Apple’ning ilk buklanuvchi smartfoni iPhone Duo’da qurilma ochilganda ekran tasviri silliq tarzda o‘zgarib, xiralashish effekti bilan 7,6 dyuymli ichki displeyga o‘tadi. Yangi animatsiya qurilma taqdimotidan keyin e’tibor tortdi.
iPhone Duo 9-sentabr kuni taqdim etildi. Smartfonning boshlang‘ich narxi $2 mingni tashkil qiladi.
Ekran ochilganda tasvir silliq o‘zgaradi
Love the iPhone Duo animation/screen blur effect. It's as if you're opening and closing a transparent piece of glass. pic.twitter.com/rFCUHTItDO
— Sawyer Merritt (@SawyerMerritt) September 9, 2026
Qurilma ochilganda bloklangan ekran asta-sekin fokusini va xiralik darajasini o‘zgartiradi. Natijada tasvir ichki 7,6 dyuymli ekranga uzluksiz tarzda o‘tadi.
Manbada bu effekt smartfon go‘yoki shaffof shisha varaq kabi ochilayotgandek taassurot berishi qayd etilgan.
Animatsiya insayderlar e’tiborini tortdi
Bir nechta insayderlar iPhone Duo’dagi aynan shu dasturiy animatsiya va xiralashish effektini alohida ta’kidlagan.
Ularning fikricha, Apple qurilmaning buklanadigan konstruksiyasi bilan dasturiy interfeysni bir-biriga uyg‘unlashtirishga harakat qilgan.
Shuningdek, o‘qing: Apple iPhone 17 va iPhone Air narxlarini oshirdi
Buklanuvchi smartfonlar bozorida raqobat kuchaymoqda
Manbada iPhone Duo Samsung’ning buklanuvchi smartfonlariga yangi raqobatchi sifatida baholangan.
Shuningdek, Huawei va Xiaomi ham ushbu turdagi buklanuvchi qurilmalarni avvalroq bozorga chiqargani eslatilgan.
Eslatib o‘tamiz, avvalroq Kursiv Uzbekistan nashri iPhone 18 Pro va iPhone 18 Pro Max taqdim etilgani haqida yozgan edi.
