Yangiliklar

Kursiv Uzbekistan o‘tgan hafta davomida O‘zbekistonda yuz bergan voqealarning eng muhimlarini bir joyga to‘pladi.

1-avgustdan O‘zbekistonda nimalar o‘zgaradi

1-avgustdan O‘zbekistonda nimalar o‘zgaradi? «Kursiv» respublikada amalga oshadigan bir qator o‘zgarishlar haqidagi yangiliklarni keltirib o‘tadi.

Yozda ko‘rishingiz kerak bo‘lgan Top – 5 ta film

Yozgi ta’tilni nafaqat sayrda, balki ekran qarshisida ham unutilmas lahzalar bilan boyitish vaqti keldi. Bu safar syujetlar turlicha: ba’zilari mehr va sadoqatni eslatadi, boshqalari esa hayotning achchiq haqiqatlariga yuzlashtiradi. Kulgudan tortib ko‘z yoshgacha — har biri o‘ziga xos.

«Lilo va Stitch»dagi mehr, «Uch savdoyi»ning hazilga boy voqealari, «Haqiqiy og‘riq»ning iztiroblari, «F1» treklaridagi shiddat va «Seni...

Telegram messenjerida foydalanuvchilarning yoshini aniqlash va voyaga yetmaganlar uchun kontentni cheklashga qaratilgan yangi rasmiy bot paydo bo‘ldi.

Mazkur bot Telegram’ning mini-ilovalar katalogida ishga tushirilgan bo‘lib, foydalanuvchining yoshini telefon yoki kompyuter kamerasidan olingan video orqali aniqlaydi.

Algoritm foydalanuvchining boshini qimirlatish va tabassum qilishni so‘rash orqali haqiqiy yuzni aniqlaydi va boshqa odamlarning suratlaridan foydalanishning oldini oladi. Bot foydalanuvchining voyaga yetgan yoki yetmaganligini aniqlab, bu ma’lumotdan kontent senzurasida foydalanadi.

Natijada voyaga yetmaganlarga erotik mazmundagi materiallar ko‘rsatilmaydi. Ular bunday kontent o‘rniga xiralik va yosh cheklovi belgisini ko‘radi.

Hozircha bu funksiyaning global miqyosda qo‘llaniladimi yoki ayrim davlatlar doirasida cheklanishi noma’lumligicha qolmoqda. Ayrim manbalarga...

Markaziy bank va Xitoy Moliyaviy nazorati va boshqaruvi boʻyicha davlat boshqarmasi oʻrtasida bank nazorati sohasida hamkorlik toʻgʻrisida oʻzaro Anglashuv Memorandumi imzolandi. Bu haqda regulyator matbuot xizmati xabar berdi.

Memorandumga koʻra, tomonlar bank tizimi ustidan samarali nazoratni yoʻlga qoʻyish, jinoiy yoʻl bilan topilgan daromadlarni legallashtirish va terrorizmni moliyalashtirishga qarshi kurashish borasida axborot almashadi. Shuningdek, Xitoy banklarining Oʻzbekiston moliya bozorida faoliyat yuritishi uchun huquqiy va tashkiliy sharoitlar yaratiladi.

Tomonlar, shuningdek, oʻzaro maslahatlashuvlar, tajriba almashuvlari va qoʻshma tadbirlar tashkil etishga kelishib oldi. Bu tashabbuslar moliyaviy barqarorlik va banklar ustidan nazorat mexanizmlarini kuchaytirishga xizmat qiladi.

Maʼlumot uchun, 2024-yil sentabr oyida Oʻzbekiston Markaziy banki...

AQSh prezidenti Donald Tramp Tailand va Kambodja yetakchilari bilan oʻt ochishni toʻxtatish boʻyicha muzokaralar oʻtkazganini maʼlum qildi.

U Truth Socialʼda eʼlon qilgan bayonotida, agar qurolli toʻqnashuvlar toʻxtatilmasa, Vashington ushbu ikki davlat bilan savdo aloqalarini davom ettirmasligini taʼkidladi.

Shundan soʻng, Kambodja bosh vaziri Xun Mane Pnompenda rasmiy bayonot bilan chiqib, mamlakat «zudlik bilan va shartsiz oʻt ochishni toʻxtatishga» tayyorligini bildirdi. Uning soʻzlariga koʻra, bu tashabbus ikki davlat harbiylari va xalqi uchun ijobiy oʻzgarish boʻladi.

Xun Mane, shuningdek, tashqi ishlar vaziri Prak Sokxonga AQSh davlat kotibi Marko Rubio bilan keyingi muzokaralarni muvofiqlashtirish, shuningdek, Tailand tashqi ishlar vaziri bilan toʻgʻridan toʻgʻri muloqotni...

Turkiyaning «Bashakshehir» safiga borib qoʻshilishi kutilayotgan oʻzbekistonlik futbolchi Abbosbek Fayzullayevning yangi jamoasidagi maoshi ma’lum boʻldi.

Manbalarning bildirishicha, Fayzullayev tibbiy koʻrikdan muvaffaqiyatli oʻtgan. Transfer rasman yaqin kunlarda e’lon qilinishi kutilmoqda.

«Bashakshehir» klubi Fayzullayev uchun «SSKA»ga 7,5 million yevro toʻlaydi. Bundan tashqari, kelishuvda natijaga bogʻliq qoʻshimcha 2,5 million yevrolik bonuslar ham koʻzda tutilgan. Masalan, futbolchi Turkiya Superligasida 10 ta gol urgan yoki xalqaro turnirlarda oʻzini koʻrsatgan taqdirda, bu bonuslar faollashtiriladi.

Fayzullayevning «Bashakshehir»dagi yillik maoshi bir million yevrodan ortiq boʻlishi aytilmoqda. Bu «SSKA»dagi yillik daromadidan (100 ming yevro atrofida) deyarli oʻn barobar koʻp. Shuningdek, unga qoʻshimcha ragʻbatlantiruvchi toʻlovlar ham belgilangan.

Ma’lumot uchun...

Toshkentda hujjatlarsiz boshlangan 59 ta qurilish obyekti toʻliq toʻxtatildi va elektr ta’minotidan uzildi. Hokimlik ma’lumotiga koʻra, ayrim quruvchilar ruxsatnomalarsiz ishlarga kirishgan va ba’zilari noqonuniy uy-joy savdosi bilan shugʻullangan.

Qayd etilishicha, eng koʻp holatlar Yangihayot (17 ta), Mirobod (8 ta) va Mirzo Ulugʻbek (7 ta) tumanlarida aniqlangan.

Hokimlik fuqarolarga mulk xaridida hujjatlarni sinchiklab tekshirish, norasmiy toʻlovlardan saqlanish va shubha tugʻilganda rasmiy Telegram-botga murojaat qilishni tavsiya etmoqda.

Tadbirkorlarga esa qurilishni boshlashdan oldin barcha hujjatlarni qonuniy rasmiylashtirish eslatildi. Hokimlik fuqarolar manfaatiga tahdid soluvchi harakatlarga nisbatan qat’iy chora koʻrishini bildirdi.

Avvalroq «Kursiv» uy-joy narxiga minimal chegara joriy etish taklif qilingani haqida xabar...

Qoraqalpogʻistonning Moʻynoq tumanida joylashgan «Mo‘ynoq» gaz konida 26-iyul kuni burgʻilash ishlari davomida gaz sizib chiqishi qayd etildi. Holat yuzasidan Energetika vazirligi munosabat bildirdi.

Bayonotga koʻra, voqea tuman markazidan uzoqda joylashgan «Uchsoy» hududidagi 5 ming metrga moʻljallangan birinchi quduqda sodir boʻlgan. 4,7 ming metr chuqurlikda bosim kutilgan darajadan yuqori boʻlgani sababli gaz yer yuzasiga chiqib ketgan.

Vazirlik barcha xavfsizlik qoidalari asosida quduqni likvidatsiya qilish va bosimni bartaraf etish ishlari olib borilayotganini bildirdi. Hodisa joyida «Oʻzbekneftgaz» AJ, Favqulodda vaziyatlar vazirligi, «Oʻzbekgeofizika» AJ hamda mahalliy hokimiyat vakillari doimiy nazorat olib bormoqda.

«Eng asosiysi, ushbu quduq aholi yashash joyidan...

2025-yil iyun oyi holatiga koʻra, Speedtest Global Index reytingida Oʻzbekiston mobil internet tezligi boʻyicha dunyo mamlakatlari orasida 71-oʻrinni egalladi.

Unga koʻra, Oʻzbekistonda mobil internetning oʻrtacha tezligi 55,78 Mbit/s ni tashkil qilgan. MDH davlatlari orasida mobil internetning oʻrtacha tezligi boʻyicha birinchi oʻrinni Qozogʻiston egallagan boʻlsa, Oʻzbekiston uchinchi pogʻonadan joy oldi.

Jahon miqyosida esa mobil internet tezligi boʻyicha yetakchilikni Birlashgan Arab Amirliklari saqlab qolib, oʻrtacha tezlik 546,14 Mbit/s ga teng boʻldi. Undan keyingi oʻrinlarda Qatar (517,44 Mbit/s) va Kuvayt (378,45 Mbit/s) joylashdi.

Shuningdek, kuchli oʻntalikdan Bahrayn, Braziliya, Bolgariya, Janubiy Koreya, Xitoy, Saudiya Arabistoni va Daniya ham oʻrin olgan.

Reyting jadvalining oxirgi...

Centrum Air aviakompaniyasi Samarqanddan Rossiyaning Uzoq Sharqida joylashgan Xabarovsk shahriga toʻgʻridan toʻgʻri muntazam parvozlarni yoʻlga qoʻydi. Bu haqda Samarqand aeroporti matbuot xizmati xabar berdi.

Ma’lum qilinishicha, yangi reyslar haftaning har payshanba kuni amalga oshiriladi. Uchish vaqti – 23:15 da Samarqanddan, Xabarovskka yetib borish vaqti – 11:15 (har ikki aeroport vaqti boʻyicha mahalliy vaqt koʻrsatilgan).

Parvozlar uchun chipta narxlari yoʻnalishga qarab farqlanadi. Samarqanddan Xabarovskga reyslar narxi 5 million soʻmdan, qaytish yoʻnalishi esa 4,2 million soʻmdan boshlanadi.

Avvalroq «Kursiv» Oʻzbekiston va Rossiya aviaqatnovlarni haftasiga mingtadan oshirishi haqida xabar bergan edi.

Kelishuvga ko‘ra, haftasiga Toshkent – Moskva yo‘nalishida 100 ta, Samarqand...

Toshkent shahrida piyodalar oʻtish joylariga kamera bilan jihozlangan yoʻl harakati xavfsizligi robotlari oʻrnatilishi rejalashtirilmoqda.

Rasmiylarning ta’kidlashicha, robotlar harakatlanish imkoniyatiga ega boʻlib, ular svetoforli hamda svetoforsiz, tartibga solinadigan va tartibga solinmaydigan piyodalar oʻtish joylarida ham samarali ishlaydi. Ular kameralar yordamida haydovchilarning piyodalarga yoʻl bermaslik yoki qizil chiroqda oʻtish holatlarini aniqlab, avtomatik tarzda jarimalarni rasmiylashtiradi.

Loyiha 2025-yilning oʻzida ishga tushirilishi kutilmoqda. Ayni vaqtda robotlar dizayni va funksional imkoniyatlari ishlab chiqilmoqda. Shuningdek, ularning harakatdagi moslashuvchanligi doimiy kuzatuv kamerasi oʻrnatilmagan hududlarda ham tartibni nazorat qilishga imkon beradi.

Hozircha tizim faqat haydovchilarning qoidabuzarliklarini aniqlashga qaratilgan. Piyodalar tomonidan yoʻl harakati qoidalari buzilishiga nisbatan choralar koʻrish mexanizmi...

Tailand va Kambodja oʻrtasidagi chegarada qurolli mojaro yangi bosqichga kirdi. Khaosod nashriga koʻra, janglar Trat va Chanthaburi provinsiyalarida, ya’ni kurortlarga yaqin hududlarda davom etmoqda.

Toʻqnashuvlar dastlab chegara chizigʻining shimoliy qismida sodir boʻlgan, lekin 25-iyul oqshomidan boshlab janubda ham harbiy harakatlar kuchaygan. Bu hududdan Pattayagacha atigi 150 kilometr, Bangkok shahrigacha esa 200 kilometr masofa bor. Natijada ikki chegara viloyatining ayrim tumanlari harbiy holatga oʻtkazildi.

Tailand armiyasi ma’lumotiga koʻra, 26-iyul tongida Kambodja qoʻshinlari Trat provinsiyasi orqali davlat chegarasini buzib oʻtishga uringan, biroq Tailand harbiylari ularni orqaga chekinishga majbur qilgan. Janglarda Tailand harbiy-dengiz kuchlarining kemalari ham qatnashmoqda.

Toʻqnashuvlar har ikki davlatda talafotlarga...

Kaspiy dengizi sathi butun kuzatuvlar tarixida ilk bor minus 29 metrdan pastga tushdi. Bu haqda TASS Kaspiy baliqchilik ilmiy-tadqiqot instituti Volga–Kaspiy filiali ma’lumotlariga tayanib xabar berdi.

Ma’lum qilinishicha, asosiy pasayish Rossiya va Qozogʻiston qirgʻoqlaridagi sayoz shimoliy hududlarda kuzatilmoqda. Suv chekinishi natijasida ilgari hayotga boy boʻlgan koʻplab maydonlar qurib, ochilib qolgan. Bu holat dengiz ekotizimi va undagi biologik xilmaxillik uchun jiddiy xavf tugʻdirmoqda.

Mutaxassislarning qayd etishicha, Kaspiy sathining pasayishi 1990-yillarning oʻrtalaridan beri davom etib kelmoqda. Soʻnggi toʻrt yilda dengiz darajasi yana 0,8 metrga tushgan. Asosiy sabab – Volga daryosining kamaygan oqimi. Aynan Volga Kaspiyga tushadigan suvning 80 foizini, suv balansining...

O‘zbekiston 2025-yilning dastlabki olti oyida Qirg‘izistonga 2,9 ming tonna bodring eksport qildi. Bu haqda Milliy statistika qo‘mitasi ma’lum qildi.

Umumiy hisobda yanvar – iyun oylarida O‘zbekiston xorijga 5,6 ming tonna bodring yetkazib berdi. Ushbu eksport hajmi $4,1 mlnga teng bo‘lib, o‘tgan yilning shu davriga nisbatan 714,5 tonnaga yoki 14,5 foizga oshgan.

Shuningdek, Rossiyaga 2 154 tonna, Qozog‘istonga 586 tonna, BAAga 23 tonna, boshqa davlatlarga esa 12 tonna bodring jo‘natilgan.

Avvalroq Kursiv Uzbekistan Inflyatsiya pasaydi, lekin metan, yog‘ va go‘sht narxlari keskin oshgani haqida yozgan edi.

Eronning Zahedon shahridagi viloyat sudi binosiga terrorchilar tomonidan uyushtirilgan hujum oqibatida kamida besh kishi halok bo‘ldi, o‘n uch kishi yaralandi. Bu haqda «Tasnim» axborot agentligi xabar bermoqda. Hujum shanba kuni erta tongda Siston va Balujiston viloyat sudiga uyushtirilgan.

Sud binosiga bostirib kirgan qurollangan jangarilar ichkarida o‘q uzishgan. Terrorchi «Jaish al-Zolm» guruhi hujum uchun javobgarlikni o‘z zimmasiga oldi.

Guvohlarning so‘zlariga ko‘ra, jangarilar atrofdagi fuqarolarga ham o‘q uzgan. Natijada tinch aholi orasida ham yaralanganlar bor, ayrim binolarga zarar yetgan.

Eron Islom Inqilobi Gvardiyasi Quds bazasi xodimlari uch nafar hujumchini yo‘q qilgan. Shundan so‘ng binoda xavfsizlik tiklangan.

Voqea joyida xavfsizlik kuchlari kuchaytirilgan...

Infinix kompaniyasining yangi Smart 10 smartfoni Hindistonda taqdim etildi. Bu haqda GSMArena xabar bermoqda.

Qurilma faqat 4 GB operativ va 64 GB ichki xotirali variantda taklif qilinadi. Narxi 6 799 rupiy (taxminan $82). Sotuvlar 2-avgustdan Flipkart va boshqa do‘konlar orqali boshlanadi.

Smartfon Unisoc T7250 protsessori va Android 15 asosidagi XOS 15.1 operatsion tizimi bilan jihozlangan. Unda 6,67 dyuymli 120 Hz yangilanish chastotali HD+ LCD ekran bor. Akkumulyator sig‘imi 5000 mA/soat bo‘lib, 15 vattgacha USB-C orqali quvvatlanadi. Qurilma boshqa telefonlarga ham zaryad bera oladi.

Kameralarning old va orqa tomonida 8 megapiksellik linzalar joylashgan. Qurilmada yon tomonga joylashtirilgan barmoq izi skaneri...

Samarqand viloyati hokimligi matbuot kotibi Mirzo Ixtiyorovning Kursiv Uzbekistan nashriga qayd etishicha, shaharning yoshi 3000 yil deb baholandi. Xalq deputatlari viloyat Kengashi navbatdagi sessiyasida tegishli qaror ham qabul qilgan.

Bu xulosa Afrosiyob, Ko‘ktepa va Ko‘ksaroy hududlarida olib borilgan qazishmalar asosida berilgan. Qadimiy Amir Temur qal’asi joylashgan hududda ham tadqiqotlar o‘tkazilgan.

Samarqand arxeologiya instituti rahbari Mo‘minxon Saidovning aytishicha, shahar tarixi yuzasidan izlanishlar 150 yildan ortiq davom etmoqda. Dastlab yoshi 1500 yil deb hisoblangan Samarqand keyinchalik 2000, so‘ng 2500 yil deb baholangan. 2000-yillar boshida O‘zbekiston – Fransiya ekspeditsiyasi bu raqamni 2750 yilga yetkazgandi.

Avvalroq Centrum Air Samarqanddan Dushanbega muntazam reyslarni yo‘lga qo‘ygani...

Xitoyning Zeekr brendi zirhli Zeekr 001 elektromobilini ishlab chiqardi. Tezlik va dizayni bilan mashhur Zeekr endi xavfsizlikni ham ustuvor qilmoqda. Bu haqda Carcoops xabar bermoqda.

Bu hafta taqdim etilgan Zeekr 001 modelining zirhli versiyasi tashqi ko‘rinishidan oddiy mashinaga o‘xshasa-da, u to‘liq himoyalangan korpusga ega.

Modelning barcha tashqi panellari maxsus zirhli materiallardan tayyorlangan. Mashinada qalin o‘q o‘tmas oynalar o‘rnatilgan. Hatto panoramali shisha tom ham mustahkamlangan. Bu o‘zgarishlar Braziliya bozoridagi talabga javoban qilinmoqda. U yerda jinoyatchilik va o‘g‘riliklar ortgani sababli o‘q o‘tmas fuqarolik avtomobillariga talab kuchaygan.

Yangi Zeekr 001 800 voltli elektr arxitekturaga ega bo‘lib, ikki xil batareyaga ega. U...

Prezident Shavkat Mirziyoyev Tal’at Valievni O‘zbekiston Prezidenti huzuridagi Xavfsizlik kengashi kotibi o‘rinbosari lavozimidan ozod etdi. U jamoat xavfsizligi masalalari o‘rinbosari bo‘lgan.

Shuningdek, Prezident Administratsiyasi qarori bilan Xavfsizlik kengashi apparatining yana ikki xodimi lavozimidan bo‘shatildi.

Baxtiyor Mahmudov inson huquqlari va xalqaro gumanitar hamkorlik bo‘yicha majburiyatlarni bajarishni ta’minlash sektori rahbari hamda Shovkiddin Qarshiyev davlat chegarasi xavfsizligi va favqulodda vaziyatlardan hududlarni himoya qilish sektori bosh maslahatchisi lavozimlaridan ozod qilingan.

Avvalroq Kursiv Uzbekistan nashri Sardor Umrzoqov yangi lavozimga tayinlangani haqida yozgan edi.

Samsung Galaxy Z Fold7, Galaxy Z Flip7 va Flip7 FE rasmiy ravishda 49 mamlakatda savdoga chiqdi. Ularni Samsung rasmiy sayti yoki hamkor do‘konlaridan xarid qilish mumkin. Bu haqda GSMArena xabar bermoqda.

Modellar 9-iyulda taqdim etilgandi. Endilikda esa jahon bo‘yicha keng savdosi boshlandi. Tez orada yana 110 mamlakatda sotuvlar yo‘lga qo‘yiladi.

Galaxy Z Fold7 va Flip7 modellari oldindan buyurtma bosqichida Janubiy Koreya, Hindiston va Yevropada juda mashhur bo‘lgan.

Shuningdek, bugun yangi Galaxy Watch8 va Watch8 Classic aqlli soatlari ham savdoga chiqdi. Watch8’ning 40 mm va 44 mm o‘lchamdagi versiyalari grafit va kumush ranglarda taklif qilinmoqda. Watch8 Classic esa 46 mm...

Dam olish kunlari ayrim tijorat banklari tomonidan valyuta ayirboshlash va pul o‘tkazmalari xizmatlarini ko‘rsatuvchi shoxobchalar faoliyati yo‘lga qo‘yilmoqda. Bu haqda Markaziy bank xabar bermoqda.

Shuningdek, «24/7» rejimida ishlovchi avtomatlashtirilgan bankomatlar orqali...

Fransiyaning qimmat tovarlar ishlab chiqaruvchi LVMH Moët Hennessy – Louis Vuitton holdingi Marc Jacobs modalar uyini sotishi mumkin. Bu haqda The Wall Street Journal nashri manbalarga tayanib xabar berdi. Bitim qiymati $1 mlrdgacha yetishi mumkin.

LVMH bir nechta xaridorlar bilan muzokaralar olib bormoqda. Ular orasida Reebok’ka egalik qiluvchi Authentic Brands Group, Brookstone brendini nazorat qiluvchi Bluestar Alliance va Vera Wang‘ni o‘z portfeliga kiritgan WHP Global mavjud.

Manbalarga ko‘ra, muzokaralar ijobiy yakunlansa, bitim yaqin orada imzolanishi mumkin.

LVMH odatda mashhur va kuchli brendlarni xarid qilishi bilan tanilgan. Ammo so‘nggi yillarda kompaniya o‘z biznes strategiyasiga mos kelmaydigan loyihalarni sotishga ham tayyor...

Zeekr brendi o‘zining Zeekr 9X modelini avgust oyi oxirida bo‘lib o‘tadigan Chengdu avtosalonida oldindan buyurtmaga taqdim etadi. Bu haqda CarNewsChina nashri xabar bermoqda.

Zeekr 9X narxi hali rasman belgilanmagan. Kompaniyaga ko‘ra, bu model katta o‘lchamdagi avtomobillar uchun ishlab chiqilgan strategiyasi asosida ishlab chiqilgan. Hozircha Zeekr 9X uchun to‘liq elektr versiyasi ishlab chiqish rejalashtirilmagan.

Yangi 9X modeli SEA-S (Haohan-S) platformasida qurilgan. U 2,0 litrli turbo benzinli dvigatel va uchta elektr motor bilan jihozlangan. Umumiy quvvati – 1 381 ot kuchi. Avtomobil 0 dan 100 km/soat tezlikka atigi 3,1 soniyada chiqadi. Maksimal tezligi 240 km/soatni tashkil etadi. Kompaniyaga ko‘ra, tezlanish batareya...

Toshkent shahrining bosh rejasi o‘zgartirilishi ko‘rib chiqilmaydi. Qurilish va uy-joy kommunal xo‘jaligi vazirligi tadbirkorlarning bu boradagi takliflarini qabul qilmasligini ma’lum qildi. Bu haqda vazir o‘rinbosari Davron Odilov Kun.uz nashriga bergan izohida aytib o‘tdi.

Uning bayonoti avvalroq bildirilgan boshqa mansabdorlarning fikrlariga zid. Xususan, vazirlik boshqarma boshlig‘i Aziz Xalilov bosh reja o‘zgarishi mumkinligini bildirgan edi. Tadbirkor Murad Nazarov esa reja allaqachon o‘zgartirish kiritilayotganini aytgan.

Toshkentning 2045-yilgacha bo‘lgan bosh rejasi Vazirlar Mahkamasining 2024-yil 24-dekabrdagi qarori bilan tasdiqlangan. Hujjatga ko‘ra, barcha qurilish ishlari aynan shu reja asosida olib borilishi kerak.

Eslatib o‘tamiz, Kursi Uzbekistan nashri deputat Murod Nazarovning daraxtlarni qonuniy kesish taklifiga qarshi...

Belgiya chempionatida «Antverpen» va «Sent-Jiluez» jamoalari o‘rtasidagi o‘yin 1:1 hisobida yakunlandi. O‘zbekistonlik hujumchi Muhammadali O‘rinboyev zaxirada qoldi.

Uchrashuvda hisobni «Antverpen» hujumchisi Vinsent Yanssen ochdi. U 21-daqiqada ogohlantirish oldi, 33-daqiqada esa gol urib jamoasini oldinga olib chiqdi.

O‘yinning 23-daqiqasida «Sent-Jiluez» o‘yinchisi Akinpelu Promis penaltida darvozani aniq nishonga ola olmadi. 26-daqiqada Dumbia, 45+2-daqiqada Nyang sariq kartochka oldi.

Ikkinchi bo‘limda «Sent-Jiluez» faolroq harakat qila boshladi. 68-daqiqada Floruch Raul hisobni tenglashtirdi. Keyinroq Leysen, Vanhutt va Kerk ham ogohlantirish oldi.

Uchrashuv davomida bir necha o‘yinchilar zaxiradan maydonga tushirildi. So‘nggi daqiqalarga qadar hisob o‘zgarmadi. O‘yinda durang natija qayd etildi – 1:1.

Eslatib o‘tamiz, Kursiv Uzbekistan nashri...