Kristalina Georgiyeva katta qarzlari bor mamlakatlarga yordam berishga chaqirdi

Bundan hamma foyda «yutadi» ko’radi

«Yaxshiroq ahvolda» bo‘lgan davlatlar «zaif» davlatlarga, ayniqsa qarzdorlikdan qiynalayotganlarga yordam berishi kerak, degan fikrda Xalqaro valyuta jamg‘armasi boshqaruvchi direktori Kristalina Georgiyeva.

Uning so‘zlariga ko‘ra, bunday yordam yuqori foiz stavkalari va valyuta qadrsizlanishi fonida zarur. Bu nafaqat qarzdorlarga, balki kreditorlarga ham foyda keltiradi.

«Bizga zudlik bilan ushbu mamlakatlarning qarzlarini hal qilish uchun tezroq va samaraliroq global mexanizmlar kerak», dedi Georgiyeva Xitoydagi Boao Osiyo forumida.

Dunyodagi vaziyat va mamlakatlar siyosati 2023 yilda 3 foizdan kam bo‘lishi kutilayotgan global yalpi ichki mahsulot o‘sish sur’atlariga ta’sir qilishda davom etmoqda, dedi Georgiyeva.