Eronning O‘zbekistondagi yangi elchisi tayinlandi

Muhammad Ali Eskandariy Eronning O‘zbekistondagi elchisi lavozimini egalladi. Bir kun avval O‘zbekiston tashqi ishlar vaziri Baxtiyor Saidov diplomatning ishonch yorliqlari nusxalarini qabul qildi.

Uchrashuvda Saidov va Eskandari ikki davlatning tegishli vazirliklari o‘rtasidagi hamkorlikni kengaytirish masalalarini muhokama qildi.

Bungacha Eronning O‘zbekistondagi elchisi lavozimini Hamida Nayerobodi egallab kelgan. U deyarli to’rt yil ishladi – 2019 yildan.

Muhammad Ali Eskandariy joriy lavozimga tayinlanishidan oldin Eron tashqi ishlar vaziri o‘rinbosari maslahatchisi bo‘lgan. Tashqi ishlar vazirligi markaziy apparatida boshqarmalarni boshqargan, Eronning Qozog‘iston va Ukrainadagi elchixonasining vaqtinchalik ishlar vakili lavozimlarida ishlagan.

Avvalroq, Eron turizm, madaniy meros va hunarmandchilik vaziri Seyid Ezatulloh Zarg‘amiy va O‘zbekiston Ekologiya vazirligi rahbari Aziz Abduhakimov o‘rtasida uchrashuv bo‘lib o‘tgan edi. Muzokaralar chogʻida Eron vakili Oʻzbekiston tomoniga ikki tomonlama viza tartibini bekor qilishni taklif qildi.