2025-yilda Rossiyaning Markaziy Osiyoga gaz yetkazib berish hajmi ortadi
Oʻzbekiston va Qozogʻistonga Rossiya xomashyosi yetkazib berishni koʻpaytirish maqsadida «Markaziy Osiyo – Markaz» gaz quvurlari tizimi kengaytiriladi, dedi «Gazprom» boshqaruvi raisi Aleksey Miller.
Miller «Izvestiya» nashriga bergan intervyusida Sankt-Peterburgda o‘tkazilgan xalqaro gaz forumida O‘zbekiston, Qozog‘iston va Qirg‘iziston bilan tizimni kengaytirish bo‘yicha memorandumlar imzolanganini aytdi. Bu ushbu mamlakatlarning birinchi ikkitasiga yetkazib berish hajmini oshirish imkonini beradi. Rossiya gazining Markaziy Osiyoning boshqa davlatlariga tranzitini taʼminlash masalasi ham koʻrib chiqilmoqda.
Korxona rahbarining aytishicha, gaz quvurlari tizimini rekonstruksiya qilishning birinchi bosqichi yakunlangan. Ikkinchisini yaqin ikki yil ichida yakunlash rejalashtirilgan.
«Bu gaz transport tizimi orqali Rossiya gazini teskari rejimda yetkazib berish hajmi bo‘yicha yanada ulkan maqsadlar qo‘yildi. Vaqt qat’iy: yetkazib berish 2025-yil 1-noyabrdan kechiktirmay boshlanishi kerak», — dedi Miller.
«Kursiv» oktyabr oyi boshida O‘zbekiston, Qozog‘iston va Rossiya rahbarlari mamlakatimizga gaz yetkazib berishni yo‘lga qo‘ygani haqida yozgan edi. 2023-yil oxirigacha O‘zbekiston 800 million kub metrga yaqin xom ashyo olishi kerak.
«Gazprom» iyun oyida O‘zbekistonga gaz sotish bo‘yicha shartnoma tuzgan edi. Hujjat ikki yil davomida amal qiladi. 2024-yilda Qozog‘iston, O‘zbekiston va Rossiya bu boradagi uzoq muddatli hamkorlik bo‘yicha yana bir shartnoma tuzishi kutilmoqda.
