McKinsey & Co xodimlarini keng miqyosda qisqartirishni amalga oshiradi
Kompensatsiya fondini saqlash uchun
McKinsey & Co xalqaro konsalting kompaniyasi 2 mingga yaqin xodimini ishdan bo’shatishni rejalashtirmoqda, aniqlik kiritdi Bloomberg.
Mijozlari uchun xodimlarni qisqartirish rejalarini ishlab chiqish bilan tanilgan McKinsey & Co bu safar o’z xodimlarini qisqartirmoqchi. Ishdan bo’shatish xavfi ostida, asosan, kompaniya buyurtmachilari bilan muloqotga kirishmaydigan yordamchi xodimlar qoldi.
Agar McKinsey & Co ushbu rejani amalga oshirsa, hozirgi ishdan bo’shatishlar konsalting giganti tarixidagi eng yiriklaridan biri bo’ladi.
Yozilishicha, xodimlarni qisqartirish qadami McKinsey & Co kompaniyasining hamkorlar kompensatsiya fondini saqlab qolishga urinishlari bilan bog’liq.
McKinsey & Co vakillari Reuters so’roviga javoban, shu yo’l bilan «mijozlarga xizmat ko’rsatmaydigan jamoalar ish uslubini o’zgartirayotganini» aytdi.
McKinsey & Co – strategic menejment bilan bog’liq muammolarni hal qilishga ixtisoslashgan konsalting kompaniyasi. Davlat idoralari va dunyodagi eng yirik kompaniyalar bilan hamkorlik qiladi.
2023 yil boshida bir qator yirik kompaniyalar xodimlarini qisqartirish choralarini ko’rdilar. Shu kabi, «Kursiv» yozganidek, Yahoo o’z xodimlarining 20% dan ko’prog’ini ishdan bo’shatdi.
