Yangiliklar

iPhone 17 shu qadar kuchli yangilanishlarga ega bo‘ldiki, ko‘plab foydalanuvchilar uchun endi Pro versiyalarini olish shart emasdek tuyulmoqda. Ammo Rozetked nashri muallifi Maksim Xoroshev yangi iPhone 17’dagi uchta kamchilikni qayd etdi.

Telefoto kamera mavjud emas

Uzoq masofadan suratga olish imkoniyati faqat Pro modellarda saqlanib qolgan. Shuningdek, LiDAR skaneri va studiya darajasidagi mikrofonlar ham Pro versiyalarda bor.

USB tezligi past

Pro modellarda tezkor USB portlari mavjud bo‘lsa, oddiy iPhone 17’da ma’lumot uzatish sekinroq.

Batareya biroz qisqaroq ishlaydi

iPhone 17 bir kunlik foydalanish uchun yetarli, biroq 17 Pro va 17 Pro Max bitta zaryadda undan ko‘proq vaqt davomida ishlashi mumkin.

Nissan 2026-yil uchun to‘liq yangilangan Sentra avtomobilini namoyish qildi. Yangi modelda zamonaviy dizayn, kengaytirilgan texnologiyalar va yuqori darajadagi SL komplektatsiyasi qaytadi.

Avtomobilning 2,0 litrli 149 ot kuchiga ega dvigateli o‘zgarishsiz qolgan bo‘lsa-da, uzluksiz variator uzatmalari qutisi (CVT) yanada jim va silliq ishlashi uchun sozlangan. Kuzov mustahkamroq bo‘lib, amortizatorlar va rul boshqaruvi yangilangan, shuningdek, shovqinni kamaytirish choralari ko‘rilgan. Sportga yo‘naltirilgan SR modeli yaxshilangan boshqaruv bilan taqdim etiladi.

Tashqi ko‘rinish yanada aerodinamik, silliq chiziqlar va fastbek uslubidagi orqa tomoni bilan Nissan’ning yangi Leaf va Murano modellari darajasiga olib chiqilgan. O‘lchamlari avvalgidek qolgan bo‘lsa-da, yukxona hajmi biroz kengaygan.

Salon texnologiyalari ham yangilangan...

DxOMark mutaxassislari tomonidan eng yaxshi kameraga ega smartfonlar reytingi yangilandi. iPhone17 Pro 168 ball olib, ro‘yxatda uchinchi o‘rinni egalladi.

iPhone 17 Pro Huawei Pura 80 Ultra (175 ball) va Oppo Find X8 Ultra (169 ball) smartfonlaridan ortda qoldi. Taqqoslash uchun, Samsung Galaxy S25 Ultra atigi 151 ball bilan 21-o‘rinda turibdi.

DxOMark iPhone 17 Pro’ning afzalliklari sifatida eng yaxshi videotasvir sifati, yumshoq va aniq zum, hamda portretlarda to‘g‘ri rang uzatish va tabiiy ranglarini ko‘rsatdi. Shu bilan birga, kam yorug‘likda shovqin paydo bo‘lishi va ba’zi zum darajalarida detallarning yo‘qolishi kamchilik sifatida qayd etilgan.

Ro‘yxat:

Eslatib o‘tamiz, Kursiv Uzbekistan smartfonni qanday zaryadlash...

AQSh prezidenti Donald Tramp ma’muriyati robototexnika, sanoat uskunalari va tibbiy buyumlar importi yuzasidan tergov boshladi. Bu haqda Oninvest nashri xabar berdi.

Unga ko‘ra, tekshiruvlar 2-sentabrdan beri davom etmoqda, biroq bu haqda ommaga endi ma’lum qilindi. Tergov Savdo vazirligi tomonidan «Savdo kengaytirish to‘g‘risida»gi qonunning 232-bo‘limi asosida olib borilmoqda. Ushbu qonun prezidentga milliy xavfsizlik uchun muhim deb topilgan mahsulotlarga Kongressni chetlab o‘tgan holda boj joriy etish huquqini beradi.

Tergov doirasiga bir qator tibbiy buyumlar — shpris, tikuv materiallari, kateter, doka, himoya niqoblari va qo‘lqoplar kiritilgan. Bundan tashqari, nogironlar aravachasi, qo‘ltiqtayoq, shifoxona karavotlari hamda yurak stimulyatori, insulin pompasi, MRT va KT apparatlari...

Davlat xavfsizlik xizmati, Iqtisodiy jinoyatlarga qarshi kurashish departamenti va Bojxona organlari hamkorligida Namangan viloyatida o‘tkazilgan tezkor tadbirlarda katta miqdorda noqonuniy dori vositalari aniqlanib, musodara qilindi. Bu haqda DXX matbuot xizmati ma’lum qildi.

Unga ko‘ra, Kosonsoy tumanida yashovchi shaxs Hindistonda ishlab chiqarilgan, davlat reyestridan o‘tmagan va sertifikatsiz 2100 dona «Ferromed» dori vositasini sotmoqchi bo‘lganida qo‘lga olindi. Uning uyidan yana 4296 dona shu turdagi dori topildi. Umumiy qiymati — 1,2 mlrd so‘m.

Namangan shahrida MChJ omboridan va unga aloqador uchta bino hamda shaxsiy xonadonlardan jami 2307 turdagi, 195 ming donadan ortiq, hujjatsiz va kontrafakt dori vositalari topildi. Ularning qiymati 12,8 mlrd...

Migratsiya agentligi va Slovakiyaning Volkswagen zavodi avtomobilsozlik sohasida 60 nafar ishchi uchun tanlov e’lon qildi. Bu haqda agentlik rasmiy sahifasida ma’lum qilindi.

Tanlovga jami 200 nafar nomzod jalb qilinadi. suhbatlar onlayn shaklda Migratsiya agentligi tomonidan olib boriladi. Ish joyi mamlakat poytaxti Bratislavada joylashgan.

Ish yo‘nalishlari — avtomobil yig‘ish, bo‘yash, dvigatel va shassilarni yig‘ish, konveyerda ishlash hamda ishlab chiqarish uskunalari va mexanizmlarini boshqarish. Tanlovda 40 yoshgacha, ishlab chiqarishda tajribasi bor va rus tilini muloqot darajasida biladigan erkaklar ishtirok etishi mumkin.

Birinchi ikki oy davomida ishchilarga oyiga $1274, keyingi oylarida esa $1514 miqdorida maosh to‘lanadi. Sinov muddati uch oy etib belgilangan...

Kapitoliy qarshisida noma’lum shaxslar AQSh prezidenti Donald Tramp va Jeffri Epshteyn qo‘l ushlashib turgan haykalini o‘rnatishgan. Bu haqda The Washington Post nashri xabar berdi.

Haykal yonidagi yozuvda:

«Biz prezident Donald Tramp va uning eng yaqin do‘sti Jefri Epshteyn o‘rtasidagi uzoq muddatli aloqani olqishlaymiz», — deyilgan.

Nashr ma’lumotiga ko‘ra, haykalni kim o‘rnatgani oshkor qilinmagan va u ruxsatsiz o‘rnatilgan.

Eslatib o‘tamiz, Epshteyn 2019-yilda AQSh qamoqxonasida voyaga yetmaganlarga jinsiy zo‘ravonlikda ayblanib hibsga olinganidan so‘ng vafot etgan. Tramp esa u bilan aloqani hibsga olinishidan ancha oldin to‘xtatganini aytgandi.

Shuningdek, Epshteynga aloqador ish sabab AQShning birinchi xonimi Melaniya Tramp Baydenning o‘g‘li Xanter...

Qualcomm kompaniyasi tomonidan Snapdragon 8 Elite Gen 5 protsessori taqdim etildi. Bu haqda WCCF xabar bermoqda.

Kompaniya uni smartfonlar uchun eng tezkor protsessor deb atadi. Chip TSMC’ning N3P texnologiyasi asosida ishlab chiqarilgan. Ikki superyadro Prime 4,6 Hz tezlikda, olti samarali yadro esa 3,62 Hz tezlikda ishlaydi. Bu avvalgi avlodga nisbatan CPU unumdorligini 20% oshiradi, energiya samaradorligini 35% yaxshilaydi va iste’molni 16% kamaytiradi.

Grafik protsessor Adreno 840 18 MB kesh xotiraga ega bo‘lib, 1,2 Hz chastotada ishlaydi. U Adreno 830’ga nisbatan 23% tezroq va 20% tejamkor. GPU to‘liq Unreal Engine 5 imkoniyatlarini qo‘llab-quvvatlaydi.

Hexagon NPU neyroprotsessori tezligi 37% ga...

Shavkat Mirziyoyevning BMT Bosh Assambleyasining 80-yubiley sessiyasi tadbirlarida ishtirok etish uchun Nyu-York shahriga qilgan tashrifi yakunlandi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Bosh Assambleya minbaridan so‘zga chiqib, BMTning global muammolarni hal etishdagi asosiy platforma sifatidagi roliga, shuningdek, Yangi O‘zbekistonda amalga oshirilayotgan ortga qaytmas islohotlarga alohida urg‘u berdi. U tinchlik va barqaror taraqqiyotni ta’minlashga qaratilgan qator tashabbuslarni ilgari surdi.

Tashrif doirasida Mirziyoyevning AQSh prezidenti Donald Tramp bilan uchrashuvi asosiy voqea bo‘ldi. Tomonlar strategik sheriklikni kengaytirish va amaliy hamkorlikni chuqurlashtirish masalalarida kelishuvga erishdi. Shuningdek, O‘zbekiston yetakchisi BMT bosh kotibi Antoniu Guterrish, Koreya Respublikasi prezidenti...

Toshkent viloyatining Piskent va Bo‘ka tumanlaridagi bir necha maktabgacha ta’lim tashkilotida tarbiyalanayotgan bolalar salomatligida o‘zgarish kuzatilib, ular tibbiyot muassasalarining yuqumli kasalliklar bo‘limiga murojaat qildi. Maktab va maktabgacha ta’lim vazirligi holat yuzasidan izoh berdi.

Dastlabki tibbiy ko‘rik natijalariga ko‘ra, bemorlarga oshqozon-ichak faoliyatining o‘tkir funksional buzilishi, ovqat toksikinfeksiyasi tashxisi qo‘yilgan. Bolalarga zarur muolajalar ko‘rsatilib, aksariyati shu kunning o‘zida sog‘lig‘i yaxshilangani bois uylariga javob berilgan. Og‘ir ahvolda yotgan bola qayd etilmadi.

Holat vazirlik nazoratiga olingan bo‘lib, Sanitariya-epidemiologik osoyishtalik va jamoat salomatligi qo‘mitasi hamda huquqni muhofaza qiluvchi organlar bilan hamkorlikda o‘rganilmoqda. Dastlabki taxminlarga ko‘ra, bolalar sog‘lig‘idagi o‘zgarishlarga sifatsiz sut mahsulotlari sabab bo‘lgan...

Google kompaniyasi O‘zbekiston va yana 40 ta mamlakatda Google AI Plus xizmatini ishga tushirganini e’lon qildi.

Obuna sun’iy intellekt (SI) bilan ishlash uchun kengaytirilgan imkoniyatlarni taqdim etadi. Ya’ni tasvirlarni yaratish va tahrirlash uchun yuqori limitlar, Veo 3 Fast video generatsiya modeli, shuningdek, Whisk va Flow vositalaridan foydalanish imkoniyati shular jumlasidan. Xizmat Gmail, Docs, Sheets va boshqa Google mahsulotlariga integratsiya qilingan.

Obuna tarkibiga Gmail, Disk va Foto uchun 200 GB bulutli xotira, shuningdek, NotebookLM’da qo‘shimcha limitlar ham kiradi. Foydalanuvchilar tarifni besh nafar oila a’zosi bilan bo‘lishishi mumkin.

Google AI Plus narxi mamlakatga qarab farq qiladi. Gemini ilovasida AI Plus va...

Noutbuk tanlashda ko‘pchilik avvalo dizayn va unumdorlikka e’tibor beradi. Ammo ish, o‘qish yoki safar uchun eng muhim jihatlardan biri — bu avtonomiya. Kursiv Uzbekistan Palach nashriga tayanib, batareyasi eng uzoq ishlaydigan 5 ta noutbuk modeli haqida ma’lumotlarni to‘pladi.

Tecno MegaBook K16SDA — budjet toifasidagi rekordchi

Katta avtonomiya izlayotgan, lekin ortiqcha pul sarflashni istamaydiganlar uchun eng yaxshi variantlardan biri. Tecno MegaBook K16SDA o‘zining 17,5 soatlik ishlash muddati bilan ajralib turadi.

Xiaomi kompaniyasi tomonidan yangi Redmi Pad 2 Pro plansheti taqdim etildi. Bu haqda kompaniya saytida xabar berildi.

Qurilma 12,1 dyuymli IPS ekranga ega bo‘lib, 2,5K aniqlikda va 120 Hz yangilanish chastotasida ishlaydi.

Ekran yorqinligi 600 kandel/m² gacha yetadi. Planshet Snapdragon 7s Gen 4 protsessori asosida ishlaydi va Android 15 operatsion tizimi bilan birga HyperOS 2 interfeysida taqdim etilgan. Asosiy kamera ikki xil versiyada taqdim etiladi. 8 MP (Wi-Fi versiyasi) yoki 13 MP (5G versiyasi). Old kamera esa 8 MP.

Batareya sig‘imi 12 000 mA/soatni tashkil etadi. Qurilma 33 Vt tezkor zaryadlash va 27 Vt teskari simli zaryadlashni qo‘llab-quvvatlaydi. Shuningdek...

Banklar 25-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.  

Italiya va Ispaniya G‘azoga insonparvarlik yordamini olib borayotgan kemalarni himoya qilish uchun harbiy kema yuboradi. Bu haqda CNN ma’lum qildi.

Unga ko‘ra, ushbu kemalarda turli mamlakatlardan, jumladan Italiya, Ispaniya va Shvetsiyadan ko‘ngillilar hamda siyosatchilar bor. Ular G‘azodagi blokadani yorib o‘tib, oziq-ovqat va dori-darmon yetkazishni rejalashtirishgan. Ammo yo‘l-yo‘lakay noma’lum dronlar hujum uyushtirib, portlashlarga sabab bo‘lgan. Natijada kemalar sekinlashib qolgan va odamlar xavf ostida qolgan.

Shu sababli Italiya va Ispaniya tezkor ravishda o‘z harbiy kemalarini ularni qo‘riqlash uchun yubordi. Italiya bosh vaziri yordamni xavfsiz yo‘l bilan yetkazishni taklif qilsa, Shvetsiya ham vaziyatni kuzatayotganini bildirdi.

Isroil esa yordamni to‘g‘ridan-to‘g‘ri G‘azoga emas, balki...

25-sentabr soat 06:20:12 da Qirg‘iz Respublikasining Botken shahrida zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, hodisaning magnitudasi 3, chuqurligi 5 km, episentrda sezilish kuchi 4 ballni tashkil etdi.

O‘zbekiston hududida zilzila Farg‘ona tumanida 2–3 ball, Quvasoy va Farg‘ona shaharlarida 2 ball bilan sezildi. Zilzilaning episentri Toshkentdan 246 km janubiy-sharqda joylashgan bo‘lib, koordinatalari 40,17 N, 71,75 E ni tashkil etadi.

Hozircha jiddiy talofat yoki zarar haqida ma’lumot berilmagan.

Eslatib o‘tamiz, avvalroq Farg‘onada zilzila sodir bo‘lgani haqida yozgan edik.

Shavkat Mirziyoyev AQShga amaliy tashrifini yakunlar ekan, u yerda yashovchi vatandoshlar va «El-yurt umidi» jamg‘armasi stipendiatlari bilan samimiy uchrashuv o‘tkazdi. Bu haqda davlat rahbari matbuot xizmati ma’lum qildi.

Suhbat davomida Yangi O‘zbekistondagi islohotlar, vatandoshlar va tashkilotlarning bu jarayonga hissasi muhokama qilindi.

Uchrashuvda muvaffaqiyatli tadbirkorlik faoliyatini olib borayotgan vatandoshlar va yoshlar o‘rtasida «Vatandoshlarning xalqaro biznes marafoni» start olgani e’lon qilindi. Shuningdek, O‘zbekiston va AQSh o‘rtasidagi savdo-iqtisodiy, ilmiy-ta’lim, investitsiyaviy hamkorlikni kengaytirish, milliy iqtisodiyot sohalariga ilg‘or texnologiyalarni joriy etish va innovatsiyalarni rivojlantirish masalalari muhokama qilindi.

Shavkat Mirziyoyev AQSHdagi 500 nafardan oshgan stipendiatlarga e’tibor qaratib, ularni qo‘llab-quvvatlash davlat siyosatining ustuvor yo‘nalishi ekanini ta’kidladi...

Yevropa ligasi 1-turidan oʻrin olgan bir qator uchrashuvlar boʻlib oʻtdi.

Jumladan, safarda «Nitsa» mehmoni boʻlgan «Roma» 2:1 hisobida gʻalaba qozondi va uch ochko egasiga aylandi.

Uchrashuvda hisob 52-daqiqada Evan Ndika tomonidan ochildi. Oradan uch daqiqa oʻtib Janluka Manchini farqni ikkataga yetkazdi.

77-daqiqada esa rimliklar darvozasi tomon penalti belgilandi va bu imkoniyatdan Teren Moffi unumli foydalanib, mezbonlarning yagona javob to‘piga mualliflik qildi.

Yevropa ligasi. 1-tur

«Nitsa» — «Roma» 1:2

Gollar: Moffi (pen. 77) — Ndika (52), Manchini (55).

Nitsa: Diuf, Mendi, Ba, Dante, Lushe, Budaui (Klauss, 62), Vanxutte, Bard (Cho, 80), Sanson (Diop, 62), Boga (Abdi, 80), Karlos (Moffi, 63).

Roma...

Angliya Liga kubogi 1/16 final bosqichidan oʻrin olgan bir qator uchrashuvlar boʻlib oʻtdi.

Jumladan, o‘z maydonida «Bredford»ni qabul qilgan «Nyukasl» yakunda yirik 4:1 hisobida gʻalaba qozondi.

Uchrashuvda Joelinton va Uilyam Osula dubl qayd etishgan boʻlsa, Endi Kuk mehmonlarning yagona javob to’piga mualliflik qildi. Shu tariqa «qarg‘alar» turnirning 1/8 finaliga yoʻl oldi.

Liga kubogi. 1/16 final

«Nyukasl» — «Bredford» 4:1

Gollar: Joelinton (17, 75), Osula (19, 87) — Kuk (79)

Nyukasl: Ramsdeyl, Kraft (Trippyer, 61), Tiav, Botman (Merfi, 89), Xoll (Livramento, 61), Joelinton, Gimaraes, Mayli, Elanga (Voltemade, 69), Osula, Gordon (Barns, 69).

Bredford: Uoker, Pennington, Birn (Makkintayr, 80), Kelli (Rayt...

Yevropa ligasi 1-turidan oʻrin olgan bahsda «Betis» va «Nottingem Forest» oʻzaro to‘qnash keldi va yakunda tomonlar 2:2 hisobidagi jangovar durangga imzo chekishdi.

Dastlab hisob 15-daqiqada Sedrik Bakumbu tomonidan ochildi. 18-daqiqada esa Igor Jesus muvozanatni tikladi, besh daqiqa o‘tib esa jamoasini oldinga olib chiqdi.

Ikkinchi boʻlim soʻngida, aniqrogʻi 85-daqiqada andalusiyaliklarning braziliyalik vingeri Antoni «Betis»ni magʻlubiyatdan qutqarib qoldi. Shu tariqa tomonlar bir ochkodan boʻlishib olishdi.

Yevropa ligasi. 1-tur

«Betis» — «Nottingem Forest» 2:2

Gollar: Bakumbu (15), Antoni (85) — Jesus (18, 23).

Betis: Lopes, Ortis, Natan, Gomes, Firpo (Rodriges, 46), Altimira (Roka, 46), Lo Chelso (Fornals, 76), Amrabat, Antoni, Bakambu (Kucho...

Ispaniya La Ligasi 6-turidan oʻrin olgan bahsda Madridning «Atletiko» klubi o‘z maydonida «Rayo Valekano»ni qabul qildi va yakunda 3:2 hisobida gʻalaba qozondi.

Uchrashuvda Xulian Alvares xet-trik qayd etdi. Mehmonlarning javob toʻplariga esa Xosep Chavarriya va Alvaro Garsiya mualliflik qildi.

Shu tariqa «Atletiko» ushbu gʻalabadan soʻng oʻz ochkolari hisobini 9 taga yetkazib, onlayn turnir jadvalida 9-o‘ringa koʻtarilib oldi. «Rayo Valekano» esa 5 ochko bilan 14-o‘rinda bormoqda.

La Liga. 6-tur

«Atletiko» — «Rayo Valekano» 3:2

Gollar: Alvares (15, 80, 88) — Chavarria (45+1), Garsiya (77).

Atletiko: Oblak, Molina (Simeone 56), Le Norman, Gansko Galan (Raspadari 73), Gallager (Pubil 79), Koke (Gonsales...

Angliya Liga Kubogi 1/16 final bosqichidan oʻrin olgan bahsda «Manchester Siti» safarda «Haddersfild» mehmoni boʻldi va 2:0 hisobida ishonchli gʻalabaga erishdi.

Uchrashuvda hisob 18-daqiqada Fil Foden tomonidan ochildi. 74-daqiqada esa Savinyo «shaharliklar»ning ikkinchi goliga mualliflik qildi.

Shu tariqa «Manchester Siti» ushbu gʻalabadan soʻng turnirning 1/8 finaliga yoʻllanma oldi.

Liga kubogi. 1/16 final

«Haddersfild» — «Manchester Siti» 0:2

Gollar: Foden (18), Savinyo (74).

Haddersfild: Nikollz, Sorensen (Smit Svey, 77), Finni, Uolles, Rogan, Uayls, Kasumu (Mey, 83), Xarness (Kasldayn 62), Redmond (Ashiya, 62), Vost, Charlz (Radulovich, 77)

Manchester Siti: Trafford, Nunes, Stouns, Ake, O’Raylli (Xeski, 76), Lyuis, Bobb, Foden (Renyders, 77), Niko...

25-sentabr kuni O‘zbekiston bo‘ylab kechasi havo harorati o‘rtacha 10–17 daraja, kunduzi esa 26–31 daraja atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Tarjima qila oladigan quloqchin Toshkentga yetib kelishi, Klaudiya Kardinale vafoti, AQSh dollari 48 so‘mga oshdi — Kursiv Uzbekistan tomonidan 24-sentabrning eng muhim voqea va hodisalari bitta materialga jamlandi.

Tarjima qila oladigan quloqchin Airpods Pro 3 Toshkentga yetib keldi

9-sentabr kuni Apple tomonidan AirPods Pro 3 quloqchinlari taqdim etilgan edi. Real vaqtda tarjima qilish imkoniga ega bu qoloqchinlar Toshkentda sotila boshlandi. Bu haqda Kursiv Uzbekistan muxbiri ma’lum qildi.

Batafsil

Italiyalik mashhur aktrisa Klaudiya Kardinale 87 yoshida vafot etdi

Italiyalik mashhur aktrisa Klaudiya Kardinale 87 yoshida vafot etdi. Bu haqda France 24 uning vakiliga tayanib xabar berdi.

Batafsil

25-sentabr uchun valyuta kurslari e’lon...