Surxondaryo viloyatida zilzila sodir bo‘ldi
eʼlon qilindi
Magnitudasi 3,4 ni tashkil etdi
O‘zbekistonning Surxondaryo viloyatida payshanba kuni tongda zilzila sodir bo‘ldi. Yer silkinishlari soat 04:28 da Qumqo‘rg‘on tumani aholisi tomonidan sezilgan, deb xabar berdi Respublika Favqulodda vaziyatlar vazirligi Seysmik bashorat monitoringi markazi.
Zilzila epitsentri Toshkentdan 440 km uzoqlikda janubi-g‘arbiy yo‘nalishda joylashgan. Magnitudasi 3,4 ni tashkil etdi.
Seysmik bashorat monitoringi markazi bir oyda 41 ta, bir haftada 7 ta zilzila qayd etgan.
«Kursiv» O‘zbekiston hududida oxirgi marta zilzila noyabr oyining o‘rtalarida qayd etilgani haqida yozgan. Surxondaryo viloyatining Uzun tumanida ikki magnitudali yer silkinishi sezildi. Bu Tojikistondagi zilzila aks-sadolari edi.
