Yangiliklar

Jahon bankining yangi hisobotiga ko‘ra, Toshkent shahridagi havo sifati bilan bog‘liq muammolar aholi salomatligi va iqtisodiyot uchun jiddiy xavf tug‘dirmoqda. Hisobot O‘zbekistonda havo sifatini boshqarishni takomillashtirish uchun tavsiyalar va «Yo‘l xaritasi»ni taqdim etadi.

Ushbu hisobot O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi hamda Jahon banki tomonidan tayyorlangan bo‘lib, Iqtisodiyot va moliya vazirligi ko‘magida amalga oshirilgan.

O‘zbekiston hukumati havo sifati muammosini jiddiy muammo sifatida tan olmoqda, chunki Toshkent shahridagi PM2,5 zarrachalari darajasi JSST tomonidan belgilangan xalqaro me’yorlardan sezilarli darajada oshib ketgan. Ushbu zarrachalar aholi salomatligi va iqtisodiy faoliyatga zarar yetkazuvchi asosiy ifloslantiruvchi omillardan biri hisoblanadi. Baholashlarga...

Vazirlar Mahkamasining 621-sonli qaroriga binoan 2024-yil 8-oktabrdan zamonaviy agrokompleks faoliyatini rivojlantirish bo‘yicha «Uzex Agro» platformasi ishga tushirildi.

Hujjatga ko‘ra, «Uzex Agro» elektron savdo maydonchasining uzluksiz ishlashini ta’minlash vazifasi O‘zbekiston Respublikasi tovar-xomashyo birjasi huzurida tashkil etilgan «Agro Exchange» MCHJga yuklatildi.

Bundan tashqari, MCHJga hududlarda qishloq xo‘jaligiga mo‘ljallangan yerlardan foydalanishni kengaytirish orqali zamonaviy agrokomplekslar tashkil etish vazifasi ham yuklatilgan.

2025-yil 1-yanvarigacha aholi, fermerlar va dehqon xo‘jaliklaridan platforma orqali mahsulotlarni sotish uchun vositachilik to‘lovlari undirilmaydi.

Ma’lumot uchun, hukumat qarorida «Uzex Agro» elektron savdo maydonchasida qishloq xo‘jaligi mahsulotlarini sotish tartibi to‘g‘risidagi nizom ham tasdiqlangan.

Eslatib o‘tamiz, avvalroq Kursiv Uzbekistan tadbirkorlar...

2025-yildan boshlab Primorskda mehnat muhojirlariga avtobus haydash va kuryer sifatida ishlash taqiqlanadi, deb xabar berdi «RIA Novosti».

Bundan tashqari, ularga trolleybus va tramvaylarni boshqarish, shuningdek, har qanday turdagi yuk tashish bilan shug‘ullanish ham taqiqlanadi. Biroq taqiq ekskursiya va sayyohlik avtobuslariga ta’sir qilmaydi.

Bungacha Primorye hukumati yettita ish faoliyati turi bo‘yicha migrantlarning ishlashiga taqiq joriy qilgan edi.

Avvalroq Kursiv Uzbekistan nashri Moskva viloyatidagi muhojirlarga shaurma sotish taqiqlanishi haqida yozgan edi.

Mirzo Ulug‘bek tumanidagi Asaka ko‘chasida kuz-qish mavsumiga tayyorgarlik ishlari sababli avtomashinalar harakati uchun vaqtincha yopildi. Bu haqda tuman matbuot xizmati hokimligi ma’lum qildi.

Unga ko‘ra, Asaka ko‘chasining Parkent-2 tor ko‘chasi kirish qismidan Maxatma Gandi ko‘chasiga qadar qismida avtomobillar harakati 10-oktabr soat 17:00 ga qadar vaqtincha cheklanadi.

Shuningdek, Mirzakalon Ismoiliy ko‘chasining Asaka ko‘chasi bilan kesishmasi vaqtincha yopildi.

Eslatib o‘tamiz, avvalroq Toshkentdan Chimyonga yangi tunnel ochilgani haqida yozgan edik.

O‘zbekistonda marburg virusini oldini olish bo‘yicha davlat chegaralarida kuchaytirilgan nazorat amalga oshirilmoqda. Bu haqda Sanepidqo‘mita xabar berdi.

Qayd etilishicha, mamlakatda ushbu virusning keng tarqalishining oldini olish bo‘yicha hamda kasallikni nazorat qilishda xavfsiz inyeksiya usullarini qo‘llash, shaxsiy himoya vositalaridan to‘g‘ri foydalanish belgilanmoqda.

Shuningdek, gemorragik isitmada gumon qilingan shaxslarni izolyatorlarga alohida joylashtirish, gumon qilingan bemorlarning qoniga tegmaslik, bemor ajratgan tana suyuqliklar bilan bevosita muloqotda bo‘lmaslik ta’kidlanmoqda.  

Bundan tashqari, virusning oldini olish uchun, infeksiya bo‘yicha odamlarning xabardorligini oshirish maqsadida aholi orasida tushuntirish va targ‘ibot ishlari amalga oshirilmoqda.

 «Shu o‘rinda fuqarolarimizga jiddiy xavotirga o‘rin yo‘qligini...

AQShning Florida Shtati gʻarbiy sohilida kuchli «Miltan» toʻfoni sodir boʻlmoqda. Bir milliondan ortiq shtat aholisiga toʻfon Tampa hududiga tushishidan oldin evakuatsiya qilish buyurilgan. Bu haqda «Amerika Ovozi» xabar bermoqda.

Ma’lum qilinishicha, toʻfon soatiga 150 milya (241 km/soat) boʻlgan 4-toifaga koʻtarilib, mintaqadagi eng halokatli toʻfonlardan biri boʻlishi mumkinligi aytilmoqda. Florida gubernatori Ron DeSantis 8 ming nafar milliy gvardiya askarlarini jalb qilish va zaruriy ehtiyot qismlarni tayyorlash haqida topshiriq berdi.

Shuningdek, seshanba kuni tushdan keyin 900 ga yaqin ichki va xalqaro reyslar kechiktirildi va 700 ga yaqini bekor qilindi. Parvozlarni kuzatish ma’lumotlari provayderi FlightAware ma’lumotlariga ko‘ra, chorshanba kuniga rejalashtirilgan 1500 dan...

2024-yilning 16 – 24-sentabr kunlari janob Yasir Abdih boshchiligidagi XVJ vakillaridan iborat guruh O‘zbekiston hukumati bilan uchrashib, joriy iqtisodiy vaziyat va istiqbollarini muhokama qildi. Bu haqda XVF rasmiy sahifasida ma’lum qilindi.

Umuman olganda, prognoz ijobiy deb baholanadi. Yalpi ichki mahsulotning real o‘sishi joriy va keyingi yilda 5,5 foizdan oshishi kutilmoqda. Investitsiyalar esa kuchliligicha qolmoqda.

Unga ko‘ra, CPI inflyatsiyasi zarur qattiq pul-kredit va soliq-byudjet siyosati choralari va energiya narxining oshishi yumshatilgani uchun asta-sekin pasayishni boshlaydi. Joriy hisob taqchilligi 2024-yilda YaIMning qariyb 6,25 foizigacha va 2025-yilda 6,1 foizgacha qisqarishi kutilmoqda. Bu qisman kuchli eksport va pul o‘tkazmalari hamda import qilinadigan...

O‘zbekiston hukumati qochqinlarga mamlakatda imkoniyatlarni kengaytirishga oid qonun loyihasini tayyorlashga kirishdi. Bu haqda YUNISЕF ma’lum qildi.

Tashkilot ma’lumotlariga ko‘ra, 2021-yilda O‘zbekistonga 13 mingdan ortiq Afg‘oniston fuqarolari qisqa muddatli vizalar bilan kirgan. Ushbu holat «Tolibon» harakati hokimiyatni qayta tiklaganidan so‘ng yuzaga kelgan.

Qayd etilishicha, ular O‘zbekistonda huquqiy va iqtisodiy qiyinchiliklarga, jumladan, ro‘yxatdan o‘tish va asosiy xizmatlarga kirishda muammolarga duch kelishmoqda.

«Mening fikrimcha, tavsiyalar 2026 – 2030 yillar uchun O‘zbekiston hukumati va YUNISЕF o‘rtasidagi mamlakat dasturi doirasida hujjat ishlab chiqilishi uchun asos bo‘lib xizmat qiladi. Bu “O‘zbekiston – 2030» Milliy strategiyasiga muvofiq, barqaror rivojlanish maqsadlariga erishishga yo‘naltirilgan...

Telegram messenjerida oʻnta yangi funksiya ishga tushiriladi. Bu haqda messenjer asoschisi Pavel Durov ma’lum qildi.

«Men Telegram jamoasini yaxshi koʻraman. Kuni kecha ilovalarimizga oʻnta takomillashtirishni taklif qildim. Oʻsha kunning oʻzida maketlarni tayyorladik, bugun esa toʻliq funksiyali yigʻilishlarni tayyorlashni yakunladik», – deydi Durov.

Uning ta’kidlashicha, gap tahrirlash vaqtini koʻrish va xabarlarni joʻnatgandan keyin multimedia materiallarini qoʻshish funksiyalari haqida bormoqda.

Avvalroq Kursiv Uzbekistan Telegramʼda qidiruv xavfsizligi kuchaytirilgani haqida xabar bergan edi.

BYD Uzbekistan Factory qo‘shma korxonasining joriy yilning besh oyi davomida 23,9 milliard so‘mlik soliq to‘lovi haqida ma’lumotlar paydo bo‘ldi. Bu borada tarmoq foydalanuvchilari shaurma va lavash ishlab chiqarish elektromobil ishlab chiqarishga nisbatan «ancha foydali» ekanligini ta’kidlashdi. Ushbu fikrga BYD kompaniyasi rasmiy munosabat bildirdi.

BYD Uzbekistan Factory korxonasi ijtimoiy tarmoqdagi xulosalarning bir tomonlama ekanini va kompaniya obro‘yiga putur yetkazishi mumkinligini ma’lum qildi.

«Ijtimoiy tarmoq faollarining, xususan, Timurmalik Elmuradov va Nikita Makarenkoning, Davlat soliq qo‘mitasining qisman e’lon qilingan ma’lumotlariga asoslanib chiqargan xulosalari bir tomonlama bo‘lib, kompaniya faoliyatini keng jamoatchilik ko‘z o‘ngida obro‘sizlantiradi», – deyiladi xabarda.  

Energetika vazirligi quyosh panellari boʻyicha murojaatlar uchun telefon raqamlari sonini koʻpaytirdi. Bu haqda vazirlik axborot xizmati xabar berdi.

Ma’lum qilinishicha, 7–8-oktabr kunlari vazirlik qabulxonasiga 1232 ta qoʻngʻiroq boʻlib, faqat 131 tasiga javob berilgan. Qabul qilingan murojaatlar, asosan, quyosh panellarining afzalliklari, davlat imtiyozlari va narxlari haqida boʻlgan. Bundan tashqari, ba’zi fuqarolar mahallasini elektr uzatish tarmogʻining eskiligi va yangilanishi boʻyicha yordam soʻragan.

9-oktabrdan boshlab, yangi telefon raqamlari +99871-231-16-61 (ichki 7046, 7037 va 7057) joriy etildi. Vazirlik barcha murojaatlarga e’tibor berishini va ijobiy yechimlar topishini ta’kidladi.

Avvalroq Kursiv Uzbekistan yil boshidan buyon besh mingga yaqin fuqarolar oʻz uylarida oʻrnatilgan quyosh panellari orqali...

Birlashgan Arab Amirliklarining (BAA) Jumeirah Group kompaniyasi O‘zbekiston bozoriga kirish imkoniyatini ko‘rib chiqmoqda. Bu haqda «Dunyo» agentligi xabar berdi.

Ma’lum qilinishicha, Jumeirah Group vitse-prezidenti Filip Krous kecha O‘zbekiston elchixonasi vakillari bilan uchrashdi. Tomonlar kompaniyaning respublika bozoriga kirish imkoniyatini muhokama qildilar.

Agentlik ma’lumotlariga ko‘ra, so‘nggi yetti yil ichida O‘zbekistonga xorijiy turistlar oqimi uch baravarga oshgan. Mehmonxonalar soni esa o‘n baravarga ko‘paygan.

Ma’lumot uchun, Jumeirah Group — lyuks darajadagi mehmonxonalar tarmog‘i bo‘lib. Kompaniya davlatga tegishlidir.

Avvalroq Kursiv Uzbekistan Rossiyaning YE’S mehmonxona kompaniyasi O‘zbekiston bozoriga kirishi mumkinligini haqida xabar qilgan edi.

O‘zbekistonda joriy yilning yanvar oyidan avgust oyiga qadar 19,6 trln so‘mlik fuqarolik obyektlari qurildi. Bu haqda respublika Statistika agentligi ma’lum qildi.

Qayd etilishicha, ushbu ko‘rsatkich o‘tgan yilning mos davriga nisbatan 12,1% ga yuqori.

Shuningdek, joriy yilda fuqarolik obyektlarini qurish yo‘nalishi 20,7 foizni ulushni tashkil etmoqda.

Eslatib o‘tamiz, Kursiv Uzbekistan o‘zbek qurilish kompaniyalari byurokratiya va mahsulot sifatining pastligi haqida shikoyat qilgani haqida xabar bergan edi.

Avvalroq hukumat 400 ta korxona vakillarini so‘rovdan o‘tkazib, ular qanday muammolarga duch kelayotganini aniqlashga harakat qilgan edi.

Isroil bosh vaziri Benyamin Netanyaxu Bayrutga qilingan zarba natijasida Livan harbiy guruhi «Hizbulloh»ning yangi rahbari Hoshim Safi ad-Din halok bo‘lganini tasdiqladi. Bu haqda The Times of Israel portali xabar berdi.

«Isroil “Hizbulloh»ning imkoniyatlarini zaiflashtirdi. Biz minglab terrorchilarni, shu jumladan, «Hizbulloh»ning ko‘p yillik rahbari Hasan Nasrulloni va Nasrulloning o‘rnini egallagan rahbarni va uning o‘rnini egallagan shaxsni yo‘q qildik”, – dedi Netanyaxu.

Siyosatchi «Hizbulloh» bugungi kunda so‘nggi yillardagiga nisbatan zaiflashganini ta’kidladi.

Eslatib o‘tamiz, 5 oktabrda Kursiv Uzbekistan Alarabiya portaliga tayanib, Hoshim Safi ad-Din bilan aloqa uzilgani haqida xabar bergan edi.

Paraxat Kaipbekov Qoraqalpog‘iston Respublikasi transport vaziri vazifasini bajaruvchi etib tayinlandi. Bu haqda O‘zbekiston Transport vazirligi matbuot xizmati xabar berdi.

Bugun 8-oktabr kuni Qoraqalpog‘iston Transport vazirligida transport xizmatini ko‘rsatish hamda soha bo‘yicha ishlar samaradorligini oshirishga doir tashkiliy masalalar yuzasidan yig‘ilish o‘tkazildi.

Yig‘ilish Qoraqalpog‘iston Respublikasi Vazirlar Kengashi Raisining o‘rinbosari Sh.Dauletiyarov boshchiligida o‘tkazildi hamda yig‘ilish yakunlari bo‘yicha lavozimga tayinlov e’lon qilindi.

Ma’lumot uchun, Paraxat Kaipbekov shu kunga qadar «QQavtotexxizmat» mas’uliyati cheklangan jamiyati bosh direktori lavozimida faoliyat olib borgan.

Avvalroq Kursiv Uzbekistan «Asakabank» boshqaruvi raisining o‘rinbosari Bunyod Mamadjonov Toshkentning Uchtepa tumani hokimi bo‘lgani haqida xabar bergan edi.

Shavkat Mirziyoyev 8-oktabr kuni Rossiya prezidenti Vladimir Putin raisligida bo‘lib o‘tgan MDH Davlat rahbarlari kengashining navbatdagi majlisidagi nutqida savdo, kiberxavfsizlik va madaniyat sohalariga oid qator tashabbuslarni ilgari surdi. Bu haqda davlat rahbari matbuot xizmati ma’lum qildi.

Unga ko‘ra, O‘zbekiston rahbari xavfsizlik va barqaror rivojlanish masalasini koʻtarib, MDH davlatlari razvedka xizmatlarining zamonaviy chaqiriqlarga qarshi kurashishdagi o‘zaro hamkorligi muhimligi hamda kiberxavfsizlik sohasida hamkorlikda ish olib borish zarurligini ta’kidladi.

Shuningdek, MDH davlatlari bilan tovar ayirboshlash yil boshidan buyon 16 foizga oshgani haqida ma’lum qilindi. Prezident MDH Iqtisodiy kengashi yig‘ilishini kelasi yil bahorida Toshkentda bo‘lib o‘tadigan Innoprom xalqaro sanoat ko‘rgazmasida o‘tkazishni taklif qildi.

Kutilayotgan saylovlar uchun muddatidan oldin ovoz berish 2024-yil 16-oktabrdan 23-oktabrgacha bo‘lib o‘tadi. Qaror Markaziy saylov komissiyasining 8-oktabr kuni bo‘lib o‘tgan yig‘ilishida qabul qilindi.

Ovoz berish saylov uchastkalarida ish kunlari soat 9:00 dan 18:00 gacha, dam olish kunlari soat 11:00 dan 17:00 gacha davom etadi. Xorijdagi fuqarolar uchun ham saylovlar mahalliy vaqt bilan soat 9:00 dan 18:00 gacha o‘tkaziladi.

Joriy yilda Qonunchilik palatasi deputatligiga saylovda nogironligi bo‘lgan 11 nafar, mahalliy Kengashlar deputatligiga 605 nafar nomzod ro‘yxatga olindi. Saylov komissiyalarida 1,3 ming nafar nogironlar faoliyat yuritmoqda.

830 mingdan ortiq imkoniyati cheklangan saylovchilarning ovoz berishi uchun ko‘ngillilar yordami beriladi. Brayl alifbosi asosidagi...

Wildberries endi yirik buyumlar, jumladan, maishiy texnika, mebel, qurilish materiallari va sanitariya-texnik vositalarni uyma-uy bepul yetkazib berishini e’lon qildi. 2025-yilga borib kompaniya ushbu xizmatni MDH davlatlari, jumladan, O‘zbekistonda ham yo‘lga qo‘yadi.

Bepul yetkazib berish xizmati allaqachon Rossiyaning 24 mintaqasida va 400 ga yaqin aholi punktlarida mavjud. Bundan tashqari, kompaniya Armaniston, Qozog‘iston va Belarusdan sotuvchilarni jalb qilishga intilmoqda.

Platformada allaqachon 3 mingdan ortiq sotuvchilar mahsulotni bepul yetkazib berish xizmatini taklif qilmoqda. Kompaniya ma’lumotlariga ko‘ra, bunday mahsulotlarga qiziqish o‘tgan yilga nisbatan qariyb 5 baravar ortgan.

Avvalroq Kursiv Uzbekistan Wildberries 35,5 ming qabul qilish punktini yagona tarmoqqa birlashtirishi haqida yozgan edi.

Shavkat Mirziyoyev ishtirokida Moskva shahrida MDH davlat rahbarlari kengashining navbatdagi majlisi boshlandi. Bu haqda davlat rahbari matbuot kotibi ma’lum qildi.

Eslatib o‘tamiz, Shavkat Mirziyoyevning Turkmanistonga tashrif buyurishi kutilmoqda.

O‘zbekiston harbiy xizmatchilari «Kembriya patruli» xalqaro armiya musobaqasida ikkinchi o‘rinni egalladi. Bu haqda «Dunyo» axborot agentligi ma’lum qildi.

Turnir har yili Buyuk Britaniyada bo‘lib o‘tadi. 2024-yilda unda 30 ta davlatdan, jumladan, Qozog‘iston va Turkmanistondan 100 ta jamoa qatnashgan.

O‘zbekiston 13 jamoadan iborat kichik guruhda birinchi o‘rinni egalladi. Britaniyalik hamkasblar o‘zbek xalqining professional darajasi va mahoratini yuqori baholadilar.

O‘zbekiston harbiylari bungacha «Kembriy patruli»da muvaffaqiyatli ishtirok etgan. 2019-yilda ular birinchi o‘rinni qo‘lga kiritishdi. 2020-yildan 2022-yilgacha ular kumush medallarni qo‘lga kiritdilar.

Eslatib o‘tamiz, 2024-yil uchun dunyoning eng kuchli armiyalari reytingida O‘zbekiston 65-o‘rinni egallab turibdi.

Avvalroq «Kursiv Uzbekistan» O‘zbekiston armiyasi mahalliy «Arslon...

Toshkentda 9–10-oktabr kunlari «Kibertahdidlar sammiti – Markaziy Evroosiyo, CSS 2024» II xalqaro kiberxavfsizlik sammiti bo‘lib o‘tadi. Bu haqda Kiberxavfsizlik markazi xabar berdi.  

Tadbir «Kiberxavfsizlik markazi» va Dialogue Events hamkorligida tashkil etiladi. Unda 30 dan ortiq mamlakatlardan 60 ga yaqin kompaniyalar va 120 dan ortiq delegatlar ishtirok etadi.

Sammitning asosiy maqsadi kiberxavfsizlik bo‘yicha tajriba almashish, zamonaviy yechimlarni muhokama qilish va yangi biznes imkoniyatlarini ochishdan iborat.

Qayd etilishicha, ikki kunlik tadbirda yalpi muhokamalar, taqdimot sessiyalari, texnologiya namoyishlari o‘tkaziladi.

Bundan tashqari, tadbir doirasida malakali mutaxassis xaker Jeyson Street ham o‘z taqdimoti bilan ishtirok etadi.

Ma’lum qilinishicha, tadbir davomida Cyberkent 2.0 musobaqalari...

Oʻzbekiston Markaziy banki bank nazorati boʻyicha Bazel qoʻmitasining (BCBS) maslahat guruhiga qoʻshildi. Bu haqda regulyator matbuot xizmati xabar berdi.

Bazel maslahat guruhi (BCG) qoʻmitaga aʼzosi boʻlmagan bank nazoratchilari bilan hamkorlik qilish uchun yaratilgan. Guruh aʼzolari BCBS munozaralari va faoliyatida ishtirok etishlari mumkin.

Qoʻmita faoliyatining asosiy maqsadi bank sohasida xalqaro standartlarni ishlab chiqish va joriy etishdan iborat. Qoʻmita tadqiqot olib boradi, moliyaviy risklarni tahlil qiladi va tartibga soluvchilar oʻrtasida tajriba almashish uchun platforma yaratadi.

Ma’lumot uchun, BCBS qarorlari qonuniy kuchga ega emas. Qoʻmita a’zolari oʻz standartlarini mustaqil ravishda, ixtiyoriy asosda amalga oshiradi.

Avvalroq Kursiv Uzbekistan Oʻzbekiston Markaziy bankining oltin-valyuta zaxiralari...

Tarmoqda tarqalgan xabarlarda ayol bojxona tekshiruvidan o‘tayotganida vafot etgani haqida xabarlar tarqalgan edi. Ushbu holat yuzasidan Bosh prokuratura axborot xizmati rahbari Hayot Shamsutdinov rasmiy bayonot berdi.  

Qayd etilishicha, Dubay – Toshkent aviareysida uchib kelgan va sog‘lig‘i yomonlashganligi sabab Chilonzor tumani ko‘p tarmoqli tibbiyot markazi (RShTYoIM)ga olib kelingan. Fuqaroga ko‘rsatilgan tibbiy reanimatsion yordamlarga qaramasdan ayolda tibbiy biologik o‘lim holati qayd etilgan.

Holat yuzasida marhumaning o‘lim sababini aniqlash uchun sudga oid tibbiy ekspertiza tayinlangan. Mazkur holat bo‘yicha hozirda prokuratura tomonidan tergovga qadar tekshiruv ishlari olib borilmoqda.

Eslatib o‘tamiz, avvalroq Kursiv Uzbekistan Turkiya aeroportida O‘zbekiston fuqarolari 18,5 kg...

Eron fuqarolik aviatsiyasi parvozlariga qo‘yilgan cheklovlar bekor qilindi. Bu haqda Interfaks nashri xabar berdi.

«Eron fuqarolik aviatsiyasi tashkiloti parvozlar uchun qulay va xavfsiz sharoitlar yaratgandan so‘ng e’lon qilingan barcha cheklovlar bekor qilindi va aviakompaniyalarga parvozlarni amalga oshirishga ruxsat berildi», – deyiladi xabarda.

Bundan avvalroq «Mehr» axborot agentligi Eron fuqarolik aviatsiyasi tashkiloti vakiliga tayanib, barcha Eron aeroportlarida 6-oktabr, yakshanba kuni mahalliy vaqt bilan soat 21:00 dan dushanba kuni 06:00 gacha reyslar bekor qilinganini xabar qilgan edi.

Yakshanba kuni Islom inqilobi qo‘riqchilari korpusi (IRQK) Harbiy-dengiz kuchlari qo‘mondoni kontr-admiral Alirizo Tangsiri Eron qo‘mondonligi Tehron Isroil bilan to‘qnash...