O‘zbekistonda birinchi raqamli podstansiya qurilmoqda

O‘zbekistonda birinchi yuqori voltli raqamli «Zafarobod» podstansiyasi qurilmoqda. Bu haqda «O‘zbekiston 24» telekanali xabarida ma’lum bo‘ldi.

Bu Sirdaryo va Jizzax viloyatlari energetika tizimini 500 MVtga qo‘shimcha quvvat bilan ta’minlaydi.

Podstansiya zamonaviy axborot texnologiyalari va boshqaruv vositalari bilan jihozlangan. Qurilish doirasida 288 kilometr uzunlikdagi elektr uzatish tarmog‘i qurilishi ham davom etmoqda.

Loyiha Shavkat Mirziyoyevning «2023-2025-yillarga mo‘ljallangan O‘zbekiston Respublikasi investisiya dasturini amalga oshirish chora-tadbirlari to‘g‘risida»gi qarori doirasida boshlangan.

Avvalroq, «Kursiv» Xitoyning Powerchina International Group Limited kompaniyasi Andijon viloyatida 400 MVt quvvatga ega quyosh elektr stansiyasini qurishini yozgan edi.