Qozog‘iston O‘zbekistonga yangi temir yo‘l qurishni boshladi
Qozog‘iston bosh vaziri Alixan Smoilov umumiy uzunligi 152 km bo‘lgan Darbaza-Maktaaral temir yo‘li qurilishini boshladi.
Yangi temir yo‘l liniyasining paydo bo‘lishi Qozog‘istondan O‘zbekistonga olib ketilayotgan yuklarning asosiy transport-logistika markazi bo‘lmish Sariog‘ash vokzalidagi tirbandlikni bartaraf etadi. Bugungi kunda stansiya yuk tashish hajmining ortib borayotganiga bardosh bera olmay, bor kuchi bilan ishlamoqda.
Qozogʻiston Respublikasi bosh vaziri ta’kidlaganidek, 2023-yil oxirigacha Oʻzbekiston bilan yuk tashish hajmi qariyb 31 mln tonnani tashkil etadi, bu oʻtgan yilga nisbatan 16% koʻpdir.
«Ushbu uchastkaning imkoniyatlarini kengaytirish, shuningdek, mamlakatimizning eksport va tranzit salohiyatini oshirish maqsadida biz yirik temir yo‘l loyihasi – Darbaza-Maktaaral yangi liniyasi qurilishini boshlayapmiz, – dedi Smoilov.
QTY mutaxassislarining fikricha, loyihaning amalga oshirilishi Oʻzbekiston Respublikasiga yuk tashish hajmini yiliga 10–14 mln tonnaga oshirish imkonini beradi.
Bundan tashqari, Darbaza-Maktaaral liniyasi Turkiston viloyatining ikki chekka tumani – Maqtaarol va Jetisayni mamlakatning qolgan hududlari bilan bog‘laydi.
Temir yo‘l ikki bosqichda quriladi. Birinchi bosqichda “Sirdaryo» stansiyasiga chiqadigan Yerdaut – Maktaaral – O‘zbekiston davlat chegarasi yo‘nalishi quriladi.
Ikkinchi bosqichda Oʻzbekistonning davlat chegarasi boʻlgan «Sirdaryo» stansiyaga chiqish mumkin boʻlgan Jetisay yonalishini foydalanishga topshiriladi.
152 km temir yoʻlni yotqizish uchun 19,7 ming tonna rels va 280 ming dona temir-beton shpal va relsli mahkamlagichlar kerak boʻladi.
Loyiha yakunlangach, ikki davlat chegarasida yangi nazorat-o‘tkazish punkti joylashadi.
