«Pari Sen-Jermen» Chempionlar ligasi doirasida «Manchester Siti» klubini 4:2 hisobida mag‘lub etdi. Uchrashuv «Etihad» stadionida bo‘lib o‘tdi.
PSJ ilk bo‘limdayoq uchta gol urdi
Mehmonlar uchrashuvni faol boshladi. 13-daqiqada Dezire Due hisobni ochdi, oradan ikki daqiqa o‘tib Usmon Dembele PSJ ustunligini oshirdi.
32-daqiqada Vitinya uchinchi golni urdi va jamoalar tanaffusga 3:0 hisobida chiqdi.
«Manchester Siti» ikkinchi bo‘limda javob qaytardi
Ikkinchi bo‘limda «Manchester Siti» hisobni qisqartirishga urindi. 53-daqiqada Erling Holand gol urdi.
Biroq 62-daqiqada Magnes Akliush PSJning to‘rtinchi goliga mualliflik qildi. 75-daqiqada Holand yana bir bor gol urib, dubl qayd etdi – 2:4.
Qolgan daqiqalarda mezbonlar hisobni yanada qisqartira olmadi va PSJ g‘alabani saqlab qoldi.
Husanov xavfli vaziyatda jamoasini qutqardi
Husanov uchrashuvni asosiy tarkibda boshladi. 78-daqiqada u PSJning potensial xavfli hujumini podkatdagi muvaffaqiyatli to‘p olib qo‘yish bilan to‘xtatdi.
Avvalroq Kursiv Uzbekistan Husanovning ushbu uchrashuvdagi o‘yini Flashscore tomonidan 6,8 ballga baholangani haqida yozgan edi. U bahsni to‘liq o‘tkazgan va «Manchester Siti» himoyachilari orasida yuqori baholardan birini olgan.
