Yangiliklar

Samsung kompaniyasi yangi arzon segmentdagi smartfonlari – Galaxy A07, F07 va M07 modellarining sertifikatsiya jarayoni boshladi. Bu haqda GSMArena xabar bermoqda.

Hozircha texnik xususiyatlari rasman ochiqlanmagan bo‘lsa-da, avvalgi avlod bilan solishtirganda katta o‘zgarishlar bo‘lishi kutilmayapti.

Masalan, Galaxy A06 modeli 6,7 dyuymli HD+ (720×1600) LCD ekran, MediaTek Helio G85 protsessori, 4 yoki 6 GB tezkor xotira, 64 yoki 128 GB ichki xotira, 50 MP asosiy kamera va 5000 mA/soat sig‘imli akkumulyator bilan taqdim etilgan edi. Qurilma 25 vattlik tezkor quvvat olishni qo‘llab-quvvatlaydi.

Shu asosda A07 ham o‘xshash texnik baza bilan, lekin ehtimoliy dizayn yoki kamerada kichik yangiliklar bilan taqdim...

Xiaomi Redmi K80 Extreme Edition (yoki K80 Ultra) smartfonini taqdim etdi. Bu model kompaniya tarixidagi eng ilg‘or va kuchli flagman sifatida ko‘rilmoqda.

Smartfon 6,83 dyuymli 2K OLED ekranga ega, 144 Gs yangilanish tezligi bilan. Ekran yorqinligi 3200 nitga yetadi, ramkasi esa mustahkam metalldan yasalgan.

Ichki qismda Dimensity 9400+ chipi va kuchli sovutish tizimi o‘rnatilgan. AnTuTu benchmarkida qurilma rekord 3,24 million ball to‘plagan.

Smartfonda 7410 mA/soat sig‘imli akkumulyator mavjud, 100 Vt tez zaryadlanadi. Bu Redmi tarixidagi eng bardoshli model sifatida e’lon qilindi.

Asosiy kamera 50 MP, f/1.88 diafragma, OIS bilan Light Hunter 800 sensori. 8 MP keng burchakli kamera ham...

Hududlarda zamonaviy klinikalar ochish uchun budjetdan $140 mln ajratiladi. Bu haqda prezident raisligida o‘tkazilayotgan yig‘ilishda ma’lum qilindi.

Qashqadaryoning Miraki hududida qisqa vaqt ichida $180 mlnlik 200 dan ortiq loyiha ishga tushirildi va 2000 dan ortiq ish o‘rni yaratildi. Hozirda yana $150 mlnlik loyihalarda ishlar davom etmoqda.

Bundan tashqari, Shahrisabz shahrida $10 mlnlik ko‘p tarmoqli zamonaviy klinika ish boshladi. Har bir hududda kamida bittadan shunday xususiy klinika ochilishiga ko‘maklashish zarurligi qayd etildi. Buning uchun davlat tomonidan $140 mln resurs ajratishga tayyorligi bildirildi.

«Qisqa qilib aytganda, Shahrisabz, Yakkabog‘ va Ko‘kdalada ishga tushgan yangi loyihalar Islohotlar shtabiga...

Qashqadaryo viloyatining Kitob tumanida joylashgan 100 gektar maydonda 20 tonna oltin zaxirasi aniqlangan. Bu yerni ekologik jihatdan xavfsiz yopiq usulda qazib olishga tayyor, $100 – 150 mln investitsiya kiritishga tayyor talabgorlar mavjud. Mazkur konni ham auksionga chiqarish zarurligi alohida qayd etildi. Bu haqda prezident Shavkat Mirziyoyev raisligida o‘tkazilayotgan yig‘ilishda ma’lum qilindi.

2025-yil davomida Qashqadaryo viloyatiga umumiy qiymati $3,5 milliardlik investitsiya jalb qilish rejalashtirilgan.

O‘tgan besh oy ichida Koson, Kitob va Chiroqchi tumanlarida investitsiyalar hajmi qariyb ikki barobar oshgani ta’kidlandi.

Biroq viloyatdagi 12 ta kon sanoatga jalb etilmagan. Ayni paytda qurilish materiallari yo‘nalishida qiymati $150 mlndan ortiq bo‘lgan 16 ta...

Qashqadaryoda «Islohotlar shtabi» tuziladi. Bu haqda prezident matbuot xizmati xabar berdi.

20-iyun kuni prezident Shavkat Mirziyoyev raisligida Qashqadaryo viloyatini kompleks rivojlantirishning ustuvor vazifalariga bag‘ishlangan yig‘ilish bo‘lib o‘tmoqda.

Davlat rahbari o‘z nutqida viloyatdagi o‘zgarishlar, odamlar bilan muloqotlar asosida islohotlarning hayotga faol kirib borayotganini alohida ta’kidladi.

«Viloyatdagi o‘zgarishlarni ko‘rib, odamlar bilan gaplashib, islohotlarimiz ularning hayotiga shiddat bilan kirib borayotganiga yana bir bor amin bo‘ldim. Oldinlari bitta viloyatdagi o‘zgarishlar bilan tanishishga bir kun yetardi. Shu kunlarga yetib keldik, hozir bitta tumanga bir hafta ham kam», — dedi prezident.

Prezident joriy hafta boshida hokimlarga yuqoridan topshiriq kutmasdan, o‘zi...

Qashqadaryoda 470 ming odam ish bilan ta’minlanadi, 150 ming kishi kambag‘allikdan chiqariladi. Bu haqda Shavkat Mirziyoyev raisligida o‘tayotgan Qashqadaryo viloyatini kompleks rivojlantirish vazifalariga bag‘ishlangan yig‘ilishda qayd etildi.

Kitob tumani, Qarshi va Shahrisabz shaharlari «ishsizlik va kambag‘allikdan xoli hudud»ga aylantirilishi rejalashtirilgan.

Shahrisabz tumanidagi Hisorak-G‘elon yo‘li bo‘yida 16 gektar, Qamashida 65 gektar, G‘uzorda 42 gektar yer maydonlarini turizm maskanlariga aylantirish mumkinligi aytildi. Shuningdek, Chiroqchidan o‘tgan 103 gektar sohil bo‘yida dam olish zonalari barpo etish imkoniyati bor.

Ko‘kdala tumanidagi Chiyal bozori yaqinida har yakshanba chiyal yaxnasi tayyorlanadi va sotiladi. Agar bu hududda mehmonxona va avtoturargohlar qurilsa, bozor kunlik ishlay boshlaydi. U oyiga...

Buick kompaniyasi tomonidan Xitoyda yangi avlod Electra E5 elektromobili rasman taqdim etildi. Bu haqda CarNewsChina nashri xabar bermoqda.

Yangi model uchta komplektatsiyada sotuvga chiqdi. Narxi 169 900 yuandan boshlanadi (taxminan $23 600). Maksimal yurish masofasi esa 620 kilometrga yetadi.

Yangi Electra E5 dizayni soddalashtirilgan, yopiq old panjara va trapetsiya shaklidagi pastki panjara bilan ishlab chiqilgan. Bu model o‘rta va yirik SUV toifasiga mansub bo‘lib, uzunligi 4892 mm, g‘ildirak bazasi esa 2954 mm.

Mashina GM konsernining Ultium 2.0 platformasida ishlab chiqilgan. U 180 kVt (241 ot kuchi) quvvatli elektromotor, 330 Nm aylanish momenti va 180 km/soat tezlikka ega. 0 dan...

Oʻzbekistonning Kashif Ferghani kompaniyasi Afgʻonistonga poyabzal yetkazib berish boʻyicha Afgʻoniston Cyber ​​kompaniyasi bilan $9,5 millionlik shartnoma imzoladi. Bu haqda Savdo-sanoat palatasi xabar berdi.

Shartnoma O‘zbekiston delegatsiyasining Mozori Sharifga tashrifi chog‘ida imzolandi. Afg‘onistonlik tadbirkorlar O‘zbekistondan maxsus poyabzal, charm sotib olishga ham qiziqish bildirmoqda.

2024-yil yakuniga ko‘ra, O‘zbekiston korxonalari 82,5 mln juft poyabzal ishlab chiqargan. O‘tgan yili charm mahsulotlari ishlab chiqarish hajmi 548,8 mln.

Joriy yilning may oyi boshida O‘zbekiston va Afg‘oniston o‘rtasidagi tovar ayirboshlash hajmi $504,5 mlnni tashkil etdi. Qo‘shni davlat O‘zbekistonning yetakchi savdo hamkorlari o‘ntaligiga kiradi.

Avvalroq Tolibon 40 yoshgacha bo‘lgan ayollarni Afg‘oniston – O‘zbekiston chegara bozoridan chetlatgani haqida...

Markaziy bank huzuridagi Bank nazorati qo‘mitasi 2025-yil may oyida o‘tkazilgan tekshiruvlar yakunida 13 ta bankka nisbatan jarima sanksiyalari qo‘lladi. Shuningdek, 17 ta tijorat banki qonunchilik talablariga rioya qilmagani uchun chora va sanksiyalar bilan ogohlantirildi.

Qo‘mita may oyida jami 8 marotaba yig‘ilish o‘tkazdi va 37 ta masalani ko‘rib chiqdi. Ulardan 18 tasi ro‘yxatga olish va ruxsat berish yo‘nalishiga taalluqli. Ular quyidagilarni o‘z ichiga oldi:

Rossiya bosh vaziri o‘rinbosari Aleksandr Novak Peterburg xalqaro iqtisodiy forumida Rossiya O‘zbekistonda 2 GVt quvvatga ega yirik atom elektr stansiyasini qurishni rejalashtirayotganini ma’lum qildi. Uning qo‘shimcha qilishicha, a 55 MVt quvvatga ega ikkita blok ham barpo etiladi.

«AES qurilishining aniq iqtisodiy parametrlari muhokama qilinmoqda. Bu 1000 MVt quvvatga ega ikkita energoblok va 55 MVt quvvatga ega ikkita kichik blok bo‘ladi. O‘zbekistonda avval kichik quvvatli atom stansiyasini amalga oshiramiz”, – deya ta’kidlagan Novak.

Xo‘sh, O‘zbekiston qurilishi rejalashtirilgan AES haqida nimalar ma’lum?

O‘zbekistonda kichik AESning birinchi blokini ishga tushirish 2029-yil oxirigacha rejalashtirilgan bo‘lib, prezident Shavkat Mirziyoyev

Milliy statistika qo‘mitasi ma’lumotlariga ko‘ra, 2025-yil iyun oyi boshida O‘zbekistonda faoliyat yuritayotgan xorijiy kapital ishtirokidagi kompaniyalar soni yillik 14,3 foiz o‘sish bilan 16,4 mingdan oshgan.

O‘zbekiston iqtisodiyotiga ko‘pincha Xitoy sarmoyadorlari sarmoya kiritgan. Ularning ko‘magida respublikada 4 mingta kompaniya faoliyat ko‘rsatmoqda. Shuningdek, O‘zbekistonga Rossiya kapitali – 3 mingta kompaniya faol sarmoya kiritdi.

Kuchli uchlikni O‘zbekistondagi 1,9 ming kompaniya bilan Turkiya yakunladi. Qozog‘istonga 1,1 mingdan ortiq to‘g‘ri keldi.

Bundan tashqari, mamlakatimizda afg‘onistonlik investorlar ko‘magida 682 korxona faoliyat yuritmoqda. Janubiy Koreyaga 674 ta firma to‘g‘ri keldi.

Eslatib o‘tamiz, Kursiv Uzbekistan «Kapital bozori: investitsiya uchun yangi imkoniyatlar» mavzusida sohaviy konferensiya o‘tkazadi.

Kia kompaniyasining eng kichik va hamyonbop elektromobili Kia EV2 endi yangi Coupe varianti bilan taqdim etiladi. Bu haqda Elektrek nashri xabar berdi.

EV2 Coupe modeli old va orqa qismdan deyarli oddiy SUV versiyasiga o‘xshaydi, biroq yon tomondan qaraganda Genesis GV60 dizaynini eslatadi. Ayniqsa, C-ustun (C-pillar) qismida coupe uslubidagi o‘zgarishlar ko‘zga yaqqol tashlanadi.

Coupe versiyada gorizontal orqa chiroqlar, yon oynalarda esa piksel ko‘rinishidagi burilish chiroqlari joylashtirilgan.

Ichki qismda esa ikkita 12,3 dyuymli ekran (haydovchi paneli va navigatsiya ekrani) joylashgan. Kia yangi ccNC – Connected Car Navigation Cockpit tizimi bilan ta’minlanadi. Ichki makon esa kichik o‘lchamiga qaramay keng va qulay...

Geely kompaniyasi tomonidan yangi Galaxy A7 EM-i nomli gibrid sedani rasman taqdim etildi. Bu model Geely Electric Architecture (GEA) platformasida qurilgan va kompaniyaning yangi EM AI Super Hybrid 2.0 tizimi bilan jihozlangan. Bu haqda CarNewsChina nashri xabar bermoqda.

Yangi A7 EM-i 1,5 litrli benzinli dvigatel va 175 kVt quvvatli elektromotor bilan ishlaydi. 0 dan 100 km/soat tezlikka atigi 7,1 soniyada chiqadi. Benzin yoqilg‘isi tugagan holatda 100 km uchun atigi 2,67 litr sarflaydi. Eng muhim ko‘rsatkichlardan biri – 2 100 km dan ortiq umumiy zaxira yurish masofasidir.

Model uch xil LFP batareyaga ega variantda taklif etiladi: 8,5, 18,4 va...

Sirdaryo viloyatida o‘tkazilgan tezkor tadbirda qalbaki AQSh dollarlarini sotayotgan shaxslar qo‘lga olindi. Bu haqda Bosh prokuratura departamenti ma’lum qildi.

Bosh prokuratura huzuridagi Departament va DXX viloyat boshqarmalari xodimlari tomonidan o‘tkazilgan tadbirda ilgari sudlangan fuqaro va boshqalar, fuqaroga $100 kupyuralarda qalbaki $1,6 mingni 10,2 mln so‘mga sotayotgan vaqtda ushlangan.

Mazkur holat yuzasidan Jinoyat kodeksining 176-moddasi bilan jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq departament Samarqandda qalbaki alkogol mahsulotlari fosh etgan edi.

Klublar o‘rtasidagi jahon chempionati guruh bosqichi 2-turidan o‘rin olgan «Inter Mayami» – «Portu» uchrashuvi Messi jamoasining g‘alabasi bilan yakunlandi. O‘yin 20-iyun kuni Toshkent vaqti bilan soat 00:00 da boshlandi.

KJChdagi o‘zaro o‘yin oldidan har ikki jamoa guruh bosqichida bittadan start uchrashuvini o‘tkazib, bir xil 0:0 hisobida yakunladi.

«Inter Mayami» dastlab Misrning «Al Ahli» klubi bilan 0:0 hisobida durang o‘ynadi. Xaver Maskerano jamoasi tashabbusga ega edi, ammo vaziyatlardan foydalana olmadi.
«Portu» Braziliyaning «Palmeyras» jamoasini mag‘lub eta olmadi – o‘yin 0:0 hisobida yakunlandi.

Inter Mayami – Portu o‘yinining borishi

Jamoalar dastlabki daqiqalardanoq tomoshabinlarga himoyada o‘ynash bilan cheklanib qolmasdan, shiddatli va qizg‘in kurashni taklif...

2025-yilning yanvar – mart oylarida O‘zbekistonning real yalpi ichki mahsuloti (YaIM) 6,8 foizga o‘sdi, 2024-yil yakunida esa bu ko‘rsatkich 6,5 foizni tashkil etdi. Bu haqda Xalqaro valyuta jamg‘armasi (XVJ) hisobotida ma’lum qilindi.

Unga ko‘ra, 2025-yil aprel oyining oxirida inflyatsiya darajasi 10,1 foizni tashkil etdi. Solishtirish uchun, 2024-yil may oyida narxlar 10,6 foizga oshgan edi.

«Xalqaro zaxiralar sezilarli darajada yuqori. 2024-yilda konsolidatsiyalangan budjet taqchilligi YaIMga nisbatan 1,7 foiz bandga kamayib, 3,2 foizni tashkil etdi», – deyiladi XVJ bayonotida.

XVJ mutaxassislariga ko‘ra, jahon savdosidagi noaniqliklarga qaramay O‘zbekiston iqtisodiyotining o‘sish istiqbollari ijobiyligicha qolmoqda. Fond 2025 va 2026-yillarda...

Oukitel kompaniyasi tomonidan yangi Oukitel WP56 nomli yangi himoyalangan smartfoni rasman taqdim etildi. U 16000 mA/soat batareya va 512 GB xotiraga ega.

Qurilma uch darajadagi himoyaga ega bo‘lib, chang, suv va zarbaga chidamli (IP68, IP69K, MIL-STD-810H).

Smartfonning asosiy afzalliklaridan biri – 16000 mA/soat sig‘imdagi ulkan akkumulyator. U 45 Vt quvvatda zaryadlanadi va boshqa qurilmalarni 18 Vt quvvat bilan zaryadlash imkonini beradi.

Orqa panelida kuchli kamping fonar va 128 dB balandlikdagi karnay joylashgan.

WP56 Mediatek Dimensity 7050 protsessori bilan jihozlangan. AnTuTu testida bu chip 580 ming ball to‘playdi. Ekran 6,8 dyuym, Full HD+ aniqlikda va 120 Gts yangilanish tezligiga ega...

Ilon Maskning Marsga parvoz loyihasi doirasidagi Starship raketasi 18-iyun kuni Texasdagi Starbase poligonida sinov vaqtida portlab ketdi. Bu haqda kompaniya X sahifasida ma’lum qildi.

Unga ko‘ra, SpaceX bu holatni «katta nosozlik» deb atadi, lekin barcha xodimlar xavfsiz ekani bildirildi.

«Starbase jamoasi mahalliy rasmiylar bilan hamkorlikda sinov maydonchasi va uning yaqin atrofini xavfsiz holatga keltirish ustida faol ish olib bormoqda. Atrofdagi aholi punktlari uchun hech qanday xavf yo‘q. Aholidan xavfsizlik ishlari yakunlanguncha bu hududga yaqinlashmaslik so‘raladi», – deyiladi xabarda.

Portlash vaqtida raketa o‘zining o‘ninchi test parvoziga tayyorlanayotgan edi. Ilon Maskning aytishicha, hodisaga yuk bo‘limidagi azot...

2025-yil iyun oyida Toshkent shahridagi yirik supermarketlarda ayrim oziq-ovqat mahsulotlari narxi pasaydi. Bu haqda Makroiqtisodiy va hududiy tadqiqotlar instituti (IMRS) xabar berdi.

Monitoringga ko‘ra, 9 turdagi mahsulotning eng arzon narxi kamaygan. Jumladan:

Shu bilan birga, 6 mahsulot narxi ko‘tarilgan. Ayniqsa, limon narxida keskin o‘sish kuzatilgan. Mutaxassislar bu holatni mavsumiy omillar bilan izohlashmoqda.

Yana 6 turdagi mahsulotda narxlar o‘zgarmagan. Ular: un, grechka, makaron, tuxum, margarin va...

O‘zbekiston Vazirlar Mahkamasi huzuridagi Tashqi mehnat migratsiyasi agentligi va Sankt-Peterburgdagi «Bronka Grupp» xoldingi hamkorlik to‘g‘risidagi bitimni imzoladi. Bu haqda xolding matbuot xizmati xabar berdi.

Tomonlar Rossiyada bo‘lish va ishlash tartib-qoidalarini tushunishda o‘zbek migrantlariga birgalikda yordam berishga kelishib oldi.

Hujjatga «Bronka Grupp» bosh direktori Nikita Murov va O‘zbekiston Migratsiya agentligining Rossiyadagi vakolatxonasi rahbari Oybek Odilov imzo chekdi.

Nashr ma’lumotiga ko‘ra, ushbu hamkorlik Rossiyada qonuniy yashash va ishlash tartibi bo‘yicha migrantlarni xabardor qilish tizimlarini yaratishni nazarda tutadi. Maqsad – qonunbuzarliklar sonini kamaytirish va legallashtirish jarayonini soddalashtirish.

«Migrantlar ko‘pincha ma’lumot yetishmasligi sababli maslahat olishdan qo‘rqishadi. Biz ularga qanday...

Klublar o‘rtasidagi «JCH – 2025» «B» guruhi 2-turida Madridning «Atletiko» klubi AQShning «Sietl Saunders» jamoasi ustidan 3:1 hisobida muhim g‘alabani qo‘lga kiritdi. PSJga qarshi o‘yindagi muvaffaqiyatsiz startdan so‘ng ispan jamoasi o‘zini oqladi va pley-offga chiqish imkoniyatini saqlab qoldi.

Tezkor start va tanaffusgacha ikkita gol

Mehmonlar darhol tashabbusni qo‘lga olishdi. Uchrashuvning 14-daqiqasida Simeonening uzatmasidan so‘ng Barrios hisobni ochgan bo‘lsa, tanaffusga yaqin Vitsel burchak zarbasidan so‘ng darvozani ishg‘ol qilib, hisobni yirik ko‘rinishga olib keldi. «Sietl» qarshi hujumlar bilan javob qaytarishga harakat qildi, ammo yakuniy bosqichda qiyinchiliklarga duch keldi.

Rusnyak intrigani qaytardi

52-daqiqada Rusnyak himoyachilarning xatosidan unumli foydalanib, aniq zarbasi bilan hisobni qisqartirdi...

Dunyo bo‘ylab rivojlangan davlatlarda qiz homilani abort qildirish holatlari keskin kamaygan. Jumladan, 1985 – 2003-yillarda Janubiy Koreyada o‘g‘il farzand zarur deb hisoblash 48%dan 6%ga tushgan. Bu haqda The Economist nashri xabar bermoqda.

So‘nggi o‘n yillikda ultratovush texnologiyasi orqali homilaning jinsini aniqlash imkoniyati kengayganidan so‘ng 1980-yildan beri taxminan ota-onalar 50 million qiz bola tug‘ilishini xohlashmagan.

Eng yomon davr 2000-yilda kuzatilgan bo‘lib, bu ko‘rsatkich 1,7 million nafarga yetgan. Ammo 2025-yilda bu raqam 200 mingga tushishi kutilmoqda. Bu esa 2001-yildan beri 7 millionga yaqin qiz bolaning hayoti saqlab qolinganini bildiradi.

Janubiy Koreyada 1990-yilda har 100 qizga 116 o‘g‘il bola to‘g‘ri kelgan. Bugungi...

Samsung iyun oyi xavfsizlik yangilanishini chiqardi. Bu yangilanish One UI tizimidagi 19 ta zaiflikni bartaraf etadi. Bu haqda Sammobile nashri xabar bermoqda.

Yangilanish quyidagi eski flagman modellarga taalluqli: Galaxy S21, S21 Plus, S21 Ultra, S22, S22 Plus va S22 Ultra. Shuningdek, o‘rta toifadagi Galaxy A55, A54 va A36 modellari ham yangilanish oldi.

Galaxy S22 liniyasi uchun yangilanish birinchi bo‘lib Janubiy Koreyada chiqdi. Yaqin haftalarda boshqa mamlakatlarga ham tarqatilishi kutilmoqda. Bu Samsung uchun odatdagi tartib.

Yangilanish Android tizimidagi xavfli xatoliklarni ham tuzatadi. Shuningdek, Samsung protsessorli qurilmalar uchun maxsus patchlar ham kiritilgan.

Samsung – Janubiy Koreyada joylashgan yirik texnologik kompaniya...

20-iyun kuni soat 09:00 dan 2025/2026-o‘quv yili uchun 1-sinfga onlayn qabul boshlandi. Bu haqda Maktabgacha va maktab ta’limi vazirligi ma’lum qildi.

Unga ko‘ra, arizalarni my.maktab.uz platformasi yoki my.gov.uz portali orqali topshirish mumkin.

Qabul jarayonlari 2 bosqichdan iborat: 1-bosqich 2025-yil 20-iyundan 31-iyulgacha mikrohudud doirasida, 2-bosqich esa 2025-yil 1-avgustdan 15-avgustgacha mikrohududdan tashqaridagi arizalarni o‘z ichiga oladi.

Elektron qabul jarayonlariga oid savollar yuzasidan 71-203-07-04 va 71-203-04-03 raqamlariga qo‘ng‘iroq qilish yoki @mymaktab_uz Telegram kanaliga murojaat qilish mumkin.

Ma’lumot uchun, ushbu yilda 1-sinfga faqat 2018-yil 31-dekabrga qadar tug‘ilgan bolalar qabul qilinadi.

Eslatib o‘tamiz, avvalroq O‘zbekiston davlat sport akademiyasi faoliyatini boshlagani haqida yozgan edik.