Toshkentdagi jahon chempionatiga 104 davlatdan bokschilar keladi

AQSh, Irlandiya va boshqalar tomonidan boykot qilinganiga qaramay

Toshkentda bo‘lib o‘tadigan boks bo‘yicha jahon chempionatida 104 davlatdan sportchilar ishtirok etadi, xabar berdi «TASS».

– Ko‘plab davlatlar o‘z bokschilarini O‘zbekistonga jo‘natayotgani sportimiz jahon miqyosida jadal rivojlanib borayotganidan ijobiy ishora va dalolatdir. IBA ning asosiy maqsadi barcha bokschilarga xalqaro miqyosda chiqishlari va o‘zlarining eng yaxshi fazilatlarini namoyon etishlari uchun imkoniyatlar yaratishdan iborat”, — dedi Xalqaro boks assotsiatsiyasi (XBA) prezidenti Umar Kremlev.

O‘zbekiston poytaxtida bo‘lib o‘tadigan boks turnirining mukofot jamg‘armasi 5 million dollarni tashkil etadi.Oltin medal sohiblari 200 ming dollar, kumush medal sohiblari 100 ming, bronza medali sohiblari esa 50 ming dollardan mukofotlanadi.

Joriy yilning fevral oyi oʻrtalarida AQSh, Irlandiya va boshqa davlatlar jahon chempionatini boykot qilishlarini eʼlon qilishdi. Ayollar o’rtasidagi musobaqalar 15-25 mart kunlari Nyu-Dehlida, erkaklar o’rtasidagi musobaqalar Toshkentda 1-14 may kunlari bo’lib o’tadi.

Ular o‘z qarorlarini ularda Rossiya va Belarus bokschilari davlat bayrog‘i va madhiyasi ostida ishtirok etishi bilan izohladi. Ularning tanlovga kiritilishiga rossiyalik Umar Kremlev rahbarlik qiladigan IBA ruxsat berdi.