Qirg‘iziston va O‘zbekiston savdo hajmini oshirmoqda

Joriy yilning besh oyi yakunlariga ko‘ra, Qirg‘iziston va O‘zbekiston o‘rtasidagi tovar ayirboshlash hajmi qariyb 215,8 million dollarga yetdi, bu o‘tgan yilga nisbatan 13,3 foizga ko‘pdir, dedi bosh vazir Oqilbek Japarov o‘zbekistonlik hamkasbi Abdulla Aripov bilan uchrashuvda.

Uchrashuv ikki tomonlama hamkorlik boʻyicha hukumatlararo qoʻshma komissiya yigʻilishi doirasida boʻlib oʻtdi.

Qirg‘iziston bosh vaziri bugungi kunda mamlakatlarimiz transport va energetika sohasida Xitoy-Qirg‘iziston-O‘zbekiston temir yo‘li, 1- Qambar-Ota gidroelektr stansiyasi kabi yirik loyihalarni hamkorlikda amalga oshirayotganini eslatdi.

Oʻzbekiston Statistika agentligi maʼlumotlariga koʻra, ushbu davrda tovar ayirboshlash koʻrsatkichlari 418,9 million dollarni tashkil etgan boʻlsa, 2022-yilning shu davrida — 444,4 million dollarni tashkil etdi.

Yanvar-iyun oylarida ikki davlat o‘rtasidagi tovar ayirboshlash hajmi 484 million dollarni tashkil etgan bo‘lsa, bir yil avval bu ko‘rsatkich 587,3 million dollarni tashkil etgan edi.

Avvalroq, «Kursiv» Qirg‘iziston chorva uchun ozuqa eksportini to‘xtatib qo‘yishi mumkinligini yozgan edi.