Yangiliklar

Tojikiston, Afg‘oniston hamda Qirg‘izistondan kontrabanda yo‘li bilan olib o‘tilgan giyohvandlik moddalari aylanmasiga chek qo‘yildi. Bu haqda Davlat xavfsizlik xizmati matbuot xizmati xabar berdi.

Qayd etilishicha, viloyatning Uzun tumanida uch nafar fuqarolar 10 kg 50 gramm opiy va 10 kg 29 gramm gashish moddalarini kontrabanda yo‘li bilan olib o‘tgan vaqtlarida qo‘lga olingan.

Shuningdek, Afg‘onistondan olib kelingan hamda viloyatning Muzrabot tumanida yashirin joyda qoldirib ketilgan 1 kg 953 gramm opiy va 4 kg 116 gramm gashish moddasini olgan shaxs, ashyoviy dalillar bilan ushlangan. Tezkor tadbir davom ettirilib, Qozog‘iston fuqarosi giyohvandlik moddalarini qabul qilib olish jarayonida qo‘lga olingan.  

Oʻzbekistonda Neta X elektromobili taqdimoti boʻlib oʻtdi. Bu haqda Xitoyning Hozon Auto kompaniyasi Instagram’da ma’lum qildi.

Unga ko‘ra, O‘zbekiston Markaziy Osiyoda Xitoydan kompaniya bozorga kirgan birinchi davlat bo‘ldi.

Neta X dvigatelining quvvati 163 ot kuchiga teng bo‘lib, maksimal tezlik 501 km/s. Mashina charm salon, iqlim va kruiz nazorati, mediatizim bilan jihozlangan.

Hozon Auto 2014-yilda tashkil etilgan va Jiaxing shahrida joylashgan. Kompaniya avtomobillar va elektromobillar ishlab chiqaradi. 2023-yil oxirida 127,5 mingta avtomobil sotilgan.

Avvalroq Kursiv Uzbekistan nashri O‘zbekistonga sakkiz oy ichida deyarli necha mingta elektromobil import qilingani haqida yozgan edi.

10-oktabr oqshomida Bishkekda yuz bergan otishmada boks boʻyicha Qirgʻiziston terma jamoasi katta murabbiyi Jildizbek Niyozaliyev ogʻir jarohat oldi. Bu haqda mamlakat Ichki ishlar vazirligi dastlabki ma’lumotlarni berdi.

IIV xabariga koʻra, oʻsha paytda zalda murabbiyning oʻzi va yordamchisi boʻlgan boks zaliga Niyozaliyev bilan moliyaviy kelishmovchilik boʻlgan Xalqaro boks assotsiatsiyasining oliy toifali hakami Mukash Yrsaliyev kelgan.

Yrsaliyev oʻz iddaolarini aytib, Niyozaliyevning qorniga oʻq uzgan. Yordamchi murabbiy otishmani toʻxtatmoqchi boʻlgan, lekin uning oyogʻiga ham oʻq uzilgan.

Ular oʻrtasidagi janjalda kimdir tasodifan tepkiga tegib ketgan va oʻq Yrsaliyevning bosh qismiga tegishi oqibatida u voqea joyida vafot etgan. Niyozaliyev va yordamchi murabbiy shifoxonaga yotqizilgan.

Toshkentning Yashnobod tumani Jo‘rabek mahallasida «Obod mahalla» dasturi doirasida infrastruktura obyektlarini ta’mirlash va yangilash ishlari boshlandi. Bu haqda poytaxt hokimligi matbuot xizmati xabar berdi.

Ma’lum qilinishicha, ushbu hududda 12,8 gektar maydon tartibga keltirilishi rejalashtirilgan. Shahar hokimiyati uylarning tomlarini yangilash, issiq suv ta’minoti tizimlarini, drenaj ariqlar va sug‘orish tizimlarini, shuningdek, ichki yo‘llar tarmog‘ini yangilash rejaga kiritilgan.

Bundan tashqari, mahallada bitta sport, bitta markaziy o‘yinga va yettita sport maydonchasi qurish rejalashtirilmoqda. Shuningdek, amfiteatr, do‘kon, kirish archalari va qariyalar uyi qurish ham rejalashtirilmoqda.

Ma’lumotlarga ko‘ra, hozirda rejaga kiritilgan ishlarning 60 foizi yakunlangan.  

Avvalroq Kursiv Uzbekistan Toshkentning har bir tumani uchun umumiy...

O‘zbekiston yuk avtomobil tashuvlarini mintaqalar oʻrtasida yoʻlga qoʻyish borasida Yevropa transport vazirlari konferensiyasiga qo‘shilishni rejalashtirmoqda. Bu haqda Transport vazirligi xabar berdi.

Joriy yilning 10-oktabr kuni transport bo‘yicha Yevropa guruhining Xalqaro transport forumi bo‘lib o‘tdi.

Konferensiyada Transport va logistikani rivojlantirish muammolarini o‘rganish markazi direktori Bekzod Xolmatov O‘zbekistonni ECMTga (European Conference of Ministers of Transport) qo‘shilishining muhimligi va «Sifat Xartiyasi» talablariga qay darajada mos kelishi bo‘yicha taqdimot qildi.

Ma’lum qilinishicha, O‘zbekiston ECMTning ko‘p tomonlama ruxsatnomalar tizimiga qo‘shilishi tashkilotga a’zo 43 ta davlat bilan ikki tomonlama va tranzit tashishlarni amalga oshirish imkonini beradi.

Eslatib o‘tamiz, avvalroq Kursiv Oʻzbekiston va Tojikiston tranzit tashuvlarini soddalashtirgani haqida...

Rossiya sudi Wildberries marketpleysining asoschilaridan biri Vladislav Bakalchukning da’vosi bo‘yicha ta’minot choralarini qo‘llashni rad etdi. Bu haqda Interfaks agentligi xabar berdi.  

Xususan, u sobiq rafiqasi Tatyana Kimning biznesdagi ulushini muzlatishni so‘ragan edi.

Sudning rad etishiga sabab sifatida Wildberries va boshqa yuridik shaxslarning faoliyatini bloklash xavfi ko‘rsatilgan. Shuningdek, ishga aloqador shaxslarning obro‘siga ta’sir ko‘rsatish xavfi ham qayd etildi. Bakalchuk ushbu qarorni apellyatsiya qilish huquqiga ega.

Shu bilan birga, sud da’voni ishlab chiqishga qabul qildi. Ish bo‘yicha dastlabki sud majlisi 11-noyabrda bo‘lib o‘tadi.

Avvalroq Kursiv Uzbekistan ushbu da’vo haqida xabar bergan edi. Bakalchuk sobiq turmush o‘rtog‘idan tashqari, «RVB» MChJ...

Ural Yusupov O‘zbekiston kon sanoati va geologiya vaziriga yangi o‘rinbosari tayinlandi. Bu haqda vazirlik matbuot xizmati xabar berdi.   

Qayd etilishicha, Yusupov ilgari Vazirlar Mahkamasida «mas’ul lavozimda» faoliyat yuritgan.

Ma’lumot uchun, Yusupov Navoiy davlat konchilik instituti (bakalavriat), S.Ordjonikidze nomidagi Rossiya davlat geologiya va qidiruv universiteti (magistratura)ni tamomlagan.

Universum ilmiy maqolalar portal ma’lumotlariga ko‘ra, uning O‘zbekiston Respublikasi geologiya vazirligida boshqarma boshlig‘i sifatida ham faoliyat yuritgan.

Avvalroq Kursiv O‘zbekiston prezidenti matbuot xizmatida ham kadrlar o‘zgarishi bo‘layotgani haqida xabar bergan edi.

Shavkat Mirziyoyev amaliy tashrif bilan Turkmaniston poytaxti Ashxobod shahriga keldi. Bu haqda prezident matbuot xizmati ma’lum qildi.

Unga ko‘ra, davlat rahbarini aeroportda Turkmaniston Vazirlar mahkamasi raisining o‘rinbosari Tangriguli Ataxalliyev va boshqa rasmiylar kutib oldi.

O‘zbekiston yetakchisi turkman shoiri va mutafakkiri Maxtumquli Firog‘iy tavalludining 300 yilligiga bag‘ishlangan «Zamon va sivilizatsiyalarning o‘zaro bog‘liqligi – tinchlik va taraqqiyot asosi» xalqaro forumining yalpi majlisida ishtirok etadi va nutq so‘zlaydi.

Shuningdek, ikki davlat rahbari o‘rtasida ikki tomonlama uchrashuvlar ham o‘tkaziladi.

Eslatib o‘tamiz, avvalroq Shavkat Mirziyoyev MDH Davlat rahbarlari kengashida ishtirok etib, o‘z takliflarini bergan edi.

«JCH – 2026» saralashidagi 3-bosqich 3-turida O‘zbekiston va Eron o‘yini 0:0 hisobida nihoyasiga yetdi. Bu haqda O‘zbekiston futbol federatsiyasi xabar berdi.

Unga ko‘ra, o‘yin keskin bahslarga boy bo‘ldi. O‘yinning 57-daqiqasida Eldor Shomurodovga nisbatan qoʻpollik ishlatildi. Bosh hakam VAR’ni koʻrgach raqib terma jamoa o‘yinchisi Saleh Hardanini maydondan chetlashtirdi.

Oldinda terma jamoamizni 15-oktabrda Birlashgan Arab Amirligi bilan kechadigan bahs kutib turibdi.

Eslatib o‘tamiz, avvalroq O‘zbekiston terma jamoasining «JCH – 2026» uchinchi bosqichidagi raqiblari haqida yozgan edi.

2024-yilning 9 oyida ipoteka bozoridagi holat o‘tgan yillarga qaraganda ancha past ko‘rsatkichda turibdi. Statistika Markaziy bank rasmiy kanalida e’lon qilindi.

Unga ko‘ra, shu yilning 9 oyi ichida 11,7 mlrd soʻmlik ipoteka kreditlari ajratildi. Bu 2023-yilning mos davriga nisbatan 490,3 mlrd soʻm kamdir.

Ipotekaning qisqarishi Moliya vazirligi mablagʻlari 193,3 mlrd soʻm, banklarning oʻz mablagʻlari 222,0 mlrd soʻm va Ipotekani qayta moliyalash kompaniyasi 78,5 mlrd soʻmga qisqargan.

Shuningdek, ipoteka oluvchilar soni qariyb 20 foizga, 42 790 nafargacha kamaygan (-10 653).

Bitta ipotekaning oʻrtacha qiymati oʻtgan yilgi 228,6 mln soʻmdan 274,0 mln soʻmgacha yoki 19,9 foizga ko‘tarilgan.

Tijoriy ipotekani oʻrtacha stavkasi...

Xitoy markaziy banki gubernatorining sobiq o‘rinbosari Fan Yifey ikki yillik muhlat bilan pora olgani uchun o‘lim jazosiga hukm qilindi. Bu haqda Reuters axborot agentligi ma’lum qildi.

Unga ko‘ra, amaldor mansabidan foydalangan holda qiymati 386 mln yuandan ($54,55 mln) ortiq bo‘lgan mulkni noqonuniy qabul qilganlikda aybdor deb topildi.

Ikki yillik muhlatdan so‘ng Fanning o‘lim jazosi umrbod qamoq jazosiga almashtirilishi mumkin, bundan boshqa hech qanday yengillik yoki shartli ozod qilishning imkoni yo‘q, deya xabar beradi Xubey provinsiyasidagi Huanggang oraliq xalq sudi.

Ma’lumot uchun, 60 yoshli Fan Xitoy Xalq bankining eng yuqori martabali amaldori bo‘lib, prezident Si Tszinpinning so‘nggi o‘n yil ichida...

Qashqadaryoda paxta terimiga chiqmaganlarning bola puli berilmasligini aytgan mahalla raisi Davlat mehnat inspeksiyasi tomonidan javobgarlikka tortildi. Bu haqda Bandlik vazirligi ma’lum qildi.

Unga ko‘ra, Shahrisabz tumanida joylashgan «Paxtakor» MFY raisi L.Oʻroqov 2024-yil 9-oktyabr kuni Nushkent qishlogʻining «Nushkent birlashaylik» telegram kanaliga paxta terimiga chiqish uchun bosim o‘tkazish mazmunidagi ovozli xaba jo‘natgan.

Shunga binoan, L.Oʻroqovga nisbatan, Ma’muriy javobgarlik toʻgʻrisidagi Kodeksning 51-moddasi 1-qismiga asosan bazaviy hisoblash miqdorining 50 baravari (18 750 000 soʻm) miqdorida jarima qoʻllanildi.

Ma’lumot uchun, Mehnat kodeksining 5-moddasiga asosan majburiy mehnat taqiqlangan. Maʼmuriy javobgarlik toʻgʻrisidagi kodeksning 51-moddasiga muvofiq mehnatga biron-bir shaklda maʼmuriy tarzda majburlash bazaviy hisoblash miqdorining 50 baravaridan...

«Tolibon» ma’muriyati va Oʻzbekiston Afgʻonistonning Jauzjon va Faryob provinsiyalardagi Tuti-Maydon zaxirasida tabiiy gazni oʻzlashtirish boʻyicha 1 milliard dollarlik shartnoma imzoladi, deb xabar qildi Afgʻoniston bosh vazirining iqtisodiy masalalar boʻyicha oʻrinbosari Abdul-Gʻani Baradar idorasi.

O‘zbekiston o‘n yil ichida loyihaga sarmoya kiritishi kerak. Birinchi yil davomida Afg‘onistondagi gaz koniga $100 mln sarmoya kiritiladi, ikki yil ichida esa 100 MVt quvvatga ega issiqlik elektr stansiyasi (IES) quriladi.

Hujjat «Tolibon» bosh vazirining iqtisodiy masalalar bo‘yicha o‘rinbosari Abdul-G‘ani Baradar va O‘zbekiston prezidentining maxsus vakili Ismatulla Irgashev ishtirokida imzolandi.

Avvalroq Kursiv Uzbekistan O‘zR Tashqi ishlar vazirligi rahbari Baxtiyor Saidov Afg‘onistonning O‘zbekistondagi elchisi...

Centrum Air aviakompaniyasi Toshkentdan Xitoyning uchinchi yirik shahri Guanchjouga toʻgʻridan-toʻgʻri reyslarni yoʻlga qoʻymoqda. Bu haqda aviatashuvchi matbuot xizmati ma’lum qildi.

Unga ko‘ra, birinchi reys 3-noyabr kuni amalga oshiriladi. Ekonom-klassdagi chiptalar narxi 9,2 mln so‘mdan boshlanadi.

Ma’lumot uchun, Guanchjou Kanton savdo ko‘rgazmasi va turli mahalliy restoranlar bilan mashhur.

Avvalroq Kursiv Uzbekistan nashri Silk Avia Fargʻona va Samarqand oʻrtasida muntazam reyslarni yoʻlga qoʻygani haqida yozgan edi.

2024-yilgi adabiyot boʻyicha Nobel mukofoti Janubiy koreyalik yozuvchi Xan Kanga topshirildi.

Uning asarlari «tarixiy jarohatlar va inson hayotining nozikligini aks ettiruvchi kuchli nasriy she’riyat» sifatida e’tirof etildi. Mukofot miqdori taxminan $1,06 millionga teng. Pul mukofotidan tashqari, Shvetsiya qiroli sovrindorlarga medal va diplomlarni topshiradi.

Eslatib oʻtamiz, 11-oktabr kuni Osloda tinchlik boʻyicha Nobel mukofoti laureatlari nomi e’lon qilinadi.

Avvalroq Kursiv Uzbekistan kimyo boʻyicha Nobel mukofoti sovrindorlari ma’lum boʻlgani haqida xabar bergan edi.

Turkiyada tarix darsliklarida Markaziy Osiyo nomi oʻrniga Turkiston atamasi qoʻllaniladi. Bu haqda Turkiya Milliy ta’lim vazirligiga tayanib, TRT xabar berdi.

Vazirlikning fikricha, bu tashabbus maktab oʻquvchilarida vatanparvarlik va milliy oʻzlikni mustahkamlashga xizmat qiladi.

Mutaxassislar oʻquv dasturiga kiritilgan oʻzgartirishlarda Turkiyaning boshqa turkiy davlatlar, jumladan, Oʻzbekiston, Turkmaniston, Qozogʻiston va Qirgʻiziston bilan madaniy hamda tarixiy aloqalarini o‘rnatayotganini ta’kidladi.

Shuningdek, ular maktab oʻquv dasturiga yangi atama kiritilishini Anqarani mintaqa mamlakatlari bilan yaqinlashtirish siyosatining bir qismi sifatida koʻrish mumkinligini qayd etmoqda. Sentabr boshida turkiy davlatlar yagona alifbo loyihasini ma’qulladi.

Avvalroq Kursiv Uzbekistan Shavkat Mirziyoyev Turkiya bilan mudofaa sohasida hamkorlik toʻgʻrisidagi shartnomani tasdiqlagani...

Checheniston Respublikasi rahbari Ramzan Qodirov Wildberries bilan bog‘liq vaziyat tufayli Sulaymon Kerimov va Rossiya Davlat Dumasi deputatlari Bekhan Baraxoyev hamda Rizvon Qurbonovga qonli qasos e’lon qildi. Checheniston Respublikasi rahbarining soʻzlari aks etgan video uning Telegram-kanalida e’lon qilindi.

«Bu biznes masalasi, Baraxoyev Bekhan, Karimov Sulaymon va Qurbonov Rizvon – yirik tadbirkorlar. Ular nafaqat bu ayoldan (Tatyana Bakalchuk (hozirda – Kim) biznesini tortib olishga urinishdi, balki menga suiqasd ham uyushtirmoqchi bo‘lishdi. Men bu haqda sukut saqladim. Ammo endi rasmiy ravishda Baraxoyev, Karimov va Qurbonovning bunday rejaga aloqasi yo‘qligini isbotlashmasa, ularga qonli qasos e’lon qilaman,» – dedi...

Koʻp miqdordagi yogʻingarchilik tufayli Sahroi Kabir choʻlini 50 yil ichida birinchi marta suv bosdi, deya xabar bermoqda Al Jazeera.

«Qisqa vaqt ichida shunchalik koʻp yomgʻir yogʻganiga 30 – 50 yil boʻldi», – deydi Marokash meteorologiya boshqarmasi vakili Hussin Yabeb.

Yabebning qoʻshimcha qilishicha, bunday yomgʻirlar kelgusi oylar va yillar uchun mintaqadagi ob-havoni oʻzgartirishi mumkin. Uning soʻzlariga koʻra, havo koʻproq namlikni ushlab turadi, bu esa boʻronlar xavfini oshiradi.

Yomgʻirlar Marokash va Jazoirda 20 dan ortiq odamlarning hayotiga zomin boʻldi va dehqonlarning ekinlariga zarar yetkazdi.

Shu bilan birga, kuchli yogʻingarchilik mintaqadagi yer osti suvlarini toʻyintirishi mumkin, chunki Marokash...

10-oktabr kuni O‘zbekiston Respublika valyuta birjasida dollarning rasmiy narxi 9,70 so‘mga pasaydi va 12 768,30 so‘mni tashkil qildi.

Banklar AQSh valyutasini 12 715 – 12 760 so‘mdan xarid qilishmoqda va 12 780 – 12 840 so‘mdan sotishmoqda.

Eslatib o‘tamiz, mamlakatda 9-oktabr kuni dollarning rasmiy qiymati 9,03 so‘mga pasaygan edi.

Rossiyadan migrantlar orasida taniqli bo‘lgan o‘zbekistonlik bloger va inson huquqlari himoyachisi Jurabek Amonov deportatsiya qilindi. Bu haqda «Nastoyashee Vremya» nashri xabar berdi.

U «Suyanch» nomli YouTube va Telegram kanallari orqali Rossiyadagi migrantlarning murakkab hayoti haqida lavhalar taqdim etgan.

Amonov 2022-yilda Rossiya Mudofaa vazirligi mehnat migrantlarini Ukraina urushiga yollashga uringani haqida xabar bergan edi. Yaqinda u hujjatlari to‘g‘ri bo‘lishiga qaramay qo‘lga olingan va Rossiyada qolish qoidalarini buzganlikda ayblandi.

Keyinchalik FSB xodimlari Amonovni uning faoliyati uchun jinoiy javobgarlikka tortilishi mumkinligi haqida ogohlantirgan va unga urushda ishtirok etish evaziga deportatsiyadan qutulishini taklif qilishgan.

Amonov esa ushbu taklifni rad etgan. U O‘zbekistonga...

Ukraina televideniye va radioeshittirish milliy kengashi Telegram messenjerini mamlakatda butunlay blok qilishga chaqirmoqda. Bu haqda «TASS» nashri xabar berdi.

Milliy kengashning taʼkidlashicha, ushbu messenjerdan kengash xodimlari oʻrtasida foydalanish taqiqi bir yil avval joriy etilgan. Kengash Ukraina rasmiylari turli ijtimoiy tarmoqlar va messenjerlarni, jumladan, Telegramʼni taqiqlash masalasini bir necha bor koʻtarganini aytdi.

Bu tashabbuslarga qaramay, Kiyev xalqaro sotsiologiya instituti tomonidan oʻtkazilgan soʻrovnoma natijalari shuni koʻrsatdiki, ukrainaliklarning atigi 9 foizi Telegramʼdan foydalanishni toʻliq taqiqlashni yoqlaydi.

Avvalroq Kursiv Uzbekistan Pavel Durov Telegramʼda 10 ta yangi funksiya ishga tushishini maʼlum qilgani edi.

Bugun, 10-oktabr kuni O‘zbekiston va Eron terma jamoalari futbol bo‘yicha Jahon chempionati saralash bosqichida o‘zaro kuch sinashadi. Muxlislar orasida o‘yinga bo‘lgan qiziqish nihoyatda yuqori bo‘lib, iticket.uz ma’lumotiga ko‘ra, barcha chiptalar allaqachon sotib bo‘lingan.

O‘yinni yuqori darajada o‘tkazish va muxlislarning xavfsizligini ta’minlash maqsadida Toshkent shahar IIBB va Milliy gvardiya tomonidan maxsus xavfsizlik choralari belgilangan. Fuqarolardan stadionga erta tashrif buyurish, shaxsiy transport o‘rniga jamoat transportidan foydalanishlari tavsiya qilinmoqda.

«Futbol ishqibozlari stadionda jamoat tartibiga va o‘rnatilgan qoidalarga qat‘iy rioya qilishlarini, muxlislik madaniyatiga amal qilishlarini so‘raymiz», – deyiladi xabarda.

Avvalroq Kursiv Uzbekistan terma jamoa...

BAA kompaniyasi O‘zbekistonda yetishtirilgan qishloq xo‘jaligi mahsulotlarini import qilib, ularni qayta ishlagan holda reeksport qilishni rejalashtirmoqda. Bu haqda Dunyo axborot agentligi xabar berdi.

O‘zbekiston elchisi Abdulaziz Aqqulov Birlashgan Arab Amirliklaridagi OneRoad Group kompaniyasi bosh ijrochi direktori Chenling Jang bilan muzokara o‘tkazdi. Uchrashuvda investitsiya muhitini yaxshilash, bojxona to‘lovlarini yengillashtirish va soliq yukini kamaytirishga oid islohotlar muhokama qilindi.

Bundan tashqari, 2030-yilga qadar davlat-xususiy sheriklik asosida amalga oshiriladigan loyihalar dasturi to‘g‘risida taqdimot o‘tkazildi.

Tomonlar uchrashuvda qishloq xo‘jaligi mahsulotlarini importi hamda reeksporti haqida yo‘nalish yuzasidan kompaniya hamda O‘zbekiston Eksportchilar uyushmasi alohida uchrashuv tashkil etish to‘g‘risida kelishib oldi.

Kompaniya vakiliga joriy yil 13–16-oktabr...

Prezident farmoni bilan Olimov Abror Mirzo Muhammadqosimovich Markaziy bank raisining oʻrinbosari etib tayinlandi. Bu haqda regulyator matbuot xizmatida ma’lum qilindi.

Unga ko‘ra, o‘rinbosarning zimmasiga bir qator vazifalar yuklatildi. Xalqaro hamkorlik, valyutani tartibga solish, xalqaro zahiralarni boshqarish, qimmatbaho metallarni saqlash va ular bilan ishlash, moliya-iqtisodni yuritish hamda Valyuta birjasi faoliyatiga rahbarlik shular jumlasidandir.

Ma’lumot uchun, Abror Olimov 1988-yilda tugʻilgan bo‘lib, 2010-yilda Jahon iqtisodiyoti va diplomatiya universitetining bakalavr, 2012-yilda magistratura bosqichini tamomlagan. 2020-yilda Xitotsubashi universitetining (Yaponiya) magistratura bosqichini tamomlagan. U shu kunga qadar MB Valyutani tartibga solish va toʻlov balansi departamenti direktori lavozimida ishlagan.

Eslatib o‘tamiz, avvalroq Qoraqalpog‘istonda transport vaziri...