Senatorlar hijob va ko‘pxotinlilik haqidagi bahsli qonunni ma’qullashdi
Oliy Majlis Senatining Sud-huquq masalalari va korrupsiyaga qarshi kurashish qoʻmitasi «Oʻzbekiston Respublikasining Jinoyat kodeksiga va Oʻzbekiston Respublikasining Maʼmuriy javobgarlik toʻgʻrisidagi kodeksiga oʻzgartish va qoʻshimchalar kiritish haqida»gi qonunni muhokama qildi va maʼqulladi. Oliy Majlis Senatining Sud-huquq masalalari va korrupsiyaga qarshi kurashish qo‘mitasi «Hijob va ko‘pxotinlilik to‘g‘risida»gi qonunni muhokama qildi.
Eslatib oʻtamiz, «Hijob va koʻpxotinlilik toʻgʻrisida»gi qonunda koʻpxotinlikni targʻib qilganlik, FHDYo boʻlimiga bormasdan nikoh marosimlarini oʻtkazish, erkak va ayol tengligini inkor etganlik, shuningdek, jamoat joylarida ruxsat etilmagan kiyimlarni kiyish uchun javobgarlik belgilangan.
Bundan tashqari, hujjat dini, millati yoki irqidan ustunlik yoki pastlikni targ’ib qilish uchun javobgarlikni belgilaydi.
Qo‘mita yig‘ilishida senatorlardan tashqari ekspertlar, Qoraqalpog‘iston va Toshkent viloyati parlamentlari vakillari, jurnalistlar ishtirok etdi.
Yig‘ilish ishtirokchilari FHDYoda ro‘yxatdan o‘tmagan diniy nikohlar ko‘plab ijtimoiy muammolarga sabab bo‘layotganini ta’kidladilar.
Bundan tashqari, ular blogerlar tomonidan dindorlar va dunyoviy turmush tarzini olib boradiganlar o’rtasida nizolarni keltirib chiqaradigan ma’lumotlarni Internetda joylashtirish holatlariga tobora ko’proq duch kelayotganini ta’kidlashdi.
Shu bois, qonun «jamiyatda millatlararo totuvlik va diniy bag‘rikenglikni mustahkamlash, dunyoviy qadriyatlarni asrab-avaylash va xotin-qizlar huquqlarini ishonchli himoya qilish»ga xizmat qiladi, deb xulosa qildi senatorlar.
E’tiborlisi, 2021-yilda O‘zbekistonda «Vijdon erkinligi va diniy tashkilotlar to‘g‘risida»gi qonunning yangi tahriri qabul qilinishi bilan avval amalda bo‘lgan jamoat joylariga hijobda chiqish taqiqi bekor qilindi.
