O‘zbekiston va Rossiya qancha qo‘shma loyihalarni amalga oshirishni rejalashtirmoqda?

Oʻzbekiston va Rossiya 60 ta loyihani amalga oshirish imkoniyatlarini oʻrganmoqda, deb xabar qildi Rossiya hukumati.

Gap sanoat kooperatsiyasi, xomashyo va tibbiy xizmat ko‘rsatish sohalaridagi tashabbuslar haqida bormoqda. Loyihalarning umumiy qiymati 2,2 trillion rublni tashkil qilishi kutilmoqda. (22 milliard dollar). Ayni paytda Rossiya Federatsiyasining 80 ga yaqin sub’ekti O‘zbekiston bilan hamkorlik qilmoqda.

Bu haqda O‘zbekiston Prezidenti Shavkat Mirziyoyevning Rossiya hukumati raisi o‘rinbosari – sanoat va savdo vaziri Denis Manturov bilan uchrashuvida ma’lum qilindi.

Mirziyoyev ayni damda Rossiyada rasmiy tashrif bilan boʻlib turibdi. Bir kun oldin u Tataristonga tashrif buyurdi, shundan so’ng u Moskvaga yo’l oldi.

«Kursiv» Rossiya va O‘zbekiston o‘rtasidagi tovar ayirboshlash har yili 20 foizga oshib borayotgani haqida yozgan.