Apple kompaniyasi eski iPhone va iPad qurilmalari uchun iOS 18.7.7 va iPadOS 18.7.7 yangilanishlarini chiqardi. Ushbu yangilanish foydalanuvchilarni DarkSword nomli zararli xakerlik to‘plamidan himoya qiladi, deya yozmoqda Tech Crunch.
Unga ko‘ra, DarkSword veb-hujumlar orqali foydalanuvchilarning shaxsiy ma’lumotlarini o‘g‘irlash imkonini beradigan xakerlik vositasi hisoblanadi. Ushbu ekspluatatsiyalar qurilma xabarlarini, brauzer tarixchasini, joylashuv ma’lumotlarini va kriptovalyutalarni o‘g‘irlab, xakerlar serveriga yuboradi.
DarkSword vositalari ilgari Xitoy, Malayziya, Turkiya, Saudiya Arabistoni va Ukrainadagi foydalanuvchilarni nishonga olgan hujumlarda ishlatilgan. Endilikda esa bu vositalar onlayn e’lon qilindi va xavfsizlik mutaxassislari eski Apple mobil dasturiy ta’minot ishlatayotgan har bir foydalanuvchining nishonga olinishi mumkinligini ogohlantirmoqda.
Yangilanish iOS 26 ishlatayotgan foydalanuvchilar uchun bir necha hafta oldin chiqarilgan bo‘lsa-da, endi iOS 18 ishlatayotgan, ammo iOS 26 ga yangilash imkoniga ega foydalanuvchilar ham DarkSword himoyasidan foydalana oladi. Ba’zi foydalanuvchilar yangi «liquid glass» interfeysiga nisbatan shikoyatlar sababli yangilanishni o‘rnatmagan.
iOS 18 yangilanishi quyidagi iPhone va iPad modellari uchun mos keladi:
iPhone modellari:
- iPhone 15, iPhone 15 Plus, iPhone 15 Pro, iPhone 15 Pro Max;
- iPhone 14, iPhone 14 Plus, iPhone 14 Pro, iPhone 14 Pro Max;
- iPhone 13, iPhone 13 mini, iPhone 13 Pro, iPhone 13 Pro Max;
- iPhone 12, iPhone 12 mini, iPhone 12 Pro, iPhone 12 Pro Max;
- iPhone 11, iPhone 11 Pro, iPhone 11 Pro Max;
- iPhone XS, iPhone XS Max, iPhone XR;
- iPhone SE (2‑chi avlod va undan keyingi).
iPad modellari:
- iPad Pro (2018 va keyingi modellar);
- iPad Air (2019 va keyingi modellar);
- iPad (2019 va keyingi modellar);
- iPad mini (2019 va keyingi modellar).
Eslatib o‘tamiz, avvalroq Motorola Android 17 beta-versiyasini sinab ko‘rish imkoniyatini kengaytirgan edi.
