Toshkentda naslchilikning yangi texnologiyalari markazi paydo bo‘ladi

2024-yilda Toshkentda Agroinnovatsiya markazi tashkil etilishi rejalashtirilgan. Uni ishga tushirishda Rossiya Qalmog‘istoni olimlari ishtirok etadi, deb xabar berdi TASS axborot agentligi.

«Biz O‘zbekiston Respublikasi Oliy ta’lim, fan va innovatsiyalar vazirligi bilan kelasi yili Toshkentda qo‘shma Agroinnovatsiya markazini tashkil etish to‘g‘risida shartnoma imzoladik», — deya Qalmog‘iston davlat universiteti rektori Badm Salaevning so‘zlaridan iqtibos keltirgan «TASS».

Markaz chorvachilik sohasida texnologiyalar yaratish, naslchilik bilan shug‘ullanish va chorvachilik bilan ishlashning yangi usullarini amaliyotga joriy etishini tushuntirdi.

Qalmoq davlat universitetida hududiy ilmiy-ishlab chiqarish markazi faoliyat ko‘rsatmoqda. Ular tashabbus doirasida uning texnologiyalarini O‘zbekistonga eksport qilishni rejalashtirmoqda. Qalmoq olimlari Toshkentda dars beradi va ilmiy ishlar olib boradi.

Qalmog‘iston universiteti, shuningdek, Toshkent davlat agrar universiteti bilan birgalikda fanni xalqarolashtirish va kadrlar tayyorlash yo‘nalishlarida loyihalarni amalga oshirishni rejalashtirgan.

Avvalroq Kursiv Toshkentda Beeline akademiyasi ochilgani haqida yozgan edi.