Bugun muhim ishlarga e’tibor qaratish va jiddiy masalalarni hal qilish odatdagidan ko‘ra qiyinroq bo‘lishi mumkin. Hatto kerakli yo‘nalishga sozlanish va boshlagan ishini oxiriga yetkazish qobiliyati tufayli sezilarli yutuqlarga erishgan odamlar ham, qanchalik zerikarli va qiyin bo‘lmasin, bu muhitda arzimas narsalarga chalg‘ishga, ayniqsa yoqimsiz vazifalarni keyinga qoldirishga moyil bo‘ladi. Quyida burjlar bo‘yicha 18-fevral uchun munajjimlar bashoratini taqdim etamiz.
Qo‘y (21.03 – 20.04)
Juda tinchliksevar, sabrli va muloyim bo‘lishga harakat qiling. Kun muloqot nuqtayi nazaridan murakkab bo‘ladi, janjallashish ehtimoli katta. Shuni yodda tutingki, hozir ochiq nizolardan qochish kerak. Bugun ko‘plar isrofgarchilikka moyil bo‘ladi, shuning uchun behuda xarajatlar va muvaffaqiyatsiz xaridlar qilish ehtimoli yo‘q emas. Tejamkor bo‘lishga harakat qiling, qandaydir yirik xaridlarni amalga oshirishdan oldin esa o‘z didingiz va bilimingizga ishongan odamlar bilan maslahatlashing.
Buzoq (21.04 – 20.05)
Biror narsani o‘zgartirish vaqti kelganini his qilsangiz, buning uchun kun juda qulay. Biroq, shuni yodda tutish kerakki, avval maqsadlar, ustuvorliklar va harakatlar rejasini belgilab olish kerak. Har bir qadamni o‘ylab bossangiz, oldinga siljish ancha oson bo‘ladi. Jiddiy niyat qilganlar shoshqaloqlikdan qochishi kerak.
Egizaklar (21.05 – 21.06)
Hatto oddiy va yaxshi tanish bo‘lgan masalalarni yechish uchun ham qat’iyat, ham topqirlik ko‘rsatishga to‘g‘ri keladigan kunlardan biri. Vaziyatlar siz xohlagandek bo‘lmasligi mumkin va siz nafaqat rejalashtirilgan ishlarni, balki butunlay yangi ishlarni ham bajarishingiz kerak bo‘ladi. Bunda eski tanishlar yordam berishi mumkin. Ammo siz yaqinda birinchi marta uchrashgan odamlar ishonchli ittifoqchi bo‘lishlari dargumon. Hatto ular sizni qo‘llab-quvvatlashni juda xohlashsa ham, ularning harakatlari keyinchalik bo‘lganidan ko‘ra ko‘proq zarar keltirishi mumkin.
Qisqichbaqa (22.06 – 22.07)
Shoshilmang. Ertalab ancha tig‘iz bo‘lishi mumkin. Bu paytda, ayniqsa, muhim suhbatlar olib boradigan yoki o‘z ittifoqchilari bilan ko‘rishni istagan odamlar bilan muloqot qiladiganlarga qiyin bo‘ladi. Sizni noto‘g‘ri tushunishlari va bu munosabatlarga salbiy ta’sir ko‘rsatishi xavfi katta. Keyinchalik nima noto‘g‘ri ketganini aniqlash uchun ko‘p kuch sarflash kerak bo‘ladi.
Arslon (23.07 – 22.08)
Biror muhim narsani o‘ylab topsangiz, iloji boricha ertaroq harakatni boshlang. Kunning birinchi yarmi bunga qulay bo‘ladi, aynan shu paytda sizda qandaydir muhim maqsadlarga erishish imkoniyati paydo bo‘ladi. Buning uchun tavakkal qilish kerak bo‘lishi ehtimoldan xoli emas, ammo ichki sezgi sizga ortiqcha xavf-xatarlardan qanday qochish yo‘lini ko‘rsatadi.
Moliya bilan bog‘liq muhim qarorlarni qabul qilish ham maqsadga muvofiq emas: ba’zi muhim tafsilotlarni e’tibordan chetda qoldirish xavfi katta.
Parizod (23.08 – 23.09)
Ko‘p narsa yaxshi bo‘ladi, ayniqsa kasbiy muvaffaqiyatlarga intilayotgan va daromadlarini oshirishni istaydiganlar uchun omadli kun bo‘ladi. Hatto qiyin ishlarni ham tezda uddalash mumkin, agar siz qandaydir qo‘shimcha vazifalarni hal qilishni o‘z zimmangizga olsangiz, sa’y-harakatlaringiz uchun saxiylik bilan haq to‘lanadi. Kutilmagan manbalardan pul tushumlari, qimmatbaho sovg‘alar bo‘lishi mumkin. Ba’zilar keraksiz narsalarni sotib, yaxshigina pul topadi.
Tarozi (24.09 – 23.10)
Kunning boshida siz o‘ylagan hamma narsani amalga oshirish juda qiyin bo‘ladi. Eng muhimidan boshlang va kerakli natijaga erishmaguningizcha chalg‘imang. Ko‘p narsa sizning bir narsaga e’tibor qaratish, qat’iyatlilik va ixtirochilik qobiliyatingizga bog‘liq bo‘ladi. Yo‘lda to‘siqlar paydo bo‘lishi va ularni yengib o‘tish oson bo‘lmasligi ehtimoli katta. Ishonchli ittifoqchilardan yordam so‘rash mumkin, lekin ularga qanday minnatdorchilik bildirishingiz haqida o‘ylab ko‘ring.
Chayon (24.10 – 22.11)
Katta xaridlar qilishdan, qimmat xizmatlarga pul to‘lashdan yoki boshqa sababga ko‘ra puldan ayrilishdan oldin ikki marta o‘ylab ko‘ring. Bu sizga tejamkorlik, o‘zingiz va boshqalarning mablag‘larini oqilona boshqarish qobiliyati juda foydali bo‘ladigan kunlardan biri. Yaxshisi, har qanday shubhali bitimlardan o‘zingizni tiyganingiz ma’qul, ayniqsa, ularni tuzishni siz yaqindagina tanishgan odamlar taklif qilsa.
O‘qotar (23.11 – 21.12)
Kun qandaydir mayda tushunmovchiliklarsiz o‘tmaydi, lekin ular kayfiyatingizni buzishi dargumon. Ko‘plar aslida nimani xohlashini va bunga qanday erishish mumkinligini tushunadi. O‘z maqsadiga intilgan burj vakillarini hech narsa to‘xtata olmasa kerak, ammo unga erishish uchun mehnat qilish kerak bo‘ladi.
Moliya sohasida qiyinchiliklar ham yo‘q emas. Siz kutgan tushum kechikishi mumkin, shuning uchun rejalashtirilgan xaridlarni kechiktirish yoki uzoq kutilgan sayohatlarni keyinga qoldirish kerak bo‘ladi. Shuni yodda tutish kerakki, bu kun tez va oson boyib ketish imkoniyatiga ega bo‘lgan kun emas. Agar kimdir sizga oson pul va’da qilsa, xursand bo‘lmasligingiz, balki ehtiyot bo‘lishingiz kerak.
Tog‘ echkisi (22.12 – 20.01)
Kun boshidagi ko‘pgina ishlaringiz omadli bo‘ladi. Bu vaqt, ayniqsa, muhim uchrashuvlarga boradigan yoki uzoq yillik ittifoqchilari bilan rejalarini muhokama qiladiganlar uchun juda qulay bo‘ladi. Sizga ba’zi o‘ta muhim masalalarni hal qilishda yordam taklif qilishlari ehtimoldan xoli emas.
Qovg‘a (21.01 – 18.02)
Ehtiyotkorlik zarar qilmaydi, lekin umuman olganda, sizni yaxshi kun kutmoqda. Uni o‘zingiz uddalay oladigan, ayniqsa, zo‘riqmay bajara oladigan ishlardan boshlang. Murakkab bo‘lmagan vazifalarni hal qilishdagi muvaffaqiyat sizga qanot bag‘ishlaydi va oldinga siljish ancha osonlashadi. Kunning o‘rtasida jiddiyroq rejalarni amalga oshirishga kirishish mumkin.
Oilaviy kelishmovchiliklar bo‘lishi mumkin. Ehtimol, ular kimdir boshqalar bilan maslahatlashmasdan o‘zgartirmoqchi bo‘lgan moliyaviy va maishiy masalalar yoki umumiy rejalar bilan bog‘liq bo‘ladi.
Baliq (19.02 – 20.03)
Kun omadli boshlanadi. Bunda eski tanishlar, masalan, sobiq hamkasblar yoki eski do‘stlardan olingan ma’lumotlar yordam berishi ehtimoldan xoli emas. Ba’zi burj vakillarida ish yoki tijorat faoliyati bilan bog‘liq ajoyib g‘oyalar paydo bo‘ladi. Birozdan so‘ng siz o‘ylagan narsangizni amalga oshira olasiz va natijadan mamnun bo‘lasiz.
