Toshkentda 100 km uzunlikdagi velosiped yo‘llari yotqiziladi

O‘zLiDeP nomzodi Shavkat Mirziyoyev Toshkent shahrida saylovchilar bilan bo‘lib o‘tgan uchrashuvda 100 kilometrlik veloyo‘laklar qurish, yashil hududlarni kengaytirishni ma’lum qildi, xabar qildi siyosiy birlashma matbuot xizmati.

Bugungi kunda yashil maydonlar 900 gektar maydonni egallaydi. Kelgusi yetti yilda ularning maydoni besh barobar, ya’ni 5 ming gektargacha oshiriladi.

Buning uchun poytaxtimiz bo‘ylab yiliga kamida 1 million tup mevali va manzarali daraxt ko‘chatlari ekish rejalashtirilgan. Mahallalarda esa 1 ming tup ko‘chat.

Yashnobod, Yangihayot, Sergeli va Mirzo Ulug‘bek tumanlarida 4 ming gektar maydonda yashil va «tematik» bog‘lar barpo etiladi. Shuningdek, Toshkent shahrida 32 ta bog‘ va 30 ta yashil maydon va xiyobonlar barpo etiladi.