Yangiliklar

Prezidentning 2025-yil 26-iyundagi Farmoniga muvofiq, Matbuot va ommaviy axborot vositalari xodimlari kuni munosabati bilan jami 53 nafar soha vakili – 1 nafari «Xizmat ko‘rsatgan jurnalist» faxriy unvoni, 1 nafari «Mehnat shuhrati» ordeni, 11 nafari «Do‘stlik» ordeni, 2 nafari II darajali «Sog‘lom avlod uchun» ordeni, 1 nafari «Sog‘lom turmush» medali, 1 nafari «Kelajak bunyodkori» medali va 36 nafari «Shuhrat» medali bilan taqdirlandi. Bu haqda davlat rahbari matbuot xizmati ma’lum qildi.

Mazkur mukofotlar soha xodimlarining demokratik islohotlarni yoritishdagi hissasi, axborot sohasidagi konstitutsiyaviy huquqlarni ta’minlash, so‘z erkinligini targ‘ib etish, xalqaro axborot maydonida milliy manfaatlarni himoya qilish, shuningdek, yosh avlodni Vatanga sadoqat ruhida...

Shavkat Mirziyoyev 27-iyun – Matbuot va ommaviy axborot vositalari xodimlari kuni munosabati bilan tabrik yo‘lladi. Bu haqda prezident matbuot xizmati xabar berdi.

«Yangi O‘zbekistonning yangilanayotgan matbuotida, teleradiokanallar, internet nashrlari, nashriyot va matbaa korxonalarida, axborot xizmatlari va platformalarida o‘z burchini sidqidildan ado etib kelayotgan siz, hurmatli jurnalistlar, muhtaram faxriylarni, barcha ijodiy va texnik xodimlarni bugungi kasb bayramingiz bilan chin qalbimdan samimiy muborakbod etaman», – dedi davlat rahbari nutqida.

Shuningdek, davlat rahbari bugungi kunda respublikada 2 ming 400 ga yaqin ommaviy axborot vositalari faoliyat yuritayotganini keltirib o‘tdi. Ularning 65 foizi nodavlat sektor hissasiga to‘g‘ri kelmoqda...

Ijtimoiy tarmoqlarda OLX’da 3 yoshli bola 150 ming so‘mga sotuvga qo‘yilgani haqida e’lon tarqalgan edi. Mazkur holat bo‘yicha Bolalar ombudsmani rasmiy munosabat bildirdi.

Qayd etilishicha, holat darhol o‘rganilgan. Ichki ishlar organlari tomonidan olib borilgan tezkor-surishtiruv ishlari natijasida e’lonning qayerdan va qaysi akkaunt orqali joylashtirilgani aniqlangan.

Ma’lum bo‘lishicha, Toshkent shahri Uchtepa tumanida yashovchi 12 yoshli bola I.A ushbu e’lonnni o‘zining onlayn akkauntidan joylashtirgan. U kichik ukasining sho‘xligiga «ta’zir berish» maqsadida ushbu hazilomuz harakatni amalga oshirgan. Sotuv narxi sifatida 150 ming so‘m ko‘rsatilgan.

Mazkur e’lon ijtimoiy tarmoqlarda keng muhokamaga sabab bo‘ldi. Holat yuzasidan hozirda Uchtepa tumani Ichki ishlar bo‘limi...

Xitoyda Chery Fulwin A9L avtomobili taqdim etildi. Bu haqda Autohome texnologiyalar nashri xabar bermoqda.

Bu katta o‘lchamdagi mashina bo‘lib, uzunligi 5 metr, g‘ildirak bazasi esa 3 metrga teng. Narxi esa nisbatan arzon – $22,3 mingdan $32 minggacha.

Fulwin A9L o‘lchamlari bo‘yicha Toyota Camry XV80’dan katta, kuchliroq va yaxshiroq jihozlangan.

Modelning ichida sovutkich ham bor. Bazaviy versiyasida 1,5 litrli benzinli dvigatel va 374 ot kuchiga ega elektromotor o‘rnatilgan. Eng yuqori rusumda to‘liq g‘ildirakdan harakatlanadigan tizim va umumiy 639 ot kuchi mavjud.

Mashina 33,67 kVt/soat sig‘imli akkumulyator bilan ta’minlangan. Elektrda 230 km, umumiy yurish zaxirasi esa 2000 km dan ortiq...

Honorning mahsulotlar bo‘yicha vitse-prezidenti Li Kun Honor Magic V5 haqida muhim tafsilotlarni oshkor qildi. Bu haqda ITHome nashri ma’lum qildi.

Uning ta’kidlashicha, bugungi kunda buklanadigan ekranli qurilmalar nafaqat ekran hajmi bilan, balki tasvir sifatidan tortib, sun’iy intellekt imkoniyatlarigacha bo‘lgan keng doirada foydalanuvchi tajribasini takomillashtirish yo‘lida rivojlanmoqda.

«Bizning maqsadimiz – birinchi darajali tajriba va konfiguratsiyani olib kelish», – dedi Li Kun.

Yangi model aynan shu yo‘nalishda ishlab chiqilgan: yangi apparat va dasturiy platforma integratsiyasi orqali yaxshilangan tasvir sifati, Honor AI Light Control Engine yordamida ultra tiniq suratlar, AI stilizatsiyasi va AI asosidagi telefoto imkoniyatlari taqdim...

Fitch Ratings xalqaro reyting agentligi O‘zbekistonning uzoq muddatli xorijiy valyutadagi kredit reytingini «BB-» dan «BB» darajasiga oshirdi. Reyting bo‘yicha prognoz «barqaror» deb baholandi.

O‘zbekiston nega bu reyting darajasini oldi

Ushbu daraja berilishiga sabab, moliyaviy tizim, davlat korxonalari va tarif siyosatidagi o‘zgarishlar, shuningdek, davlat boshqaruvi va shaffoflikni oshirish bo‘yicha bosqichma-bosqich chora-tadbirlar Fitch tomonidan ijobiy baholanishiga sabab bo‘ldi.

Shuningdek, 2024-yilda budjet taqchilligi YaIMga nisbatan 3% atrofida bo‘lib, kutilganidan yaxshiroq natijani ko‘rsatdi. Energiya subsidiyalari kamaytirilgani fiskal barqarorlikka ijobiy ta’sir qildi.

1-iyun holatiga ko‘ra, valyuta zaxiralari (asosan oltin) $49,7 milliardga yetdi. Bu tashqi to‘lovlarni 10 oy davomida qoplash imkonini beradi.

Davlat...

Fairphone kompaniyasi yangi – oltinchi avlod smartfonini namoyish qildi. Ushbu model ekologik toza materiallardan tayyorlangan va modulli tuzilishga ega. Bu haqda Gizmochina xabar bermoqda.

Smartfonning ekran, batareya, USB-C port kabi 12 ta qismini oddiy otvyortka bilan almashtirish mumkin.

Fairphone 6 korpusi kuchli Gorilla Glass 7i oynasi bilan himoyalangan, IP55 himoya darajasiga ega va harbiy standartdagi bardoshlik bilan ajralib turadi.

Smartfon 6,31 dyuymli LTPO OLED ekranga ega bo‘lib, 120 Gts yangilanish tezligi, Full HD+ aniqlik va 1400 nitgacha yorqinlikni taqdim etadi.

Qurilmada Snapdragon 7s Gen 3 protsessori, 8 GB operativ va 256 GB ichki xotira mavjud. Xotirani microSD orqali...

KCHM-2025: «Manchester Siti» «Yuventus»ni 5:2 hisobida mag‘lub etdi, Abduqodir Husanov zahirada qoldi

27-iyun kuni Toshkent vaqti bilan soat 00:00 da Orlando shahridagi «Camping World» stadionida KCHM-2025 guruh bosqichining so‘nggi turi doirasida «Manchester Siti» hamda «Yuventus» jamoalari o‘rtasida yorqin o‘yin bo‘lib o‘tdi. Uchrashuv ingliz klubining ishonchli g‘alabasi bilan yakunlandi — 5:2. O‘zbekiston terma jamoasi himoyachisi Abduqodir Husanov ushbu o‘yinda «Manchester Siti» safida zahirada qoldi.

Faol hujumlar bilan boshlang‘ich daqiqalar

Uchrashuv ilk daqiqalardanoq ikki tomonning faol hujumlari bilan boshlandi. To‘rtinchi daqiqada Silva bosh bilan zarba yo‘llab «Yuventus» darvozaboni De Grigorioga xavf tug‘dirdi. Oradan ko‘p o‘tmay Vlahovich yakka-yakka vaziyatga chiqishi mumkin edi, biroq...

Andijon viloyatining Paxtaobod va Jizzax viloyatining Do‘stlik tumanlarida tibbiyot birlashmalariga ishga joylashtirib qo‘yishni va’da qilib, fuqarolardan pul olgan shaxslar ushlandi. Bu haqda Bosh prokuratura departamenti ma’lum qildi.

Paxtaobod tumanida o‘tkazilgan tezkor tadbirda tibbiyot birlashmasining kadrlar bo‘limi xodimi fuqarodan ishga joylashtirish evaziga $500 olayotgan vaqtda ushlangan.

Yana bir holatda Jizzax shahrida fuqaro Do‘stlik tumani tibbiyot birlashmasiga ishga kiritishni va’da qilib, fuqarodan 21 mln so‘mni firibgarlik yo‘li bilan olgan vaqtida qo‘lga olingan.

Har ikkala holat yuzasidan Jinoyat kodeksining 168-moddasi bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq valyuta savdosi bilan bog‘liq bir necha jinoyatlar fosh etilgan edi.

27-iyun kuni O‘zbekiston hududi bo‘ylab havo harorati kechasi 12-27°, kunduzi 23-39° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Indoneziyada bo‘lib o‘tadigan futzal bo‘yicha Osiyo kubogi 2026-yilgi saralash bosqichi uchun guruhlar tarkibi ma’lum bo‘ldi.

Umumiy hisobda 8 ta guruh shakllantirildi. O‘zbekiston terma jamoasi «F» guruhida Qirg‘iziston, Timor-Leste va Falastin jamoalari bilan raqobatlashadi.

Qur’a natijalariga ko‘ra, kuchli raqiblar Yaponiyaning «C» guruhida va Eronning «G» guruhida to‘plangan. Turnirda jami 31 ta jamoa ishtirok etadi. Musobaqa 2026-yilda Indoneziyada o‘tkazilishi rejalashtirilgan.

Eslatib o‘tamiz, avvalroq o‘zbekistonlik o‘smir bokschilar Qirg‘izistonda 100 foizlik natija bilan g‘olib bo‘lgan edi.

Buxoro shahrida o‘tkazilgan tezkor tadbirda valyuta ayirboshlash bilan shug‘ullangan fuqarodan jami 350 ming Rossiya rubli 54,7 so‘m kursida sotib olayotganda ushlangan. Bu haqda Bosh prokuratura departamenti ma’lum qildi.

Shuningdek, Xonqa va Yangibozor tumanlari bo‘limlari tomonidan o‘tkazilgan tadbirlarda fuqaro $12 mingni 152,4 mln so‘mga, yana bir «valyutachi» esa 3,8 mingni 48,3 mln so‘mga sotayotganda dalillar bilan ushlangan.

Yakkasaroy tumani bo‘limi va IIBB xodimlari hamkorligida o‘tkazilgan tadbirda ham valyuta ayirboshlash bilan shug‘ullanuvchi shaxs 3,5 mingni 44,3 mln so‘mga sotayotganda ushlangan.

Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bo‘yicha jinoiy ishlar qo‘zg‘atilgan va tergov harakatlari...

Uzbekistan Airways 2026-yilda Xitoyning CALC kompaniyasidan ikki dona Airbus A321neo samolyotini qabul qiladi. Bu yangi laynerlar biznes-klass uchun to‘liq yotadigan o‘rindiqlar va 156 ta iqtisodiy klass o‘rindig‘i bilan jihozlanadi.

Samolyotlar zamonaviy salon, keng bagaj bo‘limlari, internet va ko‘ngilochar tizimlar bilan ta’minlanadi. A321neo modeli yoqilg‘i tejamkorligi va uzoq parvoz imkoniyati bilan ajralib turadi.

Yangi samolyotlar kompaniyaning havo parkini yangilash va yo‘lovchilarga qulay sharoit yaratish bo‘yicha strategiyasining bir qismidir.

Eslatib o‘tamiz, avvalroq Centrum Air Namangan – Moskva yo‘nalishida yangi aviaqatnovni yo‘lga qo‘yishi haqida xabar bergan edik.

Andijon shahri va Xo‘jaobod tumanida o‘tkazilgan tergovga qadar tekshiruvlar davomida yirik hajmdagi elektr energiyasidan noqonuniy foydalanish holatlari aniqlandi. Bu haqda Bosh prokuratura departamenti ma’lum qildi.

Unga ko‘ra, yakka tartibdagi tadbirkor o‘ziga tegishli savdo do‘konida, MCHJ mas’ul shaxslari esa «Bahrin» MFY hududidagi umumiy ovqatlanish oshxonasida elektr tarmoqlariga ruxsatsiz ulanib, jami 531,6 mln so‘mlik elektr energiyasidan foydalangan.

Natijada davlat manfaatlariga sezilarli miqdorda zarar yetkazilgan.

Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, ayni vaqtda tergov harakatlari olib borilmoqda.

Eslatib o‘tamiz, avvalroq Farg‘ona viloyatida fuqarolarni xorijga yuborishni va’da qilgan shaxs ushlangan edi.

Bosh prokuratura huzuridagi Departamentning Farg‘ona viloyati boshqarmasi tomonidan o‘tkazilgan tezkor tadbirda MChJ rahbari bir fuqaroning ishonchiga kirib, uni Angliyaga ishga yuborish va viza hujjatlarini tayyorlab berish evaziga $1,9 mingni olgan vaqtida ashyoviy dalillar bilan ushlandi.

Shuningdek, tergovga qadar tekshiruv davomida fuqaro 7 nafar shaxs bilan ham shunday yo‘l tutib, jami $10,5 mingni qo‘lga kiritgani aniqlanib, ushbu pullar hisobidan 114,2 mln so‘mning qaytarilishi protsessual tartibda rasmiylashtirildi.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Andijon va Toshkent viloyatlarida imtiyozli kreditga doir firibgarlik holatlari fosh etilgan edi.

Oyatulloh Ali Xomanaiy Eronni Isroil va AQSH ustidan erishilgan «g‘alaba» bilan tabrikladi. Eron oliy rahnamosi X ijtimoiy tarmog‘idagi sahifasida kutilmagan tarzda bayonot berib, Eronni g‘alaba bilan tabrikladi.

«Sionistik rejim amalda yo‘q qilindi. U Islom Respublikasining zarbalari ostida tor-mor qilindi», – deydi Xomanaiy.

Shuni ta’kidlash kerakki, bu qarama-qarshilik Eronga ham oson kechmadi. 12 kun davom etgan to‘qnashuvlar chog‘ida Eron 30 dan ortiq generalini yo‘qotdi. Ularning aksariyati – Islom inqilobi qo‘riqchilari korpusi (IRGC), «Basij» jangchilari hamda razvedka xizmatining yuqori lavozimli ofitserlari bo‘lgan.

Bundan tashqari, Oyatulloh Xomanaiy Eronni AQSH rejimi ustidan erishilgan g‘alaba bilan ham tabriklagan.

Xitoyda mashhur bo‘lgan «Ikkinchi aka» taxallusli avtomobil blogeri Xiaomi YU7 avtomobili test drayv videosini rasmiy taqdimotdan oldin tasodifan internetga joylashtirib yubordi. Bu haqda CarNewsChina xabar bermoqda.

Video aslida 26-iyun kuni soat 22:00 da (Xitoy vaqti bilan) chiqishi kerak edi, ammo 10:00 da noto‘g‘ri e’lon qilinib yuborilgan. Unda YU7’ning tashqi ko‘rinishi, saloni va HUD funksiyasi ko‘rsatilgan.

Ijtimoiy tarmoqlarda bu holat katta muhokamalarga sabab bo‘ldi. Ayrim foydalanuvchilar bloger 5 mln yuan (taxminan $695 ming) jarimaga tortilishi mumkinligini yozmoqda.

Garchi original video tezda o‘chirilgan bo‘lsa-da, boshqa blogerlar uni nusxalab, turli platformalarda tarqatishni boshlab yubordi.

Yashirin videoda bir qiziqarli funksiyaga ham aniqlik...

Italiyaning mashhur «La Skala» opera va balet teatri o‘zbekistonlik opera xonandasi Aqlbek Piyazov bilan 2025 – 2027-yillar davomida faoliyat yuritish bo‘yicha shartnoma imzoladi.

«La Skala» har ikki yilda iste’dodli xonandalarni saralab, 2 yillik ish shartnomasi asosida jahon sahnasida faoliyat yuritish imkonini beradi. Piyazov ushbu tanlovda ishtirok etish uchun 6 yil davomida tayyorgarlik ko‘rganini aytib, bu muvaffaqiyatdan juda hayajonlanganini bildirdi.

Saralashda 800 nafar nomzod orasidan O‘zbekiston, Italiya, Yaponiya, Janubiy Koreya, Latviya, Qozog‘iston, Chili va Xitoy vakillari final bosqichiga yetib kelgan. Ular orasidan atigi 12 nafar operachi tanlab olindi, ulardan biri Aqlbek Piyazov.

Bu muvaffaqiyatni O‘zbekiston xalq artisti Jenisbek Piyazov quyidagicha...

2025/2026-o‘quv yili uchun oliy ta’limga bakalavriat bosqichiga 732 ming 411 nafar abituriyent ro‘yxatdan o‘tgan. Bu haqda Bilim va malakalarni baholash agentligi xabar berdi.

Aksariyat abituriyentlar o‘zbek tilida hujjat topshirgan bo‘lsa, rus va qoraqalpoq tillarini tanlaganlar ham sezilarli bo‘ldi.

Shuningdek, ro‘yxatdan o‘tganlarning gender tarkibida ayollar soni erkaklarnikidan ko‘proq ekani kuzatildi. Ya’ni 386 ming nafardan ortiq qizlar va 346 mingdan ortiq yigitlar hujjat topshirgan.

Test sinovida ishtirok etish uchun to‘lovni bugun, 26-iyun kuni soat 23:59 ga qadar amalga oshirish lozim. Aks holda ro‘yxatdagi abituriyent testga kiritilmaydi.

Yillar kesimida abituriyentlar soni

Oxirgi yetti yil ichida oliy ta’lim muassasalariga ro‘yxatdan o‘tgan abituriyentlar...

O‘zbekiston estradasi vakili Munisa Rizayeva amerikalik yulduz Jennifer Lopesni 7-avgust kuni Toshkentda bo‘lib o‘tadigan konserti doirasida birgalikda sahnaga chiqishga taklif etdi. Xonanda bu taklifni ijtimoiy tarmoqlar orqali videomurojaat tarzida e’lon qildi.

«Salom, Jey Lo! Eshitishimcha, Toshkentga kelarmishsiz. Hamkorlik haqida qanday fikrdasiz?» – deydi Rizayeva o‘z murojaatida.

Hozircha Jennifer Lopesdan rasmiy javob kelmagan bo‘lsa-da, tomoshabinlar bu kutilmagan taklif ijobiy natija berishiga umid bildirishmoqda.

Avvalroq Kursiv Uzbekistan 7-avgust kuni Toshkentdagi «Milliy» (Bunyodkor) stadionida jahon mashhuri Jennifer Lopesning «Up All Night – Live In 2025» nomli konsert dasturi bo‘lib o‘tishi haqida yozgandi.

Shuningdek, 5-iyundan konsert uchun...

AQSHning yirik moliyaviy korporatsiyasi Citigroup Toshkentda o‘z vakolatxonasini ochishni rejalashtirmoqda. Bu haqda Investitsiyalar, sanoat va savdo vazirligi (ISSV) matbuot xizmati xabar berdi.

25-iyun kuni ISSVda Citigroup delegatsiyasi bilan uchrashuv bo‘lib o‘tdi. Delegatsiyaga mijozlar bilan ishlash bo‘yicha bosh direktor Devid Livingston boshchilik qildi.

Uchrashuv davomida tomonlar investitsiyaviy hamkorlik, eksportni qo‘llab-quvvatlash, shuningdek, davlat-xususiy sheriklik asosidagi loyihalarni rivojlantirish masalalarini muhokama qildi.

Citigroup – bu amerikalik transmilliy investitsiya banki va moliyaviy korporatsiya. U 1998-yilda Citicorp va Travelers Group kompaniyalari birlashuvi natijasida tashkil etilgan. Uning bosh ofisi Nyu-York shahrida joylashgan. Aktivlar hajmi bo‘yicha AQSHda uchinchi o‘rinda turadi va mamlakatdagi «katta to‘rtlik» banklaridan biri hisoblanadi.

O‘zbekiston valyuta birjasi (UZCE) ma’lumotlariga ko‘ra, 26-iyun kuni dollar kursi 54,63 so‘mga yuqorilab, 12 586,41 so‘m qilib belgilandi.

 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 220,70 so‘mga oshib, 14 758,82 so‘mni, rubl esa 0,60 so‘mga...

«Manchester Siti» bosh murabbiyi Pep Gvardiola 19 yoshli yarim himoyachi Klaudio Echeverri jarohat olganini tasdiqladi.

«Uning to‘pig‘ida muammo bor. Tiklanishi uchun 2 yoki 3 hafta kerak bo‘ladi. Barchamiz u uchun afsusdamiz», – dedi Gvardiola.

Echeverri «Al Ayn»ga qarshi o‘yinning 27-daqiqasida gol urgandi. U ikkinchi bo‘lim boshida jarohat sabab maydonni tark etib, uning o‘rniga Fil Foden tushdi.

Bu o‘yin Echeverrining 2025-yilgi klublar o‘rtasidagi Jahon chempionatidagi ilk ishtiroki edi.

Avvalroq Kursiv Uzbekistan Abduqodir Husanov o‘ynagan bahsda jamoasi g‘alaba qozongani haqida xabar bergan edi.

Mercedes-Benz kompaniyasi avtomobil tizimidagi muammolarni aniqladi. Shu sababli, mijozlarga kompensatsiya sifatida masofadan boshqaruv xizmati uchun 30 kunlik bepul foydalanish imkoniyati taqdim etildi. Bu haqda ITHome nashri ma’lum qildi.

Bu taklif 2025-yil 30-sentabrgacha amal qiladi va faqat maqsadli taklif olgan foydalanuvchilar uchun mo‘ljallangan. Foydalanuvchilar xizmatdan bepul foydalanishlari mumkin.

Avvalroq 12-iyun kuni bir nechta Mercedes-Benz egalari ijtimoiy tarmoqlarda avtomobil kompyuterlarining ishdan chiqqani haqida shikoyat qilishgan edi. Ushbu dasturiy halokat MBux 3.0 tizimidan foydalanadigan C-Class, E-Class, S-Class hamda EQ seriyali modellarni qamrab olgan.

Muammo natijasida xarita navigatsiyasi, musiqa tizimi, CarPlay, orqa ekran va hatto avtomagnitafon funksiyalari ishlamay qolgan.

Kompaniya bu noqulayliklar uchun...