Huawei kompaniyasi tomonidan yangi Huawei Enjoy 80 smartfoni rasman taqdim etildi. Bu haqda ITHome nashri xabar bermoqda.
Qurilma 6,67 dyuymli, 90 Gts yangilanish chastotasiga ega LCD ekran, 6620 mA·soat sig‘imli akkumulyator va 40 Vt tezkor zaryadlash funksiyasi bilan jihozlangan. Asosiy kamera 50 MP, old kamera esa 8 MP ni tashkil qiladi.
Smartfon «Enjoy X» nomli maxsus tugma, yon tomondagi barmoq izi skaneri va «Xuanjia» arxitekturasi asosida yaratilgan ikki tomonlama korpus mustahkamlovchi dizayn bilan ajralib turadi. Qurilma 8,25 mm qalinlikda bo‘lib, 203 gramm vaznga ega.
Model 1199 yuan ($165) narxda sotuvga chiqarilgan.
Eslatib o‘tamiz, Kursiv Uzbekistan nashri Huawei kompaniyasi CloudMatrix 384 Supernode nomli yangi superkompyuterini e’lon qilingani haqida yozgan edi.
