Yangiliklar

O‘zbekiston Yevroosiyo iqtisodiy ittifoqi (YeOII)ning yagona tranzit tizimiga qo‘shilish bo‘yicha ishlarni boshlashga tayyorligini tasdiqladi. Bu haqda 13-noyabr kuni Yevroosiyo iqtisodiy komissiyasining bojxona hamkorligi vaziri Ruslan Davidovning O‘zbekiston Davlat bojxona qo‘mitasi raisi Akmalxo‘ja Mavlonov bilan uchrashuvida ma’lum qilindi.

Mazkur tizimga qo‘shilish bojxona jarayonlarini soddalashtirish, tranzit yuklar va o‘zaro savdo tovarlarining yetkazib berilish tezligini oshirishga yordam beradi.

Uchrashuvda, shuningdek, tovarlar va transportga oid bojxona ma’lumotlari almashinuvi masalasi ko‘rib chiqildi. Bu tashqi savdodagi shaffoflikni oshirish va nazoratni kuchaytirishga xizmat qilishi aytildi.

Ruslan Davidov target-markaz va elektron deklaratsiyalash markazi faoliyati bilan tanishib, nazorat jarayonlari va inspektorlar ishini baholash tizimiga sun’iy intellekt joriy etilganini...

O‘zbekiston va Qozog‘iston qo‘shma investitsiya platformasini ishga tushirishni rejalashtirmoqda. Bu haqda 15-noyabr kuni Ko‘ksaroy qarorgohida Shavkat Mirziyoyev va Qasim-Jomart Toqayev o‘rtasida bo‘lgan tor doiradagi muzokaralarda ma’lum qilindi.

Yil boshidan buyon ikki davlat o‘rtasida tovar ayirboshlash $4 milliardga yetdi. Endilikda o‘zaro savdo hajmini oshirish va import o‘rnini bosish orqali bu ko‘rsatkichni $10 milliardga oshirish maqsad qilingan.

Shuningdek, so‘nggi yillarda 6,5 mingta qo‘shma korxona tashkil etildi va $8 milliarddan ortiq qiymatdagi qo‘shma loyihalar portfeli tayyorlandi. Muzokaralarda ushbu loyihalar uchun qo‘shma investitsiya platformasi yaratish taklif qilindi.

Bundan tashqari, energetika, transport, kimyo sanoati, qishloq xo‘jaligi, suv xo‘jaligi, atrof-muhit va IT sohalarida...

Sirdaryo, Andijon va Samarqand viloyatlarida bir qator mas’ullar pora olayotgan vaqtida ushlandi. Bu haqda Davlat xavfsizlik xizmati (DXX) xabar berdi.

Unga ko‘ra, Sirdaryo viloyatida Soliq boshqarmasi bosh inspektori bir MChJda tekshiruv vaqtida 400 million so‘mlik soliq qarzdorligi mavjudligini aniqlagan. Shunga qaramay, u bo‘lim boshlig‘i bilan kelishgan holda qarzdorlikni 90 million so‘mgacha kamaytirib berishni va’da qiladi. Buning evaziga $1,5 ming olgan paytida DXX va prokuratura xodimlari tomonidan qo‘lga olindi. Keyinchalik hujjatni rasmiylashtirgan bosh inspektor ham ushlandi. Ularning har ikkisiga nisbatan jinoyat ishi qo‘zg‘atilib, qamoq ehtiyot chorasi qo‘llandi.

Shunga o‘xshash holat Andijon viloyatida ham aniqlangan. Unda Soliq boshqarmasi inspektori quyosh panellari...

Qozog‘iston prezidenti maslahatchisi Magzum Mirzagaliyev O‘zbekistondagi yangi elchi etib tayinlanishi mumkin. Bu haqda neft-gaz sohasi eksperti, Energy monitor asoschisi Nurlan Jumag‘ulov o‘z sahifasida ma’lum qildi.

Mirzagaliyev 1978-yilda Olmaotada tug‘ilgan. U «QazMunayGaz»da ishlagan, energetika vaziri o‘rinbosari lavozimida faoliyat yuritgan, shuningdek, ekologiya va energetika vazirligini boshqargan.

2022-yildan buyon u bir necha bor prezident maslahatchisi lavozimini egallagan. Hozirda uning nomzodi diplomatik lavozimga ko‘rib chiqilmoqda.

Avvalroq Yaponiya va Dominikanning O‘zbekistondagi yangi elchilari tayinlangani xabar qilingandi. Unga ko‘ra, Yaponiya elchisi Kenji Hirata hamda Dominikan Respublikasining elchisi Alexandro Arias Sarsuela O‘zbekistonda o‘z diplomatik faoliyatlarini boshladi. O‘zbekiston Tashqi ishlar vaziri Baxtiyor Saidov ulardan ishonch yorliqlari nusxalarini qabul qilib olganini ma’lum qildi.

AQSh valyutasi hafta davomida turlicha o‘zgardi. Kursiv Uzbekistan nashrining ushbu maqolasida dollar kursining hafta davomidagi o‘zgarishi haqida so‘z boradi.

10-noyabrda dollarning rasmiy qiymati 12 060,27 so‘m bo‘lib, avvalgi kunga nisbatan $37,35 so‘mga oshgandi. Shundan keyin kurs ketma-ket to‘rt kun pasaydi.

11-noyabr kuni dollar $12 014,94 so‘m bo‘ldi va qiymat $45,33 so‘mga tushdi. 12-noyabrda pasayish davom etdi, kurs $11 990,00 so‘mga tenglashdi. Bu avvalgi kundan $24,94 so‘m kam.

13-noyabrda dollar yana arzonlab, $11 972,35 so‘m bo‘ldi. Bu $17,65 so‘mlik pasayish demakdir. 14-noyabrda esa kurs yana ozgina ko‘tarildi va $11 985,10 so‘m etib belgilandi. Bu avvalgi...

Kursiv Uzbekistan 14-noyabr kuni yuz bergan muhim yangiliklarni bir joyga to‘pladi.

14-noyabr kuni xorijiy valyutalarni qaysi banklarda qulay narxda almashtirish mumkin

Tijorat banklari 14-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

O‘zbekistondagi 26 logistika markazi quruqlik porti maqomini oldi

BMTning ESCAP qo‘mitasi yig‘ilishida O‘zbekistondagi 26 ta transport-logistika markaziga quruqlik porti maqomini berish to‘g‘risida qaror qabul qilindi. Bu haqda Transport vazirligi ma’lum qildi.

Mazkur ro‘yxatga Navoi Cargo, Nukus logistika markazi, Multimodal Trans Terminal hamda Termiz logistika markazi...

15-noyabr kuni O‘zbekistonda havo o‘zgaruvchan bo‘ladi, yog‘ingarchilik kutilmaydi, shamol sharqdan esadi. Kechasi harorat 0-7° iliq, kunduzi 12-24° iliq bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Dam olish kunlari aholiga qulaylik yaratish maqsadida ayrim banklar valyuta ayirboshlash va pul o‘tkazmalari shoxobchalarini yo‘lga qo‘ymoqda. Bu haqda Markaziy bank matbuot xizmati ma’lum qildi.

Quyida banklar ro‘yxati keltirilgan:

O‘zbekiston terma jamoasi «Al Ain International Cup» musobaqasida Misr termasini ishonchli tarzda mag‘lub etib, turnir finaliga yo‘l oldi. Oston O‘runov dubl qayd etib uchrashuv qahramoni bo‘ldi.

«Hazza Bin Zayd» stadionida O‘zbekiston va Misr terma jamoalari o‘zaro to‘qnash keldi. Uchrashuv boshidanoq faol o‘yin namoyish etgan O‘zbekiston termasi tezkor qarshi hujumlari bilan raqib himoyachilariga jiddiy bosim o‘tkazdi.

O‘yinning 4-daqiqasidayoq Oston O‘runov raqib himoyachilari qurshovida bo‘lishiga qaramay, o‘zining individual mahorati va texnikasi evaziga ajoyib gol urdi. Bu gol uchrashuv sur’atini yanada keskinlashtirdi.

Birinchi taym yakunlanishiga yaqin, 43-daqiqada Otabek Shukurovning aniq uzatmadan so‘ng O‘runov yana o‘z nomiga gol yozdirib, dublga erishdi va hisobni...

Shveysariya hukumati AQSh Savdo vakili Jeymison Grir bilan uchrashuvdan so‘ng Tramp ma’muriyati Shveysariyadan keladigan tovarlar bo‘yicha boj stavkalarini pasaytirishini e’lon qildi. Bu haqda CNN agentligi ma’lum qildi.

AQSh Shveysariyadan import qilinadigan tovarlarga soladigan boj stavkasi 39% dan 15% gacha pasayadi. Bu boshqa mamlakatlarga solinadigan eng yuqori boj stavkalaridan biri edi. Shveysariyadan asosan qo‘l soatlari, ishlanmagan oltin va tibbiy uskuna import qilinadi. Oltin bojdan chiqarilgan bo‘lsa-da, qo‘l soatlari va tibbiy uskuna, shuningdek, boshqa Shveysariyaning eksport mahsulotlari amerikaliklar uchun arzonlashadi.

AQSh Savdo vazirligi ma’lumotlariga ko‘ra, o‘tgan yil AQSh Shveysariya bilan $38 mlrd.lik savdo salbiy balansga ega bo‘lgan. Grirning aytishicha, yangi kelishuv...

Rossiyaning yirik neft kompaniyasi «Lukoyl» xorijdagi aktivlarini sotish bo‘yicha bir nechta potensial xaridorlar bilan muzokaralar olib borayotgani haqida ma’lum qildi. Bu haqda RBK nashri xabar berdi.

Kompaniya bayonotiga ko‘ra, yakuniy kelishuvga erishilgach va tartibga soluvchi organlardan zarur ruxsatlar olingach, bitim bo‘yicha alohida e’lon qilinadi.

«Lukoyl» muzokaralar jarayonida xorijdagi korxonalar faoliyatini uzluksiz davom ettirish, energetika bilan ta’minotda uzilishlarga yo‘l qo‘ymaslik va ish o‘rinlarini saqlashni asosiy vazifa sifatida belgilagan.

Kompaniyaga nisbatan AQSh 22-oktabr kuni sanksiyalar joriy qilgan va barcha operatsiyalarni to‘xtatish uchun bir oylik muddat bergan – u 21-noyabrda yakunlanadi. «Lukoyl»ning AQSh, Ruminiya, Avstriya, Bolgariya, Meksika, Ozarbayjon, Qozog‘iston va boshqa mamlakatlarda...

Venesuela prezidenti Nikolas Maduro Karakasdagi mitingda AQSh xalqi Venesuela bilan birlashib, amerikaliklar tinchligi uchun harakat qilishi kerakligini aytdi. Bu haqda CNN agentligi ma’lum qildi.

«Amerikalar tinchligi uchun birlashish kerak. Endi cheksiz urushlar bo‘lmasin. Adolatsiz qirg‘inlar bo‘lmasin. Liviya va Afg‘oniston kabi vaziyatlar takrorlanmasin», – deya AQShni uzoq davom etadigan mojaro boshlashdan tiyilishga chaqirdi u.

So‘nggi haftalarda AQSh Karib dengizida harbiy kuchlarini kuchaytirib, kamida 19 ta zarba hujumi bilan 76 kishini o‘ldirdi, deb xabar qilinmoqda. AQSh bu harakatlarini narkotik tashuvchilarga qarshi qilinganini bildirgan bo‘lsa-da, Maduro ularni tabiiy resurslarni qo‘lga kiritish va «marionetka hukumati» o‘rnatish uchun urinish deb hisoblaydi.

Venesuela BMT Xavfsizlik...

Surxondaryo viloyati Uzun tumanida mehnat huquqlari buzilgan 66 nafar sobiq o‘qituvchiga jami 373,8 mln so‘m kompensatsiya to‘lab berildi. Bu haqida Adliya vazirligi matbuot xizmati ma’lum qildi.

Tuman adliya bo‘limi o‘tkazgan tekshiruv davomida maktablarda faoliyat yuritgan chaqiruvga qadar boshlang‘ich tayyorgarlik (ChQBT) rahbarlariga ishdan bo‘shatilganida berilishi shart bo‘lgan nafaqalar umuman to‘lanmagani aniqlangan. Bu bilan Mehnat kodeksining tegishli normalari buzilgani qayd etildi.

O‘rganishlar natijasida o‘qituvchilarga to‘lanmay qolgan mablag‘lar 373,89 mln so‘mni tashkil etgani ma’lum bo‘ldi. Adliya bo‘limi tomonidan tuman maktabgacha va maktab ta’limi bo‘limiga taqdimnoma kiritilgach, barcha 66 nafar sobiq rahbarlarga kompensatsiyalar to‘liq undirib berildi.

Shuningdek, Namangan viloyatining Chortoq tumanida o‘quv ishlari...

Bosh prokuratura va Ichki ishlar vazirligi hamkorligida o‘tkazilgan tezkor tadbirlarda qo‘lbola usulda tayyorlangan alkogol mahsulotlari savdosining oldi olindi. Bu haqda Bosh prokuratura departamenti ma’lum qildi.

Xo‘jayli tumanida bir fuqaroning boshqaruvidagi «Cobalt» avtomashinasi to‘xtatilib, unda 588 dona qalbaki aksiz markali alkogol mahsuloti, umumiy qiymati 20,6 mln so‘m topildi.

Qoraqalpog‘iston Respublikasida yashirin sex tashkil qilgan fuqaro orqali 338 dona aksiz marka, 111 litr spirt, 90 dona «QR-kod» va 90 dona «Qaratau» nomli aroq ishlab chiqarilgani aniqlangan. Ishlab chiqarishda foydalanilgan boshqa tovarlar ham ashyo sifatida olingan.

Chiroqchi tumanida esa bir fuqaro boshqa fuqaroga 400 dona iste’molga yaroqsiz alkogol mahsulotini 10 mln so‘mga...

OpenAI kompaniyasi ChatGPT’da guruhli chatlarni sinovdan o‘tkazishni boshladi. Endi foydalanuvchilar messenjerlardagi kabi do‘stlar, oila a’zolari yoki hamkasblar bilan bir guruhda muloqot qilishlari mumkin.

Guruhli chatlarda ChatGPT chat-boti suhbat ishtirokchilaridan biri sifatida qatnashadi. U ta’til rejalarini tuzishda, ta’mirlash g‘oyalarini berishda yoki barcha ishtirokchilarga yoqqan restoranlarni topishda yordam beradi.

Shu bilan birga, bot hamkorlikda ishlash imkonini ham beradi: foydalanuvchilar tomonidan qo‘shilgan maqola va eslatmalar asosida hisobotlar tayyorlash mumkin. Javoblar GPT 5.1 Auto asosida ishlab chiqiladi va bot suhbat jarayonini kuzatib, qachon jim turishi va qachon javob berishini biladi. Istalgan vaqtda ishtirokchilar maxsus «ChatGPT» deb botni chaqirishi mumkin.

Guruhli chatlar allaqachon...

2024-yilgi Olimpiada chempioni, o‘zbekistonlik Lazizbek Mullajonov uch yilga musobaqalardan chetlatildi. Bokschida doping aniqlangan va u bu qoidabuzarlikni rad etmadi, deya ma’lum qildi Xalqaro doping-test agentligi.

Bokschining musbat doping namunasi joriy yilning 11-iyun kuni, musobaqadan tashqari davrda olingan. Unda metasteron — mushak massasining tez o‘sishi va kuchning oshishiga yordam beradigan taqiqlangan sintetik steroid aniqlangan.

«O‘zbekiston Milliy antidoping agentligi qo‘yilgan sanksiyalarni Sport arbitraj sudi apellyatsiya bo‘limida shikoyat qilish huquqiga ega. Xalqaro doping-test agentligi bu ish bo‘yicha qo‘shimcha izoh bermaydi», – deyiladi press-relizda.

26 yoshli Lazizbek Mullajonov Parijda bo‘lib o‘tgan Olimpiya o‘yinlarida 92 kg vazn toifasida chempion...

Toshkentda Qozog‘iston prezidenti Qosim-Jomart Toqayevni rasmiy kutib olish marosimi o‘tkazildi. Bu haqda prezident matbuot xizmati xabar bermoqda.

Mehmon sharafiga O‘zbekiston va Qozog‘iston bayroqlari ko‘tarilgan. Faxriy qorovul saf tortib, harbiy orkestr ikkala davlat madhiyasini ijro etdi.

Prezidentlar Qosim-Jomart Toqayev va Shavkat Mirziyoyev faxriy qorovul safidan o‘tib, delegatsiya a’zolari bilan salomlashdi.

Tashrifning asosiy tadbirlari 15-noyabr kuni bo‘lib o‘tadi.

Eslatib o‘tamiz, Kursiv Uzbekistan nashri MO davlatlari rahbarlari Toshkentda mintaqaviy hamkorlik va qo‘shma loyihalar masalasida yig‘ilishi haqida yozgan edi.

Milan prokuraturasi 1990-yillarda Sarayevo qamali chog‘ida amalga oshirilgan deb taxmin qilinayotgan jinoyatlarda Italiya fuqarolarining ishtiroki bo‘yicha tergov boshladi, deb xabar bermoqda La Repubblica.

Mazkur ish jurnalist va yozuvchi Etsio Gavatseni olib borgan surishtiruv asosida ochildi. Unga ko‘ra, ayrim chet elliklar qamal ostidagi shaharning tinch aholisiga o‘q uzish uchun katta miqdorda pul to‘lagan bo‘lishi mumkin.

Gavatsenining so‘zlariga ko‘ra, bu ishga kamida 100 nafar odam jalb qilingan bo‘lishi mumkin, ishtirok narxi esa 100 ming yevrogacha yetgan. Aytilishicha, ayollar, erkaklar va bolalarni o‘ldirish uchun turlicha tariflar bo‘lgan.

Materiallarda yozuvchi Eduard Limonovning urush paytida pulemyotdan Sarayevoga qarata o‘q uzayotgan videotasvirlari ham keltiriladi...

Chevrolet Cobalt joriy yilning oktabr oyida Qozog‘istonda eng ko‘p sotilgan avtomobilga aylandi. Ma’lumotlarga ko‘ra, o‘tgan oyda qozoqlar 1,9 ming dona yangi Cobalt xarid qilgan va bu model ketma-ket sakkizinchi oy milliy reytingda birinchi o‘rinni egallagan.

Chevrolet brendining umumiy savdolari oktabr oyida kamayganiga qaramay (o‘tgan yilning shu oyiga nisbatan – 55,3%), Cobalt baribir talabni ushlab turmoqda.

Model mamlakatdagi eng mashhur avtomobillar ro‘yxatida doimiy ravishda yetakchilik qiladi. Oktabr yakuniga ko‘ra, u Hyundai Tucson (1,7 ming dona) va Kia Sportage (876 dona)dan oldinda.

Bozor mutaxassislarining aytishicha, Cobaltga barqaror talab uning arzon narxi, texnik xizmat ko‘rsatishdagi oddiylik va oilaviy hamda ishchi avtomobil...

O‘zbekiston vaqti bilan 15:58 holatiga ko‘ra (14-noyabr kuni) bitkoin UzNex birjasida $96 minggacha pastladi. Bu so‘nggibir necha hafta ichidagi eng past ko’rsatgich hisoblanadi.

Crypto.ru xabariga ko‘ra so‘nggi 24 soat ichida bozorda $463 mln likvidatsiya yuz berdi, shundan $342 mln uzun pozitsiyalar hissasiga to‘g‘ri keldi.

Ma’lumotlariga ko‘ra ko‘pchilik treyderlar narx ko‘tariladi deb o‘ylagan, lekin keskin tushish ularni pozitsiyalarini yopishga majbur qilgan. Yirik fondlar foydasini oldindan olib qo‘ygani va kelayotgan investitsiyalar kamaygani bozor bosimini kuchaytirdi.

AQSh dollarining kuchayishi ham kriptovalyutalarga qiziqishni pasaytirdi. Tahlilchilar Coinbase birjasidagi farqning qisqarishi amerikalik xaridorlar faolligi kamayganini anglatishini aytmoqda. Shuningdek, dollar indeksining oshishi investorlarni xavfsizroq aktivlarga...

17-noyabr uchun valyuta kurslari e’lon qilindi. Shu kun uchun AQSh valyutasi 12 039,61 so‘m (+54,51 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

10-noyabrda 12 060,27 so‘m (+37,35 so‘m) etib belgilangan edi. 11-noyabr kuni dollar 12 014,94 so‘mga (-45,33 so‘m), 12-noyabr kuni 11 990,00 so‘mga (-24,94 so‘m), 13-noyabr kuni esa 11 972,35 so‘mga (-17,65 so‘m) tenglashdi. 14-noyabr kuni 11 985,10 so‘m (+12,75 so‘m) etib belgilandi.

Markaziy bank ma’lumotlariga ko‘ra, yevro 69,34 so‘mga oshib, 13 992,43 so‘mni, rubl esa 0,31 so‘mga oshib, 149,17 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

2025-yil 14-noyabr kuni Yaponiyaning O‘zbekistondagi elchisi Xirata Kendji va sog‘liqni saqlash vaziri Asilbek Xudayarov $5,6 millionlik beg‘araz yordam bo‘yicha Almashinuv notalarini imzoladi.

Dastur doirasida Toshkent va boshqa hududlardagi 17 ta davlat shifoxonasi Yaponiyada ishlab chiqarilgan mammografiya skrining uskunalari bilan jihozlanadi. Bu mamlakat bo‘ylab ko‘krak bezi saratonini erta aniqlash xizmatlarini kengaytirishga yordam beradi.

Loyiha Yaponiyaning «Insonlarga sarmoya kiritish» tamoyili asosida O‘zbekistonda tibbiy xizmat sifatini oshirishga ko‘maklashishni maqsad qiladi. Yaponiya hukumati sog‘liqni saqlash sohasidagi hamkorlikni davom ettirishini ma’lum qildi.

Avvalroq O‘zbekistonda onalar o‘limi 25 foizga kamaygani xabar qilingandi. Sog‘liqni saqlash vaziri o‘rinbosari Elmira Bositxonovaga ko‘ra, bu ko‘rsatkich yil oxiriga qadar 30 foizga...

Moskva Avtoshow ko‘rgazmasida yangilangan Lada Vesta SW Cross avtomobili taqdim etildi. Bu haqda Ixbt xabar bermoqda. Model yangilangan Lada Vesta SW Crossning yangi top-komplektatsiyasi sifatida namoyish etilgan.

Yangi versiya endi to‘liq kalitsiz kirish tizimiga ega. Shuningdek, dvigatelni masofadan ishga tushirish funksiyasi ham qo‘shilgan. Bu imkoniyatlar ilgari hatto eng yuqori komplektatsiyada ham bo‘lmagan.

Namoyish etilgan mashinada katta vertikal ekranli yangi multimedia tizimi bor. Raqamli panel yangilangan. Rulda ham boshqaruv tugmalari o‘rnatilgan.

Tashqi ko‘rinish Cross liniyasining qizil rangida tayyorlangan. Kuzovda himoya obvesi mavjud. Mashina 17 dyuymli disklar va qora glans elementlari bilan jihozlangan.

Yangi top-versiya yaqin kunlarda dilerlarda sotuvga chiqishi kutilmoqda.

Qamchiq va Darband dovonlaridan o‘tgan temir yo‘l uchun tezyurar poyezdlar Janubiy Koreyadan xarid qilinadi. Bu haqda Transport vaziri Ilhom Mahkamov ma’lum qildi.

«Bizda vodiyni bog‘laydigan Qamchiq dovonidan o‘tadigan temir yo‘limiz bor. Surxondaryoni Qashqadaryo bilan bog‘laydigan Darband dovonlarida harakatlanadigan poyezdlarga yangi zamonaviy Janubiy Koreyada ishlab chiqarilgan, tog‘li hududda tez harakatlanish imkoniyatiga ega bo‘lgan harakat tarkiblarini xarid qilish bo‘yicha prezident roziligi bildirildi», — deydi u.

Vazirga ko‘ra, Janubiy Koreyaning oltita tezkor Hyundai Rotem poyezdlari joriy yil dekabrdan boshlab keladi va 2026-yildan ular Buxoro—Miskin—Urganch—Nukus yo‘nalishida harakatlana boshlaydi.

Bundan tashqari, «O‘zbekiston temir yo‘llari» AJ boshqaruv raisi...