Buning uchun «Quyoshli mahalla» tanlovida ishtirok etish lozim
Energetika vazirligi 1 iyundan 1 sentabrga qadar o‘tkaziladigan «Quyoshli mahalla» tanlovini e’lon qildi.
«Ushbu tanlov quyosh panellarini o’rnatish va ulardan foydalanishni tezlashtirish va bu ishlarni rag’batlantirish uchun energiya samaradorligining muhim tarkibiy qismidir», – ta’kidladi boshqarma.
Unda ixtiyoriylik asosida Toshkent shahri va O‘zbekistonning barcha viloyatlari fuqarolari yig‘inlari ishtirok etishi mumkin. Bunda tanlov e’lon qilingan kundan boshlab va ariza hokimlikka yuborilganidan kechiktirmay o‘rnatilgan panellar hisobga olinadi.
Buning uchun aholi birinchilardan bo‘lib umumiy quvvati kamida 150 kVt bo‘lgan quyosh foto panellarini o‘rnatishi kerak. Uchinchi o’rin uchun minimal hajm 150 kVt, ikkinchi va birinchi o’rinlar uchun mos ravishda 200 va 250 kVt.
Respublikaning 14 ta hududining har birida g‘olib bo‘lganlar quyidagi sovrinlarga ega bo‘ladilar: uchinchi o‘rin uchun 3 kVt quvvatga ega fotoelektr qurilmasi, ikkinchi o‘rin uchun 5 kVt quvvatli fotopanel, birinchi o‘rin uchun 10 kVt quvvatli qurilma.
Bosh sovrin – elektr avtomobili birinchi bo‘lib 300 kVt quvvatga ega quyosh batareyasini o‘rnatgan mahallaga topshiriladi.
