Qancha talaba o‘qishini ko‘chirish istagini bildirgan?
eʼlon qilindi
( yangilandi)
Talabalar o‘qishini ko‘chirish bo‘yicha arizalar statistikasi
Bugun 2-avgust talabalar o‘qishini ko‘chirish bo‘yicha jami 59 ming 431 nafar talaba onlayn ro‘yxatdan o‘tdi, deb xabar bermoqda Oliy taʼlim, fan va innovatsiyalar vazirligi axborot xizmati.
Bu ko‘rsatkich respublika davlat oliy taʼlim muassasalararo o‘qishini ko‘chirish bo‘yicha transfer.edu.uz platformasi orqali – 26 647 nafar bo‘lsa, nodavlat va xorijiy oliy taʼlim muassasalaridan o‘qishini ko‘chirish bo‘yicha my.uzbmb.uz platformasi orqali – 32 784 nafar talaba ariza topshirgan.
Vazirlik xabariga ko‘ra, arizalar 5 avgust (shu kuni ham) kuniga qadar onlayn qabul qilinadi.
Aytib o‘tish kerakki, 1-avgust kuni o‘qishini ko‘chirish bo‘yicha jami 58 ming 298 nafar talaba onlayn ro‘yxatdan o‘tgan.
