Yangiliklar

Joriy yilning avgust oyida BYD Oʻzbekiston bozori uchun e2 modelini taqdim qiladi. Bu haqda «Kursiv»ga kompaniya vakili xabar berdi.

Kompaniya vakilining ma’lum qilishicha, elektromobil faqat bitta pozitsiyada boʻladi. Shuningdek, avtomobil qora rangda boʻlmasligi ma’lum qilindi.

Avtomobil narxi Oʻzbekistonda sotilayotgan boshqa krossoverlarga qaraganda hamyonbop boʻlishi kutilmoqda. Lekin hozircha necha pul boʻlishi e’lon qilinganicha yoʻq. Autostrada ma’lumotlariga koʻra, norasmiy dilerlar BYD e2 ni 200 million soʻmdan ($15,9 ming) sotishadi.

BYD e2 — ixcham, arzon BYD modellaridan biri hisoblanadi. Lekin budjet sinfiga qaramay avtomobil BYD uchun standart jihozlarga ega, jumladan, 405 km masofani ta’minlaydigan 43,2 kVt quvvatga ega Blade akkumulyatori bilan...

Afg‘oniston hukumati Amudaryo qirg‘og‘ini mustahkamlash ishlarini olib borish niyatida, deb xabar berdi «TOLOnews» portali.

Yaqinda Afg‘oniston Vazirlar Mahkamasi yig‘ilishida tuproq eroziyasiga qarshi kurash masalasi muhokama qilindi.

Afg‘onistonning suv xo‘jaligi bo‘yicha mutaxassisi Najibulloh Sadaidning aytishicha, afg‘on tomonidagi tuproq yuvilishiga qo‘shni davlatlardagi qirg‘oqlarni mustahkamlash bo‘yicha bir tomonlama choralar sabab bo‘lgan.

Afg‘oniston Energetika va suv xo‘jaligi vazirligining ma’lum qilishicha, departament avvalroq Amudaryo qirg‘oqlarida tuproqni mustahkamlash bo‘yicha 20 ta loyihani amalga oshirgan. Ushbu maqsadlar uchun 400 mln afg‘oni yoki $5,6 mln ajratildi.

Avvalroq «Kursiv» 2024-yilda Amudaryo va Sirdaryodagi suv hajmi yuqori bo‘lishini e’lon qilgan edi.

15 – 18-avgust kunlari Toshkentning «Humo Arena» muz maydonida Do‘stlik kubogi xalqaro turniri bo‘lib o‘tadi. Bu haqda «Humo» xokkey klubi matbuot xizmati xabar berdi.

«Humo»dan tashqari turnirda Belarus jamoasi «Brest», Rossiyaning «AKM» va Qozog‘istonning «Arlan» klublari ishtirok etadi.

Eslatib o‘tamiz, «Humo» murabbiylar shtabini o‘zgartirdi va xokkey jamoasini sezilarli darajada yangiladi. «Humo»ning yangi bosh murabbiy Dmitriy Katayev Pro Hokey Ligasining so‘nggi mavsumida oltin medallarni Qozog‘istonning «Arlan» jamoasi bilan qo‘lga kiritgan. Jamoaga yangi o‘yinchilar kelib qo‘shildi, avvalgi mavsumlarning yetakchilari esa Vadim Kravchenko, Ilya Nazarevich va Pavel Sinyavskiy jamoada qolishdi.

13-avgust kuni soat 19:00 da «Tashkent City»da «Humo» xokkey jamoasining yangilangan...

2006-yilda tinchlik bo‘yicha Nobel mukofoti sovrindori bo‘lgan professor Muhammad Yunus Bangladesh muvaqqat hukumati rahbari bo‘ldi, deya xabar beradi yirik mahalliy nashr Dhaka Tribune.

Axborot manbai sifatida davlat rahbarining matbuot kotibi ko‘rsatilgan. Uning so‘zlariga ko‘ra, bu qaror talabalar harakati koordinatorlari bilan bo‘lib o‘tgan yig‘ilishda qabul qilingan.

Muvaqqat hukumat tarkibi siyosiy partiyalar bilan maslahatlashuvlardan so‘ng aniqlanadi.

Avvalroq «Kursiv» Bangladeshdagi tartibsizliklar haqida e’lon qilgan edi. Ommaviy norozilik namoyishlari iyul oyida boshlangan. Mahalliy talabalar Bangladesh Mustaqillik urushi faxriylarining qarindoshlari uchun davlat ish joylarining 30 foizigacha ajratilgan kvota tizimini adolatsiz, deb hisobladi.

Ommaviy tartibsizliklar fonida Bangladesh Bosh vaziri Shayx Hasina iste’foga chiqdi...

Hamas harakati rahbari Ismoil Haniya oʻldirilgandan keyin siyosiy byuroga Yahyo Sinvar yangi rahbar etib saylandi. Bu haqda «Evronews» nashri manbalarga tayanib xabar bermoqda.

Ma’lum qilinishicha, Sinvar Gʻazo sektoridagi harakatning rahbari va Hamas harbiy qanotini boshqarib kelgan. U uzoq yillar Qatarda yashagan Haniyadan farqli oʻlaroq Gʻazoda qolgan va 2017-yildan buyon siyosiy byuroning yetakchilaridan biri boʻlib, u kamdan-kam hollarda omma oldida koʻrinish bergan.

Shuningdek, 7-oktabr kuni Sinvar boshchiligidagi harakat Isroil janubida 1200 kishini oʻldirgan va 250 ga yaqin kishilarni garovga olgan edi. Shu sababli u Isroilning «qora roʻyxatida» birinchilardan joy olgan.

Avvalroq «Kursiv» Ismoil Haniya 31-iyul kuni Tehronga borganida oʻldirilgani haqida...

Olimpiada oʻyinlarining 7-avgust kungi bahslarida Oʻzbekiston delegatsiyasi uchta sport turida besh nafar atlet bilan qatnashadi. Bu haqda Milliy olimpiya qoʻmitasi xabar berdi.

Kun davomida ishtirok etadigan oʻzbekistonlik sportchilarning chiqish vaqtlari bilan tanishing:

Baydarka va kanoeda eshkak eshish

Yekaterina Shubina – 12:30 (K1 500 metr)

Shahriyor Mahkamov – 13:40 (K1 1000 metr)

Yunon-rum kurashi

Aram Vardanyan – 14:00 (-77 kg)

Rustam Assakalov – 14:00 (-97 kg)

Boks

Bahodir Jalolov – 01:00 (+92 kg)

Avvalroq «Kursiv» Olimpiada oʻyinlarida medallar jamgʻarish boʻyicha jadvalni taqdim qilgan edi.

«Buxoro – Urganch – Xiva» temir yoʻli yil oxirigacha elektrlashtiriladi, deb xabar qildi Oʻzbekiston prezidenti Shavkat Mirziyoyev matbuot xizmati.

Bu temir yoʻlning uzunligi 465 km.

Bundan tashqari, yaqin yillarda 196 kilometrlik Miskin – Nukus filialini elektrlashtirish rejalashtirilgan. Bu sayohat vaqtini yarmidan ko‘proqqa qisqartiradi.

Matbuot xizmatining eslatishicha, Mirziyoyev 2023-yilda Toshkentdan Nukusga tezyurar poyezd qatnovini yo‘lga qo‘yish bo‘yicha topshiriq bergan edi.

Avvalroq «Kursiv» O‘zbekiston temir yo‘l poyezdlarini sotib olish va ishlab chiqarishga $230 milliondan ortiq mablag‘ sarflashni rejalashtirayotganini e’lon qilgan edi.

Oʻzbekiston hukumati yoʻlovchi poyezdlari uchun vagonlar, shuningdek, lokomotiv va elektrovozlarni xarid qilish va ishlab chiqarishga $231 mln sarflaydi, deb xabar qildi mamlakat prezidenti Shavkat Mirziyoyev matbuot xizmati.

12 elektrovozni modernizatsiya qilish va Xitoyda ishlab chiqarilgan 38 ta lokomotiv sotib olishga $181 mln yo‘naltiriladi.

Yana $50 mln temir yo‘l vagonlarini ishlab chiqarishga yo‘naltiriladi. Mablag‘lar mamlakat Sanoatni rivojlantirish jamg‘armasi hisobidan olinadi.

Matbuot xizmati xabariga koʻra, ayni paytda «Oʻzbekiston temir yoʻllari» aksiyadorlik jamiyati boshqaruvidagi 143 ta temir yoʻl vagonlari ta’mirlanishga muhtoj. Bundan tashqari, 59 ta lokomotivning xizmat muddati tugagan.

Avvalroq «Kursiv» o‘tgan yili O‘zbekiston Janubiy Koreya va Chexiyadan elektropoyezdlar sotib olishni rejalashtirganini...

Oʻzbekiston prezidenti Shavkat Mirziyoyev «O‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni e’tirof etish to‘g‘risida»gi Qonunni imzoladi, deb xabar qildi davlat rahbari matbuot xizmati.

Hujjatga ko‘ra, 2018-yil 1-maygacha fuqarolar tomonidan olib qo‘yilgan yer uchastkalariga bo‘lgan huquqlar tan olinadi. Ularga qurilgan tuzilmalar ham qonuniy bo‘ladi. Tuman va shahar hokimlari tomonidan 2021-yil 8-iyunga qadar yuqori turuvchi organlarning ruxsatisiz berilgan yerlar qonuniylashtiriladi.

Bundan tashqari, qonun davlat buyurtmasi asosida xususiylashtirilgan yoki hokim tomonidan mulk deb e’tirof etilgan uy-joylar egallab turgan bogʻdorchilik va uzumchilik shirkatlari, kichik sanoat zonalaridagi (2020-yil 9-martgacha) yer uchastkalariga nisbatan qoʻllaniladi.

Qonun uch oydan keyin kuchga...

Bugun, 7-avgust kuni Qoraqalpog‘iston Respublikasi, Xorazm, Buxoro, Navoiy, Qashqadaryo va Surxondaryo viloyatlarida havo harorati +42-darajagacha ko‘tariladi. Janubiy hududlarda chang-to‘zonlar ko‘tariladi. Boshqa viloyatlarda havo 39 darajagacha issiq bo‘ladi. Bu haqda «Gidrometeorologiya» xizmati agentligi xabar berdi.

Poytaxtda havo biroz bulutli bo‘ladi, lekin yomg‘ir yog‘maydi. Kunduzi havo harorati 39 daraja isiydi, kechga kelib 23 daraja issiq bo‘ladi.

Tog‘li hududlarda esa havo o‘zgaruvchan bo‘ladi. Yog‘ingarchilik kutilmaydi. Kunduzi havo harorati 25-30 daraja issiq, kechasi esa 17-22 daraja iliq bo‘ladi.

Senat Kengashi «Tashabbusli budjet»ga majburiy ovoz berishni bekor qiluvchi va loyihalar monitoringini soddalashtiruvchi o‘zgartirishlarni ma’qulladi, dedi Oliy Majlis Senatining Budjet va iqtisodiy islohotlar masalalari qo‘mitasi raisining o‘rinbosari Qobul Tursunov.

Xususan, Kambag‘allikni qisqartirish va bandlik vazirligi tomonidan budjet sohasi xodimlari o‘rtasida majburiy jalb qilish holatlarini qayd etish bo‘yicha ishonch telefoni ishga tushadi.

Bundan tashqari, loyihani amalga oshirish monitoringi natijalari Ochiq budjet portalida joylashtiriladi. Tashabbuslar natijasida tejalgan mablag‘ shahar yoki tuman jamg‘armasiga o‘tkaziladi.

Eslatib o‘tamiz, «Tashabbusli budjet» ovoz berishda deyarli 2,8 ming loyiha g‘olib chiqqan edi.

Kuzatilmaydigan iqtisodiyotning YaIM dagi ulushi O‘zbekistonda 35,5 % ni tashkil etayorgani ma’lum bo‘ldi. Bu haqda AOKAda tashkil etilgan brifing mobaynida Statistika agentligi rahbari Bahodir Begalov Xalqaro valyuta jamg‘armasi ma’lumotlariga tayanib xabar berdi.

2024-yil 6-avgust kuni Axborot va ommaviy kommunikatsiyalar agentligida Statistika agentligi tomonidan «O‘zbekistonda norasmiy va yashirin iqtisodiyotni baholash natijalari» mavzuida matbuot anjumani tashkil etildi. Anjumanda so‘zga chiqqan agentlik rahbari yashirin iqtisodiyotning YaIMdagi ulushini qo‘shni mamlakatlar, MDH va rivojlangan davlatlardagi ko‘rsatkichini e’lon qildi.

Unga ko‘ra, Qozog‘istonda ushbu ko‘rsatkich 35,8 %, Qirg‘izistonda 29,0 %, Tojikistonda 40,4 % ni tashkil qilmoqda. Rossiyada 36,5 % bo‘lsa, Ozarbayjonda...

Samarqand viloyatidagi MCHJ 1 mlrd 3 mln so‘mlik elektr energiyasidan qonunga zid ravishda foydalanib kelgan. Bu haqda Energoinspeksiya xabar berdi.

Unga ko‘ra Bulung‘ur tumanida yashovchi fuqaro o‘zining g‘isht ishlab chiqarish zavodidagi uskunalarni o‘zboshimchalik bilan elektr tarmog‘iga ulab, g‘ayriqonuniy ravishda foydalangan.

Ayni paytda holat yuzasidan jinoyat ishlari qo‘zg‘atilgan va tergov harakatlari olib borilmoqda.

Eslatib o‘tamiz, avvalroq «Kursiv» Toshkent viloyatida 1,2 milliard so‘mlik elektr energiyasidan noqonuniy foydalangan mayning ferma haqida xabar bergan edi.

Moliyaviy axborotning yetakchi provayderlaridan biri bo‘lgan Cbonds kompaniyasi O‘zbekiston Investitsiya institutlari milliy uyushmasi (IIMU) bilan hamkorlikda 12-sentabr kuni respublika kapital bozoriga bag‘ishlangan VI xalqaro konferensiyani o‘tkazadi. Bu haqda «Kursiv»ga Cbonds matbuot xizmati xabar berdi.

Har yili ushbu tadbir 200 dan ortiq ishtirokchilarni – yetakchi banklar, investitsiya kompaniyalari, regulyatorlar, xalqaro moliya institutlari va reyting agentliklari vakillarini birlashtiradi. Joriy yilda «Toshkent» RFB boshqaruvi raisi Georgiy Paresishvili, Freedom Broker Uzbekistan ijrochi direktori Dauren Sapargaliev, EM Macro Structured boshqaruvchi direktori, Barclays Bank UK rahbari Igor Akulov va «O‘zbekinvest» kompaniyasi bosh direktori Rustam Azimov ishtirok etadi.

Anjumanda O‘zbekistonda birinchi bo‘lib Garvard universitetida doktorlik ilmiy darajasini...

O‘zbekiston prezidentining tadbirkorlar bilan ochiq muloqotiga tayyorgarligi doirasida tashkil etilgan «Tadbirkorlar bilan ochiq muloqot» platformasiga 5-avgust holatiga koʻra 10,2 mingta xabar kelib tushgan. Bu haqda Savdo-sanoat palatasi o‘zining Telegram kanalida xabar berdi.

Unga ko‘ra, murojaatlar to‘xtovsiz ishlab turgan qisqa 1094 va 1100 raqamlari orqali qabul qilingan.

Jumladan: 1 759 ta tadbirkorlarning huquqiy jihatdan himoyasini kuchaytirish bo‘yicha murojaatlar qabul qilindi. Ishlab chiqarish maydonlari bilan ta’minlash bo‘yicha esa 1 006 ta. 476 ta murojaat tashqi iqtisodiy faoliyat va investitsiyalar masalasi yuzasidan qabul qilingan. Tadbirkorlar faoliyatini moliyaviy jihatdan qo‘llab-quvvatlash bo‘yicha 3 395 ta murojaatlar qabul qilingan.

Qo‘shimcha o‘rnida yo‘naltirilgan murojaatlar tashkilotlar...

2 – 8-avgust kunlari Toshkent shahri mezbonlik qilayotgan shaxmat musobaqasida rapid va blitz yo‘nalishlari bo‘yicha 17 yoshli jahon chempionlari nomi ma’lum bo‘ldi. Bu haqda «Uzchess» Telegram kanali xabar bermoqda.

Unga ko‘ra, Bahrom Bahrillayev o‘z yoshi bo‘yicha tengsiz bo‘lib chiqdi va rapid yo‘nalishida chempionlikni qo‘lga kiritdi.

Shuningdek, Zilola Aktamova ham qizlar o‘rtasida peshqadamlikni o‘z zimmasiga olib, U-17 o‘rtasida dunyo birinchiligini qo‘lga kiritdi.

Chempionat turli yosh guruhlari bo‘yicha U9 dan U20 gacha bo‘lgan turnirlarni o‘z ichiga oladi. Yosh shaxmatchilar hafta davomida rapid (15 daqiqa + 10 soniya) va blits (3 daqiqa + 2 soniya) formatlarida bellashadi.

Ma’lumot uchun, musobaqaning mukofot jamg‘armasi...

Amerikaning Kolumbiya okrugi sudi Google qidiruv tizimlari va onlayn reklama bozorida monopoliyani saqlab qolish uchun o‘z mavqeini suiiste’mol qilganini tan oldi, bu sud materiallaridan kelib chiqadi.

Sudya Amit Mehtaning qaroriga ko‘ra, Google monopolist hisoblanadi va kompaniya bu maqomni saqlab qolish uchun harakat qilgan.

Sud ma’lumotlariga ko‘ra, qidiruv tizimi o‘z raqobatchilari uchun Internet qidiruv bozorining qariyb 90 foizini bloklagan. Ushbu maqsadga erishish uchun kompaniya Apple va Samsung bilan shartnomalar imzoladi, unga ko‘ra ular Google’ni o‘z brauzerlarida asosiy qidiruv tizimiga aylantirishi kerak edi.

Google xuddi shunday hujjatni Amerikaning Verizon mobil operatori bilan imzolagan edi.

AQSh Adliya vazirligi ma’lumotlariga ko‘ra, Google brauzeri...

Joriy yilning 10-avgustidan Tojikiston va Eron oʻzaro viza rejimini bekor qiladi. Bu haqda Tojikiston Tashqi ishlar vazirligi xabar berdi.

Ma’lum qilinishicha, har ikki tomon umumiy xorijiy pasport egalari uchun tomonlar hududiga birinchi kirgan kundan boshlab 90 kun ichida 30 kunlik muddatga vizasiz tashrif buyurish huquqiga ega boʻladi.

Shuningdek, birinchi bosqichda vizasiz tizim faqat Dushanbe — Tehron va Tehron — Dushanbe havo yoʻllaridan foydalanadiganlar uchun amal qilishi ta’kidlandi.

Eslatib oʻtamiz, 2024-yilning 4-fevralidan boshlab Oʻzbekiston va Eron vizasiz rejimni joriy qilgan edi.

Avvalroq «Kursiv» Tailand Oʻzbekiston fuqarolari uchun vizasiz rejimni rasman joriy qilgani haqida xabar bergan edi.

O‘zbekiston prezidenti Shavkat Mirziyoyevning farmoniga ko‘ra, sentabr oyida besh kunlik ish haftasida ishlayotgan fuqarolar ketma-ket to‘rt kun dam oladi.

1-sentabrda nishonlanadigan Mustaqillik kuni 2024-yilning yakshanbasiga to‘g‘ri keladi.

Respublika Mehnat kodeksining yangi tahririga ko‘ra, agar bayram dam olish kuniga to‘g‘ri kelsa, u ish kuniga o‘tkaziladi. Shundan kelib chiqib, 2-sentabr, dushanbada dam olish kuni bo‘ladi.

Bundan tashqari, 3-sentabr ish haftasidan qat’i nazar, barcha xodimlar uchun dam olish kuni deb e’lon qilindi.

Avvalroq «Kursiv» Uzbekistan Airways Mustaqillik kuni uchun chiptalar narxini pasaytirgani haqida yozgan edi.

6-avgust kuni O‘zbekiston Respublika valyuta birjasida dollarning o‘rtacha tortilgan qiymati 21,12 so‘mga ko‘tarildi va 12 615,97 so‘mni tashkil qildi.

Mamlakat banklari AQSh valyutasini 12 535 – 12 600 so‘mdan sotib olishmoqda va 12 625 – 12 675 so‘mdan sotishmoqda.

Dollarning narxi shu kunga qadar oxirgi marotaba 30-iyul kuni pasaygan edi. O‘sha kun dollar 33,34 so‘mga arzonlashgan.

31-iyul kuni AQSh valyutasining qiymati 3,07 so‘mga ko‘tarildi va 5-avgust kuniga kelib uning narxi 12 594 so‘mga yetdi.

Avvalroq «Kursiv» nega dollar tez ko‘tarilmoqda va qanday choralar ko‘rish mumkinligi haqida...

Bangladeshdagi tartibsizliklar vaqtida ishtirokchilar Jessor shahridagi mehmonxonaga o‘t qo‘ydi. Yong‘in oqibatida 24 kishi halok bo‘ldi, yana 150 kishi kasalxonaga yotqizildi, deb xabar beradi «Dhaka Tribune».

 «Minglab odamlar shaharning turli joylarida Bosh vazir Shayx Hasinaning iste’fosini nishonlashdi. Bu jarayonda bir necha kishi mehmonxonani yoqib yuborishgan», deyiladi maqolada.

Mehmonxona Jessor shahri Xalq ligasi bosh kotibi Shahin Chakladarga tegishli edi. Yong‘in allaqachon o‘chirilgan.

Eslatib oʻtamiz, iyul oyida Bangladesh mustaqillik urushi faxriylarining qarindoshlari uchun davlat ish oʻrinlarining 30 foizigacha boʻlgan kvotalar ajratilishiga qarshi ommaviy norozilik namoyishlari boshlangan edi. Talabalar tizimni adolatsiz deb hisobladi va hukumatni ishsizlik masalalari bo‘yicha harakatsizlikda...

O‘zbekiston terma jamoasi a’zosi Aram Vardanyan yunon-rum kurashi bo‘yicha «Parij – 2024» yozgi Olimpiya o‘yinlari chorak final bahsida mag‘lubiyatga uchradi. Bu haqda Milliy olimpiya qo‘mitasi xabar beradi.

Aram Vardanyan oʻtgan yilgi jahon chempionatining bronza medali sohibi yaponiyalik Nao Kusaka bilan bellashuvda imkoniyatni boy berdi.

Eslatib o‘tamiz, o‘zbekistonlik sportchi -77 kg vaznda ilk raqibi Mahmud Abdulrahmon ustidan g‘alaba qozongan edi.

Avvalroq «Kursiv» bugun, 6-avgust kuni Olimpiya o‘yinlarida O‘zbekistondan to‘rt nafar sportchi ishtirok etishi haqida xabar bergan edi.

Namanganda oʻzganing pullarini birja orqali koʻpaytirib berishini aytib, aldab ketgan firibgar treyder qoʻlga olindi. Bu haqda Oʻzbekiston Kiberxavfsizlik markazi xabar berdi.

Qayd etilishicha, Namangan viloyatida yashovchi ayol ichki ishlarga ariza bilan murojaat qilib, bank kartasidagi 92 mln soʻm pullari noma’lum shaxs tomonidan firibgarlik yoʻli bilan oʻzlashtirilganini aytgan.

Huquq-tartibot xodimlari tomonidan oʻtkazilgan qidiruv tadbirlari natijasida jinoyatni Namangan viloyatida istiqomat qiluvchi, muqaddam sudlangan shaxs sodir etganligi aniqlangan.

U dastlab jabrlanuvchi ayol bilan Instagram soʻng Telegram messenjeri orqali yozishgan va unga oʻzining treyderlik faoliyati bilan shugʻullanishini va pullarini birja orqali tez fursatlarda koʻpaytirib berishini aytgan. Shundan soʻng u ayolning 97 mln soʻm...

O‘zbekiston 2024-yilning birinchi yarmida Rossiyaga kiruvchi fuqarolar soni bo‘yicha yetakchi bo‘ldi, deb xabar bermoqda «RBK» Federal xavfsizlik xizmati (FXX)ga tayanib.

O‘zbekiston fuqarolari yanvar – iyun oylarida Rossiya Federatsiyasiga 1,8 mln marta kirdi, bu o‘tgan yilga nisbatan 6 foizga ko‘p (1,7 mln marta).

Bu davrda odamlar Rossiyaga qo‘shni davlatlardan ko‘proq kelishdi. Qozog‘iston ikkinchi o‘rinda (1,5 mln marta), Tojikiston uchinchi o‘rinda (977 ming marta).

Shu bilan birga, O‘zbekiston so‘nggi olti oyda rossiyaliklar eng ko‘p tashrif buyurgan mamlakatlar o‘ntaligiga kirmadi. Birinchi o‘ntalikda Rossiya fuqarolari tashrif buyurgan yagona Markaziy Osiyo davlati Qozog‘iston bo‘ldi. Bu davlat 1,2 mln tashrif bilan uchinchi o‘rinni egalladi.

Avvalroq...