Oʻzbekiston va Vengriya poytaxtlari aro toʻgʻridan-toʻgʻri reys qoʻyildi

«Qanot Sharq» aviatashuvchisi Toshkentdan Budapeshtga birinchi to‘g‘ridan-to‘g‘ri reysni amalga oshirdi. Bu haqda O‘zbekiston Transport vazirligi xabar berdi.

Oʻzbekiston aviatsiya maʼmuriyati delegatsiyasi Vengriya poytaxtiga reys orqali yetib keldi. Budapeshtda respublika vakillarining qabul qiluvchi davlatning tegishli departamenti mutasaddilari bilan uchrashuvi bo‘lib o‘tdi.

Vazirlikning eslatishicha, Toshkentdan Budapeshtga va teskari qatnovlar haftada bir marta Airbus A-320 samolyotlarida amalga oshiriladi.

«Qanot Sharq» saytida sentabr oyi boshida ushbu reys uchun bir tomonlama chipta narxi bagaj hajmiga qarab 3,5-4,6 million so‘mga baholangan.

«Kursiv» iyul oyi oxirida Toshkent va Budapesht oʻrtasida aviaqatnov yoʻlga qoʻyish rejalari haqida yozgan edi.