O‘zbekistonda oliy o‘quv yurtlariga abituriyentlarni qabul qilish boshlandi

O‘zbekistonda 2023/2024 o‘quv yili uchun OTMga kirish istagida bo‘lganlarni onlayn ro‘yxatga olish boshlandi.

Abituriyentlar my.uzbmb.uz saytidagi «Oliy ta’lim muassasalarining bakalavriatiga qabul» bo‘limi orqali onlayn ro‘yxatdan o‘tishlari mumkin.

Abituriyentlar bir xil mavzular va ketma-ketlik bilan beshtagacha bakalavriat kurslarini tanlashlari mumkin. Ro‘yxatdan o‘tish 20 iyulgacha davom etadi.

Chet tilidan ijodiy imtihon topshiriladigan yo‘nalishlarga hujjatlarni qabul qilish 10 iyul kuni yakunlanadi. Shu paytgacha abituriyentlar o‘z ma’lumotlarini o‘zgartirishi mumkin va agar ularda chet tilini bilish sertifikati bo‘lsa, uni arizaga ilova qilishi mumkin.