Janubiy Koreyada robot odamni quti bilan adashtirib o‘ldirdi

Janubiy Koreyada robot odamni bir quti sabzavot bilan adashtirib bosib o‘ldirdi, deb xabar berdi Yonhap.

Marhum qirq yoshli robototexnika kompaniyasining xodimi bo‘lgan. U uskunani bir kun oldin tekshirgan edi – voqea sodir bo‘lishidan bir kun avval robotning sensori texnik nosozlikga uchragan edi.

Avtomatlashtirilgan mashina odamni ushlab oldi va uni konveyerga mahkamlab, yuzi va ko’kragini ezib tashladi. Jabrlanuvchi tibbiy muassasaga yetkazilgan, biroq shifokorlar uni qutqara olmagan.

Hodisa qalampir saralash zavodida yuz bergan. Mashinaning vazifasi qalampir qutilarini ko’tarish va ularni tagliklarga joylashtirish edi.

Avvalroq, Amerikaning Sweetgreen restoranlar tarmog‘i salatlar tayyorlashning avtomatlashtirilgan tizimi yordamida daromadini 3 %ga oshirgani haqida xabar bergan edik.