Xalqaro shaxmat federatsiyasi – FIDE Samarqandda o‘tgan 46-Butunjahon shaxmat Olimpiadasining eng yaxshi shaxmatchilarini e’lon qildi. Erkaklar o‘rtasida O‘zbekiston vakili Javohir Sindarov turnirning eng yaxshi o‘yinchisi deb topildi.
Ayollar o‘rtasida esa Hindiston vakili Divya Deshmukh «ajoyib natija» uchun mukofotga sazovor bo‘ldi.
Sindarov turnirning eng yaxshi shaxmatchisi bo‘ldi
FIDE yakuniy natijalarga ko‘ra, Javohir Sindarovni erkaklar turnirining eng yaxshi o‘yinchisi sifatida e’tirof etdi.
Sindarov O‘zbekiston terma jamoasi safida Samarqanddagi Olimpiadada muhim ochkolarni qo‘lga kiritib, jamoaning umumiy g‘alabasiga katta hissa qo‘shdi.
O‘zbekiston 20 ochko bilan chempion bo‘ldi
O‘zbekiston erkaklar terma jamoasi 20 ochko jamg‘arib, Olimpiada g‘olibiga aylandi. Hindiston 18 ochko bilan ikkinchi, Germaniya esa xuddi shuncha ochko bilan uchinchi o‘rinni egalladi. Bu O‘zbekistonning Shaxmat Olimpiadalari tarixidagi ikkinchi oltin medali bo‘ldi.
Ayollar bahsida Xitoy g‘olib chiqdi
Ayollar musobaqasida Xitoy terma jamoasi 20 ochko bilan birinchi o‘rinni egalladi. Qozog‘iston 18 ochko bilan ikkinchi, Hindiston esa 17 ochko bilan uchinchi o‘rinni qo‘lga kiritdi.
Shu tariqa Samarqanddagi Olimpiada O‘zbekiston uchun jamoaviy chempionlik va Javohir Sindarovning individual e’tirofi bilan yakunlandi.
Eslatib o‘tamiz, Kursiv Uzbekistan nashri Javohir Sindarov Bibisara Assaubayeva uchun transportni to‘xtatgani haqida yozgan edi.
