Toşkentda 500 kVli yangi podstansiya işga tuşirildi

Toşkent şahri va viloyatining bir qismida elektr yuklamalarini qayta taqsimlaydigan yangi 500 kVli «Halqa» podstansiyasiga kuçlaniş berildi. Energetika vazirligining ma’lumotiga köra, bu Toşkent issiqlik elektr stansiyasiga tuşadigan yuklamani kamaytirib, mazutdan foydalanişga ehtiyojni bartaraf etişi kerak.
Yangi obyektga 2026-yil 7-noyabr kuni kuçlaniş berildi. Podstansiyaning umumiy quvvati 1602 MVAni taşkil etadi. «Halqa» podstansiyasi Toşkent şahri va Toşkent viloyatining bir qismidagi elektr ta’minotini mustahkamlaş hamda mavjud tarmoqlardagi yuklamani tengroq taqsimlaş imkonini beradi.
Toşkent IESdagi yuklama kamayadi
Yangi obyektga 2026-yil 7-noyabr kuni kuçlaniş berildi. Podstansiyaning umumiy quvvati 1602 MVAni taşkil etadi. Yangi podstansiya işga tuşirilishi natijasida poytaxt va unga tutaş hududlardagi elektr yuklamalari qayta taqsimlanadi. Şu sabab Toşkent issiqlik elektr stansiyasiga tuşadigan yuklama kamayadi.
Energetika vazirligining bildirişiça, buning natijasida stansiyada mazut yoqilğisidan foydalanişga ehtiyoj qolmaydi. Bu esa atmosferaga çiqariladigan ifloslantiruvçi moddalarni kamaytirişga yordam berişi kutilmoqda.
Mazut odatda gaz ta’minoti çeklanganda yoki elektr stansiyalaridagi yuklama oşganda qöşimça yoqilği sifatida ishlatiladi.
Loyiha qiymati $171,4 mln
«Halqa» podstansiyasi Jahon banki iştirokida amalga oşirilgan $171,4 mlnlik investitsiya loyihasi doirasida barpo etildi. Loyiha doirasida 1602 MVA quvvatli podstansiyadan taşqari, 220 kVli 213 kilometr va 500 kVli 72 kilometr elektr uzatiş tarmoqlari qurildi. Ularning umumiy uzunligi 285 kilometrni taşkil etadi. Hozir yangi obyektlarni mamlakat yagona energetika tizimiga töliq ulash böyiça yakuniy işlar davom etmoqda.
Avvalroq Jahon banki Özbekistonda elektr energiyasini taqsimlaş tizimini modernizatsiya qiliş uçun $100 mln qarz ajratişni ma’qullagani haqida xabar berilgan edi.