Italiya O‘zbekistonning JST’ga tezroq a’zo bo‘lishini qo‘llab-quvvatlaydi

«Ko‘ksaroy» qarorgohida O‘zbekiston Prezidenti Shavkat Mirziyoyev va Italiya rahbari Serjio Mattarella muzokara o‘tkazdi. Italiya tomoni O‘zbekistonning Jahon savdo tashkilotiga muddatidan oldin a’zo bo‘lishini va Yevropa Ittifoqi bilan kengaytirilgan sheriklik to‘g‘risidagi bitimni qabul qilishni qo‘llab-quvvatlashga tayyorligini bildirdi.

Tomonlar ilgarigi kelishuvlar bo‘yicha erishilgan natijalarni ham muhokama qildilar. Joriy yil boshidan buyon o‘zaro tovar ayirboshlash hajmi 30 foizga oshdi. Qo’shma loyihalar portfeli 9 mlrd yevroni tashkil etdi. Savdo munosabatlarini rivojlantirish uchun yagona Kompleks dastur ishlab chiqish taklif etildi.

Davlat rahbarlari kelgusi yilda tashqi ishlar vazirlari darajasidagi Strategik muloqotning birinchi yig‘ilishini o‘tkazish va «Markaziy Osiyo – Italiya» muloqoti doirasidagi hamkorlikni davom ettirishga qaror qildilar.

Mirziyoyev Oʻzbekiston iqtisodiyotini optimallashtirish boʻyicha loyihalarga Italiyaning yuqori texnologiyali kompaniyalarini jalb qilishni taklif qildi.

Shuningdek, Toshkentda «Confindustria O‘zbekiston» sanoat uyushmasini ochishga kelishib oldilar.

Bundan tashqari, O‘zbekiston va Italiya mintaqalari forumini tashkil etish va uning birinchi yig‘ilishini kelasi yili Samarqandda o‘tkazish taklif etildi.

Taʼlim sohasida toʻxtash joyizki, davlat rahbarlari Turin politexnika universiteti negizida Italiyaning ilgʻor texnologiyalarini uzatish markazini ishga tushirish va qoʻshma taʼlim dasturini amalga oshirishga qaror qildilar. O‘qituvchilarni italyan tili bo‘yicha tayyorlashni davom ettirish va maktablarda bu til bo‘yicha darslarni bosqichma-bosqich joriy etish rejalashtirilgan.

Kelgusi yilda har ikki davlatda O‘zbekiston va Italiya madaniyat, kino va turizm kunlari bo‘lib o‘tadi.

Eslatib o‘tamiz, avvalroq AQSh O‘zbekistonning JST’ga a’zo bo‘lishini qo‘llab-quvvatlashini yana bir bor bildirgan edi.