Jahon banki: O‘n yillik “yo‘qotilishi” mumkin

Jahon iqtisodiyotining rivojlanish sur’ati minimal darajaga tushadi

COVID-19 pandemiyasi va Rossiya-Ukraina mojarosi global iqtisodiy o’sishning rekord darajada pasayishiga olib kelishi mumkin. Jahon banki o’zining «Uzoq muddatli o’sish istiqbollari pasaymoqda» hisobotida o’n yillikning «yo’qolishi» xavfi borligi haqida ogohlantirgan.

Tashkilot 2030 yilgacha global iqtisodiyotning o’rtacha o’sishi yiliga 2,2% bo’lishini kutmoqda. Bu oxirgi 30 yildagi minimal ko’rsatkich bo’lib, o’sha paytda bu ko’rsatkich 3,5 dan 2,6% gacha bo’lgan. Dinamika dunyoning global muammolar bilan qanday kurashishiga ta’sir qiladi.

Davlatlarning iqtisodiyotning barqaror tarmoqlariga sarmoya kiritish, xizmat ko‘rsatish sohasi o‘sishini rag‘batlantirish va savdo xarajatlarini minimallashtirish bo‘yicha birgalikdagi sa’y-harakatlari natijasida iqtisodiy o‘sish sur’atlarini yiliga 2,9 foizga oshirish mumkin.

Bundan tashqari, pessimistik stsenariy ehtimoli ham mavjud. Jahon bankining fikricha, global moliyaviy inqiroz va retsessiya bilan birgalikda global iqtisodiy o’sish sur’atlarining sekinlashishi keskinroq bo’ladi.