan yangi savdo uyi o‘z faoliyatini boshladi. Bu haqda Andijon viloyati hokimligi matbuot xizmati xabar berdi.

Ochilish marosimida Andijon viloyati hokimi Shuxratbek Abdurahmonov, ITF Group LLC ijrochi direktori Saidzim Burxonxo‘jaev, mahalliy biznes doirasi vakillari hamda O‘zbekistondagi to‘qimachilik sanoati tadbirkorlari ishtirok etdi.

Yangi savdo uyi shourum sifatida ham xizmat qiladi. Unda viloyatda ishlab chiqarilgan tayyor kiyim-kechak namunalari xalqaro va mahalliy xaridorlarga taqdim etiladi.

Sent-Luis AQShdagi yirik logistika markazlaridan biri hisoblanadi. Shu bois savdo uyi orqali o‘zbekistonlik ishlab chiqaruvchilar mahsulotlarini mamlakatning turli shtatlariga tezkor va samarali yetkazish imkoniyatiga ega...

Mashhur Goal.com sayti «JCh – 2026» yo‘llanmasini qo‘lga kiritgan jamoalarning turnirdagi imkoniyatlarini baholab chiqdi.

Jumladan, nashr O‘zbekiston milliy terma jamoasining ham mudialdagi ishtiroki bo‘yicha o‘z taxminlarini bildirdi. Manbaga ko‘ra, ushbu reytingga Osiyodan 6 mamlakat kiritildi. Nashr favoritlari ro‘yxatida O‘zbekiston 25-o‘rinda qayd etildi.

«Bir necha marta imkoniyatni qo‘ldan boy bergan va ko‘plab alamli lahzalarni boshidan kechirgan O‘zbekiston nihoyat o‘z orzusiga yetdi — jamoa ilk bor Jahon chempionati final bosqichida ishtirok etadi.

Shubhasiz, O‘zbekistonning mundialda guruhdan chiqish imkoniyatlari unchalik yuqori emas. Biroq jamoaning asosiy umidi kuchli mudofaaga tayanishdir. Himoya chizig‘ida «Manchester Siti» markaziy himoyachisi Abduqodir Husanov boshchilik qiladi. Hujumda esa tajribali sardor...

8-iyul kuni Senatning Budjet va iqtisodiy masalalar qo‘mitasi raisi o‘rinbosari Kobul Tursunov Raqamli texnologiyalar vaziri Sherzod Shermatov nomiga IMEI-kod orqali qurilmalarni ro‘yxatdan o‘tkazish tartibida yuzaga kelgan muammolar yuzasidan chora ko‘rishni so‘rab so‘rov yuborgandi.

Senat vazirlikdan ijtimoiy tarmoqlarda muhokamalarga sabab bo‘layotgan uzimei.uz va my.gov.uz platformalari hamda «Birda» mobil ilovasidagi texnik muammolarni bartaraf etish, IMEI2-kodni ro‘yxatdan o‘tkazish zaruriyati yuzasidan asosli tushuntirish berish, shuningdek, UZIMEI tizimida mavjud byurokratik talablarni yumshatish bo‘yicha amalga oshirilayotgan ishlar bo‘yicha so‘ragan.

Ammo mazkur so‘rov bo‘yicha vazirlik bayonotida umumiy ma’lumotlar keltirilgan. Senat so‘rovlariga esa quyidagilar javob tariqasida taqdim etilgan:

Sony kompaniyasi tomonidan yangi Sony Xperia 10 VII smartfoni rasman taqdim etildi. Bu haqda Gizmochina xabar bermoqda.

Yangi model old avlodga qaraganda ancha kuchli xususiyatlarga ega bo‘lgan. Google Pixel uslubidagi kamera moduli, 50 megapikselli asosiy kamera, 120 Hz OLED displey va Snapdragon 6 Gen 3 protsessoriga ega.

Xperia 10 VII 6,1 dyuymli OLED displey bilan jihozlangan bo‘lib, Full HD+ aniqlikni qo‘llab-quvvatlaydi. Qurilmada 8 GB tezkor xotira va 128 GB ichki xotira mavjud, uni microSD karta orqali 2 TB gacha kengaytirish mumkin.

Smartfon 5000 mA/soatli akkumulyator bilan ishlaydi, ikki kungacha batareya muddati va PD tezkor quvvatlashni qo‘llab-quvvatlaydi.

Kamera tizimi...

GM kompaniyasi yangilangan Chevrolet Tracker 2026 avtomobili uchun Midnight Edition paketini taqdim etadi. Bu haqda GMAutority nashri xabar bermoqda.

Yangi to‘plam faqat LT komplektatsiyasi uchun taklif etiladi va avtomobilga qora rangdagi elementlar qo‘shib, yanada sportona ko‘rinish beradi. Paketga qora rangli 17 dyuymli disklar, qora Chevrolet logotiplari (bowtie), qora panjara chizig‘i, qora oynakopqoq, qora relslar va qora emblemalari kiradi.

Ushbu paketning narxi $695 bo‘lib, avtomobilning umumiy narxiga qo‘shib hisoblanadi. Uni barcha kuzov ranglari bilan uyg‘unlashtirilishi mumkin. Xaridorlar qora elementlarni istalgan rangdagi kuzov bilan kombinatsiya qilish imkoniyatiga ega bo‘ladi.

Buyurtmalar 2025-yilning oktabr-noyabr oylarida boshlanishi, dastlabki yetkazib berish esa 2026-yilning...

Vivo X300 va X300 Pro smartfonlari 13-oktabr kuni rasman taqdim etilishi rejalashtirilgan. Bu haqda Gizmochina xabar bermoqda.

Yangi model dunyoda birinchilardan bo‘lib Dimensity 9500 protsessorida ishlaydi. Vivo X300 6,31 dyuymli 8T LTPO BOE Q10+ ekran bilan chiqadi va o‘tgan yilgi X200 Pro Mini modelining vorisi bo‘ladi. Kattaroq X300 Pro versiyasi 6,78 dyuymli displeyga ega bo‘ladi.

Har ikkala model ham 50 MP old kamera bilan jihozlangan. Vivo X300’da asosiy kamera 200 MP Samsung HPB sensori va 50 MP Sony LYT-602 periskop kamera bilan taqdim etiladi. X300 Pro‘da esa asosiy sensor 50 MP Sony LYT-828 bo‘lib, unga 200 MP...

Braziliya sobiq prezidenti Jair Bolsonaro 2022-yilgi prezidentlik saylovlarini bekor qilishga uringanlikda aybdor deb topildi va 27 yil 3 oy qamoq jazosiga hukm qilindi. Bu haqda CNN agentligi ma’lum qildi.

Oliy sud uni davlat to‘ntarishini uyushtirish, qurollangan guruh tuzish va demokratik tuzumni ag‘darishga urinish kabi jinoyatlarda aybdor deb topdi. Prokurorlar uning rejasi hatto prezident Luiz Inasio Lula da Silvani o‘ldirishni ham o‘z ichiga olganini aytmoqda.

Sud qaroriga ko‘ra, Bolsonaro sakkiz yil siyosiy faoliyat bilan shug‘ullana olmaydi. Biroq himoya tarafidan apellyatsiya kutilmoqda.

Hukm Braziliyada katta bahslarga sabab bo‘ldi. Tarafdorlari uni siyosiy ta’qib deb hisoblayapti, ayrim xalqaro siyosatchilar ham hukumatni tanqid qildi...

Davlat yo‘l harakati xavfsizligi xizmati ma’lumotiga ko‘ra, so‘nggi uch oy ichida deyarli 70 mingga yaqin haydovchilar jarima ballarini oldi.

Shu davrda to‘rt nafar haydovchiga besh ball, 14 nafarga to‘rt ball, 129 nafarga uch ball, deyarli besh ming nafarga (4 976) ikki ball, 64 ming nafarga esa bir ball qo‘llangan. Shu bilan birga, 9,3 million haydovchi umuman jarima ball olmagan.

Qoidabuzarliklar tahliliga ko‘ra, 2024-yil iyun – avgust oylarida 285 ming qoidabuzarlik aniqlangan bo‘lsa, 2025-yilda bu ko‘rsatkich 167 mingni tashkil etib, 58 foizga kamaydi. Shuningdek, haydovchi aybi bilan sodir bo‘lgan yo‘l-transport hodisalari ham 531 tadan 338 taga tushib, 36 foizga kamaygan.

Samarqand viloyatining Samarqand tumani hududidan oqib o‘tuvchi Darg‘om kanalidan qora qum aralashmasini noqonuniy ravishda qazib olayotgan fuqaro aniqlandi. Bu haqda Ekologiya vazirligi xabar berdi.

Holat yuzasidan fuqaroga nisbatan ma’muriy bayonnoma rasmiylashtirilib, unga bazaviy hisoblash miqdorining 30 barobari — 16 million 480 ming so‘m miqdorida jarima solindi.

Ekologiya boshqarmasi noqonuniy qazib olish holatlariga qarshi reydlarni davom ettirmoqda.

Avvalroq Kursiv Uzbekistan Samarqand viloyatida noqonuniy narkotik savdosiga chek qo‘yilgani haqida yozgandi.

19-sentabrdan boshlab dunyo bo‘ylab Apple’ning yangi mahsuloti — iPhone 17 savdoga chiqariladi. Reyting.kz Kursiv Uzbekistan’ga O‘zbekistonda iPhone 17 sotib olish uchun necha kun ishlash kerakligi haqida ma’lumotlarni taqdim etdi.

Ranking.kz hisob-kitoblariga ko‘ra, iPhone 17 (256 GB) xarid qilish uchun eng kam kun ishlash talab etiladigan davlatlar qatorida Shveysariya yetakchilik qildi. U yerda yangi telefonni olish uchun atigi 3 kunlik oylik yetadi. Shuningdek, Lyuksemburg, Islandiya, Singapur va AQSh ham kuchli beshlikdan joy oldi.

MDH va Markaziy Osiyo davlatlarida esa vaziyat boshqacha. Masalan, O‘zbekistonda iPhone 17 xarid qilish uchun 40 ish kuni kerak bo‘ladi. Bu esa o‘rtacha oylik maoshning 1,8 baravariga teng...

BAIC kompaniyasining elektromobillar brendi Arcfox elektromobillar brendi tomonidan yangi Arcfox T1 elektromobili taqdim etildi. Bu haqda CarNewsChina xabar bermoqda.

Yangi model 2025-yil 11-sentabr kuni bozorga chiqdi. Narxlar 62 800 yuandan ($8 700) boshlanib, 87 800 yuangacha ($12 200) yetadi.

Arcfox T1 jami besh xil komplektatsiyada taklif etiladi va ikki xil yurish masofasiga ega bo‘lib, 320 km va 425 kmni tashkil etadi. Kompaniya 425 km masofali versiyalarni darhol yetkazib beriladi, 320 km liklari esa oktabr oyining o‘rtalaridan boshlab mijozlarga topshiriladi. Yangi model BYD Dolphin va Geely Xingyuan kabi mashhur xetchbeklarga raqobat qilishi kutilmoqda.

Dizaynda Arcfox’ning Arc-Flow falsafasi qo‘llanilgan. Yon tomondan...

Toyota Auto Body kompaniyasi tomonidan yangi Land Cruiser GR Sport Rally Raid Edition avtomobili taqdim etildi. Bu haqda Carcoops xabar bermoqda.

Ushbu versiya «Dakar» rallisida Land Cruiser jamoasining ketma-ket 12-marta g‘alaba qozonganini nishonlash uchun yaratilgan. Yangi model 18 dyuymli Enkei PDT1 disklar, off-road uchun Toyo Open Country shinalari, qizil rangdagi tormoz supportlari va tortib olish ilgaklari bilan jihozlangan. Ular avtomobilga yanada sportona ko‘rinish beradi.

Model 3,3 litrli V6 dizel dvigatelga ega bo‘lib, ikki turbina yordamida 304 ot kuchi va 700 Nm moment ishlab chiqaradi. Quvvat barcha g‘ildiraklarga 10 pog‘onali avtomatik uzatma orqali yetkaziladi. Shuningdek, old va orqa...

7-avgust kuni «Bunyodkor» stadioni dunyo megayulduzi Jennifer Lopes konsertiga mezbonlik qildi. Dastur qo‘shiqchining Up All Night: Live in 2025 jahon gastroli doirasida tashkil etildi.

Konsert e’lon qilinishidan avval bildirilgan taxminlar o‘zini oqladi. Tadbirdan so‘ng stadion maysasi jiddiy zarar ko‘rdi. O‘zbekiston professional futbol ligasi (O‘zPFL) direktori Diyor Imomxo‘jayevga ko‘ra, stadion chimini tiklash uchun $1 million atrofida mablag‘ ketadi.

«Bunyodkor» stadioni ma’muriyatining xabar berishicha, stadionda ayni dam ta’mirlash ishlari olib borilmoqda. Tez orada stadion maydoni to‘liq shay holatga keltirilishi aytilmoqda.

Eslatib o‘tamiz, avvalroq Jennifer Lopesning konserti O‘zbekiston budjetiga 42,5 milliard so‘m foyda keltirgani haqida xabar berilgandi.

Samsung kompaniyasi tomonidan taqdim etiladigan Samsung Galaxy S26 Ultra smartfoni 45 vatt quvvatlash bilan cheklanishi ma’lum qilindi. Bu haqda Sammobile nashri xabar bermoqda.

Samsung muxlislari kutgan tezkor quvvatlash yangilanishi amalga oshmadi. Xitoyning 3C regulyatori Galaxy S26 Ultra (SM-S9480) uchun sertifikat chiqargan. Unda smartfon 10V/4,5A yoki 15V/3A parametrlari bilan atigi 45 vatt quvvatlashni qo‘llab-quvvatlashi ko‘rsatilgan. Bu ko‘rsatkich 2019-yilda chiqqan Galaxy S20 Ultra bilan bir xil.

Bundan tashqari, sertifikatga ko‘ra, batareya sig‘imi ham o‘zgarmaydi. Smartfon 5000 mA/soat bilan taqdim etiladi. Ko‘plab foydalanuvchilar kamida tezkor quvvatlashda yangilik bo‘lishiga umid qilgan edi, ammo bu safar ham kutgan natija bo‘lmadi.

Shuningdek, Galaxy S...

Xitoyda Haval Big Dog Plus nomi bilan tanilgan yangi Haval Dargo Plus avtomobili 15-sentabrdan sotuvga chiqariladi. Bu haqda ITHome xabar bermoqda.

Avtomobilning rasmiy narxlari $18 mingdan boshlanadi, biroq oldindan buyurtma davrida avtomobilni $15,7 mingdan xarid qilish mumkin. Yangi model yangilangan dizaynga ega. Unga yoritiladigan logotipli radiator panjarasi, qo‘shimcha himoya qoplamalari va ko‘p qirrali orqa chiroqlar avtomobilga zamonaviy ko‘rinish beradi. Salon minimalistik uslubda yaratilgan bo‘lib, unda 14,6 dyuymli markaziy displey va yangilangan uzatma dastagi joylashtirilgan.

Texnik jihatdan Haval Dargo Plus gibrid tizimga ega. Asosiy dvigatelda 1,5 litrli benzinli motor (154 – 167 ot kuchi), unga qo‘shimcha ravishda...

Toshkent shahridagi Lutfiy ko‘chasining Farhod ko‘chasidan Shirin ota ko‘chasigacha bo‘lgan qismida olib borilayotgan rekonstruksiya ishlari sababli ayrim avtobus yo‘nalishlari vaqtincha o‘zgartirildi. Bu haqda Toshkent shahar transport va yo‘l-transport infratuzilmasini rivojlantirish bosh boshqarmasi ma’lum qildi.

Bir tomonlama harakat vaqtida 2, 9t, 13, 17t, 56 va 113-sonli avtobuslar Farhod, Katta Xirmontepa va Shirin ko‘chalari orqali qatnaydi.

Shuningdek, 41, 70, 127 va 150-sonli avtobuslar Kichik halqa yo‘li, Farhod, Maqsud Shayxzoda va Shirin ko‘chalari orqali o‘z yo‘nalishini davom ettiradi.

Tirbandlik kuchayishi mumkinligi inobatga olinib, qatnovlarda qo‘shimcha o‘zgarishlar kiritilishi ehtimoli bor. Shu sababli avtobuslarning harakat vaqti ham odatdagidan uzoqroq bo‘lishi mumkin.

Avvalroq Kursiv Uzbekistan...