Ronaldu va Jorjinaning to‘yi bo‘ldimi — minglab muxlislar «manzilda» adashishdi

Portugaliyaning Madeyra orolida 2 mingdan ortiq Krishtianu Ronaldu muxlisi futbolchi va uning turmush o‘rtog‘i Jorjina Rodrigesning to‘yi bo‘lyapti, deb o‘ylab, boshqa juftlikning to‘yiga tashif buyurishdi. Bu haqda The Sun nashri xabar berdi.

Muxlislar noto‘g‘ri manzilga borib qolgan

Voqea 8-avgust kuni Madeyradagi sobor yaqinida yuz bergan. Ronaldu va Jorjina Rodrigesning to‘yi shu hududda o‘tkazilishi mumkinligi haqidagi xabarlar ortidan minglab muxlislar to‘planib, mashhur futbolchini kutgan.

Biroq ko‘pchilik kutganidek, sobor oldida Ronaldu va Jorjina emas, portugaliyalik Fabio Ramos va Fatima Nikol Kunha Teysheyra paydo bo‘lgan.

Muxlislar vaziyatni kelin-kuyov marosimga chiqib kelganidan keyingina tushunib yetgan.

Kelinning o‘zi ham muxlislar qurshovida qolgan

Kutilmagan olomon sabab haqiqiy kelin-kuyovning qarindoshlari va do‘stlari marosim o‘tkazilayotgan joyga kirishda qiynalgan. Minglab muxlislar esa Ronaldu keladi degan umidda sobor atrofida kutishda davom etgan.

To‘y ishtirokchilaridan biri vaziyatni izohlab, kuyov Fabio Ramosning Ronaldu emasligini aytgan. Uning so‘zlariga ko‘ra, bunday holat hech kimning xayoliga ham kelmagan.

Ronald-NO! Thousands of CR7 fans mob bemused wedding couple wrongly believing they are the famous fotballer and his fiancee Georgina Rodriguez https://t.co/VvljDxVT5Q

— Daily Mail (@DailyMail) August 8, 2026

Rolls-Royce ham olomonni chalg‘itdi

Vaziyat kelin Fatimani marosimga olib kelgan kulrang Rolls-Royce maydonga kirganida yanada qizigan. Muxlislar avtomobilni darhol qurshab olib, telefon kameralarini ishga tushirgan.

Ular avtomobildan tushayotgan ayolni Jorjina Rodriges deb o‘ylashgan. Natijada yuzlab muxlislar kelinni suratga olish va videoga olish uchun uning atrofida to‘planib ketgan.

Corre o boato que o CR7 casa este fim de semana na Madeira. A minha mais velha fã incondicional voou da Alemanha para espreitar o casamento e enviou esta fotografia do caos à porta da Sé do Funchal.

As irmãs do Ronaldo aterraram hoje de manhã. pic.twitter.com/xyHR9V2Vfp

— Helena Ferro de Gouveia (@camalees) August 8, 2026

Ronaldu va Jorjinaning to‘yi kutilmoqda

Ronaldu va uning uzoq yillik jufti Jorjina Rodrigesning Portugaliyada dabdabali to‘y qilishi haqidagi xabarlar so‘nggi kunlarda keng tarqalgan. Biroq ularning aynan qachon va qayerda turmush qurishi borasida aniq rasmiy ma’lumot yo‘q.

Shu sababli muxlislarning bir qismi tarqalgan xabarlarga ishonib, boshqa juftlikning eng muhim kuniga beixtiyor guvoh bo‘lib qolgan.

Avvalroq Kursiv Uzbekistan Krishtianu Ronaldu va Jorjina Rodrigesning sevgi hikoyasi haqida yozgandi.