Silk Avia aviachiptalar narxini pasaytirdi

O‘zbekistonning Silk Avia aviakompaniyasi 40 foizlik chegirmalar joriy etilishini e’lon qildi.

Xususan, Toshkent-Samarqand oʻrtasidagi aviaqatnovlar 202 ming soʻmdan boshlanadi. Poytaxtdan Namangan, Farg‘ona, Qarshigacha – 188 ming so‘mdan. Toshkentdan Termizga, Urganchga – 295 ming so‘mdan. Navoiy va Buxoroda chiptalar narxi 215 ming so‘mga tushiriladi.

Bungacha aviakompaniya joriy yilning iyun, avgust va kuz boshlarida o‘z xizmatlari narxlarini pasaytirgan edi.

Silk Avia kompaniyasi Uzbekistan Airports tomonidan 2021-yilda tashkil etilgan. Joriy yilning aprel oyi oxirida u 12 mingdan ortiq odamni tashdi. Oktabr oyida aviakompaniyani «Uzbekistan Helicopters»ga oʻtkazish toʻgʻrisida qaror qabul qilingan edi.

Avvalroq, «Kursiv» avgust oyida Silk Avia iOS’da smartfonlar uchun ilovani ishga tushirganini yozgan edi.