Qo‘shma Shtatlar O‘zbekistondagi bir kompaniyaga qarshi sanksiyalar kiritdi

AQSh Moliya vazirligi O‘zbekistonning Mvizion kompaniyasiga nisbatan sanksiyalar joriy qildi.

Korxonalar va tashkilotlarning yagona davlat reestriga ko’ra, kompaniya 2022-yil iyun oyida ro’yxatga olingan. Ustav kapitali Igor Ievlevga tegishli bo‘lgan 1 million so‘m. Shuningdek, u kompaniya rahbari hisoblanadi.

Mvizion elektron va telekommunikatsiya uskunalarini ulgurji yetkazib beradi.

Amerika agentligi, shuningdek, Pochta bank, Butunrossiya mintaqaviy taraqqiyot banki (RRDB), Rossiya standart banki va boshqa Rossiya tashkilotlarini qora ro’yxatga kiritdi. Jami 30 dan ortiq jismoniy va 200 dan ortiq yuridik shaxslarga nisbatan jazo choralari qo‘llanilgan.

AQSh Savdo vazirligi Mvizionga nisbatan eksport cheklovlarini ham kiritdi. O‘zbekiston kompaniyasidan tashqari Rossiyaning 12 ta tuzilmasi qora ro‘yxatga kiritilgan.

Joriy yilning fevral oyi boshida AQSh moliya vazirligi O‘zbekiston fuqarosi Maks Piflax va uning o‘g‘li Gilad Piflaxga nisbatan sanksiyalar joriy qilgan edi. Ular Rossiya harbiy-sanoat kompleksini qo‘llab-quvvatlash uchun sanksiyalardan qochgan jismoniy shaxslar va kompaniyalarning global tarmog‘ining bir qismi bo‘lganlikda gumon qilingan.

Avvalroq, «Kursiv» Yevropa Ittifoqi uchinchi davlatlarga eksport ustidan nazoratni kuchaytirganini yozgan edi.