Yangiliklar

O‘zbekiston Markaziy bankining 2024-yil I yarim yilligiga doir moliyaviy barqarorlik sharhida mamlakat va global iqtisodiyotdagi moliyaviy vaziyat, bank tizimining holati va moliyaviy barqarorlikka ta’sir qilishi mumkin bo‘lgan xatarlar atroflicha tahlil qilingan. Bu haqda regulyator matbuot xizmati xabar berdi.

Bank tizimi barqarorligi

2024-yilning birinchi yarmida O‘zbekiston bank tizimida moliyaviy barqarorlik saqlanib qoldi. Jami va I darajali kapitalning monandlik koeffitsiyentlari o‘rnatilgan minimal talablaridan yuqori bo‘ldi (mos ravishda 17,3 va 14,2%). Banklar aktivlarida yuqori likvidlilikka ega aktivlar ulushi oshdi, barqaror bo‘lmagan moliyalashtirish darajasi esa pasaydi.

Qarz va kreditlar

Aholining qarz majburiyatlarini bajarishi boʻyicha xavotirlar saqlanib qolmoqda. Masalan, ipoteka kreditlari bo‘yicha qarz...

Joriy yilning 9-oktabr kuni Istanbulda Turkiya raisligida Oʻzbekiston, Ozarbayjon, Qozogʻiston va Qirgʻiziston FinTech Assosiatsiyalarini birlashtirgan Turkiy davlatlarning FinTech Alyansi tashkil etildi.

Ma’lum qilinishicha, Alyans moliyaviy texnologiyalarning asosiy sohalarida hamkorlikni kengaytirishga qaratilgan. Ya’n, transchegaraviy fintech tranzaksiyalarini osonlashtirish va mintaqadagi kompaniyalar uchun toʻsiqlarni kamaytirish uchun yagona tartibga solish muhitini yaratish boʻyicha birgalikda ishlash imkonini beradi.

«Ushbu strategik hamkorlik mintaqada fintech ekotizimlarining oʻsishini tezlashtirish, ishtirokchi mamlakatlarni raqamli moliya sohasida yetakchi qilishga qaratilgan», – deyiladi xabarda.

Shuningdek, Alyansda ishtirokchi mamlakatlar oʻrtasida innovatsiyalarni ragʻbatlantirish uchun blokcheyn, sun’iy intellekt (SI) va raqamli toʻlov yechimlari kabi fintechʼdagi soʻnggi yutuqlarni almashish koʻzda...

16-oktabr kuni O‘zbekiston Respublika valyuta birjasida dollarning rasmiy narxi 15,97 so‘mga tushdi va 12 777,06 so‘mni tashkil qildi.

Tijorat banklari dollarni 12 730 – 12 770 so‘mdan xarid qilayotgan bo‘lsa, 12 810 – 12 855 so‘m oralig‘ida sotmoqda.

Eslatib o‘tamiz, 14-oktabr kuni O‘zbekiston Respublika valyuta birjasida dollarning rasmiy narxi 22,9 so‘mga o‘sdi.

Parlament saylovlarida muddatidan ilgari ovoz berish boshlandi.  Bu haqda Markaziy saylov komissiyasi xabar berdi.

Saylov uchastkalari har kuni soat 9:00 dan 18:00 gacha va dam olish kunlarida 11:00 dan 17:00 gacha faoliyat olib boradi. Jarayon 23-oktabrgacha davom etadi.

Qayd etilishicha, muddatidan ilgari ovoz berish jarayoni chet mamlakatlarda ham boshlangan. Misol uchun, O‘zbekistonning Vladivostok shahridagi Bosh konsuli Yusup Kabuljanovning ma’lum qilishicha, Xabarovsk mintaqasida muddatidan ilgari ovoz berish jarayoni boshlandi.

Ma’lumot uchun, saylov kuni o‘z yashash joyida bo‘lish imkoniyatiga ega bo‘lmaganlar muddatidan oldin ovoz berish huquqiga ega.

Eslatib o‘tamiz, qonunchilik palatasiga saylov 2024-yil 27-oktabr kuni o‘tkaziladi.

Avvalroq «Kursiv...

Toshkent viloyatida jamoat transportini yaxshilash maqsadida 1000 ta yangi avtobus xarid qilish rejalashtirilmoqda. Bu haqda viloyat hokim Zoyir Mirzayev topshiriq berdi.

Unga koʻra, Transport boshqarmasi aholi vakillarining fikrini oʻrgangan holda, barcha shahar va tumanlardan viloyatning ma’muriy markazi Nurafshon shahri va poytaxtga yangi qatnov liniyalarini ishga tushiradi. Shuningdek, bu yangi tashkil etilayotgan jamoat transport yoʻnalishlarining markazida Nurafshon shahri turishi lozimligi alohida qayd etildi.

Eslatib oʻtamiz, Namangandagi jamoat transportlari Yutong avtobuslari bilan yangilangan edi.

Avvalroq kursiv Uzbekistan Toshkentda avtobuslar tezligi soatiga 50 kilometrgacha cheklanishi haqida xabar bergan edi.

Toshkentda ikkita narkolaboratoriya egasi qo‘lga olindi va uning yonidan $1 millionlik taqiqlangan moddalar topildi. Bu haqda poytaxt IIBB xabar berdi.

Laboratoriyalardan biri poytaxtning Yashnobod tumanidagi kvartirada, ikkinchisi esa Toshkent viloyatidagi uylardan birida joylashgan. Binolarda kimyoviy uskunalar, gaz niqoblari, reaktivlar va 14,8 kg sintetik giyohvandlik vositalari topildi.

Huquqni muhofaza qilish organlari hisob-kitobiga ko‘ra, bu taqiqlangan moddalar 40 ming doza uchun yetarli bo‘lgan.

Mazkur holat yuzasidan Jinoyat kodeksining 273-moddasi 5 qismi (Giyohvandlik vositalari, ularning analoglari yoki psixotrop moddalarni o‘tkazish maqsadida tayyorlash, olish, saqlash va boshqa harakatlar qilish) bilan jinoyat ishi qo‘zg‘atildi.

Shuningdek, laboratoriyalar egasiga nisbatan qamoqqa olish ehtiyot...

Sezar Group kompaniyasi Alisher Usmonov va Oleg Malisga tegishli kompaniyalardan Moskva City biznes kvartalidagi bir nechta loyihalarni sotib olish bo‘yicha kelishuvga erishdi. Bu haqda «Vedomosti» nashri xabar berdi.

Qayd etilishicha, kelishuv allaqachon imzolangan. Loyihalar Oleg Malisning Solvers Estate investitsion konsalting kompaniyasi hamda kelib chiqishi o‘zbekistonlik tadbirkor Alisher Usmonovga tegishli USM xoldingining tuzilmasidan sotib olinmoqda.

Manbalarda ta’kidlanishicha, kelishuv doirasida Sezar Group «Imperiya II» binosini sotib olish bo‘yicha eksklyuziv huquqqa ega bo‘ldi. Ushbu bino 116 ming kvadrat metr maydonga ega bo‘lib, rejaga ko‘ra bu binoda turarjoylar, mehmonxona va ofislar joylashtiriladi.

Avvalroq ushbu binoni sotib olishga Renaissance Development va Wildberries kompaniyalari da’vogarlik...

Oʻzbekiston Investitsiyalar, sanoat va savdo vazirligi va Rossiyaning Ozon marketpleysi oʻrtasida hamkorlik bitim imzolandi, deb xabar bermoqda Kursiv Uzbekistan muxbiri.

Tomonlar hujjatni 16-oktabr, chorshanba kuni Toshkentda boʻlib oʻtgan «Central Asia Retail Week – 2024» xalqaro forumida imzoladi.

Eslatib oʻtamiz, 2023-yil noyabr oyida Rossiya marketpleysi Oʻzbekiston bozoriga kirib kelgan. Oʻsha paytda Ozon franchayzing qabul qilish punktlarini ishlab chiqish niyatida ekanliklarini aytgan edi, bu esa tovarlarni yetkazib berish vaqtini qisqartiradi.

Joriy yilning may oyi oxirida Rossiya prezidenti Vladimir Putin oʻzbekistonlik tadbirkorlar Ozonʼda mahsulot sotishi mumkinligini ma’lum qilgan edi.

Avvalroq Kursiv Uzbekistan Ozonʼning bozordagi poygada qatnashayotgani haqida yozgan edi.

Milliy ekotizim va Birlashgan Millatlar Tashkiloti Taraqqiyot dasturi (BMTTD) oʻrtasidagi qoʻshma ta’lim loyihasi doirasida Uzum Market oʻz biznesini ochishni rejalashtirayotgan yoki uni rivojlantirayotgan xotin-qizlar uchun bir qator mahorat darslarini oʻtkazdi. Bu haqda kompaniya Kursiv Uzbekistanʼga ma’lum qildi.

Loyihada 2 oyi davomida Toshkent shahridagi 200 dan ortiq xotin-qizlar malaka oshirdi va tez orada mamlakatning barcha hududlarida mahorat darslari oʻtkazilishi rejalashtirilmoqda.

«Biz tadbirkorlar va endigina oʻz biznesini ochishni oʻylayotganlar orasida marketpleys biznesni rivojlantirishga katta qiziqish borligini koʻrmoqdamiz. Butun dunyo boʻylab marketpleyslar kichik va oʻrta biznes uchun birinchi qadamlarni qoʻyish, birinchi mijozlarni topish va oʻsish oson boʻlgan platformaga aylanib...

Apple kompaniyasi yangi iPad mini planshetining chiqarilishini ma’lum qildi. Bu haqda kompaniya matbuot xizmati xabar berdi.

Ushbu qurilma Apple Intelligence sun’iy intellekt platformasining funksiyalarini qo‘llab-quvvatlaydi. Shuningdek, mahsulot iPad mini A17 Pro protsessorida ishlaydi.

Bundan tashqari, qurilma USB-C ulanish nuqtasi hamda Touch ID tizimi bilan jihozlangan.

Kompaniya yangi planshet kompyuterining dizayni avvalgi modellarga nisbatan jiddiy o‘zgarishlarga uchramasligini ma’lum qildi.

Yangi iPad mini 23-oktabrdan sotuvga chiqariladi hamda ushbu qurilmaning narxi $499 dan boshlanishi belgilandi.

Eslatib o‘tamiz, avvalroq Kursiv Uzbekistan iPhone 16 ning Toshkentdagi narxlari haqida ma’lumot bergan edi.

Joriy yil sentabr oyida O‘zbekistonda avtotransport vositalarining umumiy savdosi 110,1 ming donani tashkil etdi. Ushbu ko‘rsatkich o‘tgan oyga nisbatan 1,1 foizga kam. Faollikning sezilarli pasayishi yillik hisobda 25,5 foizni tashkil qilmoqda. Ushbu holat ikkilamchi bozor savdosi ta’sirida yuzaga keldi, birlamchi bozor savdosida esa o‘sish kuzatilmoqda. Bu haqda Iqtisodiy tadqiqotlar va islohotlar markazi (ITIM) xabar berdi.

Sentabr oyi yakuniy natijalariga ko‘ra, yengil avtomobillar savdosi 0,3 foizga pasayib 106,1 ming donani tashkil qilgan. Yengil elektromobillar savdosi esa, 2,4 barobarga ortdi.

Mahalliy ishlab chiqarilgan yangi avtomobillar savdosi

Qayd etilishicha, mahalliy ishlab chiqarilgan yangi avtomobillar savdosi o‘sishda davom etmoqda. Sentyabr oyida sotuvlar 10,8 foizga...

Rossiyaning «Inter RAO» energetika kompaniyasi Oʻzbekistonga elektr energiyasi yetkazib berishni boshlay olmayapti. Bu haqda kompaniya boshqaruvi a’zosi Aleksandra Panina ma’lum qildi.

«Qozogʻiston tarmoqlarga yetkazib berish qobiliyatini ta’minlamayapti. Lekin Qirgʻizistonga yetkazib berish davom etmoqda», – deya Panina vaziyatga oydinlik kiritdi.

Bungacha «Inter RAO» Oʻzbekistonga elektr energiyasi eksportini 2024-yil kuzida boshlashni rejalashtirgan edi. Oʻsha paytda Panina Ostona shu muddatga qadar Oʻzbekiston Respublikasiga olib boriladigan energiya resurslari hajmi boʻyicha rejalar ishlab chiqishini aytgan edi.

Oʻzbekiston Statistika agentligi ma’lumotlariga koʻra, joriy yilning sakkiz oyida Oʻzbekiston yillik oʻsish 10,5 foizga teng boʻlgan $88 millionlik elektr energiyasi xarid...

Olmaliqda $5,3 milliardlik loyiha asosida yangi zavod qurilishi boshlandi. Bu haqda prezident matbuot xizmati xabar berdi.

Prezident Shavkat Mirziyoyev 15-oktabr kuni Olmaliq kon-metallurgiya kombinati faoliyati va yangi investitsiya loyihalari bilan tanishdi.

Qayd etilishicha, so‘nggi olti yilda Olmaliq kombinatida sanoat mahsuloti 1,8 baravar, mahalliylashtirish 7,7 baravar, investitsiya 13 baravar oshgan. «Raqamli OKMK – 2030» strategiyasi doirasida 70 dan ortiq loyihalar amalga oshirilgan.

Ta’kidlanishicha, 2021-yilda «Yoshlik-1» koni negizida 3-mis boyitish fabrikasi qurilishi boshlangan edi. Endi bu loyihaning ikkinchi bosqichi doirasida 4-mis boyitish fabrikasi barpo etiladi.

Qiymati 5,3 milliard dollarlik ushbu loyiha orqali yiliga 146 ming tonna katodli mis, 13 tonna oltin...

Rahmatulla Nurimbetov Oʻzbekistonning Shvetsiyadagi elchisi etib tayinlandi. Bu haqda «Dunyo» axborot agentligi xabar berdi.

Nurimbetov 2023-2024-yillarda Oʻzbekiston tashqi ishlar vazirining oʻrinbosari lavozimida ishlagan. U Jahon iqtisodiyoti va diplomatiya universiteti, Toshkent davlat sharqshunoslik instituti (hozirgi Toshkent davlat sharqshunoslik universiteti) va Oʻzbekiston Milliy universitetini tamomlagan. Siyosiy fanlar doktori (DsC) darajasiga ega.

Mehnat faoliyatini esa Oʻzbekiston prezidenti huzuridagi Strategik va mintaqalararo tadqiqotlar institutida boshlagan. Nemis, ispan va ingliz tillarini mukammal biladi.

Avvalroq Kursiv Uzbekistan Pokistonga Oʻzbekistonning yangi elchisi tayinlangani haqida xabar bergan edi.

Koreya ekologik korporatsiyasi K-eco O‘zbekistonning Jizzax viloyatida chiqindini qayta ishlash zavodi qurishni rejalashtirmoqda. Bu haqda O‘zbekiston Ekologiya, atrof-muhitni muhofaza qilish va iqlim o‘zgarishi vazirligi matbuot xizmati xabar berdi.

Joriy yilning 7 – 11-oktabr kunlari Ekologiya vaziri oʻrinbosari Iskandar Qutbiddinov boshchiligidagi delegatsiya Koreya Respublikasining Seul shahrida bo‘ldi.

Tashrif doirasida vazirlik K-eco bilan umumiy qiymati $6,2 millionga teng grant shartnomasini imzoladi. Loyihani amalga oshirish muddati to‘rt yilni tashkil qiladi.

Loyiha doirasida poligonni rekultivatsiya qilish, 300 ming metr kub chiqindini bir joyga toʻplash, tuproq bilan qoplash hamda chiqindixona gazini yigʻish va piroliz usuli orqali yoqish, elektr energiya ishlab chiqarish uskunalarini (elektrogenerator) oʻrnatish belgilangan.

2024-yil 15-oktabr, seshanba kuni «Freedom Bank Qozog‘iston» AJ Tojikistonda bank faoliyatini yuritish uchun litsenziya oldi. Bu haqda CEO Freedom Holding Corp. bosh direktori Timur Turlov ma’lum qildi.

«Bugun Freedom Qozog‘istonning sho‘ba banki Tojikistonda bank faoliyatini yuritish uchun litsenziya oldi! @aidos_zhumagulov_b (Aydos Jumagulov, Freedom bank kuzatuv kengashi a’zosi) va uning butun jamoasini tabriklayman!», – dedi Timur Turlov o‘zining Instagram sahifasida.

Freedom Bankning Tojikistonda sho‘ba tashkilotini ochish haqidagi rejalari 2024-yil yanvar oyida ma’lum bo‘lgan edi. 12-aprel kuni Moliyaviy bozorni tartibga solish va rivojlantirish agentligi (ARRFR) Tojikistonda yopiq aksiyadorlik jamiyati ko‘rinishida sho‘ba tashkilotini ochishga ruxsat berdi.

Rossiyaning «Aeroflot» aviakompaniyasining shoʻba kompaniyasi «Pobeda» qishda Moskvadan Qirgʻizistonning Oʻsh va Toshkent shaharlariga parvozlarni yo‘lga qo‘yadi. Bu haqda «TASS» axborot agentligi xabar berdi.

Umuman olganda, «Aeroflot» joriy qishda parvozlar jadvalini 8 foizga kengaytirib, 260 ta yoʻnalishga yetkazadi.

33 ta yangi yoʻnalishlar yoʻlga qoʻyilishi rejalashtirilgan. Qayd etilganlardan tashqari, Sankt-Peterburgdan Olmaotaga reys ham amalga oshiriladi.

Avvalroq Kursiv Uzbekistan endilikda 15 ta aviakompaniyaga chiptalarni Toshkent aeroporti kassalarida xarid qilish mumkinligi haqida xabar bergan edi.

AQShning sobiq prezidenti Donald Tramp Pensilvaniya shtatida bo‘lib o‘tgan saylovoldi mitingida saylovchilarga siyosat haqida gapirish o‘rniga musiqa tinglashni taklif qildi. Bu haqda The Guardian nashri xabar berdi.

Sobiq prezidentning bunday g‘ayrioddiy tashabbus bilan chiqishiga sabab, tadbirda ikki ishtirokchi issiqdan hushidan ketgan. Shundan so‘ng, Tramp konditsionerni yoqishni so‘ragan, ammo bu amalga oshmagach, siyosatchi musiqiy tanaffus e’lon qildi.

Musiqa tinglash vaqtida Tramp 40 daqiqa davomida raqsga tushdi.

Trampning saylovdagi raqibi, AQSh vitse-prezidenti Kamala Harris Trampning ruhiy holati borasida xavotir bildirgan.

«Umid qilamanki, u yaxshi», – dedi Harris. Ma’lumot uchun, AQShda saylovlar 5-noyabrda bo‘lib o‘tadi.

Eslatib o‘tamiz, avvalroq Kursiv...

«JCH – 2026» saralashidagi 3-bosqich 4-turida O‘zbekiston futbol terma jamoasi o‘z uyida Birlashgan Arab Amirligini 1:0 hisobda mag‘lubiyatga uchratdi. Bu haqda O‘zbekiston futbol federatsiyasi xabar berdi.

Unga ko‘ra, o‘yinning 76-daqiqasida Otabek Shukurov tomonidan amalga oshirilgan penalti zarbasi raqib jamoa darvozasini ishg‘ol etdi va jamoamiz hisobidagi yagona gol bo‘ldi.

Eslatib o‘tamiz, avvalroq O‘zbekiston Eron bilan 0:0 hisobdagi natija qayd etgan edi.

Wildberries marketpleysi reklama operatori Russ’ning VTB Bank oldidagi ko‘p milliard dollarlik qarzlarini to‘lamoqda. Bu haqda rossiyalik tadbirkor Vladislav Bakalchuk o‘zining Telegram kanalida ma’lum qildi.

«Restrukturizatsiya jarayoni bu Wildberries kompaniyasining 35 foiz ulushini ustav kapitali 70 ming rubl bo‘lgan kompaniyaga o‘tkazish emas, balki Kerimovlar klani foydasiga pul olish bo’yicha to’liq operatsiyadir», – deydi Bakalchuk.

Uning so‘zlariga ko‘ra, aka-uka Mirzoyanlarning qarzlari Wildberries kompaniyasi Russ bilan birlashganidan keyin bekor qilingan. Reklama operatorini aka-uka Mirzoyanlardan biri Robert egalik qiladi.

Eslatib o‘tamiz, oktabr oyi o‘rtalarida Checheniston rahbari Ramzan Qodirov Wildberries va Russ birlashuvi sababli Sulaymon Kerimovga qarshi qonli qasos...

Amerikaning Nvidia kompaniyasining aksiyalari $138 gacha koʻtarildi va iyun oyidagi eng yuqori koʻrsatkichdan oʻtib ketdi.

14-oktabrdagi savdolar yakuniga koʻra, chip ishlab chiqaruvchisi kompaniyaning aksiyalari 2,4 foizga qimmatlashgan.

Yil davomida kompaniya aksiyalari uch baravar qimmatlashgan. Nvidia Microsoft va Googleʼni ortda qoldirib, dunyodagi ikkinchi kapitallashtirilgan kompaniyaga aylandi. Reytingda hamon $120 milliardlik marja bilan Apple birinchi oʻrinni egallab turibdi.

Tahlilchilar Nvidiaʼning moliyaviy oʻsishini uning sun’iy intellekt chiplari bozoridagi ustun mavqeyi bilan bogʻlashmoqda. Mizuho ma’lumotlariga koʻra, kompaniya sun’iy intellekt chiplari bozorining 95 foizini egallaydi va texnologiya gigantlari bilan foydali shartnomalar tuzgan.

Oktabr oyida Nvidia keyingi avlod sun’iy intellet tizimlari uchun Blackwell...

Joriy yilning 15-oktabridan 25-oktabrigacha «Ochiq budjet» axborot portalida «Mening bogʻcham» loyihasiga ovoz berish jarayoni boshlandi. Bu haqda Iqtisodiyot va moliya vazirligi xabar berdi.

Ma’lum qilinishicha, 2025-yil dasturi uchun yangi quriladigan hamda rekonstruksiya qilinadigan bogʻchalarga aniqlik kiritish boʻyicha ovoz berish jarayoni oʻtkaziladi.

Ovoz beruvchilar «Ochiq budjet” portalining veb-sahifasi, portalning mobil ilovasi (Android va iOS), Telegramdagi rasmiy bot yordamida ovoz berishlari mumkin.

Eslatib oʻtamiz, ovoz berish jarayoni «Bir fuqaro — bir ovoz» tamoyili asosida amalga oshiriladi.

Avvalroq Kursiv Uzbekistan «Tashabbusli budjet»da 177 ta loyiha qoʻshimcha gʻolib deb topilgani haqida xabar bergan edi.

O‘zbekiston hukumatiga Tolibon tomonidan Xalqaro Termiz savdo markazidagi konsert tadbirlarini bekor qilish bo‘yicha hech qanday so‘rov kelib tushmagan. Bu haqda Tashqi ishlar vazirligi matbuot xizmati Kursiv Uzbekistan’ga xabar berdi.

Shuningdek, vazirlik tasdiqlanmagan ma’lumotlarni internetda tarqatmaslikka chaqirdi.

Eslatib o‘tamiz, oktabr oyi o‘rtalarida Atlas Press nashri tahliliga ko‘ra, Tolibon O‘zbekiston hukumatidan Termiz savdo markazidagi musiqa tadbirlarini bekor qilishni talab qilgan. Agar bu talab bajarilmasa, Kobul fuqarolariga savdo markaziga tashrif buyurishni taqiqlashni rejalashtirgan edi.

Tolibon harakati hokimiyatga qaytganidan so‘ng, Afg‘onistonda musiqaning tarqalishiga qarshi kurash boshlagan edi. Ularning fikricha, musiqa axloqiy buzilishlarga olib keladi.

Ma’lumot uchun, Termiz savdo markazi joriy yil avgust...

«Semurg insurance» AJ faoliyatida qonunbuzilish holatlari aniqlanib, kompaniyaga nisbatan 31,5 mln so‘m miqdorida jarima qo‘llanildi. Bu haqda Istiqbolli loyihalar milliy agentligi (ILMA) matbuot xizmati xabar berdi.

Amaldagi qonunchilikka binoan «Semurg insurance» AJga sug‘urta faoliyatini amalga oshirish uchun berilgan 135840-sonli litsenziya joriy yilning 15-oktabridan boshlab o‘n kunlik muddatga to‘xtatildi. Unga ko‘ra, belgilangan o‘n kunlik muddatda aksiyadorlik jamiyati tomonidan sug‘urtalar bo‘yicha shartnoma tuzish hamda uzaytirish taqiqlanadi.

Shuningdek, aksiyadorlik jamiyati ilgari tuzilgan sug‘urta (qayta sug‘urta) shartnomalari bo‘yicha o‘z zimmasiga olgan majburiyatlarni belgilangan tartibda bajarishi shart.

Eslatib o‘tamiz, avvalroq Kursiv Uzbekistan Upay va Humans Pay tovar belgilariga ega bo‘lgan AJning faoliyati qimor o‘yinlari...