Yangiliklar

WhatsApp xabarlarni tarjima qilish funksiyasini ishga tushirdi. Bu haqda messenjer blogida ma’lum qilindi.

Endilikda foydalanuvchilar boshqa tilda yozilgan xabarni «Tarjima qilish» tugmasi orqali uni tanlangan tilga o‘girishi mumkin. Tilni yuklab olish orqali esa keyingi tarjimalar tezkor amalga oshadi. Funksiya shaxsiy chatlarda, guruhlarda hamda kanallardagi yangilanishlarda qo‘llaniladi.

Android foydalanuvchilari xohlasa, butun suhbat bo‘yicha avtomatik tarjimani yoqib qo‘yishlari mumkin. Bu esa chatdagi barcha kelajakdagi xabarlarni avtomatik tarjima qiladi.

WhatsApp maxfiylik masalasiga ham urg‘u berdi. Tarjimalar faqat foydalanuvchi qurilmasida amalga oshiriladi va messenjer ularni ko‘ra olmaydi.

Yangi funksiya 23-sentabrdan boshlab Android va iPhone foydalanuvchilariga bosqichma-bosqich taqdim etilmoqda. Hozircha Android’da ingliz, ispan, hind...

Markaziy bank boshqaruvining qaroriga muvofiq, bir nechta tijorat banklariga berilgan litsenziyalar qayta rasmiylashtirildi. Bu haqda regulyator matbuot xizmati xabar berdi.

Qarorga ko‘ra, «Smart bank» AJ nomi «Open bank» AJ etib o‘zgartirildi va uning pochta manzili yangilandi. Shu bois bank faoliyatini amalga oshirish litsenziyasi qayta berildi.

Shuningdek, «Hayot bank» AJ hamda «Anor bank» AJning joylashgan manzili o‘zgarganligi sababli ularga tegishli litsenziyalar qayta rasmiylashtirildi.

Bundan tashqari, Eron Soderot bankining Toshkentdagi shuba banki aksiyadorlik jamiyatiga aylantirildi. Bankning tashkiliy-huquqiy shakli va nomi o‘zgarganligi hamda manzili yangilangani bois unga berilgan litsenziya ham qaytadan berildi.

Avvalroq Kursiv Uzbekistan Smartbank endi Openbank nomi bilan faoliyat yuritishi...

Oldinroq «Kursiv» nashri Toshkent viloyatining Piskent, Bo‘ka va Quyi Chirchiq tumanlaridagi bir nechta davlat bog‘chalarida tarbiyalanuvchilar sog‘lig‘idan shikoyat qilib, tuman tibbiyot birlashmalariga murojaat qilgani haqida yozgandi.

Unga ko‘ra, bolalarda tana haroratining ko‘tarilishi, ko‘ngil aynishi va ich ketishi kabi belgilar kuzatilgan.

Dastlabki tibbiy ko‘rikdan so‘ng zarur muolajalar amalga oshirilgan. Aksariyat bolalarning ahvoli shu kunning o‘zida yaxshilangani bois uylariga javob berilgan. Og‘ir ahvolda bo‘lgan bolalar qayd etilmagan.

Bolalar ombudsmani voqeani bolalar manfaatlari nuqtai nazaridan alohida kuzatuvga olganini ma’lum qildi.

«Bolalarning ommaviy zaharlanishi bilan bog‘liq har qanday vaziyat mutasaddi idoralarning alohida nazoratida o‘rganiladi», dedi ombudsman.

Shuningdek...

Qozog‘iston Milliy banki milliy tenge bilan ta’minlangan birinchi steyblkoinni muomalaga chiqarish bo‘yicha pilot loyiha boshlanganini ma’lum qildi. Bu haqda regulyator rasmiy veb-saytida xabar qilindi.

Tashabbus Milliy bankning raqamli aktivlar bo‘yicha regulyator «qum maydonchasi» doirasida amalga oshirilmoqda.

Steyblkoinni Intebix (AIFC’da ro‘yxatdan o‘tgan raqamli aktivlar birjasi) kompaniyasi Solana xalqaro blokcheyn platformasi, Mastercard to‘lov tizimi va Yevroosiyo banki bilan hamkorlikda ishga tushirdi.

Milliy steyblkoin kriptobozorning innovatsion yechimlarini an’anaviy moliyaviy infratuzilma bilan integratsiya qilish imkonini beradi. Bu esa kriptoaktivlarni tengega ayirboshlash va kriptokartalar orqali savdo amaliyotlarini amalga oshirish yo‘lini ochadi.

Loyiha Milliy bankning raqamli aktivlar bozorini rivojlantirish va milliy raqamli ekotizimni shakllantirish strategiyasi doirasida...

O‘zbekiston milliy terma jamoasi vingeri Oston O‘runov va eronlik himoyachi Hussayn Kanoni «Persepolis»ning so‘ngi mashg‘ulotida jarohat orttirib oldi. Bu haqda klub bosh murabbiyi Vohid Hoshimiyan ma’lum qildi.

«Kanoni va O‘runov kechagi mashg‘ulotda jarohat olishdi. Katta ehtimol bilan ular «Malavan»ga qarshi uchrashuvni o‘tkazib yuborishadi», dedi murabbiy.

Qayd etilishicha, klub tibbiy shtabi futbolchilar holatini batafsil o‘rganib chiqadi va 25-sentabr kuni bo‘lib o‘tadigan «Malavan»ga qarshi bahs arafasida yakuniy xulosani taqdim etadi.

Ma’lumot uchun, Oston O‘runov joriy mavsum 4 ta o‘yinda maydonga tushdi, biroq na gol urdi va na golli uzatma amalga oshirdi. Uning Transfermarkt’dagi narxi 2 million...

26-sentabr uchun valyuta kurslari e’lon qilindi. Shu kun uchun AQSh valyutasi 12 199,71 so‘m (-19,37 so‘m) etib belgilandi. Bu haqda Markaziy bank xabar bermoqda.

Valyuta birjasida dollar so‘nggi besh kunlikda turlicha dinamiklarni ko‘rsatdi. Xususan, 18-sentabrda 12 314,71 so‘mga (+60,44 so‘m) oshdi. Shu tariqa qisqa muddat ichida kursda keskin o‘zgarishlar kuzatildi. 19-sentabrda AQSh valyutasi 12 349,87 so‘m (+35,16 so‘m) etib belgilandi. 22-sentabr kuni AQSh valyutasi 12 257,13 so‘m (-92,74 so‘m) bo‘ldi. 23-sentabr kuni dollar 12 171,03 so‘mga (-86,10 so‘m) tenglashdi. 24-sentabr 12 219,08 so‘m (+48,05 so‘m) etib belgilandi.

Jadval:

Markaziy bank ma’lumotlariga ko‘ra, yevro 50,85 so‘mga tushib, 14 328,56 so‘mni, rubl esa 0,12 so‘mga oshib...

Farg‘ona viloyatida ikki mansabdor shaxs pora bilan qo‘lga tushdi va ularga qamoq ehtiyot chorasi qo‘llandi. Bu haqda Davlat xavfsizlik xizmati (DXX) xabar berdi.

Unga ko‘ra, viloyatidagi tumanlardan birining gaz ta’minoti bo‘limi boshlig‘i 10 ta xonadonni yuqori bosimli gaz tarmog‘iga ulab berish evaziga har biridan $1 000 dan, jami $10 ming talab qilgan. DXX va Bosh prokuratura huzuridagi departament xodimlari uni tanishi orqali so‘ralgan pulni olayotganda qo‘lga oldi. Mazkur rahbar ilgari ham sudlangan bo‘lsa-da, xatolaridan to‘g‘ri xulosa chiqarmagan. Unga nisbatan jinoyat ishi qo‘zg‘atilib, qamoq ehtiyot chorasi qo‘llandi.

Yana bir holatda viloyat qurilish va uy-joy kommunal xo‘jaligi nazorat inspeksiyasining bosh mutaxassisi...

Bugungi kunda mashina xarid qilish ko‘pchilik uchun zaruratga aylanib bormoqda. Lekin hammaning birdaniga katta mablag‘ to‘lab avtomobil olish imkoni yo‘q. Ayni paytda banklar turli shartlar va qulayliklar bilan kreditlar taklif etmoqda. Foiz stavkalari, dastlabki to‘lov miqdori va muddatga qarab eng ma’qul variantni tanlash mumkin. Kursiv Uzbekistan nashrining ushbu maqolasida O‘zbekistondagi eng qulay avtokreditlar haqida so‘z yuritiladi.

Ushbu maqoladan quyidagilarni bilib olasiz:

Avtomobil kreditini olish bosqichlari

O‘zbekiston–Qirg‘iziston davlat chegarasining Quvasoy shahri hududidan o‘tuvchi qismida katta miqdordagi kuchli ta’sir qiluvchi dorilar topildi. Bu haqda Davlat xavfsizlik xizmati xabar berdi.

Tekshiruvda Qirg‘izistondan noqonuniy yo‘l bilan olib kirilgan yetti qutida jami 53,5 ming dona «Regapen» va 20 ming dona «Zardeks» dori vositasi borligi aniqlandi. Ularning umumiy qiymati 6,20 mlrd so‘m ekani aniqlandi.

Holat yuzasidan jinoyat ishi qo‘zg‘atilgan. Hozirda dorilarni olib o‘tgan shaxslarni aniqlash ishlari davom etmoqda.

Avvalroq Toshkentda kuchli dori vositalari savdosi bilan shug‘ullangan shaxs ushlangandi. Ma’lum qilinishicha, poytaxtning Yakkasaroy tumanida olib olib borilgan tekshiruv davomida fuqaro boshqa bir fuqaroga tarkibida «sibutramin» moddasini saqlagan ikki turdagi...

AQSh prezidenti Donald Tramp Oq uy G‘arbiy qanotidagi yo‘lakda prezidentlar shon-shuhrat yo‘lagini ochdi. Yo‘lakda Bayden portreti o‘rniga avtoperoning rasmi ilingan.

Tramp Baydenning avtopero orqali ko‘plab hujjatlarga imzo chekishini ilgari ham tanqid qilib kelgan. CNN xabariga ko‘ra, Tramp iyun oyida Baydenning avtopero qo‘llashini tekshirish bo‘yicha maxsus memorandum chiqargan edi. Bayden esa bunday iddaolarni qat’iyan rad etgan.

«Men prezidentligim davomida barcha qarorlarni o‘zim qabul qildim. Avf etish, farmonlar va qonunlarga imzo qo‘yishda men ishtirok etganman. Aksini aytish mutlaqo asossiz», — degan edi Bayden.

Tramp yaqinda bergan intervyusida Bayden portreti o‘rniga avtopero rasmi qo‘yilishini ochiq aytgan edi...

Toshkentdagi Shimoliy vokzal va «Toshkent» metro bekati o‘rtasidagi 4 ming kvadrat metrlik yerosti yo‘li tadbirkorlar uchun ijaraga beriladi. Bu haqda Xalq deputatlari Toshkent shahri kengashining 15-sessiyasida ko‘rib chiqilib, deputatlar tomonidan bir ovozdan ma’qullandi.

Toshkent shahri hokimining birinchi o‘rinbosari Baxtiyor Haydarov taqdimotida loyihaning mazmuni haqida ma’lumot berdi. Unga ko‘ra, davlat-xususiy sherikchiligi asosida yerosti yo‘lida savdo va xizmat ko‘rsatish shoxobchalari tashkil etiladi.

Haydarovning aytishicha, mazkur hududda ilgari do‘konlar faoliyat yuritgan, biroq so‘nggi yillarda bo‘sh qolib ketgan.

«Mana, bir necha yildan beri bo‘m-bo‘sh turgan 4 ming kvadrat metr joy bor. Shu yerda loyihalarni amalga oshirib, odamlarni ko‘proq...

2024-yilda kriptovalyuta egalari orasida millionerlarga aylanganlar soni keskin ko‘paydi. Henley&Partners va New World Wealth hisobotiga ko‘ra, dunyoda kriptomillionerlar soni 241 ming nafarga yetdi, bu o‘tgan yilga nisbatan 40 foiz ko‘p.

Ekspertlar bu o‘sishni asosan bitkoin narxining keskin oshishi bilan izohlaydi. Hozirgi kunda kriptoboylar orasida 36 nafar milliardеr bor, shulardan 17 tasi boyligini aynan bitkoindan topgan. Umuman olganda, barcha kriptomillionerlarning qariyb 60 foizi o‘z kapitalini bitkoin orqali olgan.

Shuningdek, 450 kishi bitkoinda $100 milliondan ortiq boylikka ega. Jami kriptomillionerlar va milliardеrlarning boyligi $3,3 trillionga baholanmoqda — bu bir yil avvalgidan 45% ko‘p. Faqat bitkoindan daromad topgan millionerlar soni esa bir...

Qirg‘iziston parlamentining yettinchi chaqiriq deputatlari 25-sentabr kuni muddatidan oldin vakolatlarini to‘xtatish to‘g‘risidagi qarorni qo‘llab-quvvatladi. Bu haqda Jogorku Keneshda ma’lum qilindi.

Mazkur qaror mamlakatda bo‘lib o‘tadigan saylovlar va saylov qonunchiligiga kiritilayotgan o‘zgarishlar bilan izohlandi.

Majlisda deputat Ulan Primov ma’ruza bilan chiqib, parlamentning o‘zini o‘zi tarqatishi siyosiy tizimni mustahkamlash va barqarorlikni ta’minlashga xizmat qilishini ta’kidladi. Shuningdek, asosiy omil sifatida saylov qonunchiligi o‘zgarishlari ko‘rsatib o‘tilgan.

Ovoz berish yakunlariga ko‘ra, 84 deputat yettinchi chaqiriq vakolatlarini tugatish qarorini ma’qulladi. Bungacha hujjat Konstitutsiyaviy qonunchilik qo‘mitasi va Jo‘g‘orqu Kengesh Koordinatsion kengashi tomonidan ham qo‘llab-quvvatlangan edi.

Eslatib o‘tamiz, Kursiv Uzbekistan Qirg‘izistonda ro‘y bergan zilzila O‘zbekistonda sezilgani haqida...

Yevropa tiklanish va taraqqiyot bankining (YTTB) so‘nggi mintaqaviy iqtisodiy tahlilida O‘zbekiston iqtisodiyoti 2025-yilda 6,7 foizga, 2026-yilda esa olti foizga o‘sishi prognoz qilindi.

Bu o‘sish Markaziy Osiyo bo‘yicha eng yuqori ko‘rsatkichlardan biri bo‘lib, mamlakatda ichki talabning kuchayishi, aholining real ish haqlarining oshishi, xorijdan pul o‘tkazmalarining 28,7 foizga ortishi hamda xizmatlar sohasining jadal rivojlanishi bilan izohlanmoqda.

Xizmatlar va sanoat sektori

YTTB ma’lumotlariga ko‘ra, 2025-yilning birinchi yarmida O‘zbekiston yalpi ichki mahsuloti (YIM) 7,2 foizga o‘sgan. Xizmatlar sektori 8,2 foizga kengayib, iqtisodiy o‘sishning asosiy drayveriga aylandi. Sanoatda ham ijobiy o‘zgarishlar kuzatildi: oziq-ovqat mahsulotlari va metallurgiya ishlab chiqarishi mustahkamlanib, oltin narxlarining global...

Nika Farm kompaniyasi dori mahsulotlarini qonunga zid ravishda reklama qilgani uchun jarimaga tortildi. Bu haqda Raqobat qo‘mitasi xabar berdi.

Unga ko‘ra, ijtimoiy tarmoqlarda «Forsil – og‘riq mutlaqo izsiz ketadi» mazmunidagi reklama tarqatilgan. O‘rganish natijasida, bu reklama materiallari qonunchilik talablariga zid hisoblangan. Qonunda retseptsiz beriladigan dori vositalarining reklamasi ularning ta’siri kafolatlanganligi haqida tasdiqni o‘z ichiga olmasligi belgilangan.

Mazkur holat yuzasidan qo‘mita huzuridagi maxsus komissiya tomonidan «Nika Farm» MChJga nisbatan moliyaviy jarima qo‘llash haqida qaror qabul qilindi.

Shuningdek, korxonaga qonunbuzarlikni bartaraf etish va kelgusida bunday xatolarga yo‘l qo‘ymaslik yuzasidan ko‘rsatmalar berildi.

Avvalroq Kursiv Uzbekistan 106 ta avtomobildan Gorilla ichimligining noqonuniy reklamasi...

Toyota kompaniyasi tomonidan yangilangan Toyota Corolla Cross 2026 narxlari e’lon qilindi. Bu haqda kompaniya saytida xabar bermoqda.

Model Alabama shtatidagi Xantsvill zavodida ishlab chiqariladi va mashinalar allaqachon dilerlarga yetkazilgan. Benzinli versiya $24,ming, gibrid esa $29 mingdan boshlanadi.

Yangi dizaynda old qism yangilandi, gibrid modellarda radiator panjarasi kuzov rangida bo‘ldi. Barcha komplektatsiyalarda LED kunduzgi chiroqlar bor. Gibrid SE va XSE versiyalariga qora tom opsiyasi bilan Cavalry Blue rangi qo‘shildi. XSE modeli 18 dyuymli qora g‘ildiraklarga ega bo‘ldi.

Salon ham qulayroq qilingan. Markaziy konsol qayta ishlangan, mayda buyumlar uchun joylar kengaydi, simsiz zaryadlovchiga bo‘linma qo‘shildi. XLE versiyasida yangi Portobello qoplamasi taqdim...

MLSning navbatdagi turida «Inter Mayami» safarda «Nyu York Siti» mehmoni bo‘ldi va yirik 4:0 hisobida g‘alaba qozondi.

Floridaliklar safida Baltazar Rodriges hisobni ochdi, Luis Suares esa penaltidan unumli foydalanib, farqni ikkitaga yetkazdi.

Lionel Messi esa o‘z nomiga ikkita gol yozdirib qo‘ydi, shuningdek, bitta golga assistentlik ham qildi.

Shu tariqa «Inter Mayami» ushbu g‘alabadan so‘ng o‘z ochkolari hisobini 55 taga yetkazib, Sharqiy konferensiya turnir jadvalida 3-o‘ringa ko‘tarilib oldi. «Nyu York Siti» esa 53 ochko bilan 5-o‘rinda bormoqda.

AQSh. Major League Soccer. MLS

«Nyu York Siti» — «Inter Mayami» 0:4

Gollar: Rodriges (43), Messi (74, 86), Suares (pen. 83).

Nyu...

Xiaomi 17, 17 Pro va 17 Pro Max smartfonlarining jahon taqdimoti 25-sentabr kuni bo‘lib o‘tishi kutilmoqda. Shunga qaramay, kompaniya prezidenti Lu Veybing yangi flagmanlarga qiziqishni oshirishda davom etmoqda.

Uning so‘zlariga ko‘ra, Xiaomi 17 Pro modelining asosiy yangiligi — bu orqa tomonida joylashgan qo‘shimcha ekran. Bu dizaynga o‘ziga xoslik qo‘shib, qurilmadan foydalanish imkoniyatlarini kengaytiradi.

Lu Veybing yangi ekran yordamida asosiy kamerada selfi olishni taklif qildi va o‘zining shunday suratlarini e’lon qildi. Bu yondashuv old kamera ahamiyatini kamaytirishi mumkin.

Avvalroq u Xiaomi 17 Pro kamerasini iPhone 17 Pro bilan solishtirgan edi. Shuningdek, Xiaomi rahbari Ley Tszyun ham 17 Pro va...

Geely kompaniyasi tomonidan yangilangan Lynk & Co 08 EM-P avtomobili taqdim etildi. Bu haqda CarNewsChina xabar bermoqda.

Yangi model LiDAR sensori bilan jihozlanib, avtopilot imkoniyatlari kengaytirildi. Boshlang‘ich narx 159,8 ming yuan ($22 ming), eng yuqori komplektatsiya esa 212,8 ming yuan ($29 ming) etib belgilangan.

Yangilangan 08 EM-P brendning umumiy dizayn uslubini saqlagan holda sportona elementlar qo‘shdi. Old qismda kattalashtirilgan havo kirish panjarlari va yon havo kanallari o‘rnatilgan. Tom qismida joylashgan LiDAR sensor haydovchiga yordamchi tizimlarni kuchaytiradi. Yon profilida yashirin eshik tutqichlari saqlanib qolgan, yangi disklar va yon ko‘zgular ostida ko‘k indikator chiroqlar qo‘shilgan.

Modelning o‘lchamlari o‘zgarishsiz qolgan. Uning uzunligi...

Yangi iPhone 17 Pro kuchli imkoniyatlarga ega bo‘lsa-da, uning yuzasida tirnalishlar paydo bo‘layotgani haqida shikoyatlar ko‘paydi. Eng ko‘p tirnalishlar Deep Blue rangidagi iPhone 17 Pro hamda Space Black rangidagi iPhone Air modellarida kuzatilmoqda.

Kompaniyaning tushuntirishicha, do‘konlarda ishlatiladigan MagSafe qurilmalari eskirgani sababli yangi iPhone orqa qismiga boshqa materialning izi tushishi mumkin. Biroq bu haqiqiy tirnalish emas. Uni oddiy tozalash bilan osonlikcha ketkazib yuborish mumkin.

Tom’s Guide yangi iPhone’ni tirnalishlardan saqlash uchun quyidagi choralarni tavsiya etdi:

Yengil vazn toifasida o‘zbekistonlik UFC jangchisi Ramazon Temirov 2026-yilning mart oyida yana oktagonga qaytadi. Bu haqda u o‘zining Instagram sahifasida ma’lum qildi.

«Oxirgi topshirgan doping test natijalarim toza chiqdi. Menga bu yil emas, keyingi yilga jang berishdi. Qoidalarni buzganim uchun 6 oylik jazo muddati belgilandi. Keyingi yil mart oyidan boshlab yana janglarga qaytaman», — dedi Temirov.

Eslatib o‘tamiz, Ramazon Temirov joriy yilning iyul oyida qozog‘istonlik Asu Almabayevga qarshi oktagonga ko‘tarilishi kerak edi.  Biroq o‘sha vaqtda uning doping namunalarida taqiqlangan modda borligi aniqlangan va shu sababli jang bekor qilingan.

Ma’lum bo‘lishicha, Temirovning tanasida Tailandda olib...

Surxondaryo viloyatining Denov tumanida voyaga yetmagan qizni turmushga berish holati yuzasidan jinoyat ishi ochildi. Bolalar ombudsmani voqeani nazoratga olib, o‘rganishni boshlaganini ma’lum qildi.

Aniqlanishicha, 2009-yilda tug‘ilgan qizni uning buvisi, 1958-yilda tug‘ilgan ayol, tumanda yashovchi 1997-yilda tug‘ilgan erkakka turmushga berish marosimini tashkil qilgan. Voyaga yetmaganligi sababli nikoh qonuniy tartibda qayd etilmagan bo‘lsa-da, 1950-yilda tug‘ilgan shaxs moddiy manfaat evaziga ularga shar’iy nikoh o‘tkazib bergan.

Holat yuzasidan 22-sentabr kuni nikoh o‘qigan va nikohiga olgan shaxslarga jinoyat ishi qo‘zg‘atildi. Hozirda dastlabki tergov harakatlari Denov tumani IIB huzuridagi tergov bo‘linmasi tomonidan olib borilmoqda.

Bolalar ombudsmani voyaga yetmaganlarni erta nikohga majbur qilishni keskin qoralab, bunday...

Xiaomi kompaniyasi tomonidan yangi Xiaomi 15T smartfoni namoyish etildi. Bu haqda GSMArena xabar bermoqda.

Qurilma Dimensity 8400-Ultra protsessorida ishlaydi, 12 GB tezkor xotira hamda 256 yoki 512 GB doimiy xotira bilan taqdim etilgan.

Smartfon 6,83 dyuymli OLED ekranga ega bo‘lib, Full HD+ aniqlikni, 120 Hz yangilanish chastotasini, HDR10+ va Dolby Vision texnologiyalarini qo‘llab-quvvatlaydi. Shuningdek, stereo dinamiklar va Dolby Atmos mavjud.

Kamera tizimi uch moduldan iborat:

Batareya sig‘imi 5500 mA/soat bo‘lib, 67 Vt tezkor zaryadlashni...

Kaliforniyada 38 yil davomida nohaq qamoqda saqlangan 72 yoshli Moris Xastings $25 mln miqdorida tovon puli oldi. Bu shtat tarixidagi eng yirik nohaq mahkumlik uchun to‘lov sifatida qayd etildi, deya yozmoqda CNN.

Xastings 1983-yilda zo‘rlash va o‘ldirishda ayblanib, umrbod qamoq jazosiga hukm qilingan edi. Ammo keyinchalik DNK tahlillari uning begunohligini isbotladi. Asl jinoyatchi – boshqa ayolni o‘g‘irlash va zo‘rlashda ham aybdor bo‘lgan Kennet Paknett ekani aniqlandi. U 2020-yilda qamoqda vafot etgan.

Xastings 2000-yilda DNK tekshiruvini talab qilgan, biroq o‘sha paytda prokuratura bunga ruxsat bermagan edi. Faqat 2021-yilda qayta ko‘rib chiqilgan ish materiallari orqali haqiqat yuzaga chiqdi. 2022-yilda sud hukmini...