UzAuto Motors dilerlik markazlarida zudlik bilan shartnoma tuzish va yetkazib berish mumkin bo‘lgan avtomobillar mavjudligini ma’lum qildi.
Toshkent vaqti bilan soat 10:00 da 173 ta Equinox, 147 Malibu, 20 Traverse va 15 Tahoe modellari xaridorlarga taqdim etildi.
«Avtomobillarning ish vaqtida dilerlik markazlarida mavjudligi haqiqatda sotilgan avtomobillar soniga qarab farq qilishi mumkin», – deyiladi kompaniya bayonotida.
UzAuto Motors dilerlarda avtomobillar mavjudligini UzAutoSavdo ilovasi orqali tekshirish mumkinligini eslatdi.
Avvalroq, «Kursiv» avgust oyida UzAuto Motors korxonalari 41 mingdan ortiq avtomobil ishlab chiqarganini yozgan edi.
