2026-yilning yanvar–avgust oylarida O‘zbekistonda 811,3 ming tonna avtomobil benzini ishlab chiqarildi. Milliy statistika qo‘mitasi ma’lumotiga ko‘ra, bu 2025-yilning mos davriga nisbatan 4,6% ko‘p.
Dizel ishlab chiqarish 834 ming tonnadan oshdi
Sakkiz oy davomida mamlakatda 834,3 ming tonna dizel yonilg‘isi ishlab chiqarilgan.
Shuningdek, neft qazib olish hajmi 425 ming tonnani, gaz kondensati esa 648,3 ming tonnani tashkil etdi.
24,2 mlrd kub metr tabiiy gaz qazib olindi
Yanvar–avgust oylarida O‘zbekistonda 24,2 mlrd kub metr tabiiy gaz qazib olingan.
Ko‘mir qazib olish hajmi esa 4,4 mln tonnani tashkil etdi.
Eslatib o‘tamiz, qo‘mita sentabr oyida benzin narxlari o‘rtacha 1,2 foizga oshganini ma’lum qilgandi. Unga ko‘ra, AI-92 markali benzin 0,7%, AI-95 — 4,2%, AI-98 va AI-100 esa 0,4 foizga qimmatlashdi.
Propan narxi bir oyda 4,2 foizga oshdi. Metan narxida esa o‘zgarish kuzatilmadi. Yillik hisobda propan 48,9%, benzin o‘rtacha 20,1% qimmat bo‘lgan.
