Yangiliklar

O‘tgan yil davomida O‘zbekiston Markaziy banki 52 ta moliya tashkilotiga 16,6 milliard so‘m miqdorida jarima solgan. Bu haqda regulyator rahbari Timur Ishmetov Oliy Majlis senatorlariga ma’lum qildi.

«Markaziy bank iqtisodiyot uchun muhim bo‘lgan korxonalar tomonidan kreditlarni jalb etish jarayonini nazorat qilish uchun qonun ishlab chiqdi», – deya ta’kidladi Ishmetov.

Ishmetov O‘zbekiston muddatli to‘lov bozoriga ham to‘xtalib o‘tdi. O‘tgan yili u 8,5 trillion so‘mlik marraga yetdi. Umumiy summaning 26 foizi ikkita mikromoliya tashkilotiga, 7 foizi banklarga, 67 foizi biznesga to‘g‘ri keladi.

Uning qo‘shimcha qilishicha, regulyator bo‘lib-bo‘lib to‘lash bozorini tartibga solish bo‘yicha hujjat ishlab chiqqan. Unda...

Dam olish kunlari O‘zbekistondagi bir qator banklar o‘zlarining ayirboshlash shoxobchalari va pul o‘tkazmalari bo‘limlarini ochadi. Bu haqda O‘zbekiston Markaziy banki xabar berdi.

Ular orasida Agrobank, Apexbank, Asia Alliance Bank, BRB, Ipoteka Bank, Milliy Bank, Orient Finans Bank, Tenge Bank, Trastbank, Universalbank, Kapitalbank, Hamkorbank, SQB, Asaka Bank, Anor Bank, Garant Bank va Hayot Bank bor.

Bundan tashqari, 24/7 rejimida ishlaydigan bankomatlar, shuningdek, banklarning mobil ilovalari orqali valyuta ayirboshlash mumkin bo‘ladi.

Avvalroq Kursiv Uzbekistan Humo xususiylashtirilgach xizmat tariflarini bir necha baravarga oshirgani haqida xabar bergan edi.

29-avgustdan 8-sentabrgacha O‘zbekiston va Tojikiston «CAFA Nations Cup – 2025» turniriga mezbonlik qiladi.

Bu galgi bahslar yana kengroq ko‘lamda o‘tadi: ishtirokchi jamoalar soni 2 taga ortib, musobaqaga mehmon sifatida Malayziya va O‘mon terma jamoalari qo‘shiladi. Guruh o‘yinlari ikki mamlakatda bo‘lib o‘tadi, uning final uchrashuvi esa O‘zbekistonda tashkil etiladi.

Jahon chempionati ishtirokchisi O‘zbekiston milliy terma jamoasi musobaqada yana maydonga tushadi. Muxlislarni qiziqarli va murosasiz bellashuvlar kutmoqda.

Musobaqa doirasidagi asosiy sanalar quyidagicha:

– Musobaqa 2025-yil 29-avgustdan 8-sentabrgacha davom etadi.
– Qur’a marosimi 3-iyul kuni soat 16:00 da o‘tkaziladi.
– Guruh bosqichidagi o‘yinlar Tojikiston va O‘zbekistonda bo‘lib o‘tadi.
– Final uchrashuvi esa O‘zbekistonda tashkil etiladi.

Joriy yilning iyun oyi oxirida «Navoiyuran» London fond birjasiga $300 mlnlik debyut yevrobondlarni joylashtirdi. Bayonot kompaniya veb-saytida e’lon qilingan.

«Korxonaning 300 mln dollarlik besh yillik yevrobondlari bo‘yicha boshlang‘ich foiz stavkasi 7,250 – 7,375 foiz oralig‘ida belgilandi va arizalar kitobi rasman ochildi», – deyiladi bayonotda.

«Navoiyuran» qimmatli qog‘ozlarni London birjasiga joylashtirgan birinchi o‘zbek kompaniyasi bo‘ldi. Moliyaviy maslahatchi Finasia Capitals tomonidan, yuridik yordam esa Dentons tomonidan taqdim etilgan. Tashqi audit uchun Deloitte javob berdi.

93 ta investorning talabi $1,3 milliarddan oshdi, bu taklifdan 4,3 baravar ko‘p bo‘lib, foiz stavkasini pasaytirish va kuponni 6,7 foiz darajasida belgilash...

«Nasaf» klubi yetakchi yarim himoyachisi Akmal Mozgovoyga xorijdan, xususan, Qatar va Birlashgan Arab Amirliklari (BAA) jamoalaridan transfer takliflari tushmoqda.

26 yoshli futbolchining klub bilan amaldagi shartnomasi joriy yil qishda yakunlanadi. Shu bois uni qo‘lga kiritmoqchi bo‘lgan jamoalar Mozgovoyni hali shartnomasi tugamasidan transfer qilishlari kerak bo‘ladi.

Mozgovoy 2025-yilgi mavsumda Superligada 13 ta o‘yinda maydonga tushib, 3 ta golli uzatma bilan jamoasiga hissa qo‘shdi. Uning xorijga ketishi «Nasaf» uchun jiddiy yo‘qotish bo‘lishi mumkin.

Avvalroq Kursiv Uzbekistan «Manchester Siti» egasi O‘zbekistondan futbol klubi sotib olishi mumkinligi haqida xabar bergan edi.

Ijtimoiy tarmoqlarda tarqalgan «Paxtakor metro bekatiga yosh bolani itarvorishibdi» mazmunidagi xabarlar yolg‘on ekani ma’lum qilindi. «Toshkent metropoliteni» DUK holat yuzasidan rasmiy bayonot berdi.

Rasmiy ma’lumotga ko‘ra, 26-iyun kuni soat 18:00 lar atrofida «Paxtakor» metro bekatida 3 yoshli qizaloq hamrohining e’tiborsizligi tufayli vagon eshigiga oyog‘ini qisib olgan. Voqea joyida birinchi yordam ko‘rsatilgan va tez tibbiy yordam xizmati chaqirilgan. Bola og‘ir tan jarohati olmagan.

Shuningdek, «bola itarilgan» degan iddaolar rad etilib, bu xabarlar asossiz va yolg‘on ekani ta’kidlandi.

Metropoliten yo‘lovchilardan yosh bolalarga harakat vaqtida alohida e’tibor qaratishni, ijtimoiy tarmoq foydalanuvchilaridan esa tekshirilmagan ma’lumotlarni tarqatmaslikni so‘radi. Ma’lumot uchun, yolg‘on axborot tarqatish O‘zbekiston...

28-iyun kuni O‘zbekiston bo‘yicha havo harorati kechasi 12–25°, kunduzi 24–41° oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

27-iyun kuni Minskda bo‘lib o‘tgan Yevroosiyo iqtisodiy ittifoqi sammiti doirasida Shavkat Mirziyoyev va Rossiya prezidenti Vladimir Putin uchrashuv o‘tkazdi. Bu haqda davlat rahbari matbuot xizmati ma’lum qildi.

Tomonlar ikki tomonlama hamkorlikning joriy holati va istiqbollarini muhokama etdi. Oliy darajadagi kelishuvlarning ijrosi, savdo hajmini oshirish, kooperatsiya loyihalarini rivojlantirish hamda madaniy-gumanitar aloqalarni mustahkamlash masalalari alohida muhokama qilindi.

Eslatib o‘tamiz, avvalroq Mirziyoyev O‘zbekiston Yevroosiyo iqtisodiy ittifoqi bilan hamkorlikni kengaytirishga tayyorligi haqida gapirgan edi.

Rossiya hukumati ruID mobil ilovasi orqali mamlakatga kirish uchun ariza topshirish tartibini ixtiyoriy etib belgiladi.

Unga ko‘ra, bu arizani to‘ldirish majburiy emas: u yo‘qligi chegaradan o‘tishga ta’sir qilmaydi va kirishga rad etish uchun asos bo‘la olmaydi.

Biroq ariza to‘ldirilgan taqdirda xorijiy fuqarolar oldindan kirish cheklovlarini tekshirish, avtomatik SNILS olish va raqamli profil orqali davlat xizmatlaridan foydalanish imkoniyatiga ega bo‘ladi.

Vizali kirish tartibi, shu jumladan, yagona elektron viza orqali kirish qoidalari o‘zgarishsiz qolmoqda.

Eslatib o‘tamiz, avvalroq farzandi maktabga bormayotgan migrantlarni Rossiyadan deportatsiya qilish taklif etilgan edi.

27-iyun kuni Minskda o‘tgan Oliy darajadagi Yevroosiyo iqtisodiy kengashi yig‘ilishida Shavkat Mirziyoyev nutq so‘zladi. Bu haqda davlat rahbari matbuot xizmati ma’lum qildi.

Unga ko‘ra, prezident Belarus tomonidan kengashga raislik qilinayotgani va ko‘p tomonlama hamkorlik faollashganini e’tirof etdi.

Davlat rahbari global iqtisodiy beqarorlik, proteksionizm va sanksiyalar tufayli yuzaga kelgan muammolarni tilga olib, Yevroosiyo iqtisodiy ittifoqi (YOII) bilan hamkorlik O‘zbekiston uchun tashqi iqtisodiy siyosatning ustuvor yo‘nalishi ekanini ta’kidladi.

«Bizning tabiiy va an’anaviy sheriklarimiz bo‘lgan Yevroosiyo iqtisodiy ittifoqi mamlakatlari bilan o‘zaro manfaatli hamkorlikni yanada kengaytirish va chuqurlashtirish tashqi iqtisodiy siyosatimizning ustuvor yo‘nalishlaridan biri ekanini ta’kidlab o‘tmoqchiman», – deydi Mirziyoyev o‘z nutqida.

Davlat...

Ko‘plab aviakompaniyalar Yaqin Sharq yo‘nalishidagi reyslarini uzoq muddatga to‘xtatdi. Bu haqda Reuters xabar berdi.

Yaqin Sharqda Eron va Isroil o‘rtasidagi havo urushi sulh bilan yakunlangan bo‘lsa-da, ko‘plab aviakompaniyalar bu mintaqada parvozlarni hali ham to‘xtatib turibdi. Havo hududlarining yopilishi va xavfsizlik muammolari mintaqa bo‘ylab havo qatnoviga ta’sir ko‘rsatmoqda.

Quyida Yaqin Sharqqa va undan reyslarni bekor qilgan ba’zi aviakompaniyalar ro‘yxati keltirilgan:

Uzbekistan Airways’da holat qanday?

Kursiv Uzbekistan nashri Isroilga reyslar bo‘yicha Uzbekistan Airways’ga so‘rov yubordi. Matbuot xizmati bu borada batafsil ma’lumotlar yaqin orada rasman e’lon qilinishini bildirdi.

Ma’lumot o’rnida, O‘zbekistondan Eronga to‘g‘ridan to‘g‘ri reyslar mavjud emas.

Avvalroq Kursiv Uzbekistan...

Davlat ekologik nazorat inspeksiyasi tomonidan so‘nggi yillarda 3500 dan ortiq reyd o‘tkazildi. Bu haqda Ekologiya vazirligi ma’lum qildi.

Unga ko‘ra, 2023 – 2025-yillar davomida ekologik qonunbuzarliklarni aniqlash maqsadida 250 mingdan ortiq fuqarolar va korxonalar bilan profilaktika ishlari olib borildi.

110 941 nafar shaxsga 115 mlrd so‘m ma’muriy jarima qo‘llanilib, 32 mlrd so‘mlik zarar bo‘yicha da’vo kiritildi. Undirilgan mablag‘lar 66 milliard so‘mni tashkil etdi.

Shuningdek, 5439 ta xo‘jalik subyekti tekshirilib, 3433 ta qonunbuzarlik aniqlangan. Sudlarga 1738 nafar mansabdor shaxsga oid hujjatlar taqdim etildi, 245 ta korxona faoliyati vaqtincha to‘xtatildi.

So‘nggi 3 yilda 429 ta ekologik jinoiy ish prokuraturaga yuborilib...

Qoraqalpog‘iston va Qashqadaryoda tabiiy gaz hamda elektr energiyasidan noqonuniy foydalanish holatlari fosh etildi. Bu haqda Bosh prokuratura departamenti ma’lum qildi.

Xususan, Nukus shahrida joylashgan MChJga tegishli yangi bino tabiiy gaz tarmog‘iga ruxsatsiz ulanib, 165,5 million so‘mlik gazdan noqonuniy foydalangan.

Shuningdek, Qashqadaryo viloyati Ko‘kdala tumanidagi fermer xo‘jaliklari rahbarlari suv nasoslarini elektr tarmog‘iga o‘zboshimchalik bilan ulab, jami 182,9 mln so‘mlik elektr energiyasini noqonuniy ishlatgani aniqlangan.

Ushbu holatlar yuzasidan Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq O‘zbekistonga noqonuniy kiritilayotgan iPhone’lar oqimi to‘xtatib qolingan edi.

25-iyun kuni Nvidia’ning har bir aksiya uchun narx $154,45 ga yetib bordi. Bu natija dunyodagi eng qimmat jamoat kompaniyasi bo‘lishiga sabab bo‘ldi. Bu haqda RBK nashri xabar berdi.

Savdolar yakuniga ko‘ra, aksiyalar $154,31 ni tashkil etdi va kun davomida 4,3 foizga oshdi. 26-iyun ertalabki premarketda kotirovkalar yana 1,02 foizga o‘sib, $155,88 ga yetdi.

Kompaniyaning bozor qiymati $3,76 trillion deb baholandi. Bu ko‘rsatkich Microsoft’ning $3,66 trillionlik kapitalizatsiyasidan yuqori bo‘lib, Nvidia iyun oyida ikkinchi bor kapitalizatsiya bo‘yicha dunyo yetakchisiga aylandi.

Yangi prognozlarga ko‘ra, Nvidia bozor qiymati $4,9 trillionga yetishi mumkin. Bernstein Research va boshqa yetakchi tahlil markazlari Nvidia va boshqa chip...

Geely kompaniyasi Lynk & Co 10 EM-P avtomobilining suratlarini rasmiy ravishda e’lon qildi. Bu haqda CarNewschina xabar bermoqda.

U Xitoy bozoriga 2025-yilning uchinchi choragida chiqariladi. Model 523 ot kuchiga ega va to‘liq elektrda 192 km masofani bosib o‘ta oladi.

Avtomobil 11-iyun kuni ilk bor e’lon qilinib, 20-iyun kuni Xitoy sanoat vazirligi (MIIT) tomonidan asosiy texnik ko‘rsatkichlari oshkor qilingan edi. 27-iyun kuni esa kompaniya rasmiy suratlarini taqdim etdi.

Yangi sedan «Gilded Gold» nomli Xirallic bo‘yoqda bo‘yalgan. Bu rang oltin va yashil tuslarni o‘z ichiga oladi hamda o‘ziga xos yorqinligi bilan ajralib turadi. Kuzov dizaynida ingichka LED chiroqlar, harakatlanuvchi spoyler...

2025-yilning yanvar – aprel oylarida O‘zbekistonning issiqxona pomidorlari eksporti o‘tgan yilning shu davriga nisbatan 23 foizga kamaydi. Bu haqda EastFruit ma’lum qildi.

Shu tariqa eksport hajmi ketma-ket to‘rtinchi yil davomida aynan ushbu davrda qisqarishda davom etmoqda.

EastFruit tahlilchilariga ko‘ra, eksportning barqaror pasayishiga asosan O‘zbekiston tomonidan an’anaviy ravishda yetkazib beriladigan asosiy bozorlarda Turkmaniston pomidorlarining jadal kengayishi ta’sir ko‘rsatmoqda.

O‘zbekiston 2025-yilning dastlabki to‘rt oyida 8,9 ming tonna yangi issiqxona pomidorini eksport qilgan. 2021-yilning shu davrida eksport eng yuqori cho‘qqisiga chiqqan edi, so‘nggi to‘rt yilda esa eksport hajmi 3,5 barobar kamaygan.

Bundan tashqari, O‘zbekiston issiqxona pomidorlari eksportining pasayishiga qo‘shimcha sabab sifatida Rossiya...

Endi qamoqqa olingan shaxslarni tergov hibsxonasiga joylashtirishdan avval ularni majburiy tibbiy ko‘rikdan o‘tkazish talab etiladi. Bu bo‘yicha «Jinoyat ishini yuritish chog‘ida qamoqda saqlash to‘g‘risida»gi qonunga qo‘shimcha kiritildi.

Mazkur ko‘rik hibsxonaning o‘zida, shaxs olib kelinganidan boshlab ikki soat ichida amalga oshirilishi belgilangan. Qamoqqa olinganning roziligi asosida ushbu jarayonda uning advokati ham ishtirok etishi mumkin.

Tibbiy ko‘rik yakunida belgilangan namunadagi ma’lumotnoma rasmiylashtiriladi. Agar ko‘rik davomida qamoqqa olingan shaxs tanasida jarohat, shikastlanish yoki yara alomatlari aniqlansa, bu holatlar tartibga muvofiq qayd etiladi. Shaxsning o‘ziga bu haqda xabar beriladi va holat to‘g‘risida zudlik bilan prokurorga axborot kiritiladi.

Mazkur qo‘shimcha qamoqqa olinganlarning huquqlarini himoya...

City Football Group (CFG) – «Manchester Siti» egasi O‘zbekistondagi futbol klublaridan birini sotib olish masalasini ko‘rib chiqmoqda. Bu haqda O‘zbekiston Milliy olimpiya qo‘mitasi raisining birinchi o‘rinbosari Otabek Umarov jurnalistlar bilan uchrashuvda ma’lum qildi.

Uning aytishicha, yaqinda o‘zbekistonlik futbolchi Abduqodir Husanovning «Manchester Siti» safiga o‘tishi klubga mintaqadan millionlab yangi muxlislarni jalb qildi.

«Agar O‘zbekistonda 37-38 million aholi istiqomat qilsa, bu futbolchimiz tufayli Markaziy Osiyoning boshqa davlatlaridan ham muxlislar «Manchester Siti»ni muntazam kuzatib borishni boshladi», – dedi Umarov.

Shuningdek, u City Football Group tomonidan yana bir o‘zbekistonlik futbolchini taklif qilish va O‘zbekistondagi klubni o‘z tizimlariga qo‘shish...

O‘zbekistonga noqonuniy kiritilayotgan iPhone’lar oqimi to‘sib qo‘yildi. Bu haqda Qirg‘iziston Milliy xavfsizlik davlat qo‘mitasi xabar berdi.

Qirg‘izistondan O‘zbekistonga telefon va dori-darmon kontrabandasi bilan shug‘ullanuvchi jinoiy guruh faoliyati fosh etildi.

Huquq-tartibot organlari uch nafar jinoyatchini qo‘lga oldi va O‘sh viloyatida tovar vaqtincha saqlangan joylarda tintuv o‘tkazdi. Qo‘mita xodimlari yuzdan ortiq iPhone smartfonlari va o‘nlab quti dori vositalarini musodara qildi.

Jinoiy guruh a’zolari bu kabi tovarlarni Qirg‘izistonga noqonuniy ravishda olib kirib, keyin ularni Qirg‘iziston – O‘zbekiston chegarasidagi himoyasiz hududlar orqali yashirincha o‘tkazish bilan shug‘ullanib kelgan. Qo‘lga olinganlarga nisbatan kontrabanda bo‘yicha jinoyat ishi qo‘zg‘atildi, ular vaqtinchalik qamoqqa olindi.

Maxsus xizmatlar...

Pokistonning Tranzum Courier Service (TCS) kompaniyasi O‘zbekistonda logistika markazi ochishi mumkin. Bu haqda Savdo-sanoat palatasi xabar bermoqda.

Rejalarda markazni Navoiy yoki Termizda ishga tushirish ham ko‘zda tutilgan.

Qo‘shma loyihalarni amalga oshirish masalasini palata raisi o‘rinbosari Akobir To‘xtayev kompaniya rahbariyati bilan muhokama qildi. Ular orasida Pokiston – O‘zbekiston – YOII mamlakatlari bo‘yicha pilot logistika yo‘nalishi ham bor.

O‘zbekiston elektron tijorat va raqamli logistika sohasida ham hamkorlikni taklif qildi. Uchrashuv yakunlari bo‘yicha tomonlar o‘zaro anglashuv memorandumini imzolagan.

Avvalroq Pokiston Trampni Nobel Tinchlik mukofotiga tavsiya qilgani haqida yozgan edi.

Chevrolet 62 mingdan ortiq o‘rta yuk mashinalarini chaqirib olmoqda. Bu haqda Speedme nashri xabar berdi.

Chevrolet AQSH bozorida ishlab chiqarilgan 62 468 ta Silverado 4500 HD, 5500 HD va 6500 HD o‘rta tonnali yuk mashinalarini rasman ortga chaqirish bo‘yicha keng ko‘lamli aksiyani boshladi. Sabab tormoz suyuqligining xavfli sizib chiqishi bo‘lib, u qisqa tutashuvga va eng og‘ir holatda kapot ostida yong‘inga olib kelishi mumkin.

Xabarga ko‘ra, tormoz bosimi datchigida ishlatilgan muhrlash membranasi uchun yetkazib beruvchi tomonidan tasdiqlanmagan kimyoviy tarkib qo‘llanilgan. Bu xatolik vaqt o‘tishi bilan membrananing yemirilishiga va natijada sizib chiqishga sabab bo‘ladi.

General Motors ma’lumotiga ko‘ra, kompaniya ushbu datchik yig‘ilishini...

Tinch okeanidagi Tuvalu orolining aholisi Avstraliyaning yangi iqlim vizasi uchun faol ariza bermoqda. Bu haqda BBC nashri xabar berdi.

16-iyundan boshlab ochilgan dastlabki navbatda 1124 ta ariza qabul qilindi. Bu esa oila a’zolarni hisobga olgan holda 4052 fuqaroni, ya’ni aholining uchdan bir qismini tashkil etadi. 2022-yilgi aholini ro‘yxatga olish ma’lumotlariga ko‘ra, mamlakatda jami 10 643 kishi yashaydi.

Avstraliya Tashqi ishlar vazirligi tomonidan «muqarrar iqlimiy ko‘chishga qarshi tarixiy javob» sifatida taqdim etilgan viza har yili tasodifiy tanlov asosida atigi 280 nafar tuvalulik fuqaroga beriladi.

Ma’lumot uchun, Tuvalu – dengiz sathidan bor-yo‘g‘i 5 metr balandlikda joylashgan. Bu uni sayyoradagi eng ko‘p...

O‘zbekiston valyuta birjasi (UZCE) ma’lumotlariga ko‘ra, 27-iyun kuni dollar kursi 67,72 so‘mga yuqorilab, 12 654,13 so‘m qilib belgilandi.

 16-iyun kuni 1 dollar 12 715,13 so‘m bo‘lgan bo‘lsa, 17-iyunda 12 668,14 so‘mga tushdi. AQSh valyutasi 18-iyunda 12 618,63 so‘mga pastladi. 19-iyun kuni dollar yana biroz arzonlab, 12 559,26 so‘mni tashkil etdi.

Oxirgi ma’lumotlarga ko‘ra, 20-iyun kuni dollar kursi 12 496,94 so‘mga tenglashdi. 23-iyun kuni dollar kursi 85,95 so‘mga yuqorilab, 12 410,99 so‘m qilib belgilandi.  24-iyun kuni dollar kursi 12 456,25 so‘mga chiqdi.

Shuningdek, Markaziy bank ma’lumotlariga ko‘ra, yevro 245 so‘mga oshib, 14 770,00 so‘mni, rubl esa 0,76 so‘mga oshib, 161,18 so‘mni...

O‘zbekistonda aliment to‘lovlari miqdorini qayta ko‘rib chiqish taklif etildi. Bu haqda Yuqori palata matbuot xizmati xabar berdi.

Senatning sakkizinchi yalpi majlisida voyaga yetmagan bolalarning ta’minoti uchun aliment undirish va to‘lash tizimini takomillashtirish masalasi muhokama qilindi.

Senatorlar aliment undirish tizimida qator muammolar mavjudligini qayd etishdi. Ayrim ota-onalar farzandlariga moddiy ta’minot berish bo‘yicha o‘z majburiyatlarini bajarmayotgani ta’kidlandi. 2023-yilda 5 697 nafar, 2024-yilda esa 8 833 nafar shaxs aliment to‘lashdan bo‘yin tovlaganlik uchun ma’muriy javobgarlikka tortilgan. Bundan tashqari, o‘tgan yili jinoyat ishlari bo‘yicha sudlar tomonidan 1 109 ta ayblov hukmi chiqarilgan.

Alimentni ish joyi va daromadi bo‘lmagan qarzdorlardan undirish bo‘yicha...